الموضوع: رحلة مدة يوم محتاج خبراتكم تكفووون

أولا حاب اشكر كل القائمين على هذا المنتدى العملاق

فعلا استفدنا الكثير وما زلنا نستفيد من جميع ما يقدمه المنتدى الرائع




يا أخوان انا مسافر عا لندن في تاريخ 9 مايو 2013 وظطر راح اجلس في لندن الين تاريخ 14 مايو حتى انتهي من كافة الامور المتعلقة في العمل


وبعد كذا عندي اجازة وتنتهي في تاريخ 23 مايو


ياليت تدلوني وين اروح الى دول اروبا اللي حول لندن




طبعا الذهاب راح يكون الرياض لندن


العودة ؟؟؟؟ الرياض




اتمنى المساعده ودمتم بالف صحة وعاااافية

مواضيع عشوائيه ممكن تكون تعجبك اخترناها لك:

• برنامج لمدة يوم
• طبيعة ويلز
• ذكروني الله يعافيكم بمحلات اكسفورد سيركس
• استفسار عن الفيزا
• التاكس فري في لندن
• أسعار الصيف الرياض لندن مشعللة نار أمور أخرى
• العيال وأمهم بيسافرون بنفسهم إلى بريطانيا نصايحكم
• موقف
• شقق الماي فير بلندن قرب شارع اكسفورد
• احتاج مساعدة لرحلتي الاولى للبريطانيا ومابقي وقت للسفر
• استفسار . ايهما افضل سياحياَ ايرلندا أم اسكتلندا
• استفسار بخصوص الباص السياحي و الامكان السياحية
• ماريوت بركلين في لندن
• وين افضل الاماكن في برمنجهام
• قرية اكسترافلج
• استفسارات لسفرة لندن
• افضل الفنادق في بريطانيا
• استفسار عاجل من أهل الخبرة
• بورنموث احتاج فزعتكم عاجل
• تقرير رحلتي الى سويندن

عليكم السلام ورحمة الله وبركاته

بلامكان تخليها لندن - باريس - الرياض

لكن من وجهة نظري المتواضعه عندك 5 ايام للعمل و للفسحة والسياحه 12 يوم

خلها جميعها في لندن

واذا حبيت تروح باريس بالقطار يورو ستار تحتاج لاستخراج فيزا شنغن

باريس 5 ايام لندن 10 ايام

واي خدمة حاضرين

اقتراح فارس جميل وفعلا باريس حلو فيها 5 ايام لكن الفيزا تختلف
ممكن تروح في بريطانيا برايتون او مانشستر او الريف الانجليزي البحيرات او انجلتون لو تحب الشلالات

السلام عليكم ورحمة الله وبركاته

هلا وغلا الغالي

وحياك الله بين اخوانك وخواتك وان شاءالله اتفيد وتستفيد

ماقصروا المشرفين ..

كلامهم عدل ..

وخيار ثاني تقدر تقضيها في بريطانيا مابين انجلترا واسكتلندا وايرلندا وويلز ..

واي خدمه احنا تحت امرك الغالي

حبايب قلبي : فارس الجبيل ، لندنية 2011 ، القطري
مشكوووووووورين على ردودكم

جاني اقتراح وهو اني اخلص من اموري في لندن يوم 14 مايو وبعدين على طول اخذ قطار و على باريس واجلس فس باريس اروح باريس 3 ايام ومن باريس طيارة على مدريد اجلس باقي الايام هناك وبعدين من مدريد على الرياض



شنور راااااايكم


أو اقتراح ثالث اللي هو
بعد ما اخلص من لندن يوم 14 مايوم اخذ قطار وعلى باريس واجلس فيها يومين و بعدين اروح انترلاكن 3 ايام وبعدين يومين جنيف وبعدين الرياض


اي خيار تنصحوني فيه و اذا كان فيه مقترحات
مع العلم انا مسافر لوحدي

صباح الخير

اذا انت لحالك اقترح عليك ترتب لها صح :
لندن 8 ايام باريس 4 مدريد والعوده منها للرياض

