الموضوع: خبراء لندن ممكن مساعدتكم شوية استفسارات تخص الرحلة تحملوني شوي

السلام عليكم
مشرفي وزوار هالبوابة
بغيت استفسر منكم بخصوص السفر الي لندن
اخطط لقضاء العطلة ان شاء الله لندن
احب استفسر اولا فيما يخص مدة الرحلة ...
مدتها 14 يوم على ان تكون 7 ايام منها مابين باريس ومنها الي بروكسل
و7 ايام للندن
هل المدة كافية ؟؟
ولدي استفسر عن منطقة الريف الانجليزي ما اسم المدينة وكم تبعد وهل تنصحوني فيها ؟

مواضيع عشوائيه ممكن تكون تعجبك اخترناها لك:

• خبراء لندن مساعدة لو سمحتم
• احتاج مساعدة لرحلتي الاولى للبريطانيا ومابقي وقت للسفر
• سؤال مهم بخصوص سوق الماركات العالمية
• استفسار بخصوص الاوت لت بستر فيلج و
• ممكن المساعدة الله يجزيكم خير
• هل اقدر استخدم فيزا الوالد في التسوق ؟
• أبغى رأيكم في مدينة برايتون جنوب لدن
• ابي شقه من غرفه نوم وحده وتكون باكسفورد او جنب الهايدبارك
• مساعده
• استفسار بخصوص الفندق
• هل المعلبات في مطار هيثرو ممنوعة
• ارجوا الدخول للضروره
• التجهيز للحلم
• هل أستطيع دخول بريطانيا بالفيزا الإيرلندية؟؟
• محتاج مشورتكم ،، فلاتحرموني منها
• مساعده في اختيار السكن المناسب في لندن وبرنامج ل ايام
• هااام
• دبلن شهر أبريل
• استفسار ارجو من له خبره الاجابه
• أجمل مدن الريف البريطاني

وعليكم السلام ورحمة الله وبركاته

هلا وغلا اختي

اذا ماشلكم المكان انشلكم على روسنا ..

هل الرحله عدد افرادها قليل ولا واجد !

اذا قليل اتوكلوا على الله واذا واجد خلوك على مدنيتين افضل ..
الارياف فيها كذا مكان ولكن وين تبون !

مبدئيا فيه برايتون ..ساعه من لندن بالقطار ..

واي خدمه احنا في الخدمه

الله يجزاك الف .. خير وماقصرت على ردك الرائع
عددنا بالرحلة بيكون كحد اقصى اربعة انا واختي والوالد والوالدة الله يخليهم
قريت عن برايتون .. بس ماكنت ادري انها منطقة ريفية
تنصحني اسكن فيها ؟ يعني
وبجوارها مزارع او حدائق ..هذا طلب الوالدة واسفة على التعقيد
ومشكورين مقدما ..

ويلز حلوه وتبعد ساعتين اتوقع عن لندن بالسياره وقريبه منها مدينة الالعاب التون تاورز

صباح الخير

الله يجزي الجميع كل خير ان شاءالله

وهذا حقكم علينا

ظنيت تبون مكان ريفي اتروحون واتردون في نفس اليوم بس ..

لنا عوده ان شاءالله

اعلم اني ازعجتكم بكثرة الاستفسارات والاسئلة بس اتمنى تتحملوني ازعاجي ...المتكرر
عندي استفسار اضافي يخص زيارة مدينة مانسشتر ...هل تنصحوني بزيارتها ؟؟
شنو اهم المعالم اللي فيها غير المول الكبير
وافكر بزيارة مصنع كادبوري في مدينة بمرمنغهام ...هل يستحق الزيارة .؟
وشكرا من جديد

حياكم الله

بخصوص مانشستر
http://www.arabtravelersforum.com/travel421429/

المصنع جيد وممكن زيارتة - يوم كامل

مشكور والله يجزاك الف خيرر......
ممكن استشارة شرايكم بهالفندق
Ten Manchester Street - A Bespoke Hotel
من حيث قربه من اكسفورد
ومشكورين

