الموضوع: تجديد لشهر العسل لا على البال ولا على الخاطر

السلام عليكم ورحمة الله وبركاته الحقيقه ماكان في بالي اسافر نهائيا بس الاخوان الكرام الموجودين هنا بصدق حببوني وحمسوني
ع السفر الى ماليزيا اسيا الحقيقيه
امثال وافي بزمن جافي ,,, اسم على مسمى والله
وجورج والمغادرون ,,, الله يوفقهم
وفي غيرهم كثيرررر ماشاء الله تبارك الرحمن
المهم مالكم بالطويله
انا ان شاء الله ناوي احجز لماليزيا تجديد شهر عسل انا وام العيال فقط
وبأذن الله في ذو الحجه وقضاء عيد الاضحى شهر اكتوبر الذهاب من جده 20 oct
والعوده 31 oct
اللي ابي اعرفه كم عندي ليله ان شاء الله ؟؟؟
وبعد ناوي ازور سيلانجور - بيننانغ - لنكاوي - كوالا
طبعا حسب قرائتي للمنتدى العريق
اخترت الفنادق هذه بس ماحجزت باقي
سيلانجور = بيرميد
بيننانغ = فلامنقوو
لنكاوي = لاقون
كوالا = فيوروما
وابي بعد منكم تعلموني بجدول مريح لي ولام العيال
ونزور في كل شيء ماودنا نفوت شيء خصوصا وانها اول سفره لي للخارج ولها بعد
وما ابي تكرار للاماكن
وكم تكلفت المصاريف والمواصلات اليوميه ظروري ,,, والله يجزاكم عننا الف خير

مواضيع عشوائيه ممكن تكون تعجبك اخترناها لك:

• رايكم في فندق
• رحلتي الى ماليزيا بعد اسبوعين اتمنى افادتي الله يعطيكم العافيه
• لتعديل خطأ املائي بالاسم او خطأ بتاريخ الميلاد او باللقب
• للاسف زيزا صارت حلم بالنسبه لي
• تريدرز وشنغريلا كوالالمبور
• جدول سياحي مميز للعرسان بماليزيا 15 يوم 4 نجوم 2018
• سفر المظافين الى ماليزيا
• اتمنى من اهل الخبره المساعده
• استفسار بخصوص جنتق هايلاند
• طيران ارسلو لي هذا الايميل
• سفر السوريين إلى ماليزيا
• شهر عسل في ماليزيا وسنغافورة
• لقضاء شهر العسل سافر الى ماليزيا
• ليالي في ماليزيا وتخطيط مفصل للرحلة ،الرجاء المساعدة
• استفسار بخصوص الخطوط السعودية الي جرب
• ابي احجز طيران داخلي من كوالالمبور الى لنكاوي
• فندق دانه لينكاآآوي
• تكفون فزعتكم قبل النكبة
• ماليزيا شهر عسل
• رايكم يهمني

ياهلابك ... ومرحبابك .. يالصاحب الغالي ...

نشكرك على لطفك ... وذوقك ... وكلامك الطيب

عندك طال عمرك ( 10 أيام ) ... وهذا الجدول الأنسب من وجهة نظري

يومين سلانجور ... فندق البيراميد

أربعة أيام لنكاوي ... فندق البلانجي بيتش

أربعة أيام كوالا ... فندق القراند ملينيوم

* المصروف اليومي بحدود ( 500 ريال ) يوميا

* هذا الجدول مريح ومميز بصراحة ... وهو الأنسب لك

http://img707.imageshack.us/i/92000654.png/

يالبى قلبك انا اشهد انك وافي بيض الله وجهك يالغالي
طيب بيننانغ اقدر ازورها عشان السوق الليلي والحدائق اللي فيها ؟؟

تسلم والله ياغلاي ... من طيبك والله

بخصوص بينانغ ... تقدر تخصص لها يومين ... لو بغيت ..

يصير جدولك بهذا الشكل :

يومين سلانجور ...

ثلاثة أيام لنكاوي ...

يومين بينانغ ...

ثلاثة أيام كوالا ...

