الموضوع: استفسارات عن قطر الشقيقة

السلام عليكم اخوكم بواحمد من الكويت

لم يسبق لي أن زرت قطر وانوي زيارتها بعد إسبوعين أن شاء الله بالسيارة وعندي بعض الاستفسارات واتمنى منكم الاجابة الشافية

1- هل طرق قطر واضحة وسهلة ام ان بها الكثير من الحفريات والتحويلات كما سمعت ؟
2- بخصوص الاماكن السياحية التي يمكن ان يقوم بزيارتها السائح عندي مجموعة اماكن فياريت لو يتم الرد على الاستفسارات المتعلقة بها وخاصة المسافة وطبيعة المكان:
- سوق واجف طبيعته هل تشبه المباركية بالكويت وسوق المحرق بالبحرين وكم يبعد عن منتجع الشرق والانتركونتيننتال

- فيلاجيو كم يبعد عن الانتركونتيننتال وهل (المول القريب منه نسيت اسمه ) يستحق الزيارة ايضا وبالنسبة لمنطقة اسباير هل بها شي يستحق الزيارة

- الحي الثقافي ماذا يوجد به وهل يستحق الزيارة بشهر سبعة

- جزيرة اللؤلؤة شنو فيها ؟ انا اللي شفته ان فيها شقق وفلل فهل يوجد بها شي للسائح مثل مولات او اسواق صغيرة ومطاعم وهل لاغونا مول يتبع الجزيرة ام انه منفصل عنها ؟

- سمعت عن افتتاح اكوابارك جديدة في قطر هل هذا صحيح واين مكانها لو تكرمتم تزويدي باحداثيات الموقع للجارمن .

3- عندكم اقتراحات لاضافة اماكن سياحية اخرى

4- بالنسبة للسكن انوي اختيار أول يومين في الانتر كونتيننتال ويوم في منتجع الشرق رايكم بالاختيارات وهل مدة 3 ليال كافية ؟

آسف طولت عليكم بالاسئلة بس خبركم تعرفون اول مرة نزور قطر
وتحملونا

شاكر لكم ومنتظر ردودكم
وإن شاء الله نزودكم بصور عن السفر

مواضيع عشوائيه ممكن تكون تعجبك اخترناها لك:

• عندي ترانزيت في قطر ساعات
• مساعده ضروووري لاهنتو
• طلب مساعدة
• مطار الدوحه الجديد يقرب حظوظ دوله قطر من استضافة كاس العالم
• محتاج أرقام شقق مفروشة في الدوحة الرحلة لم يبق عليها إلا أيام
• لأهل قطر الحبيبة ،،،،، بعد التحية ترشيح أفضل سكن مناسب أماكن تستحق الزيارة
• تجوال دولي تحويل الريال
• أرغب في قضاء شهر رمضان في قطر، فهل اجد شقق مفروشة جيدة؟
• سفره لمدة ليلتين ودي بشاليهات حلوه
• ممكن مساعدة الله لا يهينكم
• مبروك كتكات
• استشارة عقد الزواج للاجانب في قطر
• عاجل ارجو المساعدة احترت
• الى اهل قطر مع التحيـه وخبراءهــااااا
• هل في رحلات سفاري في قطر مثل دبي؟
• قمر بتزور قطر تحتاج مساعدة اهل قطر
• كيوتيل ولا فودافون؟؟
• ماريوت ملينيوم كونكورد اماري
• ░░▒▓██ استسفار عن شقق الماسة الفندقية في الدوحة ارجو المساعدة ████░░
• مدينة صيف الدوحة الترفيهية تفتح أبوابها للجمهور

منتظرين ردودكم يا اخوان

نفس اسالتي
خاطرنا نزور قطر نهايه الشهر
نتمنى احد يفيدنا

بالنسبة للانتر كوننتينتاال اذا حصلت عرض زين منهم توكل على الله لانه يعتبر الفندق الخمس نجوم الاقل فخاامه مقارنة بالريتز وشرق هوتيل والفورسيزن . شرق هوتييل ممتااز جدااا يكفي انك تتمشى بين الفلل والمسبح والشاطىء بالليل لان تصميمه كمنتجع. ثلاث اربع اياام اشوفها كافيه لزيارة قطر .

بالنسبة لجزيرة اللؤلؤه شاطىء تتمشى فيه اذا كان الجو حلوو وفي كافياات ومطااعم اذا زرت اللؤلؤة ممكن تمر على الحي الثقاافي لانهم جنب بعض وبجانبهم فندق الانتركونتيننتاال يعني لو سكنت بالانتر تقدر تمشي لهم اذا عندك ليااقه

وعليكم السلام ورحمة الله وبركاته

توصلون بالسلامه يارب

بالنسبه لاستفساراتك :

الشوارع الحمدلله قلت التحويلات يمكن تلاقي تحويلات لكن اللوحات الارشاديه موجوده يعني الطريق سهل بحول الله.

سوق واقف نفس المباركيه من ناحية انه سوق شعبي لكن من وجهة نظري احلى منه وحلاته بالشتا عموما زيارتكم له بالصيف احسن وقت له عقب المغرب ومايميزه عن المباركيه وجود الكافيهات والمطاعم بكثره .

اي مول اللي تقصده وعموما المشاوير في قطر مب ذاك البعد يعني المشوار ماياخذ منك اكثر من نص ساعه لين عشرين دقيقه ،واسباير فيها حديقه يسمونها الهايد بارك بس طبعا الهايد بارك احلى .

الحي الثقافي فيه مطاعم وكافيهات وفيه متحف الصقور والتصوير الضوئي والمدرج الروماني وشاطي كتار العام الماضي كانت فيه انشطه بحريه مقابل 100 ريال للكبار والاطفال 75 ينفع للشباب اكثر فيه وبين فتره وفتره تصير فيه فعاليات على المدرج الروماني دام واصلين قطر مروا عليه .

جزيرة اللؤلؤه تستحق الزياره فيها قعدات ومطاعم بس اسعارها مرتفعه نوعا ما فيها محلات الماركات وتقدر تاخذ لفه بحريه باليخت .
للاسف في قطر نعاني من قلة الاماكن الترفيهيه والسياحيه عندك المجمعات اللاند مارك والسيتي وفيلاجيو مثل ماذكرت وفيه حديقة الحيوان اذا حابين وبداخلها فيه ملاهي بس ماترتقي لملاهي الكويت امانة لكن شي احسن من ولاشي .
اكوبارك اذا كنت جاي على طريق البر بتشوفها على يمينك

اختيارك للفنادق موفق وخصوصا شرق والمده 3 ايام كافيه بحول الله.

عندي جدول سياحي بالاحداثيات بنزله قريب لكم

ما قصرتوا يا اخوان مهندس قطري وام عزيز

وعندي استفسار عن اللاند مارك وين موقعه ؟؟

والحي الثقافي زيارته بالليل أو الفترة الصباحية ؟

وأخوي mm-qtr ما قصرت ومحتاجين للاحداثيات

وانا ناوي ان شاء الله انزل صور للسفرة انتظرونا بشهر 7 إذا الله أحيانا

بالنسبه للحي الثقافي سوق واقف وجزيرة اللؤلؤه ماانصحك بزيارتهم الصبح في الصيف

وان شاء الله تنورونا ونتابع معاكم التقرير

اخوي هذا تقرير عن حديقة الحيوان والالعااب اللي فيها اشوف انها تستحق الزياارة وخاااصة للاولاد راح يستانسوون

http://www.arabtravelersforum.com/travel495520/

حياك
http://www.arabtravelersforum.com/travel577918/