وعليكم السلام والرحمة ...
الله يجعلنا من اهل لندن .. مو المشكلة الكبرى اننا مانعرف عن لندن شي
وهذا سبب كثرة الاسئلة والازعاج ...
سؤال يخص الحجز ..
الحجز من الحين ... لشهر اغسطس للتذاكر والفنادق لا يعد مبكر صحيح ؟؟
ومشكور للمرة الالف

المشاركة الأصلية كتبت بواسطة shahrazad30
http://www.arabtravelersforum.com/tr...8/#post7565348

وعليكم السلام والرحمة ...
الله يجعلنا من اهل لندن .. مو المشكلة الكبرى اننا مانعرف عن لندن شي
وهذا سبب كثرة الاسئلة والازعاج ...
سؤال يخص الحجز ..
الحجز من الحين ... لشهر اغسطس للتذاكر والفنادق لا يعد مبكر صحيح ؟؟
ومشكور للمرة الالف

اخذي راحتك اختي ولاتحرجين من شي الي بخاطرك تسألين عنه اسألي كلنا ماكنا ندري عن هالديار شي لكن بفضل الله ثم فضل هالتكنلوجيا والمنتديات صارت الدنيا قريبة وسهلة لله الحمد

لا الحجز كل ماكان مبكر كل ماكان احسن واوفر لكم ستجدين الاسعار المناسبة وكذلك الرحلات المتوفرة واوقاتها والخيارات اكبر للحجز المبكر

اوغست قريب يعتبر لاحظي من الان بعض الفنادق امتلأت وماعادت متوفرة

احجزي وتوكلي على الله

الريف الانجليزي في وندرمير بحيرات
انجلتون شلالات تبعد ساعتين ونص الى ثلاث ساعات

المشاركة الأصلية كتبت بواسطة فارس الجبيل
http://www.arabtravelersforum.com/tr...4/#post7565834

اخذي راحتك اختي ولاتحرجين من شي الي بخاطرك تسألين عنه اسألي كلنا ماكنا ندري عن هالديار شي لكن بفضل الله ثم فضل هالتكنلوجيا والمنتديات صارت الدنيا قريبة وسهلة لله الحمد

الله يجزاااك الف خير وييسر امورك .... والله معاك حق هالتكنولوجيا سهلت الحياة والله الحمد

لا الحجز كل ماكان مبكر كل ماكان احسن واوفر لكم ستجدين الاسعار المناسبة وكذلك الرحلات المتوفرة واوقاتها والخيارات اكبر للحجز المبكر

اوغست قريب يعتبر لاحظي من الان بعض الفنادق امتلأت وماعادت متوفرة

والله معاك حق ..لأاحظت وايد فنادق نفدت الحجوزات فيها ...

احجزي وتوكلي على الله

مشكور الله يجزاك الف خير يارب

مشكورة لندنية الله يجزاج خير

السلام عليكم

حي الله اهل لندن ^_^

ماقصر شيخنا وخبيرنا فارس الجبيل ..

الحجز بدري افضل عشان تضمنون احسن مكان + ارخص الاسعار

وبالعكس احنا كلنا اهنا لخدمتكم ..

وتعالي شوفي اسألتي اذا بروح مكان جديد ^_*

الله لا ايرويس ^_*

واسألي مثل ماتبين واحنا لكم بالمرصاد ..

الله ايحفظكم اختي واموفقين ان شاءالله

شكرا جزيلا اخوي واله يعطيك الف عافية ...
وبما أنك قلت لي سألي على راحتج ... وبما اني ما انعطى ويه
فعندي جم سؤال جديد ...
بالرجوع الي الفنادق ...كنت ابحث عن فندق يكون فيه غرف ثلاثية وموقعه جيد استقريت تقريبا على التالي :
Henry VIII
Grand Plaza Serviced Apartments
Shaftesbury Premier London Paddington
ايهم افضل من ناحية المنطقة الموجود فيها
قربها للاكسفورد او لاماكن التسوق بشكل عام
او من حيث كونها امنه .. ومحترمة
وشكرا جزيلا للجميع

انتي تامرين وهذا حقكم ..

