الموضوع: طيران من الدمام الى جده ؟لاهل الخبره

السلام عليكم

اخوانى انا من الكويت وعندى شغل فى الدمام وبعدها باطير من الدمام لجده للعمره

شلون اسعارالطيران ؟ وشلون احجز من النت نفس السعر لو احجز من الدمام ؟ وشكرا

مواضيع عشوائيه ممكن تكون تعجبك اخترناها لك:

• أبي مطعم بجدة شرط أن يكون
• تشلي غريل مانشستر
• عاجل ساعدوني محتاجه رقم شخص يعمل حجوزات لشقق مكه
• تكفووووووووووووووووووووووووون يااخوان
• سؤال عن أسعار المواصلات من مطار الملك عبدالعزيز الوصول الداخلي إلى الحرم المكي
• كوفي شوب مميز بالمدينة المنورة
• موضوع موترني بخصوص جوازات جدة،، ممكن احد يطمني؟
• اجازة الربيع
• استفسار عن ابراج المحمدية في العزيزية مكة المكرمة
• مواصلات من و إلى مكة
• ابراج البيت في مكه المكرمه
• أخواني رحلة الإيمان، لقد تم تحويل المبلغ المطلوب عن طريق سامبا اون لاين
• عروض سينمائية أيام العيد بقاعة ابرق الرغامة شرق جدة
• سوال عن عربات كبار السن
• مأساة النقل الجوي إلى الحرمين الشريفين
• اي الفنادق اسهل وصولا للحرم
• رحلتي الى الصين صور
• يااهل جده تكفون
• تكفون يا اهل جده استفسار
• فنادق المدينه المنورة مساعده

هلا والله باهل الكويت

ياطويل العمر تحجز من النت عن طريق موقع الخطوط الجويه العربيه السعوديه او من اي مكتب للطيران من الدمام وانا افضل انك تحجز من اي مكتب في الدمام لان الاسعار ثابته وفي حال انك تبغى تغير ولا تقدم ولا تاخر يكون من قريب



طبعاً سعر التذكره ( رايح جاي ) 405+405 = 810 ريال سعودي وهذا السعر ثابت طبعا لو حجزت من مكتب سياحي يتاخذ عليك 15 ريال زياده يعني بهالحدود

بس حاول تحجز اول ماتوصل الدمام لان دايم الرحلات فل وفيه تقريبا 8 رحلات لجده دايركت كل يوم فانصحك بالحجز بدري


ولاتنسانا من دعائك

الحجز من النت -موقع الخطوط - افضل وارخص لانه يكفيك عناء دفع رسوم اضافية عن كل راكب
مع العلم بان الشراء من مكتب سفريات يستوجب دفع 15 ريال للمكتب+15 ريال للخطوط السعودية يعني 30 ريال
اضافية لاتحتاج لدفعها لو حجزت ودفعت اون لاين
السعر للرحلات الداخلية على الدرجة السياحية ثابت ولايتغير
تحياتي لك

احجز من اي مكتب خطوط او اون لاين كله نفس الشي
وعمرة مقبولة مقدما

مشكورين عالرد

بس لحجزت من النت ( موقع الخطوط ) وبعدين بأغير التاريخ او باكنسل شلون الطريقه ؟

وجزاكم الله الف خير

عشان كذا اقولك اشتر التذاكر من مكتب سياحي احسن عشان لو كنسلت ولا شي ترجع للمكتب نفسه ويرجع فلوسك ونفس الشي لو شريتها من النت لازم ترجع لمكتب الحجز للخطوط السعوديه وهنا المشكله ان الفرووع دايم زحمممممه

ولك الخيار

المشاركة الأصلية كتبت بواسطة ابو بتـال
http://www.arabtravelersforum.com/tr...6/#post6317308

عشان كذا اقولك اشتر التذاكر من مكتب سياحي احسن عشان لو كنسلت ولا شي ترجع للمكتب نفسه ويرجع فلوسك ونفس الشي لو شريتها من النت لازم ترجع لمكتب الحجز للخطوط السعوديه وهنا المشكله ان الفرووع دايم زحمممممه

ولك الخيار



مشكور اخوى بتال

انا من الكويت ومثلا حجزت من النت طيران داخلى وبغيت اغير

اقدر اراجع مكتب الخطوط السعوديه اللى فى الكويت ؟

وجزاك الله الف خير

المشاركة الأصلية كتبت بواسطة kuwait2008
http://www.arabtravelersforum.com/tr...6/#post6317784

مشكور اخوى بتال

انا من الكويت ومثلا حجزت من النت طيران داخلى وبغيت اغير

اقدر اراجع مكتب الخطوط السعوديه اللى فى الكويت ؟

وجزاك الله الف خير



على فكره ممكن ايضا تحجز وتدفع بالفيزا عن طريق الهاتف وخدمة العملاء
وكذلك هم يقدرون يعدلون حجزك بالهاتف
لكن المشكلة تكمن بالالغاء خصوصاء الي دافع عن طريق الفيزا
تطول المساله
موضوع مكتب الخطوط بالكويت (ما اظن) يقدرون يفيدونك بالرحلات الداخلية
لاحظ اقول اظن

على فكره ممكن تسوي حجزك من مكتب سفريات في الكويت او حتى بموقع مثل اكسبيديا- انا سبق سويتها قبل سنتين-


تحياتي