طريقة التنقلات بين المدن :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

http://img707.imageshack.us/i/92000654.png/

اعجز عن شكري لك لاتوجد كلمات اشكرك بها

فعلا انك وافي بمعنى الكلمه


رووح ياشيخ الله يوفقك ويسهل دربك


بخصوص الجدول يالغالي
احجز واعطيك اخبر ؟؟!!

يسعدك ... مثل ماأسعدتني ... بذوقك وطيبك ...

لاعدمنا ( قلبك ) الطيب ... ياغلاهم

إذا حجزت ياغالي ... تعال ونكمل باقي الجدول بأذن الله

راح أعطيك ( الفنادق ) والروابط ... واحد واحد ...

وبعده الطيران الداخلي ... أعطيك التواريخ والأوقات .. لاتشيل هم

http://img829.imageshack.us/i/60678351.png/

الله يوفقك لما تحبه وترضاه
اعجز عن شكري لك ...
ان شاء الله لي عوده
بالحجز المؤكد
آمل من الله تعالى ان التقي وجودك الطيب
الله يسعدك ...

طيب ليه ماتزيد عدد الليال وتصير12ليله افضلبحيث تزور الاغلب
2سيلانقور
3لنكاوي
3بينانغ
4كوالالمبور
والفنادق ع حسب ميزانيتك تبي 5نجوم والا4نجوم
ماقصر بوهلااا

اخ شغب قلم اشكرر لك تواجد ورايك في المشوره
والله اني افكر ازيدها
وان شاء الله اقدر اضبط الميزانيه 😉

الله يسعدك من الموبايل

ابشركم تم شراء التذاكر

جده - كوالا - جده


على الخطوط الماليزيه الدرجه السياحيه بسعر 3584 ريال شخصين


الذهاب 27 اكتوبر
العوده 10 نوفمبر


حيث تم الاستماع الى كلام الاخ شغب قلم بارك الله فيه وصارت 13 ليله


وتم حجز الفنادق بواقع


سيلانجور = 2 ليله فندق صن واي لاقون


لنكاوي = 3 ليالي برجايا مطل على البحر


بينانج = 4 ليالي بارك رويال مطل جزئيا على البحر


كوالا = 4 ليالي سويس قاردن مطل على المدينه


حيث اشكر الاخ وافي لحسن تجاوبه على الاستفسارات وكبر قلبه
بارك الله لك وفيك


اتحفوناااااا

ياسلام عليك يابوراشد ... وربي جدول ولاأحلى

قمة الترتيب .. والتسيق ... والتخطيط ... ياغلاهم

أنصحك تعتمد .... ودربك خضر

http://img846.imageshack.us/i/51809675.png/

ياسلام عليك انت وافي على اسمك

باقي تنسيق الجدول هناك في زيزا


طمنتني الله يطمن قلبك

هلا والله بحبيب قلبي ( بو راشد )

وتفضل الجدول اليومي .. في ردي هنا ... وراح يفيدك بأذن الله

http://www.arabtravelersforum.com/travel753817/

http://img705.imageshack.us/i/44752225.png/

السلام عليكم وكل عام وانتم بخير ان شاء الله

باقي ع السفريه يومين الخميس والجمعه


ياليت تعطونا معلومات , ارشادات ... اي شي بصراحه اول مره اسافر وماني عارف شي


والشكر موصول للغالي وافي بزمن جافي


اي احد عنده اي شي ياليت مايبخل علينا


وبالمناسبه صرفت 5000 ريال مقابل 4000 رنقت


من مركز بن يعلا للصرافه في البلد في جده


وشكرا مقدما

مشاءلله يارب تكون سفره تجدد روحكم للحيآه ، وتزيد ألفتكم يارب
ومتأكده حتعجبكم ماليزيا إن شاءلله وحتفكرو تكرروها مع أطفالكم ، وبالنسبه لسؤآلك تفضل إيش حاب تعرف أو شيء خايف منه وودك تطمن نفسك
وعموما ماليزيا محدش يتوه فيها العرب أكتسحوها ب أجسادهم و ثقافتهم مشاءلله
.
.