لندن -باريس = قطار

باريس - مدريد= ايزي جت او اي طيران اقتصادي

في مدريد هنا نجي ونقول وش نسوي تحضر مباراة :
وهذا الجدول
الجولة 35 (12.05.13)
رايو فاليكانو - فالنسيا
اوساسونا - خيتافي
ريال سوسييداد - غرناطة
ملقة - اشبيلية
اسبانيول - ريال مدريد
بلد الوليد - ديبورتيفو
At.Madrid - برشلونة
ريال بيتيس - سلتا
نادي رياضي - مايوركا
ليفانتي - ريال سرقسطة
الجولة 36 (19.05.13)
مايوركا - ريال بيتيس
سرقسطة - نادي رياضي
ليفانتي - رايو فاليكانو
خيتافي - فالنسيا
غرناطة - اوساسونا
اشبيلية - ريال سوسيداد
ريال مدريد - ملقة
ديبورتيفو - اسبانيول
برشلونة - بلد الوليد
سلتا - At.Madrid


شوف لك مباراه من هذي واحضرها بالتوقيت بس وقت لها زين علشان تكون في مدريد قبل المباراة بوقت كافي ترتاح من السفر

اما انترلاكن ماانصحك فيها لانك لحالك وتحتاج سيارة ومافيها شي غير الطبيعة

هذا والله يوفقك

الله يسعد قلبك اخوي فارس الجبيل

فين اسكن في باريس و فين اسكن في مدريد يعني أفضل منطقة للسكن


وبجد مشكوووور والله يعطيك الف الف عافيه انت وكل القائمين على هذا المنتدى العملاااااااااااااااااااااااااااااااق و المفيد للجميع

ماسوينا الا الواجب وانا اخوك

والله يجزاك خير

ابد انت حدد الايام بس والتواريخ والفنادق والتفاصيل الباقية امرها هين

نمشي فيها وحده وحده من اول وصولك لرجعتك بالسلامة

فندق لندن + تذكرة قطار اليورو ستار مع بعض
وفندق باريس + تذكرة قطار او طيارة لمدريد افضل طيارة ويمكن ارخص بعد .. مع بعض
فندق مدريد

اذا حجزت الطيران بلاول علمنا بتواريخها واماكن الوصول والمغادرة وازهل الباقي ان شاء الله بسيط

مشرفنا وخبراء ماقصروا ورحلة موفقة بإذن الله

انتم الخير والبركة اخوي الحوسني خيركم سابق

اخوي بوطلال في باريس انصحك خلك في الشانزليزية اسكن في الفورسيزن او فندق الفوكيت او الماريوت الشانز

في مدريد اسال في بوابة اسبانيا ويجيك العلم لاني ماجيتها وماعرف عنها شي اسمح لي

الله يسعدك حبيب قلبي وعن جد ما قصرت



تم حجز الذاهب من الرياض في تاريخ 9 مايو و العودة من مدريد الى الرياض يوم الاربعاء 22 مايو الساعة 12 الظهر




في اقتراح وابغا اخذ رايكم


انا بحثت عن الطيران الاقتصادري ولقيت التالي


من باريس الى مدريد السعر 370 دولار


ولقيت من باريس الى برشلونه 138
ومن برشلونه الى مدريد 78
المجموع 216 دولار


فا وش رايكم ادخل برشلونه ضمن الرحلة لو لمدة يومين




انا اهم شي في الفترة من 9 مايو الى 14 مايو اكون في لندن وشغلي هناك ينتهي يوم 14 مايوم يعني 14 مايو بعد الساعة 4 اخذ قطار وعلى باريس


اتمنى توزعون لي الأيام حسب خبراتكم


و الله يعطيكم الصحة و العافية


الف شكر مقدمـــاً

محتاج مشوررررتكم تكفووووووووون ودي اخلص من كل شي حجوزات وتذاكر داخليه في انتظاااااااااااركم حبايب قلبي ....

هلا والله ابوطلال واعذرنا انشغلنا الله لايشغلنا الا بطاعته ان شاء الله

يابوطلال ماهي بشينه ابد برشلونه بس ماتلاحظ وانا اخوك ايامك كلها 15 يوم وماشاء الله ماخليت دولة !! انا اشجعك لانك بلحالك وودي تروح لكذا محل تغير جو لانك بتمل بمكان واحد لكن الراحه مطلوبة لتكتمل الرحلة بسعاده وعلى مايرام




انصحك يابوطلال باريس مدريد دايركت دامها هي نقطة العودة وخل برشلونه ليوم ثاني انا وياك باذن الله نروح نحضر مباراه هناك 3 ايام ونرجع هههه شرايك


واي خدمة من عيوننا يابوطلال

ابوطلال هذا الجدول على بركة الله :[olist][*]09 - 5 الوصول لندن لغاية 14 - 5 ( 5 ايام )[*]14 - 5 الوصول باريس لغاية 17 - 5 ( 3 ايام )[*]17 - 5 الوصول برشلونه لغاية 20 - 5 ( 3 ايام )[*]20 - 5 الوصول مدريد لغاية 22 - 5 ( يومين )[/olist]
13 يوم المجموع




اذا تشوف انها مناسبه توكل على الله لكن اقولك من الحين رحلتك كثيرة التنقلات والايام قصيره اذا تشوف في نفسك شدة وتحب تتنقل وخفيف توكل على الله وامورك طيبه واذا تبي الراحة كنسل برشلونه واضف ايامها على مدريد


هذا وشوف انت استخر وقرر ونبداء وياك بحجز الفنادق لو حبيت نخلص والتذاكر القطار والطيران

يا بعد قلبي والله يا فارس وا نشاء الله نحضر مباراه بس اهم شي انك تكون مدريدي ولا ترا تختلف الأمور خخخخ



حبيبي وش رايك اخلي باريس يومين وبرشلونه يومين والباقي يكون في مدريد




انا من يديك اليمين الى يدك الشمال والاقتراح اللي تشوفه انا معاااااااك


او الف الف شكر مقدمــــــاً

انا في انتظارك متى ما فضيت ... ترى كل شوي اسوي ابديت للصفحة واقول ياااارب رد خخخخ

عا العموم مجهوداتكم راااائعه وان شاء الله في المستقبل ناخذ الخبره منكم و نساااعد اخواننا اللي ما عندهم خبره

حلو توكل على الله انت قرر احتياجك مثلا في فرنسا واحتياجك في الدول الباقيه وبناءاً عليه تبني جدولك

واوكي ماعندك مشكلة احس بتمل بباريس 3 ايام
حلو اسحب يوم منها وضيفه ان حبيت لمدريد


اهم شي شوف التكت الحين انت هذا المهم وشوف الاسعار تراها تفرق بالسعر ساعات بين يوم وليلة


حلو جدولك توكل على الله اسحب يوم يابخت الايام اللي تسحبها ههههه

حبيب قلبي فارس ما قصرت الجدول راح يكون كالتالي

الوصول الى لندن صباح يوم الخميس بتاريخ 9 مايو 2013


من 9 الى 14 في لندن
14 الى16 في باريس
16 الى 18 في برشلونه
18 الى 22 في مدريد


الرحلة من مدريد الى الرياض في تاريخ 22 مايو 2013 الساعة 12 ونص الضهر




يالله ههمتك يا فارس في الباقي

بالنسبة للفانادق ياليت تقلي وش اسم الفندق وكمان وش اسم المنطقة المضلة للسكن ...... شكراً ومعليش راح اتعبك معااااي




الله يكتبلك الاجر انت وجميع اللي قائمين على ها المنتدى

كم ميزانيتك للسكن !! الليلة بكم تبي والمستوى 5 نجوم لو عادي

لندن وباريس ازهلها بس مدريد وبرشلونه مااعرف عنها شي اعذرني يبيلك تسأل الشباب في بوابة اسبانيا

والله مدري المعقول يعني مو مررره غالي ولا مره رخيص المتوس و الوسط زين

اهم شي تذكر لي اسم المنطقة حتى اعرف و اشوف الفنادق اللي حولها




وان شاء الله نلقا احد يفيدنا في مدريد وبرشلونه

واذا فيه اماكن او مدن ثانيه قريبه من لندن يكون أحلى و أحلى

انا اهم شي أكون في لنددن بالتحديد خلال يوم 13 و 14


يعني يوم 9 و 10 9 11 9 12 لو اكن في اي مدينة ما عندي مشكلة


يعني لو تقترح اوزع الايام ذي بين لندن وكم مدينة ثانيه


انا المنطقة اللي راح يكون فيها شغلي في لندن هذا عنوانها : St James Court, 74-94 Fore Street, Saltash, Plymouth, PL12 6JW




ياليت تقلي وش رايك


ومنجد الف الف شكر والله يسعدك دنيا واااخره

المنطقة في بليموث !!

