الموضوع: إستفسار عن شرم الشيخ أرجو الرد بسرعة

السلام عليكم .. ماودي أطول .

السفر للشرم إن شاء الله بكرة الإثنين الساعة 8:00 صباحاً ومدة الإقامة ثلاثة ليالي ..

التذكرة والفندق تم دفعها وصارت خارج الميزانية .. روحتي أتوقع ماراح تشمل أي رحلات أو نشاطات داخل الجزيرة .. يعني إستجمام و سهر بالليل بالمطاعم والقهاوي .

السؤال الآن ... كم الكاش المناسب لثلاثة ليالي ؟

وهل أفضل إني أصرف جنيهات قبل لا أسافر أو أصرف من هناك ؟

ثاني شي محتاج أصرف مبلغ 300 جنية للتكسي من المطار ولأي شيء طاريء .. وين ألقى صراف جنيهات بالرياض ؟ لأني سألت أكثر من بنك وماحصلت عندهم ..

أتمنى الرد بسرعة وشكراً لكم ..

مواضيع عشوائيه ممكن تكون تعجبك اخترناها لك:

• شقه في القاهره
• خريطة مرسي علم
• ابي رأيكم في الفندقين؟؟؟؟
• استفساراتي حبايبي
• ممكن مساعدة لو تكرمتو
• أرجوكم مساعدة ضرورى جدا
• القاهـــــــــــــــــــره
• للمسافرين لمصر
• اريد اقرب فندق لميدان صلاح الدين
• رايح مصر ومحتاجكم
• فندق كونرااااد بحاجة لإجابة عاجلة مشكورين
• ارجوا التوضيح بالصور
• فزعة شهر العسل
• الرجاء الرد للاهمية
• إستفسار عاجل
• ممكن التوصيل من المهندسين لستي ستارز
• طلب مساعدة لاهنتم
• لاتدخل امزح معك تكفون
• هديتي الخاصةلجميع الاخوان والاخوات الاعزاء
• طلب من تونس اسعار ايجار الشقق معقولة الثمن في القاهرة

للرفع .. باقي ثمان ساعات عالرحلة ..

أنقذوني .. لو إني معرف نسائي ماسويتو فيني كذا

-لصرف الجنيهات اي بنك الراجحي والذي في المطار ولكن الافضل الا تعتمد علية
- بامكانك صرف مبلغ بسيط كمصروف تاكسي او اكا او شرب كاحتياط والباقي هناك
- الميزانية حسب طريفة صرفك ممكن 500 جنيهة يوميا وممكن ان تصل الى 2000 جنيه


بالتوفيق

اول ماتوصل طيارتك في مطار شرم واتنزل القاعه بتلاقي بنوك قبل الجوازات اصرف 500 ريال لجنيهات

واعتقد مصروفك اليومي من 500 ل700 جنيه باليوم


تحياتي وسلم على شرم وعلى مقهى علاء الدين

ونبغى تقررررررررررررررررررررررررررير كله صور

Hussamy , سعودية تعشق مصر

الله يعطيكم العافية ..





لصرف الجنيهات اي بنك الراجحي والذي في المطار ولكن الافضل الا تعتمد علية



للأسف كانت النصيحة متأخرة وماكان فيه وقت .. ما استوعبت هالشي إلا بعد ماصرفت منه .. كنت توني صارف وأنا عند البوابة أنتظر ركوب الطيارة قلت بأفتح النت أشيك على سعر الصرف , وللأسف الراجحي اللي بالمطار كان حرامي .

بالنسبة لي ثلاثة أيام كانت كافية جداً لشرم الشيخ وللتعرف عليها .. مع إني ما أتوقع إني راح أكرر تجربة شرم أو مصر مرة ثانية لكني غيرت جو وطلعت من الرياض المزعجة وهذا بالنسبة كافي ..

Hussamy , سعودية تعشق مصر

مشكور مرة ثانية والله يجزاكم خير ..

اخوي عندي استفسار بخصوص شرم الشيخ ياليت تفزعلي

وش قلت؟

الصرافة اتوقع لو تصرف من ديرتك افضل او بامطار ماكو مشكلة
و شرم جميلة جدا بس للي يكون مسافر متألق فقط مو اي شخص
يروح عل عماها شوف تقريري عن شرم الشيخ و انشاء الله تعرف الاماكن السياحية في شرم

ولو اني جيت متاخر بس ما علية

كويتي بنفسجي حياك الله ..





و شرم جميلة جدا بس للي يكون مسافر متألق فقط مو اي شخص
يروح عل عماها



أفا .. يعني أنا مو متألق

حبيبي أبيك تشرح لي وش معناة مسافر متألق ؟ هالوصف جديد علي ..





