الموضوع: تكفون تكفون تورطت

السلام عليكم , والله يكتب لكم الاجر
تورطت بوعد سفرة لكامل العايله, وجا معهم كمان ضيوف

واحس انني تورطت لدرجة انني لا استطيع ان افكر او اخطط

سبب الورطة اولا كثافة العدد اربع نساء وخمسة اطفال توأم ست سنوات وطفل 13 وطفلة 13 وولد 17
وأنا لوحدي معهم ,وربما يزيد العدد

الوجهه لندن 5 ايام باريس 5 ايام سويسرا 5ايام

الوقت الثلث الاخير من شهر 6 ميلادي يعني بداية شعبان

الورطة في كيفية ادارة هالعدد ولوحدي

كيف التنقل داخل المدن خصوصا القطارات او الباصات

وهل يفضل استئجار سيارة لكامل الرحلة وهل هي اوفر واسهل

والسكن افضل منطقه تختصر علينا كثرة استخدام المواصلات و..و..و

يعني هل هناك من يبتغي الاجر ويتبنى هالمجموعة ويرتب لها ما يهون عليها

تكفووووووووووون والله عقلي ضرب

طبعا لا يمكن اسقاط اي دولة من الزيارة وحاولت في تقليص عدد الاشخاص وفشلت

دعوة لكل من ساهم بمساعدتي بأن يسهل الله اموره ويرزقه من حيث لا يحتسب

مواضيع عشوائيه ممكن تكون تعجبك اخترناها لك:

• استفسار الدراسة في لندن
• استفسار بخصوص الأمطار بـلندن ؟؟
• تـقـريـر رحـلتي إلى لنـدنـ
• انطلاقي من محطة بندكتون ارغب بشوركم علي يا اخوان
• تقرير رحلتي يوم بريطانيا لندن برايتون مانشستر منطقة البحيرات بلاك بول
• مساعدتكم يا اخوان في عدة اسئلة
• بين ثورب بارك وبلاك بول من هي الافضل ؟
• رايكم بهذا الفندق
• من لندن ايستون الى الماريوت ؟
• معلومات عن السفر الي ايرلاندا من بولندا مع زوجتي البولنديه و يوجد معي اقامة عامين
• كيف اصل لهذه الاماكن ؟؟
• استفسار عن رساله في موقع الفيزا البريطانيه
• هـنـا تـقـبل الـتـهـانـي والـتـبريـكات بـمـناسبـة عـيـد الـفـطر السعيـد عيدكم مبارك
• ضروري يااهل الخبرة
• أرجوا مساعدتي
• بخصوص ملاهي الثورب بارك
• هل تمنع بريطانيا أو اي من الدول الأوروبيه إرتداء الحجاب غطاء كامل الوجه
• اريد مساعدة تعليم بليززززز
• مميز بلندن تعالو
• ممكن تفيدوني عن تعالوا أعلمكم عن إيش

السلام عليكم وصبحك الله بالخير

وسع صدرك ياخوي وهدي بالك وشوي شوي بتترتب بكل سهولة ان شاء الله وامورك طيبه


ليش لايمكن انقاص اي دولة انتم عددكم كبير ماشاء الله واطفال ومختار دول كل دولة بيفزا لحالها وايامك قليلة

ياخوي منت طالع البر انت كم يوم وبترجع مع كل هالعائلة الله يحفظهم لك والتنقلات الكثيرة في هالبلدان مو زينه لكم ومتعبة وانت بلحالك

الايام قليلة اللي بتجلس فيها مايمديكم تريحون الا شديتوا شديدكم لديرة ثانية مايصير ارتاح في لندن خل سفرتك كلها او اوروبا ودولتين بالكثير

انت حجزت سويت شي قصيت تذاكر لو سكن ؟؟

انزل المانيا واستاجر سيارة فان من المطار ولف فرنسا و النمسا
وامورك طيبة

أخي الفاضل النصيحه عدد الايام قليله جدا انصحك تروح لندن وبعدين بالقطار باريس دايركت دزني لاند تسكن فنادق دزني لاند وتلغي سويسرا وتحول الايام بين لندن وباريس