كم يوم شغلك فيها بيصير يعني 4 ايام ؟

ويومين في لندن ؟؟

وضح لي هالنقطة لان بليموث بعيده عن لندن ويبيلها مواصلات وقطار والوصول


كم يوم في لندن تبي فندق وكم يوم في باريس

بليموث السكن امنته لك الشركة لو لا ووين بيكون

وصولك ليه خليته هيثرو كان خليت الوصول مطار جيتوك ومن جيتويك الى بليموث طيران تقريبا ب 800 التذكره ذهاب وعوده واقرب مطار Newquay (NQY

حبيب قلبي فارسانا راح اوصل من الرياض الى لندن يوم الخميس 9 مايو


وانا هذي اول مره اجي فيها لندن يعني بالعربي ميييييييييييييييييييح


شغلي في لندن بس يومين اللي همه يوم 13 و يوم 14 مايو وباقي الايام فاااضي ماعندي شي




انا افكر اني يوم 14 بعد ما اخلص شغلي على طول اخذ قطار وعلى باريس انام فيها يوم 14 ويوم 15 ويوم 16 اخذ طيارة وعلى برشلونة وانام فيها يوم 16 ويم 17 ويم18 اخذ طيارة على مدريد وانام فيها يوم 18 الين يوم 22

مدري انا حجزت على الخطوط السعوديه وطلع لي مطار اسمه london lhr

بليموث بعييييييده عن لندن يبيلها مشوار اقل شي 4 ساعات بالقطار من لندن انا حان عليك التعب الطيارة 6 ونص وقطار 4 ساعات هذا يوم رايح عليك ووراك كم مدينة ودولة !!! تععععب

بس اوكي انا كذا من الناس الي يحب يحب يتنقل اذا مستعد ذهنيا ونفسياً وبدنياً توكل على الله وكل امور بأذن الله اوكي والله الله بالصور بس لاجيت تراني من ززمان افكر ببرشلونه ومدريد هههه

رووح يابن الحلال دربك خضر الحق احجز ورتب الحين يبيلك تحدد تواريخ واوقات الوصول للندن والمغفادرة منها باتجاه بليموث وحاسب حساب الوقت ومتى بيكون الكورس حقك باي يوم من يوم الوصول !!

والايام اللي تبيها في لندن كم يوم قلنا !! وكم يوم باريس

وكم يوم برشلونه ومدريد

يومين بليموث
4 ايام لندن = 6 يام في بريطانيا
يومين باريس = 2 في فرنسا
يومين برشلونه + 3 ايام مدريد = 5 ايام في اسبانيا

جهز الفيز الشنغن والبريطانيه وانا بجهز شنطتي الحين هههههههه بروح وياك تكفى خذني وياك

يا هلا والله و مرحبا و سهلا

الشرف لي يوم تسافر معاااي


يومين بليموث
4 ايام لندن = 6 يام في بريطانيا
يومين باريس = 2 في فرنسا
يومين برشلونه + 3 ايام مدريد = 5 ايام في اسبانيا


الجدول ذا حلو




باقي نبدا في الحجوزات واسماء الفنادق و التنقلات



وعلى بركة الله


عشان ابدأ في اجراءات الفيزا و الله يكتب اللي فيه الخير




الف شكر يا عسل

بليموث من 9 - مايو لغاية 11 مايو يومين

لندن من 11 مايو لغاية 14 مايو


باريس من 14 مايو لغاية 16 مايو


برشلونه من 16 مايو لغاية 18 مايو


مدريد من 18 مايو لغاية 22 مايو




شرايك !! اوكي التواريخ


شوف هالفندق في لندن
من 11 مايو لغاية 14 مايو
ب 1300 ريال


http://www.booking.com/hotel/gb/shaf...ml?aid=1329869

ماقصر مشرفنا

خيركم سابق اخوي موادع1 انتم الخير والبركة وماتقصرون دائم



اخوي ابوطلال


بليموث من 9 مايو لغاية 11 مايو
http://www.booking.com/hotel/gb/camb...ml?aid=1329869


هذا الفندق رشحته لك لانه اقرب شي لمكان الكورس حقك
St James Court, 74-94 Fore Street, Saltash, Plymouth, PL12 6JW