الثاني طقوا منه ..

الاول افضل مقارنه بالثاني ..

واي خدمه احنا تحت امركم

مساء الخير اعزائي ومشكورين من جديد
شرايكم بهالفندق
Radisson Blu Portman Hotel, London

صج اهو مافيه غرفة ثلاثية بس باخذ غرفة كبيرة شوي واطلب سرير اضافي لان الفنادق الزينة مافيها غرف ثلاثية
المهم شرايكم بهالفندق من حيث الموقع تنصحون فيه؟
ومشكورين من جديد
واسفه على كثر الحنه

ياااامرحبا للمره المليون ..

الامر بسيط ..انتوا اطرحوا السؤال ..

وخلي عملية الاجابه على المنتدى

اذا متأكدين من تاريخ السفر احجزوا من الحين افضل ..

اهم شي متاكدين من التاريخ ..

واي خدمه احنا في الخدمه

مساء الخير اعزائي ...
عدت من جديد لازعاجكم ...
.اردت الاستفسار عن الفندق Regency Hotel - Queen's Gate
مارأيكم فيه ....؟؟
هل هو قريب من اماكن التسوق ؟؟
وماذا عن منطقته هل تعد امنة وعائلية ام لا ؟؟
وشكرا جزيلا للجميع...

هلا وغلا اهل لندن

المكان يعتبر بعيد اشوي وصاد ..

المشاركة الأصلية كتبت بواسطة shahrazad30
http://www.arabtravelersforum.com/tr...6/#post7575746

مساء الخير اعزائي ...
عدت من جديد لازعاجكم ...
.اردت الاستفسار عن الفندق Regency Hotel - Queen's Gate
مارأيكم فيه ....؟؟
هل هو قريب من اماكن التسوق ؟؟
وماذا عن منطقته هل تعد امنة وعائلية ام لا ؟؟
وشكرا جزيلا للجميع...

اذا حبيتوا فندق قريب من أماكن التسوق ، مالكم الا شارع الاكسفورد


مثل فندق الكمبرلاند ، أو الماربل ارش


وأغلب العرب والخليجيين بشارع الاكسفورد يتسوقون ، وقريب من الريجنت ومن الهايد بارك واعتقد انها افضل منطقة لكم كونكم عائلة

شكرا جزيلا اخوي على ردك
وانا سبق دورت حجز بالفنادقالي قلت عنها بس لان عددنا 3 وبهالفنادق لاتوحد غرف ثلاثية
لذا اود معرفة رايكم بهذا الفندق تحديدا
ومشكورين من الموبايل

اعزائي عدت من جديد باستفسار جديد ...
انا رجعت للقوائم الموجودة بوكينغ وفيها غرف تتسع لعدد 3 اشخاص .. استقريت على عدد منها بغيت اعرف ارائكم
Club Quarters, Trafalgar Square

Crowne Plaza London St James

Hilton London Metropole

Best Western Premier Shaftesbury Piccadilly Hotel

انا شفت لهم صور في تريب ادفايزر وحسيتهم جيدين بس لاغنى لي طبعا عن ارائكم
وطبعا احب اعرف ارائكم من حيث القرب من الاماكن الحيوية واماكن التسوق ...
والنظافة و الافضلية والامان

ومشكورين

جميل لو خذتي نص المدة في هذا الفندق
Crowne Plaza London St James

والنصف الآخر لمدة جلوسكم في لندن

Hilton London Metropole

شكرا جزيلا اخي فارس الجبيل ....
فكرت فيما قلت سابقا لكني اخطط للانتقال من لندن لي باريس وبروكسل لذا ساقوم بحفظ الامتعة في الفندق خصوصا الكبيرة منها لحين العودة لذا وجدت من الصعب تغيير الفندق
ماهو رايك من الموبايل

