المشاركة الأصلية كتبت بواسطة سهم مبارك
http://www.arabtravelersforum.com/tr...1/#post2160161

تحياتي ,,,

الاخت nojood_22 .. شوفي وانا اخوك .. بأعطيك طريق تروحين معه وطريق ترجعين معه .. بس ابي أعرف كم يوم بتقعدون ..
لكن بأبدى في الجدول .. الين اشوف كم يوم بتقعدون .
الأخ زوج الاخت nojood_22 .. تحية طيبة وبعد :
تمسك ياطويل العمر خط السريع الساعة 2 ظهراً يوم الخميس إلي يطلعك على حمص وبتروح شمال بتمشي حوالي 160 إلى 170 كيلو .. بس الخط يفتح النفس خضرة عن اليمين وعن الشمال .. بس ترا خطوطهم ما فيها عيون قطط .. وانتبه من الحراثات الي تطلع من جنبات الطريق ..( في الليل لا تروح ) . على العموم انا أقول حمص ما تستاهل الوقفة وراجعين لها على العموم في الرجعة . في هذا الطريق بتلقى محطات بنزين وآماكن راحة ومطاعم يعني وقف وعين من الله خير وتغد واشرب لك شاي . ثمن أركب سيارتك .:101:
قبل ما تدخل مدينة حمص بخمسة كيلو بيجيك كبري مكتوب على اللوحة اللاذقية إطلع معه ويصير وجهك غرب .. وحط رجلك (يعني لا تتعدى 140 ) .. أمش لين تجيك لوحة مكتوب عليها طرطوس .
جتك طرطوس بتكون على يدك السيار يعني على البحر .. أدخلها واسأل عن الطريق الي بيوديك لجزيرة ( أرواد ) بتكون الساعة 5 إلى 5.30 واصل ذيك الديرة .. انزل من السيارة ومعك عيالك مهوب تخليهم في السيارة لأنهم يبون يتمشون مثلك:114: . انزلوا وروحوا إلى اللانش ( القارب الصغير) يركبكم ويوديكم للجزيرة تبعد تقريباً بالقارب 15 دقيقة .. وبتكون الشمس خافة .. روحوا ولفوا في هالجزيرة على رجليكم وخذوا لكم بوضا ( أيس كريم ) . ثمن ارجعوا لنفس المكان الي نزلتوا منه وعطوه المبلغ الي وصلكم به يمكن للشخص 25 ليرة أظاهر ناسي كم المبلغ .
ثمن أرجعو لسيارتكم واركبوا وتفقد عيالك لا تكون ناسي أحد :110::110: .وارجع للخط السريع الي جيت منه واتجه شمالاً .. يبقى على اللاذقية تقريباً 80 كيلو .
انطلق وشق اللاذقية متجهاً إلى الشاطئ الأزرق بالمارية بيجيك دوار كبير عنده سوق شعبي ( بنرجع لهذا السوق لشرحه ) هذا هي منطقة الشاطئ الأزرق أنت مخير تروح سيدة وبيجي في وجهك فندق الشام أو ترجع شوي وتجي مع الدوار وتروح يسار بيصير وجهك غرب .. تمشي شوي بيجيك فندق المارديان اللاذقية على يسارك .. أنت مخير تسكن فيه ولا حط رجلك سيدة بيصير على يسارك ويمينك شاليهات الأفضل تستاجر من الي على اليسار لأن الشاطئ ترابي .. الي على اليمين حصى والله ان تتكسر رجليك علشان تسبح .. أحجز فقط يومين يعني السبت طالع من اللاذقية .

وراجع لك إن شاء الله
تحياتي



اخي سهم مبارك انت خبرة ماشاء الله عليك راعيها والله الله يعطيك العافية

مواضيع عشوائيه ممكن تكون تعجبك اخترناها لك: