الموضوع: رايكم يهمني جدول رحلتي الى لندن ايام

السلام عليكم ورحمة الله وبركاته

انا ان شاء الله ح اسافر لندن في شهر مارس و قبل ل اعمل جدولي قرأت في تقارير الاعضاء الله يعطيهم العافية وجمعت المعلومات اللي احتاجها في سفرتي .. بس اللي قاهرني و معصبني الاندرقراوند

اممم حجزنا في فندق

Lancaster London واقرب محطة مترو هي محطة بادينغتون

هذا جدولي مبدئيا و قابل للتعديل :

اليوم الاول : الجمعة

1/ الوصول للفندق واستلام الغرفة و الراحة
2/ شارع اكسفورد و شراء تذاكر البيج باص .

اليوم الثاني :السبت

رحلة الباص السياحي ( متحف الشمع ، ساعة البق بن ، لندن اي ، ترافلجار سكوير ، قصر بكنقهام ،ورحلة نهر التايمز ، جسر لندن / البارجة أو المدمرة ، برج سويس ري ، جسر الألفية للمشاة على نهر التايمز



اليوم الثالث : الاحد
1/ ساحة الطرف الأغر «ترافلغار سكوير» (اللغة الإنجليزية Trafalgar Square)

2ـ Piccadilly بيكاديلي (محل ام اند امز ( m&ms )في بيكادللي قريب من الساحه أمام ماكدونالدز )
3 / كوفنت قاردن Covent garden
4 ـ الهاردز HARRODS



اليوم الرابع : الاثنين

1/ بستر فيلج اوت لت .


2/ شارع العرب edgware road

اليوم الخامس :الثلاثاء

1/ الريجنت بارك .


2/ ويست فيلد West field




اليوم السادس : الاربعاء


1/ الهايد بارك .


2/ شارع اكسفورد .





اليوم السابع :الخميس


زيارة الاماكن التي لم يسعفني الوقت لزيارته ..






رايكم يهمني جداً جداُ جداً ...

مواضيع عشوائيه ممكن تكون تعجبك اخترناها لك:

• ساعدوني بطيران رخيص وزين
• استفسار عن مصنع بيربري والتاكس
• استفسار عن فنادق لندن
• ابي مسااعده ضرورية بخصوص الفيزا
• الشمال ام الغرب؟
• انا واختي ، نلتقي بالمطار والا لا؟
• استفسار بخصوص الفيزا
• أبحث عن شقة في مانشيستر في الصيف
• بعض الصور من زيارة لندن يونيو
• خبراء لندن ساعدوني بترتيب جدول للرحلة؟
• شقق مفروشة في كنغيستون او كنجيستون وسط لندن
• الوان خطوط الاندر قراوند
• اسئلة عن لندن ؟
• شايب ناوي لندن
• استفسار بخصوص بطاقة الاويستر
• مستعجل ساعدوني
• من لندن يوستن الى ويندرمير ممكن مساعده ؟
• شقق الماي فير بلندن قرب شارع اكسفورد
• تكفون ياخبراء لندن استفسار عن اوتيل وموقعه ؟؟
• خلصت التقديم ودفعت للفيزا باقي الاوراق المطلوبه عندي مشكلة فيها

اممم اسفة غلطت في اقرب محطة للفندق ... اقرب محطة اندرقراوند هي محطة لانكستر غيت

السلام عليكم

لاتحاتين اختي الاندرقراوند بسيط جدا جدا لكن يبيله ممارسه واستخدام كم مره وعندي اسهل من الباصات ب 1000 مره

انصحك حملي تطبيقات الابل ستور الخاصه ب london tube والاندرقراوند بحيث تضعين اسم المحطة الي انتي فيها ( او احفظي اسمها بس ) واسم المحطه الي بتروحين لها وهو يرسم لك مسارك وبيبين لك المحطات الي بتمرين فيها ( وانتي راكبة المترو عدي كم محطة بتمرون فيها لغاية وصولكم المحطة الي تبينها ولاحضي بسقف المترو فيه مسار مرسوم طويل وفيه نقاط تضيئ عند اي محطة توصلون لها راح تطفي وتسمعين اسم المحطة اذا سمعتي اسم محطتك الي تبينها انزلي واتبعي لوحات الخروج بسيط جدا واذا عرفتي له راح يكون امتع واحلى واسرع وسيلة مواصلات لكم )

http://www.arabtravelersforum.com/travel257584/

تحياتي

شكرا اخوي فارس الجبيل ... بس انا ابي رايكم في جدولي مبدئيا .. لاني ما احب المتاحف .. و بعدين كذا جدولي شامل الاماكن السياحية للندن والا ناقصني شيء ...