مشكور اخوي والله يجزاك الف خير ... .
خوفتني يوم قلت اجورود انا اميل حق اكسفورد اكثر
اذا تعطيني اسم الشقة اللي قلت عنها اكون ممتنه لك ...وخصوصا ان الوالدة تبي شقة فندقية تتوافر فيها خدمة تنظيف وقريبة من اماكن التسوق للاسف شقق مايفير الراقية مافي بالتواريخ اللي ابيها ومشكور مرة ثانية من الموبايل

المشاركة الأصلية كتبت بواسطة shahrazad30
http://www.arabtravelersforum.com/tr...2/#post7580332

مشكور اخوي والله يجزاك الف خير ... .
خوفتني يوم قلت اجورود انا اميل حق اكسفورد اكثر

اذا تعطيني اسم الشقة اللي قلت عنها اكون ممتنه لك ...وخصوصا ان الوالدة تبي شقة فندقية تتوافر فيها خدمة تنظيف وقريبة من اماكن التسوق للاسف شقق مايفير الراقية مافي بالتواريخ اللي ابيها ومشكور مرة ثانية من الموبايل



وش فيه يخوف الاجول روود !! مافيه الا العافيه وأغلب الاماكن حولة حوالية الاكسفورد يتقاطع في اخر الاجول روود يعني قريب مشي وجميع الطرق على فكرة تؤدي للاكسفورد لانه هو مركز المدينة

شقتي الي اخذتها

http://www.booking.com/hotel/gb/pres...ml?aid=1329869


كما يوجد هناك بعض المكاتب العقارية والسياحية لديهم بعض الشقق للأجار

شقق المايفير ابحثي من وقت لآخر ستجدين لديهم ان شاء الله او كلميهم بالهاتف وسيجيب عليكم شخص جزائري يتكلم العربية اسأليه عن امكانية الحجز

مشكور اخوي الله يجزاك خير
بالرجوع للشقة التي ذكرتها تبدو رائعة جدا ولكنها بيعت خلال الفترة التي اريدها
قمت بالحجز في فندق كراون بلازا لان فندق هيلتون لا تتوافر الغرف الثلاثية الا بشرط عدم الاسترداد لذا فضلت حجز الالغاء المجاني ..
شكرا لاهتمامك وردودك الطيبة ..
لي عودة باستفسارات جديدة
مع خالص تقديري وشكري

خير ماعملتي ان شاء الله

الواحد يخلص من الحجوزات بدري لاجل يلتفت لامور ثانية لاتقل اهمية عن حجز الفندق وترتيب الرحلة

حياك الله واتمنى لك سفره سعيده وموفقه

ماقصر مشرفنا ..

واي خدمه احنا في الخدمه

مشكورين جميعا والله يجزاكم الف خير ....
بغيت استفسر منكم عن محطة القطار اللي اروح لباريس من لندن خلالها شنو اسمها ؟
وما اسم المحطة الموجودة في باريس ؟ وكم يستغرق وقت الرحلة ؟ وهل توجد درجات وتنصحوني باي درجة ؟ وماهو سعر التذكرة؟
وشلون اوصلها من فندق كراون بلازا سانت جيمس ؟
وكم تبعد عن الفندق؟
وهل يتوجب الحجز المسبق للتذاكر ولا اهي بتكون متوافرة واحجز رحلة العودة مرة وحده ولا كل رحلة بمفردها؟
اخيرا سؤال مهم جدا جدا جدا
في عمال يساعدون بنقل الحقائب بالمحطة ولا راح اضطر للاعتماد على نفسي ؟
مثل ماتشوفون اسئلتي عديدة ولا تنتهي فسامحوني
وشكرا

ان شاءالله اكون اول واحد ايجاوب

المحطه الي في لندن اسمها سانت بنكراس ST.PANCRAS ولي في باريس اسمها قاردي نور

طبعا انسوا حد ايساعدكم في الشناط

الحجز المسبق افضل وارخص وفيها درجتين اولى وثانيه ..تقريبا كلها نفس الشي بس احجزوا الاماكن الي فيها طاوله افضل ..

بشيك كم تبعد من الفندق وراجع

دقايق

المسافه حوالي 20 دقيقه ..