شوف تقريري عن شرم الشيخ و انشاء الله تعرف الاماكن السياحية في شرم



رحلتي للشرم كانت إستجمام .. إستجمام , ماكنت ناوي أقوم بأي نشاطات لأني توني منتهي من إجازة شهر سويت فيها كل النشاطات البحرية , روحتي للشرم كانت لأنه باقي لي 4 أيام بإجازتي وتحسفت أقضيها بالرياض .

عموماً مع إن روحتي كانت للإستجمام لكنها للأسف ماكانت .. وبما إنك جرجرتني بالكلام وإتهمتني إني مسافر غير متألق راح أقول كل الأشياء اللي شفتها برحلتي و والله ماراح أكذب عليكم .

أولاً .. المطار بالرياض .. عند الكاونتر حق شحن العفش جلست أكثر من ساعة , والسبب اللي قدامي كانو يتكلمون مع حق العفش يبون يشحنون كيلوات زيادة ببلاش .. ومع إن الموظف يقولهم مافيه إمكانية إلا إنهم مصممين ومعطلين العالم اللي وراهم .

ثانياً .. عند الإستراحة اللي قبل ركوب الطيارة , وحدة ضيعت ولدها وقامت تصارخ بالمطار بأعلى صوتها .. مصطفى يا مصطفى .. وقامت تلطم وتضرب في نفسها و تولول وبالأخير الولد مابعد عنها ولا 10 متر !

وصلت الشرم .. عند تختيم الجوازات وقفت بالسرا ويجي واحد ويسقط علي ويوقف قدامي وأكلمه يالأخ وين رايح .. فيه سرا .. بكل بجاحة مطنشني ولا كأني موجود .. قمت وسقطت عليه .. شوي ولا جاية عائلة بكاملها 4 أطفال وأبوهم وأمهم وسقطوا على السرا كله !! ألتفت وراي وألقى الأجانب فاطسين ضحك :gathering .

صراحة ضاق صدري بس أكثر شي ضيق صدري إن الأم كانت مصرية منقبة .. وكأنها كانت تتعمد تشوه صورة الإسلام وتبين بأن المحجبة وحدة متخلفة ماتعترف بالنظام ولا تحترم الناس اللي واقفين بالسرا .

خلصت من الجوازات والي ختم لي جوازي رتبته عميد !!! .. المهم وأطلع ولا فيه قبل العفش شرطي يمسك جوازي ويدقق بالمعلومات وإزايك يابيه وربنا يكرمكوا يبغاني أعطيه شي وماعطيته , بالأخير عطاني جوازي من غير نفس .

أخذت تكسي بـ 120 جنيه .. والغلطة غلطتي لأني نسيت أسأل بموضوعي ذا كم يكلف التكسي ؟

المهم وصلت الفندق .. كان حجزي بالهيلتون .. وعن طريق الإكسبيديا .. موعد وصولي كان 11:00 الصبح .. و الـ check inn الساعة 2:00 الظهر , لكن إذا كان وصولك بدري ممكن تسوي request وتعطيهم خبر علشان يجهزون لك الغرفة من بدري .. سويت طلب وأرسلته لهم إني راح أوصل الساعة 11:00 .. وصلت وقال لي موظف الرسبشن لسا بدري والـ check inn الساعة 2:00 .. قلت لهم إني معطيكم خبر ومسوي طلب قال لي ماجانا شي ! .. طبعاً كنت متوقع مثل هالنوع من العباطة علشان كذا طبعت الورقة اللي تثبت إني طلبت هالشي وطلعتها له .. قالي طيب إستريح نص ساعة إلين ماتجهز الغرفة .. راحت نص ساعة وناداني , توقعت إنه بيقولي الغرفة جاهزة لقيته يقول لي "بص .. عندي ليك أوضة .. على البحر محصلتش , بس إدفع 35 دولار زيادة وأنا أديلك هي وهي جاهزة دلوئتي" قلت له "ما أبغاها .. أبغى غرفتي اللي طلبتها!" .. قالي " طيب .. بيقى حتستنى زيادة " قلت له " ماعليه .. حستنى !" شوي والا هو يناديني وقالي " الغرفة جاهزة وأنا توصيلتك فيها ياباشا " قلت يالله توكلنا على الله .. مواصفات الغرفة بحجزي كانت غرفة على المسبح و سرير كنج سايز وكنب .. لقيت غرفتي سريرين كل سرير فيهم سرير صغير والغرفة مافيها كنب ! .. رفعت السماعة و إتصلت على الرسبشن وقلت هذي الغرفة اللي متوصي فيها ؟! قالي " أيوه إيه المشكلة ؟" قلت له " السرير موك دبل مو كينج سايز" قال لي " لزقهم ببعض !!! " قلت ما أبيها ولا راح أجلس فيها لو إيش .. قالي " يبئى كدا حتستنى تلات أربع ساعات كمان !! " قلت " معليش حستنى " .. قالي طيب تعال الرسبشن .. رحت وأول ماوصلت بكل بجاحة خذا مفتاحي وعطاني مفتاح غرفة ثانية بنفس المواصفات اللي طلبتها مع إنه قبل شوي يقول لي حتستنى تلات أربع ساعات زيادة !