تسلمي ام روزانا بارك الله فيكمادري ماعندي شي محدد اسال عنه بالضبط بس كذا احس ملخبط
لانها اول سفريه لي وللمدام
بس قلت اذا في انشطه او اماكن جديده صارت هناك او اي شي جديد
يسردوه هنا عشان انا استفيد والكل كمان يستفيد
ولاتنسينا من صالح دعواتك
ومشكووره

سوري كنت حاب اسال عن المسابح الخاصه فين وبكم سعرها اذا ابغى مسبح خاص؟؟
وابغى كمان اسال عن منتجع بوكيت ميرا فين مكانه بالضبط وهل يستحق الزياره ؟؟

- مممم أنت حجزت فندق الصن وآي لاقون ولا بريميد !
إذا الأول نصيحه خذ ليله في غرفه واليله الثانيه ب الفيلا لان فيها مسبح خاص وممتعه فوق ماتتصور وخصوصا لو جاكم مطر إن شاءلله
.
.
إذا تقدر تغير توكل على الله وغيرها واليله ب 1188 ريال وفي إمكانية حجز

اسف ع التاخير

انا حجزت في ال صن واي لاقون


وخساره غير مسترد


لكن اذا في اماكن في بيننغ او لنكاوي تاجر مسابح خاصه لمدة معينه ياليت تفيدينا او الاخوان يفيدونا!!


وبخصوص منتجع بوكيت ميرا محد جاوبني!!!


اتمنى الاقي جواب !!


ربي يخلي لك روزانا ويسعدك

بينانغ

فيها مسبح خاص اجار بالساعه
في فندق الباي فيو بيتش
الساعه 150 بس تحجز قبل يومين


بوكيت ميرا جميل جداااااااا

هلا بالعدني مرااااااااحب يالغالي


تصدق انت من ضمن الاعضاء اللي حمسني كثييير ع السفر لماليزيا


بعد ماقريت تقريرك


الطريق الى الاراضي الماليزية على الطريقة الاقتصادية




ربي يسعدك بس كيف طريقة الحجز للمسبح ؟؟

وبوكيت ميرا وين موقعه وكيف اوصل له ؟؟


شكراااااااا من القلب

هلا بالغالي وان شاء الله تكون استفدت من تقريري وهذا المرجو منه

الفندق اول ما توصل لبينانج روح لفندق باي فيو واطلب حجز من الرسبشن وخلي الباقي عليهم هم بيقولوا لك بس انت حدد لهم اليوم مثلا قولهم اريد بكره الساعه كذا


الساعه 150 لو حاب تستمتع خليها ساعتين


بوكيت ميرا
قريب من بينانج


هذا التقرير راح يفيدك


http://www.arabtravelersforum.com/travel690547/

بيض الله وجهك وكثر الله من امثالك

الله يسعدك

ولك بالمثل عزيزي

رحله جميله

حاب استفسر عن بطاقة الراجحي مسبقة الدفع (تسوق)

هل احط فلوسي كلها فيها (احولها عن طريق حسابي )


والا اخليها في الصرافه العايديه


واذا حطيتها في الفيزا مسبقة الفع هل اقدر استخدمها سحب وشراء عايدي والا الصرافه احسن ؟؟؟


ياليت تفيدووووني


السفر بكرا ان شاء الله




دعواتكم قبل افادتكم

هلابك يالحبيب

الفلوس عادي تحطها في الفيزا أو البطاقة العادية ... كلها تسحب من هناك

ولكن الأفضل تحط الفلوس في ( الفيزا ) .. لأنها عالمية ومقبولة بكل مكان

وهناك حاول تسحب من الصراف مرة وحدة ... وأسحب مبلغ كبير

لأن كل عملية سحب عليها رسوم بحدود ( 25 ريال ) ...

http://img195.imageshack.us/i/60265518.png/

وصلنا ولله الحمد والمنه صباح يوم الاحد الساعه 10 واليوم اكلمكم من سيلانجور في صن واي لاقون والاجواء جدا حلوه والامور ولله الحمد جدا طيبه رحلتنا الساعه 4 العصر الى لنكاوي برجايا
ياليت تعطونا جدول حلو في لنكاوي
دعواتكم لنا بالتوفيق من الموبايل

الجدول وضعه لك الاخ الغالي وافي

واكرره لك هنا لعيونك



اليوم الأول في ( لنكاوي )

الراحة في الفندق والتجول بالمنطقة المحيطة ... ثم التوجه لميدان النسر عند العصر ...