ممكن اعرف سبب اختياركم للفندق والمنطقه ..!

مشكور اخوي قطري الله يجزاك الف خير وفعلا انت اول من رد الله يعطيك الف عافية

سبب اختيارنا للفندق انه كان من ضمن الفنادق اللي يشمل غرف ثلاثية
اهو والهلتون وفندق ثالث نسيته الحين اكتبهم لك
ورشحتهم الاعضاء وقالولي بين الهلتون والكراون بلازا فاخترت البلازا عشان الغرفة مثل ما قلت لك وبس
ولو علي جان اخترت كمبرلاند او ماربل ارتش بس مافي غرف ثلاثية بكل الاسف
ليش اخوي عندك ملاحظات عليهم ...؟؟ وعلى المنطقة خير شفيها ؟؟
انا ممكن اغير واصلا مفكرة اغير لو حصلت افضل خصوصا الحجز مع خاصية الالغاء المجاني
بانتظار رايك ...

Club Quarters, Trafalgar Square

Crowne Plaza London St James

Hilton London Metropole
Best Western Premier Shaftesbury Piccadilly Hotel
هذي اهي الفنادق اخوي القطري
اذا عندك ترشيحات ثانية او ملاحظات على الفندق
ياريت تفيدني ...

هلا وغلا خبيرتنا

المكان صاد اشوي

الثيستل فيه غرف 3 اشخاص !

مالقيت ...خل ادور الحين مرة ثانية ....

مساء الخير اخوي القطري
جيكت على فندق ثيشل ...مافي غرفة ثلاثية ل3 كبار فقط غرفة ثلاثية بالغين + طفل
ولا توجد امكانية اضافة سرير اضافي ...
عندي استفسار من وجهة نظرك ايهما افضل من حيث الموقع ؟
Ten Manchester Street - A Bespoke Hotel
ولا
Crowne Plaza London St James
ومشكور مقدما

هلا وغلا خبيرتنا

الحين برا البيت

بس ارجع بدور فنادق + بشيك ع الفنادق الي فوق

فالكم طيب ان شاءالله ولا اتحاتون

تبون الفندق حق ليلتين صح !

الله يعطيك العافية ..واسفه على ازعاجك ...
احنا نفضل الاقامة للفترة كاملة من 10 -13 / 8 و 18-23/8 اذا حصلنا فندق زين بنحجز كل المدة ....
اذا ماحصلنا بنحجز يومين فندق وبعدين ندور شقة ..
مع اني افضل الفندق او الشقة الفندقية على خدمة التنظيف وغيرها...
ومشكور مقدما اخوي ...

صار لي فتره احاول الرد والواير لس ماادري وشفيه !!

حصلت كذا فندق ولكن الواير لس ماادري وشفيه

الحين قاعد اكتب من الجوال

الي حصلتها هذي اساميهم

Grand plaza serviced apartment

Quality crown hotel hyde park

Hyde pard suites

Aspen apartments

The darlington hyde park

جربوا الاخير

سكنته من قبل .. مكانه حلو ونظيف

تقريبا في نص ادجول رود .. شارع ادجول قريب منكم واجد

واي خدمه احنا في الخدمه

بشري !!

عسى توفقتوا في شي

هلا والله اخوي القطري
الله يعطيك الف عافية واسفة اذا دوخناك معانا ....
انا دورت باسماء الفنادق االلي عطيتني اياهم
Quality crown hotel hyde park
هالفندق زين اربع نجوم ....
بس لما شفت صور الفندق في تريب ادفايزر ...ماعجبتني كان في ملاحظات وايد على النظافة فماحبيته ...
غير انه ما في تكييف واحنا بنروح بشهر 8 يعني عز الحر ....
وهالفندق The darlington hyde park

ثلاث نجوم وانا والدتي تفضل اربع نجوم ...
بدور بالباجين واعطيك خبر
ومشكور مقدما

جيكت على الباقين Aspen apartments
هذا ثلاث نجوم
Grand plaza serviced apartment

هذا يقولون مافيه تكييف للاسف
شرايك شنو احجز؟

لقيت هالفندق Hilton London Metropole
موقعه حلو وتقييمه زين ...
بس المشكلة مافي حجز لغرفة عائلية في الفترة الاولى بس بالفترة الثانية

طيب ..

