الموضوع: القطريين او الخبراء بقطر ممكن مساعدتكم

بسم الله الرحمن الرحيم
الســـــــــلام عليكم ورحمة الله

كيفكم يامسافرون ... ابي مساعده صغنونه منكم

الشهر الجاي ذكرى زواجي وحابين انا وزوجي نقضيها بقطر
فياليت تساعدونا بمخطط حلو لرحلتنا يعني الاماكن السياحيه
المطاعم الفنادق الاسواق وكل حاجه تعرفونها مع بعض الشرح
وسمعت انه في جزر حلوه عندكم زي اللؤلو او حاجه زي كذا
ممكن احد يدلني اويقولي عليها

ولكم مني الف شكر وتقدير ولاتنسون مساعدتي بليز

مواضيع عشوائيه ممكن تكون تعجبك اخترناها لك:

• مدينة للأقمار الصناعية في
• ملاحظاتي على دولة قطر
• وش رايكم بفندق Holiday Villa Hotel & Residence City
• استكشف قطر
• رحلة عمل لقطر بس ابي استفسر منكم
• مو عارف وين اسكن في قطر
• عرض فندق موفنبيك تاور
• سؤال بسيط تكفووون ردوا
• استفساري من داخل قطر
• فندقا جديداً بالدوحة
• لاهنتو مين جرب شقق رتاج رزيدنس السد
• وين الاقي شنط
• تقرير رحلتي إلى دولة قطـــــر بالصور
• المشوره يا أهل قطر أو اللي يعرف قطر
• قطـر الحبيبـة
• أريد مساعدتكم الله يخليكم لكل عين تحبكم رجيكم
• أريد سكن قريب من أكاديمية أسباير
• سؤال
• اخوانى اهل قطر ارجو الافاده عاجل
• فندق الدوحـه هيلتـــون

4 مشاهدات في دقيقتين ولااحد كتب كلمه
على الاقل احد يقولي اسم فندق زين

أنا بقولج
أول شئ بتقضين ذكرى زواج يعني لازم فندق هادي ورومانسي وانا انصحج بفندق شرق 100% انا مجربه وعجيب بس لاتنسين تقولين لهم انه ذكرى زواجج عشان يضبطون لج المكان
بس ممن اعرف كم يوم بتقعدين في قطر عشان اقدر راتب لج جدول حلو ^^
بس بعطيج بعض الخيارات الي يمن قد تفيدج:

1- مجمعات:
الستي سنتر***
اللاند مارك****
فيلاجيو*****
المول**
وذنان مول *

طبعا ترشيحي الاول والاخير لفيلاجيو

2-اماكن مفتوحه تحتاج الجو الحلو:
سوق واقف
كتارا (ألحي الثقافي)
اللولوه
حديقة اسباير جنب فيلاجيو

طبعا يفضل الذهاب لها قبل المغيب لحلاوة جو المغيب في هذه الاماكن

3- المطاعم هناك خيارات كثيره ولكن ودي اعرف هل تقصدين مطعم معين او شي وانا بدليج عليه

وحاضرين لج وتامرين امر اختي
واي استفسار انا حاضر موجود

( الرجاء نقل الموضوع الى قسم الاستفسارات )
تحياتي

اخوي بوسعد الله يعطيك العافيه وجزاك الله خير
الاقامه 3 ايام هي الويك اند طبعا
المطاعم مابه شي معين عادي اي نوع بس انا ماابي اروح
واتخبط بالمطاعم وماادل وين اروح ويضيع الوقت علي
وياليت تعطيني تفاصيل اكثر عن الاماكن السياحيه اللي ممكن اروح لها


وسوري عن التخبط بالقسم نزلت الموضوع من غير ماانتبه لقسم الاستفسارات

المشاركة الأصلية كتبت بواسطة حلوه وحامضه
http://www.arabtravelersforum.com/tr...8/#post5147316

بسم الله الرحمن الرحيم
الســـــــــلام عليكم ورحمة الله

كيفكم يامسافرون ... ابي مساعده صغنونه منكم

الشهر الجاي ذكرى زواجي وحابين انا وزوجي نقضيها بقطر
فياليت تساعدونا بمخطط حلو لرحلتنا يعني الاماكن السياحيه
المطاعم الفنادق الاسواق وكل حاجه تعرفونها مع بعض الشرح
وسمعت انه في جزر حلوه عندكم زي اللؤلو او حاجه زي كذا
ممكن احد يدلني اويقولي عليها

ولكم مني الف شكر وتقدير ولاتنسون مساعدتي بليز




حياكم الله بديرتكم الثانية قطر والله يخليكم لبعض

أن شاء الله بكتب لج برنامج حلو بس بالاول بتجون طياررة ولا سيارة

وككم ميزانيتكم للسكن تبون غرفه ولا شقه ولا سويت؟

المشاركة الأصلية كتبت بواسطة fahad-qtr
http://www.arabtravelersforum.com/tr...8/#post5148968

حياكم الله بديرتكم الثانية قطر والله يخليكم لبعض

أن شاء الله بكتب لج برنامج حلو بس بالاول بتجون طياررة ولا سيارة

وككم ميزانيتكم للسكن تبون غرفه ولا شقه ولا سويت؟



الله يحيك ويبقيك اخوي تسلم والله هذا من ذوقك الراقي
وماهو غريب هذا الشي على اهل قطر