ولندن اللي رشحته لك فوق بالموضوع السابق


مجموع سعر الفنادق 2400 ل 5 ايام اشوفها مناسبة جدا في بريطانيا

نسيت ان شغلك في بليموث يوم 13 و 14

يكون الجدول كالتالي :

[ulist][*]9 مايو الوصول لندن لغاية 12 مايو ( لندن ) 3 ليالي[*]12 مايو الذهاب من لندن الى بليموث لغاية 14 مايو ( بليموث ) 2 ليلتين[*]14 مايو من بليموث لباريس لغاية 16 مايو ( باريس ) 2 ليلتين[*]16 مايو من باريس لبرشلونة لغاية 18 مايو ( برشلونة ) 2 ليلتين[*]18 مايو من برشلونة لمدريد لغاية 22 مايو ( مدريد ) 4 ليالي[/ulist]

فية نقطة الي هي من بليموث الى باريس المسافة بعيدة ارشح لك تسكن لو ليلة تسحبها من ليالي مدريد وترتاح في لندن بعد بليموث ومن ثاني يوم تروح لباريس وانت رايق ومرتاح


وبالقطار من بليموث الى لندن محطة سانت بانكراس كينج كروس ومنها لباريس




شوف وش ودك ورد علينا نعطيك آخر التفاصيل وتقوم بالحجز لان الاوقات في رحلتك مهمة وضرورية ومحسوبة بالدقيقة والساعة


والله يوفقك وتروح وترجع بالسلامة يابوطلال

حبيبي يا فارس ما قصرت

بس انا شغلي في لندن يوم 13 و 14

يعني اوصل مطار لندن يوم 9 و بعدين اطلع على طول الديرة االي قلتلي عليها او اي ديرة ثانية قريبه من الموبايل

ابوطلال انت شغلك في لندن لندن نفسها لو في العنوان الي انت حطيته في بليموث !! ؟؟

وين عملك بالضبط علشان نقسم الايام عليها اذا عملك بس في لندن ماله داعي اجل بليموث بعيده انا علشان عملك شفت لك حل تسكن فيها وتقسم وقتك بينها وبين لندن

اعتذر منك حبيب قلبي فارس

كان في خطأ مني في العنوان حق الكورس حقي

هذا هو مكان الكورس اللي في لندن
13 Grosvenor Place
London
SW1X 7HH


العذر و السموحة منك حبيب قلبي

الكورس راح يكون بتاريخ 13 و 14 مايو من الموبايل

الله يهديك وين وديتنا انت بليموث وحستها حوس

اثاريك قريب في لندن وابد تحت قصر الملكة مكان عملك يعني تتقهوى الصبح مع الملكة اليزابيث ويوصلك الامير شارلز لمكان العمل بالسيارة الميني ههههههه ويرجع ياخذك بعد لاخلصت ههههه








امورك طيبه وتوكل على الله 6 ايام لندن ودور لك فندق زين وعندك بوكينق الحين شوف اللي يناسب منها عن منطقة عملك في النايسبريدج




والله يوفقك انسى بليموث خلاص الا انت من وين جايب هذاك العنوان وليه حطيته بخاطرك تروح منطقة ريفية ولا شسالفه

بسم الله الرحمن الرحيم

لندن ( 9 مايو - 15 مايو )

ارشح لك هالفندق لانه قريب من موقع عملك وقريب من محطة فكتوريا
http://www.booking.com/hotel/gb/the-...ml?aid=1329869

فندق ثاني
http://www.booking.com/hotel/gb/best...ml?aid=1329869

او هذا الفندق وارشحه لك لان سعره مره ممتاز والفندق مجرب ونظيف

http://www.booking.com/hotel/gb/shaf...ml?aid=1329869


باريس ( 15 مايو - 17 مايو )

http://www.booking.com/hotel/fr/hote...ml?aid=1329869

او هذا

http://www.booking.com/hotel/fr/bedf...ml?aid=1329869



برشلونه ( 17 مايو - 19 مايو )


مدريد ( 19 مايو - 22 مايو )