كل عقبه ولها حل ان شاءالله ..

ممكن التواريخ الي في لندن ولي خارج لندن !

وخلي الباقي علينا ..

مشكور اخوي والله يجزاك خير
بيكون ان شاء الله
10-13 / 8 لندن
13-15/8 باريس
15-17/ 8 بروكسل
17-18/ 8 باريس
18-23 / 8 لندن
على فكرة التواريخ قابله للتعديل...في كل المدن
لانها بحجوزات قابلة للالغاء فإذا شفت امكانية تعديل او اضافة مدن جديدة داخل لندن او خارجيها
او غيرها مافي اي مشكلة فقط في تواريخ الذهاب والعودة
10_23 / 8 هذا فقط الحجز
ومشكور مقدما على التعب والمتابعة

الرحلة متعبة

لان الايام قليلة ماشي استقرار

شكرا اخوي موادع انا حرصت على ان التنقل عشان نتجنب الملل احنا بطبعنا سريعين الملل وعلى هالاساس تخيرت التنقل
اهو متعب لهدرجة يعني ؟

عدنا من جديد ^_^

سؤال ..ليش ماترجعون من بروكلسل على لندن مباشره بدون مااتمرون باريس في العوده !

قطار اليوروستار يطلع دايركت من بروكسل على لندن والعكس ..

هلا والله اخوي قطري اهلا بعودتك ....والله خوش فكرة انا فكرت اني لازم ارجع لباريس
مو قلت لك خبرتي قليلة في عالم اوروبا ...يعني اقدر ارجع دايركت من بروكسل للندن اوك بس جم المسافة؟
ومشكور مقدما..

تقريبا 4 ساعات بالقطار من بروكسل الى لندن المسافه 363 كيلومتر

والله كأنها بعيدة بس اذا تشوفونها افضل ماعندي مانع ...
ومشكورين الجميع والله يبارك فيكم ماقصرتوا ...

وصباحكم عسل وجمعة مباركة

انت ادرى ياعمدتنا ماادري بصراحة ماجربته انا حسبته بقوقل ماب شفته 360 كيلو عطيتها 4 ساعات حساب وقت الاجرائات والرحلة شاملة

اجل خرعت البنية 4 ساعات خليتها تهون ههههه

اي والله فارس خرعتني وخليتني اهون بصراحة اخترعت 4 ساعات وااايد ..
بس اذا ساعتين تهون الحين شنو الاكيد ؟ ساعتين ولا 4 ؟؟
وماقلت لي اخوي القطري شرايك بفنادق لندن شسوي استقر على شنو ...
وغير خط سير الرحلة ولا اخليه مثل ما اهو
بانتظار ارائكم
ومشكورين ...

هلا وغلا الغالين ..

مرحبا بك مشرفنا ..لاني كذا مره اكون في المحطه واشوف القطار الي على بلجيكا وكنت اشيك ع الوقت ..والمده تعتبر اقل من رحلة باريس ..

لكن لما قلت 4 ساعات قلت يمكن غيروا طريق الرحله لانه اخر مره العام او الي قبله رحت باريس بالقطار ..

فدخلت امس على الموقع وشيكت لقيته نفس قبل ساعتين ^_^

فخبيرتنا خلوا العوده من بلجيكا على لندن مباشره ..

الفنادق برجع لس فيها ان شاءالله الليله او بكرا بالكثير ان شاءالله ..

المعذره ع التأخير

بانتظارك اخوي والله يعطيك الف الف عافية ....

بتكون ان شاء الله من 18 - 23 / 8

يعني العوده بتكون من بلجيكا على لندن !

اذا كذا معناته راح اتمددون يوم في بلجيكا ..

لأن تاريخ 17 كان المفروض من بلجيكا على فرنسا !