افضل طريقه وناسه دزني عن تجربتي

بيض الله وجيهكم وما قصرتوا،،،وانا عارف اني ورطت نفسي والمفروض بالعدد ذا يا دوب دولة واحدة وكمان عربيه،،لكن انا واعدهم بالسفرة ذي من زمان واللي حولي راحوا وبعيالهم بس مو اوروبا واصبحت جكر نسوان' وانا الضحية ولا خاطري ازعل ام العيال'،،، المهم ممكن تزيد المدة شوي

وانا اكثر مو قالقني عملية التنقل العدد كبير ومليان اطفال

جمعوا خبراتكم تكفون

ولمن سال هل قصيت تذاكر نهاية هذا الاسبوع يتم قص التذاكر واستخراج التأشيرات

مع العلم انني لن اتحمل تكاليف الكل 3 من النساء والولد ابو 17 تكاليفهم عليهم،،،يعني اشوى شوي

والسفر مقرر بحول الله 6/18 ولمدة 20 يوم

لا خلا ولا غلا جعلكم دوم سالمين من الموبايل

انا رايي مثل ماقال المشرف العزيز
انزل المانيا واستاجر سياره وسافر لالنمسا سويسرا واذا تبي باريس ممكن
والسياره اوفر واكثر حريه بالحركه
انا جربتها وكان معي عائله مثلك ماشالله وكانت رحله رائعه
اهم شي تحجز سياره وسكن

تحياتي وربي يوفقك

انا مع راي موادع1

يااوربا لوحدها وتستأجر سيارة وتلف فيهم باريس وسويسرا والنمسا او لندن بلحالها

والشباب ماقصروا الله يبيض وجيههم

السلام عليكم

هلا وغلا الغالي

ممكن اتخليها سويسرا وفرنسا !

والسياره الله واعلم انها فيك فيك ^_^

جعلكم سالمين
مش ممكن تترتب الرحلة من غير حذف لندن،،،يعني مو ممكن اخذ سيارة من لندن واروح فرنسا وسويسرا،،يعني بمعدية
او اخذ سيارة من فرنسا الف فيها وبعدين اطلع سويسرا

او او. والله مدري لذع الفيوز،،، تكفون حاولوا تتدبرونها من هنا او هنا حسب برنامجي اللي هو حسب برنامج الاهل اللي صعب اغيرة من الموبايل

حقيقة الله يكون بعونك
بس سالفة انك تزيد الايام متعبه عليك خصوصا بالاطفال الي غالبا مع تغيرات الطقس والتنقلات يمرضون ويتعبون بالسفر
انصحك لاتزيد الايام .. ومثل ماقالوا الاخوان اختار فيزا وحده شنقن او بريطانيه
والافضل شنقن .. ريف اوروبا ساحر لدرجة تنسوووون لندن (( مع اني ماقد رحت لندن ))

الغالي

حبيت اطمنك ولا اتحاتي ..

مره سافرت وكان القروب 14 شخص وشخصه ^_^

والسنه الي عقبها كنا 15 شخص وشخصه ^_^

وكنت مسئول عن التخطيط والقياده ..

اهم شي التخطيط المبكر والحجز المبكر ..

فرتب امورك الغالي والسياره بتوفر عليك واااااااااااجد ..

المشاركة الأصلية كتبت بواسطة عادي11
http://www.arabtravelersforum.com/tr...6/#post7587266

جعلكم سالمين
مش ممكن تترتب الرحلة من غير حذف لندن،،،يعني مو ممكن اخذ سيارة من لندن واروح فرنسا وسويسرا،،يعني بمعدية
او اخذ سيارة من فرنسا الف فيها وبعدين اطلع سويسرا

او او. والله مدري لذع الفيوز،،، تكفون حاولوا تتدبرونها من هنا او هنا حسب برنامجي اللي هو حسب برنامج الاهل اللي صعب اغيرة من الموبايل



لاتحذف لندن خلها لكن تعب عليك حنا حانينك من التنقل والمصاريف لكل هالمجموعه غير التعب واطفال بعد يصعب السيطره عليهم وانت تبي دول التنقل فيها يبيله ناس خفاف

