الموضوع: خبراء لندن و اهل الخبره تفضلو رحلتنا قرريب

[font="Georgia"]السلام عليكم
جيتكم بعد فترة طبعا انا متابعه القسم من فترره وبعد مساعدتكم لي وتشجعيكم تم الحجز الى لندن
موعد السفر بأذن الله فبراير تم حجز التذاكر والفندق قررريب راح يتم حجزه

ابي ارتب جدول اليومي وكيف نوصل لهاذي الاماكن ,,,,,, بالباص حسيته ممكن يككون اسهل لنا
1- ممكن تساعدوني في ترتيب هاذي الاماكن وقربها من بعض عشان ازورها في نفس اليوم
وهاذي الاماكن الا ابي ازورها مده الرحلة 10 ليالي
لندن آي والبيق بن = مدام توسو = الاكسفورد= البيكاديلي = قصر بكنجهام= هارودز = شارع الريجنت = حديقه الكنزغتون & الريجنت بارك = اوت لت بيستر فيلج

مواضيع عشوائيه ممكن تكون تعجبك اخترناها لك:

• مساعده استفسار
• افضل شريحة للايباد
• هذي الاشياء مسموح اخذها؟؟؟
• الحقوني الله يوفق اللي يرد عليالحقني يابو عبدالله او موادع
• ومن خبرتكم نستفيد
• سااااااااااعدوني
• ساعدوني اعرف درجه الحراره جزاكم الله خير
• اود أن اسال علي ايجار السكن
• نخيتكم جدولي حيررررررررني
• التامين الصحي في بريطانيا اجباري؟
• إستفسآر بخصوص الفيزآ البريطآنية أرجوكم ردوآ
• سؤال عن فندق شيراتون بارك تور في النايتس بردج
• ساعدووووني الله يخليكم ۔
• او
• يوم في اوروبا ؟ ارجو المساعده
• انتركونتيننتال بارك لين ،، معلومات وتجارب؟
• استفسار حول التنقلات في لندن استخدام التاكسي الباص والاويستر كارد
• استفسارات لندنية
• انا ذهب الى
• السكن في لندن اي المناطق أفضل للسكن paddington و kensington

وعليكم السلام ورحمة الله وبركاته

هلا وغلا اهل لندن

ان شاءالله بنحدد ارقام الباصات بعد مااتحجزون الفندق لأنه يعتمد من اي محطه بتاخذون الباص ..

وباقي الاسئله بسيطه ان شاءالله فلا اتحاتونها ابد ..

شكرررررا على الرد ... ممكن تفيدوني بمنطقه فيها طبيعه واقدر ازورها وارجع بنفس اليوم وندرمير تنفع ؟؟

ونديرمر بعيدة 3 ساعات تقريبا من لندن بالقطار
يوجد قرية وقلعة وندسور جميلة جدا خاصة اذا عرفنا ان الملكة اليزابيث مقرها الصيفي في هذه القرية جميلة وهادئة وكذلك لوجود ليقو لاند بقربها للاطفال وتبعد تقريبا 30 دقيقة من لندن بالقطار

ساره بعطيج اسهل شي وعن تجربه والله وادعيلي
تركي عنج الباصات والله زحمه ونطره واشارات وراح تضيعين بالارقام وحاله غير ان بفتره فيها سياح راح ياخذ وقت خصوصا لندن دايما مزدحمه بالسياح

اسرع شي واسهل شي الاندرقراوند عجييييييييب بثواني ولا انتي بالمكان اللي تبينه
لا ارقام ولا باصات ولا تعالي نطري وزحمه جنه تسوقين سياره والشوارع زحمه

انا صراحه عشان اكسب الوقت كلا بالاندقراوند حده فضيع

والشي الثاني بخصوص الاوت لت .. لاتعورين راسج لا حجز انترنت ولا شي
روحي من فندقج بالتكسي لي محطه بادنقتون (كاتبين عنه الاعضاء اسم المحطه) وبعدها دشي المحطه وقصي تذكره لبستر فلج داخل المحطه بشباك التذاكر وقوليله روحه ورجعه وضروري تقولينله ابيها شامله مع تذكره الباص مهههههم ( لان لم توصلين محطة الاوت لت تنزلين في باص يوديج للاوت لت دااخل السوق فلازم تكونين قاصه تذكرته لانهم يجيكون)
لاتعورين راسج نت وحاله الامور سهله

وبخصوص قرب الاماكن :
انصحج اول ماتوصلين لندن اول يوم قصي تذكرت بق باص هذا راح يوريج كل المعالم وراح تعرفين انتي من نفسج شنو الاماكن القريبه منج بس اخذي خريطه بق باص وركزي وترا راح تحفظين الاماكن من هالباص مثلي ههههه

لندن سهله وحلوه
واي سؤال حاضرين

الف شكر على الرد ^_^
تم تحديد الفندق Pestana Chelsea Bridge Hotel And Spa
ايش رايكم فيه وقريب من وين ؟

الفندق ممتاز ولكن موقعة يعتبر بعيد شوي

ممكن تختارون الفنادق المثبتة وكلها في السنتر

شكرا على الرد ))
بعيد عن كل شي ! مافي محطه للباص قريبه ؟ وين موقعه في اي شارع ؟

الفندق يعتبر بعيد وقريب منه موقفين للباصات ..

الافضل لوا قربتوا اشوي ..لأنه حتى لوا استخدمتوا الباصات تعتبر مشوار كل يوم

والشور لكم

واي خدمه احنا في الخدمه

السلام عليكم
اختي حبيت افيدج بفندق ممتاز وانا شخصيا جربته بالعيد اللي طاف (Best Western Premier Mostyn Hotel) واسمه تغير حاليا وصار Double Tree by Hilton
الفندق موقعه روعة وخدمتهم ممتازة جدا وانصح فيه وبشدة

بخصوص شركات الاتصال والأفضل ادخلي على هالموضوع وان شاء الله تستفيدين منه

http://www.arabtravelersforum.com/travel797061/

بخصوص الجو ، انا رجعت من لندن يوم الخميس وكان الجو طبيعي وبدا يتحسن ، ما كان في ثلج بس برد