جدولكم ممتاز

الله يوفقكم

وماقصر مشرفنا

الف شكر .. للمشرفين المبدعين... موادع و فارس الجبيل ...

يعطيكم الف الف الف عاااااااااااااااااافية ..

الله يوفقك

السلام عليكم

هلا وغلا اهل لندن

لنا عوده ان شاءالله وخصوصا اخر يوم ..

امممممممم ..

اتحبون المتاحف بس ماشفتها في الجدول !!

سامحونا ع التقصير والوقت متأخر الحين

المعذره

هلا هلا بالعمدة ... يسعدني تعليقك على جدولي ...

انا ابدن ابدن ما احب المتاحف

انتظر ردك على جدولي ...



حياك الله

المشاركة الأصلية كتبت بواسطة roro h
http://www.arabtravelersforum.com/tr...2/#post7587104

السلام عليكم ورحمة الله وبركاته انا ان شاء الله ح اسافر لندن في شهر مارس و قبل ل اعمل جدولي قرأت في تقارير الاعضاء الله يعطيهم العافية وجمعت المعلومات اللي احتاجها في سفرتي .. بس اللي قاهرني و معصبني الاندرقراوند اممم حجزنا في فندق

Lancaster London واقرب محطة مترو هي محطة بادينغتون

هذا جدولي مبدئيا و قابل للتعديل : اليوم الاول : الجمعة 1/ الوصول للفندق واستلام الغرفة و الراحة2/ شارع اكسفورد و شراء تذاكر البيج باص .اليوم الثاني :السبت

رحلة الباص السياحي ( متحف الشمع ، ساعة البق بن ، لندن اي ، ترافلجار سكوير ، قصر بكنقهام ،ورحلة نهر التايمز ، جسر لندن / البارجة أو المدمرة ، برج سويس ري ، جسر الألفية للمشاة على نهر التايمز اليوم الثالث : الاحد 1/ ساحة الطرف الأغر «ترافلغار سكوير» (اللغة الإنجليزية Trafalgar Square) 2ـ Piccadilly بيكاديلي (محل ام اند امز ( m&ms )في بيكادللي قريب من الساحه أمام ماكدونالدز ) 3 / كوفنت قاردن Covent garden 4 ـ الهاردز HARRODS اليوم الرابع : الاثنين 1/ بستر فيلج اوت لت .2/ شارع العرب edgware road

اليوم الخامس :الثلاثاء

1/ الريجنت بارك .2/ ويست فيلد West fieldاليوم السادس : الاربعاء1/ الهايد بارك .2/ شارع اكسفورد .اليوم السابع :الخميسزيارة الاماكن التي لم يسعفني الوقت لزيارته .. رايكم يهمني جداً جداُ جداً ...

استغلي الوقت بالاماكن القريبه من بعض
متحف الشمع جنبه الريجنت بارك حلو خليهم مع بعض
البيكاديلي ومتحف بيلفت اور نوت وساحه ترافلجار برضو جنب بعض والهارودز قريب منه
لندن اي والبق بن والاكواريوم والرحله النهريه وجسر لندن جنب بعض وحول بعض وممكن تضيفي قصر باكينهام بالاس لهاليوم
الاكسفورد والريجنت ستريت والبوند ستريت (تسوق)
مول ويستفيلد رائع جدا خاصه المقاهي فيه رايقه جدا ومتكامل
شارع العرب وش تبون فيه ؟؟؟ والله بتنصدمون منه ههههههه اهم شي انتبهوا من النشالين
الهايدبارك كبيره جدا وتاخذ وقت وجميله جدا

[font="Arial"]استغلي الوقت بالاماكن القريبه من بعض
متحف الشمع جنبه الريجنت بارك حلو خليهم مع بعض [color="#0000ff"][b]
لندن اي والبق بن والاكواريوم والرحله النهريه وجسر لندن جنب بعض وحول بعض وممكن تضيفي قصر باكينهام بالاس لهاليوم [font="Arial"][b][color="#0000ff"][font="Arial"]الاكسفورد والريجنت ستريت والبوند ستريت (تسوق) [color="#0000ff"][b]
[font="Arial"]مول ويستفيلد رائع جدا خاصه المقاهي فيه رايقه جدا ومتكامل
شارع العرب وش تبون فيه ؟؟؟ والله بتنصدمون منه ههههههه اهم شي انتبهوا من النشالين [color="#0000ff"][b]
الهايدبارك كبيره جدا وتاخذ وقت وجميله جدا




فديتك لندنية ... وايد وايد مشكورة على تعليقك واقتراحك لجدولي ..