فيه راي يقول خلك 10 ايام في لندن وبعدها على فرنسا باريس يومين يوم برج ايفل والشانز والمتحف ويوم لديزني لاند وانت بتروح ديزني لاند استأجر السيارة واطلع فيها على ديزني لاند وبات ليلة هناك ومن الصبح على سويسرا 650 كيلو يازينه من خط ومشوار احلى مشوار بتضربة في حياتك
او امسك خط ستراسبورغ ومنها لليورب بارك في رست ( بكذا ماخليت احلى ملاهي في اوروبا وجيتها )

بس ياخي انا لاتذكرت العدد ضاق خلقي وانا مالي شغل شلون انت هههههههه امزح وياك فديتك وسع الصدر عليهم وخليك ريلااااااااااكس جدا

وتدري عاد حتى السيارة بتتوهق فيها يبيلك باص او فان كبير جدا من الطويل علشان الاغراض والشناط

اقولك شي ماتزعل تراهم يمدحون بر الثمامة ههههههه شرايك خيم فيهم هناك وانت والمره اخر الليل رحلتكم على باريس ولا لندن
امزح وياك فديتك ابي اوسع صدرك بس شوي علشان فيوزك الي ضرب وفيوزي وانا افكر وين اخليك تروح

اقولك شي نصيحة من اخوك خلك في لندن وصدقني لندن ماينشبع منها حلو وسهله ومناسبة جدا للعوائل واصلا في الصيف كانك في السعودية بس الجو احلى هههه ايه ماعليه كثر منها

الله يكتب لكم مافيه الخير

الله يكتب لنا وياك الاجر ويجعل اعمالنا خالصه لوجهه بلامنه ولارياء


الحين انت مصمم يعني ومابذنك ماء على لندن وفرنسا جميع

طيب خير ان شاء الله ومافيه شي صعب مع التخطيط الزين والترتيب العدل كل شي بيكون اوكي بأذن واحد احد

خلنا في تقسيم الايام كم يوم حددت لندن اولا خل نبداء فيها لانها منطقة الوصول !
بما انكم عائلة كبيرة ماشاء الله يعني محتاج تكون الشقة قريبة من كل شي مشي هذا اولاً ( يعني في محيط ماربل ارش ولو اتسعت الدائرة ) بسيطه ان شاء الله بتلقى بس ماراح تلقى في بوكينق لان غالي لو لقيت .. لكن انت عندك طريقتين الحين
1. تاخذ فندق اول 3 ايام وتدور بنفسك في المكاتب هناك وصدقني بتلقى ( وادري انك منت مرتاح تبي تتطمن على وضع الحجوزات قبل الرحلة ) لكن ان شاء الله بتلقى انا متأكد لان كثير من الشقق ماتعرض في المواقع لكنها موجودة عند المكاتب سنتين ورا بعض اجرب هالحركة والقى شي حلو دائماً
2. موقع هوم اوي http://www.homeaway.com/ دور فيه وراسل الاونر الي هو المالك مباشرة وشوف وش يرد عليك بعضهم سمح واسعاره زينه ورخيصه وبتلقى شقق حتى بيوت لو بغيت بس انت دور بالخريطة حقت الموقع بلاماكن الزينه القريبة انصحك خل الاهل قريب من الهايدبارك هي ملتقى الخليجين وتصلح للعائلة لقضاء اوقات الفراغ

وهذه الرسالة انسخها والصقها في الموقع اذا حبيت غير التاريخ


Dear Owner


I'm looking for rent apartment from June 20 to 11 Jul
for family 5 adults and 5 children Please advise me prices and contracting method


Thanks & Best Regards

رد علينا وخلك طويل بال وحلاة السفره هالاوقات الي انت فيها الحين صدقني بتعب البحث والترتيب وتتكلل بالنجاح الرحلة ان شاء الله بتتذكر هالاوقات وبتقول يامحلاها

اما بالنسبة للندنية ياخي مافيها شي عندك انا مثلا خوالي سويسرين ومشرف لندن والجنسية سعودي عادي جدا هههههههههههه يمكن هي خوالها لندنيون على قولة نوفل ههههه

ودي اقشع حرف ال ( ذ ) من عندي واعطيك اياه بس كم تدفع