هذا الجدول علشان تبدى تحجز الفنادق وتلحق ترتب باقي حجوزات القطارات


هذا والله يوفقك

الله يسعدك حبيب قلبي يا فاااارس

ابشرك حجزت كل شي قطارات و طيران داخلي من الف الى الياء


باقي فيزا الشنقن


والله احترت من كثر ما اقرا


انا رايح فرنسا اول شي و اجلس فيها يومين وبعدين على اسبانيا وراح اجلس فيها 5 ايام تقريبا




من فين اطلعها من فرنسا ولا اسبانيا


هل هي على اطول مدة او اول دولة وش سالفة التأمين الطبي ؟؟؟


الله ييسرها حبيب قللبي والف الف شكر مقدما

حياك الله ابوطلال وممتاز الي خلصت من حجوزاتك يعجبني اللي يعقلها ويتوكل



طلع الفرنسية اول شي اسهل بلأجرائات وثاني شي هي الدولة الي بتمر عليها دخول لدول الشنغن




التأمين الصحي مر اقرب مكتب للتأمين ( التعاونية - مدغلف ) تقريبا ب 200 ريال لكم كلكم يستخرجون لك شهادة تأمين صحي خارجي للمدة اللي تبيها




والله يوفقك يابوطلال ويسمح دربك

تسلم لي حبيبي فارس

بس والله حيرتني بزياااده خخخخخ لأني سألت شباب في المنتدى وحطيت موضوع وكان الجواب على اطول مدة وانت تقلي اول دولة يعني حستوووووني خخخخ امزح




لو تعرف لي شي رسمي موقع يقول كذا اكون لك من الشاااكرين

السلام عليكم وصبحك الله بالخير يابوطلال

كثر الحديث عن مشكلة الدخول واستخراج التأشيرة من اي دولة !! وهنا الحيرة هل هي اكثر ايام الأقامة ام نقطة الوصول
نعم صحيح يفضل تاخذها من الدولة الاكثر اقامة لكن لو وجدت شروطهم صعبة لاستخراجها بلامكان استخراجها من اي سفارة شروطهم سهله كالفرنسية الي رشحتها لك

لكن انا اقولك ان النظام بهذا الموضوع واضح وصريح ولايوجد اي مشكلة في دخولك لدول الشنغن من اي منفذ طالما انت تحمل هذه التأشيرة بغض النظرعن دولة الأصدار


ثاني شي انت بتدخل فرنسا رسمي وقانوني ومن البديهي والأصح انك تكون حامل تأشيرة هذه الدولة لانهم لايعلمون اين ستذهب بعد دخولك فرنسا يمكن تكنسل اسبانيا احتمال وارد قد يطرأ على اي شخص لذا هم ماتفوتهم هذه الاحتمالات والامور بسيطة بس حنا نحب التعقيد

ياخي لو مو رسمي ماحطوه لك بالبنط العريض في موقع السعودية للطيران


تعليمات السفر إلى دول الإتحاد الأوروبي
6 يونيو 2011:



تحديث: بناءً على ما ورد من مندوبية الاتحاد الأوروبي إلى المملكة العربية السعودية،فإن المسافرين الحاملين لتأشيرة الشنجن يمكنهم الدخول إلى منطقة الشنجن من أي من دول الشنجن بغض النظر عن الدولة المصدرة للتأشيرة.

http://www.saudiairlines.com/portal/...008c0f430aRCRD


كذلك ردهم واضح في موقع السفارة اللألمانية مثلاً ( عطيتك مثال لها لانها اصعب تأشيرة ودقيقين بمنطقة الدخول )
General information for visa applicants:
You can enter the Schengen area at any place. The country of entry and departure is not the determining factor. The entry into and departure from
the Schengen area can thus occur at any border crossing.
http://www.riad.diplo.de/Vertretung/...immungen1.html

توكل على الله طلعها من اي دولة وبأذن الله امورك طيبة
انا فيزتي كانت فرنسية ودخلت فيها المانيا وماحد قالي ثلث الثلاثة كم

صح هو كم ثلت الثلاثة خخخخخخ




ياربي يسعد قلبك حبيبي و ان شاء الله يكتب الله و نتقابل في يوم ما و نطلع على مدرييد ونحضر كلاسيكو هناك
اهم شي يكون الريال في احسن ضرووووووفه عشان نطقطق على البرشلونيه شوي




خخخخخ




مشككوووووووور و ماااقصرت

دربك خضر

الله يوفقك