الموضوع: هل هذا سعر مناسب وردوا بسرعة الله يخليكم

مرحبا


حجزت سيارة تستقبلني من المطار ب124 ريال هنا معقول مو مشكلة


بس الذهاب للاسكندرية قالوا لي 453

وكذلك العودة للقاهرة 453


هذي الأسعار غالية أو معقولة



وش البديل لو كانت غالية كيف اروح لللاسكندرية لان التاكسي ماتصلح اخاف منها


وشكرا

مواضيع عشوائيه ممكن تكون تعجبك اخترناها لك:

• احتاج نصيحه في رحلتي لمصر
• كم تبعد مدينة اكتوبر عن القاهرة؟؟
• اريد شركة سياحيه تؤجر رحله كروز كامله من القاهره للاقصر واسوان
• اسفسارات بخصوص ام ادنيا
• فندق سفير الدقي
• أجنحة وشقق فندقية ستاى بريدج العالمية بسيتى ستارز
• استفسار عن الغردقة والاماكن فيها والسكن والجو العام
• لاهل الخبرة شقق القاهرة
• ابي مشورتكم دخيلكم
• مسافر لمصر
• أبغى رايكم
• أزعجتكم أستفار
• استفسار عن الشقق المفروشة
• خبرتكم ياشباب شرم الشيخ
• استفسار يااهل السفريات ضروري
• هل يحتاج المواطن المغربي تأشيرة لدخول مصر للسياحة؟
• ما هي اسعار التذاكر الرياض شرم الشيخ
• اخر استفسار الرحله اليوم تكفون
• استفسار لوسمحتو
• محتااجكم

السعر غالي خصوصا القاهرة الاسكندرية

بالقطار ارخص واسرع

اما الاستقبال في المطار اذا بيدخلك وياخذ عفشك من السير ترى الدلع برضو حلو

تروح بالقطار للأسكندرية درجة أولى مكيفة و راحة و آمان أكثر من طرق السفر
ب45 جنيه أو 50 بالكثيـر
أما بالمطار أكو خدمة ليموزين يوصلك لي فندقك أو شقتك ب80 جنيه (سيارة جديدة و مكيفة)

لاتنخدعون بالموزين سياره قديمه وامكسرة وبمطار القاهرة اجرت لموزين ولمن رحت بركبها ولا السياره كوريه وماتمشى والتكيف حار واخذو منى 75 جنيه يعنى لاتنخدعون بكلمه لموزين لموزين الخليج غير لموزين الى بالقاهرة

شكرا لاتجاوب الإخوان


بالنسبة للمطار تعرفون الواحد لسه واصل ومتلخبط شوي فمو مشكلة عندي اجرة الاستقبال


بس السعر الي بالاسكندرية غالي


الأخت الكريمة نصحتني بالقطار

هل يلزم حجز مسبق أو بنفس اليوم أروح

أرجو التوضيح ولاتواخذوني على الدلاخة:smile:


وهل يصلح استاجر سيارة توصل للاسكندرية بسعر ارخص من هناك ومن وين


وشكرا

المشاركة الأصلية كتبت بواسطة Ghaddour
http://www.arabtravelersforum.com/tr...4/#post3100824

كويت أكيد الليموزين غير
بس اهو مو يركب و خلاص لازم يشوف السيارة .. أهم شي أنا عندي انها تكون مكيفة و نظيفة ,, عاد كورية أو ألمانية مو مهم عندي و 80 أو 75 حلو .. التكاسي الهلكانة ياخذون هالسعر و أكثر

أخوي أناديكم
الأحسن انك تحجز قبلها بيوم (من محطة مصر) لأن الدرجة الأولى ما تلقى حجز بنفس اليوم
و مستحيل انك تلاقي سيارة توديك الاسكندرية أقل من سعر القطار
ترى أريح لك ياخوي و سهل ما فيه أي مشاكل .. لا وصلت محطة سيدي جابر بتلقى تكاسي برة واجد و سعر التاكسي بالاسكندرية أرخص من القاهرة حيــــــــــــــــل يعني أكثر شي ياخذ منك 10
أحجز القطار التوربيني و توكل على الله
محطة القطار قريب عند محطة رمسيس و أي تاكسي بس قوله يويدك محطة مصر .. مواعيد القطار مضبوطة دير بالك مو تتأخر





جزاك الله خير


بتوكل على الله


فهمت إني أروح قبلها بيوم لمحطة مصر واحجز


إذا قد سافرت بالقطار وش رايك حلو وممتع أو مرهق

ليطمئن قلبي

الف شكر

صارلنا الحين أكثر من 5 سنين نروح بالقطار من القاهرة إلى الاسكندرية و العكس
ما راح تحس بالارهاق أبد
تجي المحطة قبلها قول بنص ساعة أو ربع ساعة (بس لااا تتأخر) و تركب القطار .. الكراسي مريحة و مكيف و ما يوقف أبد .. يوصل بساعتين بالضبط .. تنزل من القطار على برة المحطة تاخذلك تاكسي
و الله انها أبسط ما يكون و مريحة جدا
تطمن و أنا أختك .. بس أهم شي احجز عالتوربيني درجة أولى و لا تحاتي أي شي

اخوي اناديكم 124 ريال ليه عسى ماشر يعني 184 جنيه وبعدين اللي اعرفه وفهمته منك انك بتكون في مصر الجديده او مدينة نصر وحتى لو بوسط البلد 70-80 جنيه ماتزيد وترى الامر بسيط من تطلع بتلقاهم قدامك حقين اللموزينات واذا ماعجبك غير وبتلقى 2009 بعد ومكيف ياخي خلك ذيب واعتمد على نفسك شوي تحياتي

المشاركة الأصلية كتبت بواسطة كريم سبله
http://www.arabtravelersforum.com/tr...4/#post3103524

اخوي اناديكم 124 ريال ليه عسى ماشر يعني 184 جنيه وبعدين اللي اعرفه وفهمته منك انك بتكون في مصر الجديده او مدينة نصر وحتى لو بوسط البلد 70-80 جنيه ماتزيد وترى الامر بسيط من تطلع بتلقاهم قدامك حقين اللموزينات واذا ماعجبك غير وبتلقى 2009 بعد ومكيف ياخي خلك ذيب واعتمد على نفسك شوي تحياتي





مشكور دوم راعي فزعة


لأن إحنا ثلاثة وعتيلة معنا شنط ووشوية عفش مو كثير و مدري عن سيارتهم

إذا الي اشوفها في المسلسلات مرح تشيلنا

لو فيه فانات حلو

مانصحتني بروحة الاسكندرية اروح بالقطار او ابحث عن نقل خاص وكيف

وترى خذت بنصيحتك وحجزت بترايمف اربع ليال طيلة ايام الدورة وسعرهم حلو مرة

وفعلا قالوا قريبة من عين شمس شكرا والله يوفقك

بس توضيح

الأخوان ينادوني بالأخ وأنا والله أختكم ماصححت هالمعلومة قلت كله واحد أخ أخت الهم الفائدة


بس عاد لما كثرت أسئلتي وكلها خوف قلت أوضح لاياخذون فكرة عن أبناء بلدي إنهم خوافين

وهم ذيابة على قولتك ياكريم سبلة:24:


أنا رايحة مع أسرة صغيرة و محرم صغير فعشان كذا اسال عن كل شي

وفقكم الله

يمكنجيت متاخر شوي لكن انا جربت الاتوبيس ب 40 جنيه حلو ومريح وتتابعون فلم والمسافه ساعتين تقريبا او تزود ربع سعه

والي ركبو القطار بعد يمدحونه بس خوذو vip سعره يمكن 50 جنيه

واذا بغيتو سيارة خاصه من مكاتب التاجير بس غالين كثير

اما من المطار الا سكنكم لاتدفعون اكثر من 80 جنيه

واهم شي توكلي على الله والله الله بالمكاسر لايغرونك بالكلام البرئ

رحلة موفقه باذن الله

أهلين عاشق الكيرو

حضورك بركة وخير

لو تعرف مكاتب تأجير سيارات حتى اسالهم لو صار سعرهم غالي بس معقول ممكن لاني مضطرة

ومرة اقول قطار فسعره حلو بس متخوفة ماقد ركبت قطار ومرة سيارة ولحد الحين ماجزمت

وشكرا جزيلا

بما أنج بنت و معاج عايلة ,, أنا اقولك ياخيتي انه احنا نفس الحالة
انا و اختي و الوالدة و اخواني الصغار 14 و 8 سنين
يعني احنا اللي نتعامل
بالمطار تاخذين فان مكيف 7 راكب ب80 جنيه و يكتبلج فيهم وصل و هو اللي ياخذ الجناط (الشنط) يركبها لج و ينزلها لا وصلتوا بالسلامة
أهم شي و انا اختج بما انكم بنات .. لا تناقشون و لا تدخلون بكلام معاهم لأنهم ما يخلصون و سوري يعني ما يستحون انتو حريم أو لأ ما يهمهم
انتي اذا ما عجبج سعر أي شي دوري وجهج عنه و توكلي على الله لا تناقشين

تريامف مصر الجديدة؟ مو بعيدة عن المطار أكثر من 80 ما ياخذ .. و مرة ثانية أقولج فان و مكيف بعد. قوليلهم بشوفه و ان ماعجبج لا تركبين

