الموضوع: اللي يعرف عن فندق يفيدني أو يعطيني اسم فنادق عائلية

السلام عليكم ورحمة الله وبركاته،،،
أعضاء وزوار المنتدى الكرام
اللي عنده معلومة عن فندق Blakemore Hyde Park أو سكن فيه يفيدني الله يجزاه خير، لأني قاعد أفكر مع زوجتي وبنتي اللي راح يكون عمرها سنة وحده وقت السفر نروح لندن في شهر سبتمبر وللحين ما استقرينا ع فندق ومن ضمن الفنادق اللي جفتهم هذا الفندق من حيث الصور والتقدير في موقع بوكينق يبين إنه زين بس حاب أجوف آراء الأعضاء والزوار الكرام فيه لأني ما استغني عن نصايحهم المفيده ومعلوماتهم الرائعه...

طبعاً للمعلومية إحنا ودنا نسكن في فندق كمبرلاند أو تشرتشل بس سعرها مبالغ فيه شوي في الفترة اللي راح نروح فيها...

وإذا حد مجرب فنادق ثانية وجريبه من شارع أوكسفورد يخبرني عنها ومناطق التسوق يفيدني بها، لأني رحت لندن أكثر من مره بس تجاربي مع الفنادق مو ذاك الزود - يعني من بين سفراتي كان فندق واحد عجبني وهو فندق السفير بس كان في منطقة ايرل كورت وهي منطقة بعيدة عن شارع أوكسفورد والمناطق المحيطة به..

ولكم جزيل الشكر مقدماً..

مواضيع عشوائيه ممكن تكون تعجبك اخترناها لك:

• مساعده بالسكن والاماكن السياحيه
• استفسار رحلة الى لندن و ادنبرة لمدة اسبوع مسافر لوحدي
• ايش رايكم في هالفندق
• لندن البحيرات مانشستر
• استفسار بخصوص السفر إلى لندن
• رحلة اسكتلندا
• كيف اسجل واخذ سيكل ف لندن
• بلف راسكم مرة ثانية درجة هالمرة السفاري في ونسبيد
• استفسار عن الباص السياحي ف يلندن
• شو رايكم بهالجدول يصلح اعتمده واللا؟؟؟؟؟؟؟؟
• أهم الاماكن السياحيه في لندن ( ج1 )
• بخصوص الفيزا البريطانيه
• استفساره بخصوص بريطانيا
• استفسار عن فندق
• مساعدة بخوص السكن في لندن ’
• سكن عوائل في لندن عمارة العوازم ومريم
• مساعده بخصوص مسرحيه ليون كينج في لندن
• المشرف ابو عبدالله تفضل
• اهم الاسواق في لندن
• اهل الخبره بخصوص الزواج من بريطانيه من فضلكم

حنا حجزنا فيه وللحين ماعرف عنه كثير بس دخلت من قوقل ايرث اشوف موقعه لا بأس
بس بعيد عن محطات وقوف الباصات وحصلت بالبوكنج ناس تمدح فيه بالتعليقات من ناحية الخدمه وو
ان شاء الله يفيدونك الي جربوه

وعليكم السلام ورحمة الله وبركاته

هلا وغلا الغالي

الله ايخلي لك العروسه الصغيره وتفرح فيها ان شاءالله ..

ممكن اتحدد الميزانيه وكم ليله وبنشوف المتوفر ان شاءالله

وفالك طيب ..

وتحت امرك الغالي

تسلم يالغالي العمده (القطري)، وحيالله أخوي مشاري، شاكر لكم الرد ع استفساري

أخوي الغالي (القطري) لك جزيل الشكر وعظيم الامتنان مقدماً ع تحملك مسئولية مساعدتي، وتسلم ع الدعاء لبنتي وربي يحفظك ويحفظ أهلك إن شاء الله

طويل العمر بتكون ميزانية سفرتي بكتبها بالقطري (25) ألف ريال خصصت منها ما بين (12) إلى (14) ألف حق تذاكر السفر والفندق ...

والفترة بتكون من تاريخ 9/1 إلى 9/8

وودي اسكن في فندق قريب من شارع أوكسفورد وشارع العرب خصوصاً إن آخر رحلة مع زوجتي سكنا في منطقة بايز وتر وبينها وبين الماربل آرتش مسافة 10 إلى 15 دقيقة مشي (والفندق كان غلطت عمري إني اخترته) وإللي قبلها سكنا في منطقة ايرل كورت وهي منطقة بعيدة وايد عن الماربل آرتش ...

وتحياتي لك يالغالي من الموبايل

تحت امرك الغالي والشكر لــ الله سبحانه

ماعليك امر وتحملني اشوي بس كم المبلغ المخصص للفندق عشان اقدر احدد

هلا العمدة لعوزت الرجال لوول

المشاركة الأصلية كتبت بواسطة موادع1
http://www.arabtravelersforum.com/tr...8/#post7627728

هلا العمدة لعوزت الرجال لوول

ههههههههههههههههههه الكبر شين لازم يدقق

صباح الفل

ههههههههههههههههههههههههههههههه

احس اني صرت معقد ^+*

المبلغ حق الفندق يا طويل العمر ما بين 6000 و 7000 من الموبايل

هلا وغلا الغالي

لقيت ماشاءالله كذا فندق ولك الخيار

http://www.booking.com/hotel/gb/this...X1&aid=1329869


http://www.booking.com/hotel/gb/shaf...X4&aid=1329869


http://www.booking.com/hotel/gb/gran...X8&aid=1329869


http://www.booking.com/hotel/gb/pres...X9&aid=1329869


الفندق الثاني دوم اسكن فيه ..فندق حلو ونظيف والنت فري وفيه مكيف وسعره حلو ومصنف 4 نجوم ..ومكانه يعتبر في نص ادجول رود

واي خدمه احنا تحت امرك الغالي

الله يعطيك العافيه يالعمده وما قصرت، وشورك وهداية الله شكلنا بناخذ الفندق الثاني اللي قلت عنه... لأن يهمني إن يكون الفندق مجرب وثقة...

ومره ثانية مشكور وما قصرت يالغالي من الموبايل

وعندي بعد 3 فنادق حصلتها بنفس مستوى الفندق اللي قلتي عنه - ومن ضمنهم فندق The Cumberland - A Guoman Hotel - وبإذن بجوف الأنسب لنا وبنتوكل على الله...
تحياتي لك ولك من شارك في الرد على استفساري