التسوق من مجمع ( الفير مول ) والعشاء والعودة للفندق ..


اليوم الثاني في ( لنكاوي )

زيارة التلفريك عند العاشرة صباحآ ثم القرية الشرقية ...

وبعدها جولة خاصة على لنكاوي لمدة أربع ساعات ... وزيارة الحدائق ومزرعة الخيول والشلالات ...



اليوم الثالث في ( لنكاوي )

الأفطار صباحآ ثم التوجه إلى عالم تحت البحار .... والعودة للفندق بعدها

وعند الثالثة عصرآ ... رحلة المانغروف والعودة عصرآ للفندق والراحة ...

ابوراشد نتمنى لك سفرية ممتعة وننتظر تقرير رحلتك ذكرتني بشهر العسل الجميل .تمنياتى لك بالتوفيق

محمد الله يعطيك العافيه واشكرك من كل قلبي

انا اليوم احدثكم من بيننق بارك رويال الفندق جدا ممتع وكل شي قريب منك والسوق الصيني ( الاكشاك الليليه ) قريبه مرره تحت الفندق على طول
وفيها اشياء حلوه وبالنسبه للاسعار اللي يقولك 100 قول 10 واتركه ينادي عليك ويقولك تعال شيل ب10 واللي يقولك 200 قول 20 وهكذا وبالنسبه للامام ولله الحمد امام درجه اولى اللهم لك الحمد وبينننق اعجبتنا اكثر من لنكاوي بصراحه مررره حلووووه واربع ايام كافيه وممتازه لبيننق
وبكره ان شاء الله رحلتي الساعه 3،30 الظهر لكوالا

استفسار بسيط كيف احجز لجنتنغ عن طريق الباص والله يجزيكم كل خيرررر

ايوه صح نسيت اقولكم وابشركم انو بيفتحوا حديقه العاب مائيه في بيننق يمكن على السنه الجايه تكون جاهزه مرينا من جنبها واحنا رايحين لحديقة الفراشات وشفتها تحت الانشاء شكلها وناسه المهم سالت السواق وقال هذه منتزه العاب مائيه زي صن واي لاقون تحت الانشاء ان شاء الله بعد سنه تكون جاهزه وبس

ويعطيكم االف عافيه من الموبايل

معليش تعديل بسيط بالنسبه للامان وليس الامام
وشكراا من الموبايل

Up

......................... من الموبايل

حياك الله ( أبو راشد ) ..

رحلة موفقة ياغلاهم ... وألف شكر على التواصل والأخبار الحلوة

تسلم يالوافي انشهههههد انك وافي بس ماقلتلي ع حجز جنتنغ بالباص كيف ومن وين وبكم ؟؟؟
بانتظارك يالغاللي !!!!! من الموبايل

هلا يا غالي

ممكن تاخذ باكج الحديقه و التلفريك و الباص من كي ال سنترال


وهذا الموضوع يفيدك


http://www.arabtravelersforum.com/travel584364

يامرااااحب بالعدني ربي يوفقك يالغالي

طيب انا باذن الله بنزل في سويس قاردن ايش اللي قريب مني والكي ال سنترال قريبه من الفندق والا بعيده ؟؟
معليش بثقل عليك ،،، من الموبايل

هلابك غلاي ( أبو راشد )

ماقصر كالعادة ( حبيبي العدني ) ...

وبخصوص الوصول إلى محطة ( كي أل سنترال ) تفضل أجمل طريقة :

أمام فندقك محطة مونوريل ( إمبي ) ... أطلع منها إلى مونوريل ( كي أل سنترال )

المسافة فقط ( 5 دقايق ) ... والتكلفة ماتتجاوز ( 4 رنقت )

http://img827.imageshack.us/i/54205930.png/