الموضوع: ميزانية السكن والتنقل في بريطانيا المشوره

السلام عليكم ورحمة الله وبركاته ياحياكم الله


نويت نسافر مع اولادي نروح لبريطانيا نغير جو ونستانس ولدين فوق15سنه
لكن موضوع الميزانيه ,,,قلت اشوف قبل اتعلق بالتقارير وادري ماقصرتوا وبرجع لها ان شاء الله اذا اعتمدنا وحجزنا الطيران للجدول اليومي..........


نجي للرحله :
الرحله بشهر اغسطس تقريبا 13 الى نهاية الشهر او 2-3سبتمبر تقريبا 22يوم (ودنا نستانس ونريح بكل مدينه)
كم تتوقعون ميزانية السكن (السكن شقة تكون غرفتين ومطبخ )
.....
1/......اسبوع لندن.
2/.....3ايام البحيرات اعجبتني الصور كثييييير .
3/.....3ايام مانشستر - ممكن نلغيها-اذا تكلف التنقلات. .
4/.....مادري سمعت عن مدن قريبة من لندن تكون ساعه يقولون ريف لان اعرف ناس تدرس فيها _ بورموث_ واذا فيه شي زين ورخيص شوروا علي نبي نقعد فيها اسبوع
نرجع لندن يوم او يومين -باقي الايام-
-كم تتوقعون يكلف السكن -تقريبا-؟
-واذا احد يعطيني رواط نحجز اذا فيه شي رخيص الف شكر له .


.......وبالنسبه للتنقلات خايف انها تكلفنا كثير لاننا تنقلاتنا 4 مرات يعني ممكن توصل 5 الاف؟؟؟


واسف اذا طولت والله يجزاكم كل خير

مواضيع عشوائيه ممكن تكون تعجبك اخترناها لك:

• مساعده تكفون الله يعافيكم
• استفسار من اختكم لا تقصرون معي
• تقرير مختصر عن لندن ديسمبر
• استفسار عن السفر الى لندن
• استفسار مهم عن خطوات ومكان تحصيل التاكس فري من مطار هيثرو
• مطار هيثرو
• سفره الى بريطانيا انا والعائلة
• لا فيزا لبريطانيا للقطريين ؟
• استشارة عاجل بخصوص الفيزا
• ارجوا الدخوول بسرع وقت
• استفسارات ضروريه للأهميه ،، بخصوص السكن
• اللي يعرف عن فندق يفيدني أو يعطيني اسم فنادق عائلية
• لازم اعبي بيانات الفيزا كل شخص على حده
• شهر عسل في اوروبا بداية من لندن
• ارجوكم ساعوني المواصلات
• استفسار عن تجديد الفيزا السياحيه في جلاسكو؟
• الفيزا البريطانيه من مكتب الخبر
• سؤااااال محيرني ارجو الرد
• ديسمبر ولا يناير للتسوق
• اثبات الهوية اثناء التنقل للسياحة

يااخوان اذا صعب عليكم قولولي تقريبي او ممكن تقولولي اسوي شي عشان اعرف السعر التقريبي
...
والله يجزاكم خير

جدولك حلو يابوعبدالله

وابشر من يمشي معك خطوه خطوه ولو تبي لين باب الطيارة نودعك بعد


بس ياخوي اعذرنا شوي عطنا فرصة وابشر بالخير ابرجع لموضوعك وافيدك بالتفاصيل بأذن الله وانت حاول تقرا كم موضوع وتقرير وتأكد انك بتستفيد من هالتقارير الموجوده


والله يحفظك

الله يجزاك خييير ويكثر من امثالك ماقصرت والله ,,افا عليك ابد خذ راحتك
........
انا ماعندي مشكله بفصل التقارير ان شاء الله لكن اذا شفت الميزانيه وقررنا ع السفر لان البعض يقولي روح امريكا ارخص لك فزادت الحيره انا ماعندي مشكله اهم شي العيال ينبسطون
.........
دخلت كم موقع لحجز السكن بس مشكلتي اخاف تكون بمناطق غير آمنه لاني افضلالحجز من مواقع تحول مبلغ افضل من استخدام فيزة في موقع بوكنق لان قبل فترة شحنت الفيزة تقريبا 10 الاف وانسرقت الفين وحوسه البنك فكرهت الفيزه ..

السكن غالي في لندن يابوعبدالله يمكن يكلف عليك اسبوع حول ال 7 الاف ريال بالراحه بالنسبه لعددكم لكن لاتحاتي من هالناحية على قد الميزانية اللي انت حاطها بتلقى اللي تبيه مو شرط يكون في سنتر لندن

المواصلات جميعها اقل من 5000 ريال بتكلف عليك بس اهم شي عليك باختيار الاوقات اللي تكون رخيصه التذاكر فيها وهذا بيطلع لك في موقع الحجز ارخص سعر اختاره




ليش ماتخلي الوصول مانشيستر مثلا والعودة من لندن


يصير مانشستر 4 ايام او 5


بعدين الليك ديستريك 2 ليلتين كفايه او 3 بالكثير


وباقي الايام خلها في لندن وان حبيت اطلع من لندن للارياف القريبة تقضي النهار كله وترجع لندن زي برايتون ساعه ونص المشوار وتتمشون فيها وترجعون او وندسور وقلعتها الجميلة والريف المحيط
فيها