الله لا يحرمنا منكم ...

عدنا من جديد

مشرفتنا لندنيه ماقصرت ودوم في الموعد

بس ممكن اعادة ترتيب الجدول لان المعلومات ادخلت في بعض ..

مع اخذ في الاعتبار ان الاماكن هذي جنب بعض وممكن اتخلونها يوم بروحها ..

( لندن اي + لندن اكواريوم + بيق بين + جسر لندن + رجله نهريه ) يوم بروحها

( البيكاديلي + متحف صدق او لاتصدق + الكوفنت قاردن وياحبني له ذا المكان

( متحف الشمع + الريجنت بارك + كامدن تاون اذا اتحبون السوق الغريب + لندن زو ) مع بعض ويوم بروحهم ..

شارع اكسفورد وبوند ستريت والويست فيل مول يوم بروحهم للخساير مره وحده

الهارودز + مجمع هارفي نيكولز + سولان ستريت + قصر باكنغهام + الهايدبارك يوم واحد وكلهم مشي جنب بعض اذا اتحبون ..

واي خدمه احنا في الخدمه

ننتظر الجدول النهائي

تسلم يالعمدة على عودتك من جديد

كذا عدلنا الجدول حسب الاماكن القريبة من بعض ...
طيب بسال اقدر اكنسل الباص السياحي و اروح للاماكن بالاندرقراوند والا احلى بالباص .. لانو مابي اضيع اي شي حلووو علي ... يا ابوي هذي لندن
ولندن اكواريوم دخلت لها في ماليزيا و الصين ... اتوقع ماراح تختلف عنهم ..


اليوم الاول : الجمعة
1/ الوصول للفندق واستلام الغرفة و الراحة
2/ شارع اكسفورد و شراء تذاكر البيج باص .

اليوم الثاني :السبت ( رحلة بالباص السياحي )
1/ ساعة البق بن .
2/ لندن اي .
3/ جسر لندن.
4/رحلة نهر التايمز .

اليوم الثالث : الاحد
1/ ساحة الطرف الأغر «ترافلغار سكوير» (اللغة الإنجليزية Trafalgar Square)
2ـ Piccadilly بيكاديلي
3/ متحف صدق او لا تصدق
4 / كوفنت قاردن Covent garden
5/ الاستديو التاريخي للتصوير
6 ـ الهاردز HARRODS


اليوم الرابع : الاثنين
1/ بستر فيلج اوت لت .
2/ شارع العرب edgware road


اليوم الخامس :الثلاثاء
1/ متحف الشمع .
2/ الريجنت بارك .
3/ كامدن تاون .
4/ لندن زوو.


اليوم السادس : الاربعاء
1/ الهايد بارك .
2/ قصر بيكهام .
3/ مجمع هارفي نيكولز .
4/ سلون ستريت .
5/ الهارودز .

اليوم السابع :الخميس
1/ شارع اكسفورد .
2/ بوند ستريت .
3/ الويست فيل .

تحت امركم وفي الخدمه ان شاءالله ..

الجدول كذا منتاز ..

هارودز بيكون عندكم مرتين متكرر ..في اليوم الثالث والسادس ..

اليوم السابع ممكن اتضيفون شارع ريجنت بعد حلو وخصوصا فيه محل هامليز + محل فيراري + متجر ابل ..ومتجر ابل موجود بعد في الكوفنت قاردن ..

الله ايوفقكم ويسعدكم ان شاءالله ..

واي خدمه احنا في الخدمه

الجدول ممتاز كذا وماقصر العمده

السلام عليكم وصباح الخير

الباص السياحي شوفي اول شي اذا الجو حلو يعني مو مشمس ولا مطر علماً في لندن ماتضمنين الجو باي وقت يتغير اذكر اني صقعت راسي الشمس لين قلت بس انزل مااقدر ونزلت عند برج لندن من ذاك الصوب وعودت بالمترو يازينه احلى شي هو في لندن

شخصيا انا ماحبيت الباص السياحي وبعلمك اذا كنتي في الباص السياحي وحبيتي تنزلين اي محطة مو لازم تكملين مع هذا الباص انزلي في المكان الي بيوقف فيه وتبينه انتي وقضي شغلك وتمشي وبعدين لو حبيت تستأنفون الرحلة انتظرو الباص الي بعده واركبوا وياه وكملوا .