جلست بالغرفة وكلمت الرسبشن أبيهم يجون يشيلون الثلاجة من المشروبات الكحولية اللي فيها .. قالوا طيب بنجيك وماجو .. والظاهر إلى يومك والله العالم محد جا

خارج الفندق المناظر جميلة , والبحر حلو .. لكن الشكل الخارجي مو كل شي .. تلقى فنادق و محلات ومطاعم ديكوراتها جميلة لكن اللي يشتغلون فيها غير نظيفين .. يدينهم غير نظيفه , أسنانهم غير نظيفة , شكلهم الخارجي غير مرتب ماعدا القليل . ولها السبب شي طبيعي يكون الأكل اللي تاكله غير نظيف .. وطبعاً ماسلمت من التسمم بعد أكلي أحد الوجبات !

بالنسبة للتعامل مع السائح .. فيه تفرقه بين السائح الخليجي والعربي وبين السائح الغربي بخصوص الأسعار والتعامل معك .. يعني على سبيل المثال كنت بادخل مطعم الـ hard rock ويجي بودي قارد ويحط يده على صدري ويقولي على فين ؟ قلت بأدخل .. قالي ممنوع ! .. أفا ! ليش طيب .. قالي كبلز قلت له ليه كبلز !! قالي هو ده النظام .. قلت له دخلت 20 هارد روك قبل هذا .. هارد روك هيوستن و سان أنتونيو ودالاس و لندن ومانيلا ومانشستر و ميونخ وهذا أول واحد يقولي couples ! أنا زبون وسائح كيف تمنعني إني أدخل ؟ قال لي ده نظام وزارة السياحة مش من عندنا .. طبعاً كل هذا يلمح لي أدفع بس إني ماعطيته شي ومشيت . ( هالسالفة علمتها واحد من ربعي يعرف يطقطق كم كلمة يوناني , يقول لي قد سوها معي وسويت نفس أجنبي وقالي إنت منين قلت لهم من اليونان قام سألني سؤال باليوناني وجاوبته قام دخلني بلحالي !)

وعلى طاري الأجانب .. صحيح إن الـ western people كثيرين لكن واضح من تصرفاتهم إنهم من طبقة متدنية أخلاقيا وثقافياً ..

طبعاً الإسترخاء على البحر وقراية كتاب كان أحد أهم خططي لكني للأسف ماتهنيت فيه .. تشوف مناظر مزعجة بصراحة .. على سبيل المثال فيه عائلة خليجية وماودي أذكر من أي بلد خليجي علشان ما تصير حزازيات .. أربع أمهات وخمس خدامات و 1000 بزر ! الأمهات للأسف بالبكيني و السجاير والشراب على البحر .. وأغاني على أعلى صوت .. هالمناظر تشوفها من الأجانب تستحملها وتقول الشي من معدنه لا يستغرب .. وحتى لو شفتها من الأجانب لكنك ماتشوف منهم إزعاج .. تلقى كل واحد منهم بحاله .. لكن ربعنا قالبينها صياح على البزران والشغالات و رقص وشكشكة .. والمشكلة كل ماخذت لي غفوة تسمع صوت عمال البار اللي جنبي يتهاوشون .. والهواش ذا بكل مكان .. عمال المطعم يتهاوشون .. عمال القهاوي يتهاوشون هههههه سافرت شرق وغرب بحياتي ماشفت موظفين يتهاوشون قدام الزباين إلا بشرم الشيخ .. قلت هالمعلومة لواحد من الشباب قالي أجل لو تروح القاهرة وش بتقول

المهم .. المشاكل اللي حصلت لي ماكانت مشاكل كبيرة لكن مثل هالأشياء ماتشوفها بمكان ثاني . خصوصاً إني توني جاي من رحلة لجزر في شرق آسيا وفررررررررق السما عن الأرض بين شرم وبين شرق آسيا من ناحية أدب الموظفين والخدمات والأسعار والأكل والنظافة .

عموماً المشكلة الوحيدة اللي كانت جدية بالنسبة لي كانت مشكلة التسمم اللي تعبت منه بصراحة . بس بالنهاية الحمد لله على كل حال .

هذا رأيي وأتمنى إنه مايزعل أحد ..