وفيه كثير اشياء على حسب اهتمامك واللي تبحث عنه في رحلتك ستجده بأذن الله وبأيسر الطرق




هذا مقترحي عليك وان حبيت نغير اي شي تبيه




هذا والله يوفقك واي سؤال آخر يابوعبدالله لايردك الا لسانك وانا اخوك حاضرين

ماقصرت والله يافارس الله يكثر من امثالك ,,,,,,,,,
والله انك شجعتني وشكلي بترك امريكا وان شاء الله تزين الامور هنا ,,,


يعني تقريبا لندن الليلة الف يعني اسبوع + يومين العوده يصير 9الاف
صحيح شوي غالي لكن اهم شي يكون الحي آمن تعرف عائله وليتك تعطيني رابط اللي شفته اذا ماعليك امر,,,
طيب زي هذي موقعها بعيد!
http://www.holidaylettings.co.uk/ren...-london/327045
بالنسبه للريف نبي نجلس اسبوع صحيح مافيه شي لكن نسوي القهوه ونجلس وهذي احلى متتتعه والحمدلله,,
شفت شقة في برايتون مدري لو فيه ارخص لان هذي 5 اشخاص سعرها:4.257 ريال
http://www.holidaylettings.co.uk/ren...nd-hove/249925


ونقول 4 ليالي مانشستر مدري والله وش الاحياء الامنه ماقدرت اسوي بحث..
...........
بالنسبه لتغيير المطار بالذهاب والعوده السعر يختلف لان انا محصل ذهاب وعوده 13 تقريبا
لكن يوم شفت ذهاب فقط لندن 11 !!! مدري اذا انا غلطان اذا فيه بحدود 14ذهاب وعوده مختلف زين,,
..........
وانا اشوف اني اكنسل البحيرات عشان تخف ميزانيه السكن :
اسبوع لندن
4 ليالي مانشستر
اسبوع برايتون
ليلتين لندن

شوف البوكنج وتخير بالغرف

رغم اني ماافضل البوكنق لانه فيزة ,,, طيب سؤالي اذا حجزت الفندق يخصم كل المبلغ؟؟ لان ناوي احط ع قد اللي يبونه لتفاديسرقة الفيزة اللي حصلت لي قبل كم شهر .....بالنسبة ل6 ليالي في لندن رشحوا لي الاافضل:
1/


http://www.booking.com/hotel/gb/appl...ml?aid=1329869
.
.
2/
http://www.booking.com/hotel/gb/lanc...ml?aid=1329869
.
.
3/


http://www.booking.com/hotel/gb/crom...ml?aid=1329869

بالنسبة للخصم يكون على حسب شروط الحجز اذا الغاء مجاني مايخصمون شي


والفنادق الاول والثالث استبعدهم يابوعبدالله بعيد جدا عن منطقة السنتر في لندن



الثاني افضل

واذا كان غير قابل للاسترداد ؟
طيب عندك اقتراحات اخرى للشقق؟ من الموبايل

اذا غير قابل للاسترداد بيخصمون المبلغ على طول

للاسف الشقق لا اعلم عنها يابوعبدالله


لكن عندك موقع هوم اواي شوف الشقق اللي فيه وراسل الاونر المالك شوف بكم سعره واذا ناسبك اعتقد تحوله مقدم وبعدين يرسل لك العقد واذا وصلت هناك يتم الدفع على حسب ماتتفقون يعني اسبوعي مثلا او يومي بكيفك


والله يكتب لك مافيه الخير

فيه فنادق ماتاخذ المبلغ الا اذا ماسويت كنسل لطلبك قبل الوصول ب 24 ساعه هنا ياخذونها

يعطيكم الف عافيه
ماقصرتوا من الموبايل

اذا ممكن اخذ رايكم شفت كوخ في منطقة البحيرات اعجبني الاطلاله وقالي طريقة الوصول له
There are trains to and from Penrith, 20 miles away and Kendal (Oxenholme) 15 miles away. There are buses to and from both these places to Orton
للي زاروا منطقة البحيرات هل هذه الطريقة متعبه ؟ شكرا لكم من الموبايل

هذي اسم المنطقة اللي فيها السكن:
penrith
معلومات :

Nearest Airport : Manchester at 90 Miles
Nearest Barpub : Orton at 0.25 Miles
Nearest Restaurant : Orton at 0.25 Miles
،،،،،،،،،،،،،
ويوجد كوخ اخر لكن صور الاول اعجبتني اكثر) منطقته : bowness windermere
..
Nearest Airport : Manchester at 90 Miles
Nearest Train : Windermere at 3 Miles
Nearest Motorway : Junction 36 M6 at 12 Miles
Nearest Barpub : Haybarn Inn-on site at 1 Minutes
Nearest Restaurant : Haybarn Inn-on site at 1 Minutes
،،،،،،،،،،،،،،،،
انا بكون جاي ان شاء الله من لندن ،،
وش افضل مكان من حيث سهولة التنقل بالقطار والباص والامان

وشككككرا من الموبايل