اما روحة الاسكندرية هم لا تخافين .. احنا نروح معانا أغراض و الله ساعات يوصلون 7 جناط بس عادي في حمالين ياخذون أغراضكم من السيارة و يركبونها القطار 10 جنيه الواحد بالكثير و اذا ما عجبه و قالج كل سنة و انتي طيبة و هالكلام قوليله و انت طيب و اسفهيه لأنهم ما يعجبهم العجب
و نفس الشي لما توصلون حمالي ياخذ اغراضكم و يوصلهم التاكسي

السوبر جيت اللي قالج عنه الاخ (الباص الكبير) صح مكيف و توصلين بساعتين بس يا اختي طريجهم و الله يخوف! و ما في أحد يشيل جناطكم
احنا رحنا فيه مرة و على حظنا لما وصلنا القاهرة كانت محطتنا محطة رمسيس و هو خرب في محطة قبلها .. اضطرينا ننزل بهالحر و نجر جناطنا لباص ثاني بهالخيسة و بعد تعب السفر
و الله انه القطار اريحلكم كعايلة.
اما السيارة الخاصة فهي مريحة أكيــد بس غالية حيل
و انتي شوفي اللي يعجبج و يريحج و سويه و انا اختك

المشاركة الأصلية كتبت بواسطة Ghaddour
http://www.arabtravelersforum.com/tr...0/#post3104300

بما أنج بنت و معاج عايلة ,, أنا اقولك ياخيتي انه احنا نفس الحالة
انا و اختي و الوالدة و اخواني الصغار 14 و 8 سنين
يعني احنا اللي نتعامل
بالمطار تاخذين فان مكيف 7 راكب ب80 جنيه و يكتبلج فيهم وصل و هو اللي ياخذ الجناط (الشنط) يركبها لج و ينزلها لا وصلتوا بالسلامة
أهم شي و انا اختج بما انكم بنات .. لا تناقشون و لا تدخلون بكلام معاهم لأنهم ما يخلصون و سوري يعني ما يستحون انتو حريم أو لأ ما يهمهم
انتي اذا ما عجبج سعر أي شي دوري وجهج عنه و توكلي على الله لا تناقشين

تريامف مصر الجديدة؟ مو بعيدة عن المطار أكثر من 80 ما ياخذ .. و مرة ثانية أقولج فان و مكيف بعد. قوليلهم بشوفه و ان ماعجبج لا تركبين

اما روحة الاسكندرية هم لا تخافين .. احنا نروح معانا أغراض و الله ساعات يوصلون 7 جناط بس عادي في حمالين ياخذون أغراضكم من السيارة و يركبونها القطار 10 جنيه الواحد بالكثير و اذا ما عجبه و قالج كل سنة و انتي طيبة و هالكلام قوليله و انت طيب و اسفهيه لأنهم ما يعجبهم العجب
و نفس الشي لما توصلون حمالي ياخذ اغراضكم و يوصلهم التاكسي

السوبر جيت اللي قالج عنه الاخ (الباص الكبير) صح مكيف و توصلين بساعتين بس يا اختي طريجهم و الله يخوف! و ما في أحد يشيل جناطكم
احنا رحنا فيه مرة و على حظنا لما وصلنا القاهرة كانت محطتنا محطة رمسيس و هو خرب في محطة قبلها .. اضطرينا ننزل بهالحر و نجر جناطنا لباص ثاني بهالخيسة و بعد تعب السفر
و الله انه القطار اريحلكم كعايلة.
اما السيارة الخاصة فهي مريحة أكيــد بس غالية حيل
و انتي شوفي اللي يعجبج و يريحج و سويه و انا اختك





ماقصرت والله خففتي شوي والأخوان كلهم ماقصروا بعد

الي قررته أني مرح أدفع حجوازات للسيارة من هنا عشانها غالية وبتوكل على الله وخلي كل شي بظروفه

أهم شي لما أوصل بركد في اختيار السيارة

ولاسكندرية لو أخذت سيارة خاصة باخذها من هناك أو بالقطار لأني بروح له وبشوف كيف المحطة

ياربي يوفق كل من علق وأجاب وشارك

كلكم كذا:24:

المشاركة الأصلية كتبت بواسطة أناديكم
http://www.arabtravelersforum.com/tr...9/#post3103939

مشكور دوم راعي فزعة


لأن إحنا ثلاثة وعتيلة معنا شنط ووشوية عفش مو كثير و مدري عن سيارتهم

إذا الي اشوفها في المسلسلات مرح تشيلنا

لو فيه فانات حلو

مانصحتني بروحة الاسكندرية اروح بالقطار او ابحث عن نقل خاص وكيف

وترى خذت بنصيحتك وحجزت بترايمف اربع ليال طيلة ايام الدورة وسعرهم حلو مرة

وفعلا قالوا قريبة من عين شمس شكرا والله يوفقك



الله يوفقك وحاضرين للطيبين اسكندريه رح وانت مغمض بتنبسط وبتلقى فرق بينها وبين القاهره

ورح بالقطار افضل لك بمليون مره بس خذ درجه اولى ...