جدولك ممتاز واتمنى لك سفره سعيدة وممتعه وتروحون وتجون بالسلامه وشكرا لكل الخبراء الله يعطيهم العافيه ماقصروا ماخلوا شي الله يوفقكم ويحفظكم

لندنية ... فارس الجبيل ... القطري ... موادع ...الف مليون مليار ترليون شوكرن ..



الحمدلله الحين الواحد يرتاح ويفكر في الاندرقراوند ... وربي لحس مخي ...
حاولت اقرا في تقرير الاخ موادع وحملت البرنامج من ابل
اممم راح اقولكم مثال و قولولي لو صح او غلط :
الحين لو بروح ل شارع اكسفورد :
[b][font="Arial"]اطلع محطة لانكستر غيت و اخذ الخط الاحمر لمحطة ماربل ارش ...

هلا وغلا خبيرة الاندرقرواند

الخطوات كلها صح ..

الجزء الاخير من السؤال ..اول ماتطلعين من القطار بتلاقين علامات اتوجهكم الى مكان الخط البني ..اهم شي اذا وصلتوا مكان الخط البني بتلاقون بابين ..واحد ع اليمين والثاني ع اليسار ..

وبتلاقون لوحه فيها اسامي المحطات الي راح ايمر عليها الاندرقراوند ..تأكدوا انتوا اي اتجاه ..ترا سهل واسهل مما اتخيلين ..

بالنسبه لعنوان الفندق جاي بعد اشوي

HOUSE/FLAT NUMBER:1
STREET: Lancaster Terrace
TOWN/CITY:LONDON
ENTER FULL POSTCODE: W2 2TY

هذا العنوان كامل للفندق ..

ان شاءالله ايكون واضح الحين

واي خدمه احنا في الخدمه

واااااو واخيرا عرفت للاندرقراوند

بيض الله وجهك يالقطري ... والله يسعدك دنيا واخره ...


الحين الحمدلله كل شيء اوكي ..


بس ابي اتاكد من حاجة في حجز السيارة اللي راح توصلني من المطار الى الفندق ... اختار هذا العنوان اللي راح يوصلني عليه
w2_ bayswater , paddington
الله يعطيك العافية مرة ثانية

ووجهس ابيض ..

ماسوينا شي ..

وهذا حقكم علينا

العنوان صح

ماقصر العمدة

احلى احلى خبيرة مرة وحدة

الف شكر يالقطري ما قصرت معي ... الله يوفقك ويفرج لك همك .. جد جد انت واللي مثلك فخر هالمنتدى الراقي ... الله يقويكم و يجعلها في موازين حسناتكم ..

الحين الحمدلله تقرير رحلتنا وجهز ما بقي غير نجهز الشنط و قوو على المطار

تسلمين على كلامس الطيب ^_^

وهذا ايدل على طيب اصلكم ..

ولا تشكرينا على شي لأن هذا حقكم علينا ^_^

اعجبتني قوو ع المطار

لها طعم خاص وانتوا رايحين ع المطار

رحله جميله وموفقه ان شاء الله حبوبه

المشاركة الأصلية كتبت بواسطة roro h
http://www.arabtravelersforum.com/tr...4/#post7596574

واااااو واخيرا عرفت للاندرقراوند

بيض الله وجهك يالقطري ... والله يسعدك دنيا واخره ...


الحين الحمدلله كل شيء اوكي ..


بس ابي اتاكد من حاجة في حجز السيارة اللي راح توصلني من المطار الى الفندق ... اختار هذا العنوان اللي راح يوصلني عليه
w2_ bayswater , paddington
الله يعطيك العافية مرة ثانية








هذا عنوان الي تكتبينه نفس الي كتبه الاخ القطري فوق :

HOUSE/FLAT NUMBER:1
STREET: Lancaster Terrace
TOWN/CITY:LONDON
ENTER FULL POSTCODE: W2 2TY


ولوكتبتي هذا لكفى
W2 2TY


شكرا للأخ القطري والاخت لندنية وجميع الاخوة ماقصرتوا وبيض الله وجيهكم
واتمنى لك رحلة سعيدة وممتعة