لابنجي ان شاءلله بسياره وميزانيتنا محدوده يعني ماهو ذاك الزود
بس اكيد نبي شي حلو وتمام .. والسكن غرفه اوكي تكفي
ويعطيكم العافيه جميع والله خجلتوني

المشاركة الأصلية كتبت بواسطة حلوه وحامضه
http://www.arabtravelersforum.com/tr...8/#post5152098

الله يحيك ويبقيك اخوي تسلم والله هذا من ذوقك الراقي
وماهو غريب هذا الشي على اهل قطر

لابنجي ان شاءلله بسياره وميزانيتنا محدوده يعني ماهو ذاك الزود
بس اكيد نبي شي حلو وتمام .. والسكن غرفه اوكي تكفي
ويعطيكم العافيه جميع والله خجلتوني




مافي خجل اختي بين الاخوان

والجو حلو حق مناسبة نفس جي صار لنا مشاء 4 ايام مطر


اممم شوفي هذا موقع فيه جميع الفنادق بسعر رخيص ومميز

http://www.booking.com?aid=1329869

برشح لج اسماء وشوفي الي يناسبج


فندق فريج شرق

فندق الشرتون

فندق الفورسيزن

فندق جراند حياة

فندق الرتز كارلونن

فندق ماريوت

هذول كلهم يطلون على البحر مباشره ولهم شاطي خاص



اما اذا تبحثين على اطلالة حلوة من غرفة الفندق

فعندج الموفنبيك تور وعندهم نادي صحي بالدور الاخير فيه بركت سباحة ومنظر جدا خلاب

وفيه قسم خاص سبا نسائي جاكوزي وسونا وبخار واتوقع يسون مساج مجاني بقسم رجالي وقسم النسائي




و اتمنى أعرف ايضاء تطلعاتج واهتمامات بحسفر يعني

تبون عشاء ومطاعم رومنسية ولا

مجمعات وشوبنق

ولا متاحف واماكن

الخ

يعطيك العافيه اخوي تعبتك معي ... بس انت وشو ترشح الافضل من هذهالفنادق
الاخ بوسعد يقول فندق شرق حلو وانا احس اقتنعت فيه وهل هو نفسه فريج شرق؟
ودي بأمكان رومانسيه وبعد سياحيه

حياج الله أختي ببلدكم الثاني قطر،، (تنورونا بزيارتكم إنشاء الله، ومبروكين على ذكرى زواجكم وعقبال المئة سنة)،
أختي العزيز خلينا نبدأ بالفنادق ( الاخوان ما قصروا عطوج الاقتراحات المختلفة، مثلاً عندج فندق شرق وشيراتون والريتزكارلتون حلوين ماعليهم كلام ومن أفخم الفنادق عندنا لكن أسعارهم غالية حيث تبدأ من 1000 ريال وفوق ونفس الحاجة بالنسبة لفندق جراند حياة، لكن ثقي كل الثقة ان الخدمة الي تقدمها هل الفنادق توازي خدمة السبع نجوم خاصة الريتزكارلتون) بالنسبة لو ميزانيتكم محدودة وتقدرون تدفعون من 500-800ريال فعندكم ( فندق موفنبيك القديم، فندق مروب الموجود في منطقة الاسواق "هذا فندق جديد وخدمة ما عليها كلام وخدمة ولا أحلى وقريبه من الاسواق فقط مشي دقايق وقريبة من متحف الفن الاسلامي"، فندق سيف الدوحة الجديد وقريب ايضاً من الكورنيش والاسواق، فندق موفنبيك تاور هذا لو قدرتي تحصلين في غرف بسعر 700 و 800 فبيكون جيد لانه موقع وايد حلو فهو يقع في المنطقة الدبلوماسية وهي منطقة هادئة وقدام البحر وفندق فورسيزون، وعندكم فندق ملينيوم في السد بس ممكن سعره قريب الـ900 ريال وفندق هوليدي بعد حلو) "أعتقد اي فندق تحجزونه وتوضحون في انكم بحاجة لترتيب خاص بالغرفة لمناسبة معينة فبيقوم به الفندق بكل تأكيد"
شوفي أختي الغالية أنا راح بذكر لج الاماكن الي تستحق الزيارة والوقت الي تستحق فيه الزيارة وعقبها انتم الي تحددون وقت الزيارة لها:
1- الحي الثقافي "كتارا" (الحي الثقافي يتميز بالكورنيش الرائع وبعض المقاهي والمطاعم "غالية ما أنصحج فيها" هني أنتم تقدرون تروحون العصر مثلاً حيث انكم تدخلون الشاطىء حيث رسوم دخول الشاطىء مئة ريال ويتسبح زوجج وتجربون بعض الالعاب البحرية مثل ركوب الاسكوتر وغيره، عقبها تتمشون على الكورنيش "لا تنسون تجربون شاي الكرك من كرك وجباتي")
2- جزيرة اللولوة (هي عبارة عن منطقة داخله البحر وتتميز بعماراتها ذات الطابع المميز وفيها ممشى بحري وفيها المقاهي المختلفة وبعد فيها المارينا حيث تشوفون أفخم أنواع اليخوت الموجودة "طبعاً من بعيد ماتقدرون تدشون اليخت هههه")
3- سوق واقف (أنصحكم بزيارته في الليل بعد لانه هو سوق مفتوح في كل حاجه تخطر على بالكم من أكلات شعبية وعالمية بخور وعود وعطورات ثياب وفي قسم خاص لبيع الطيور والحيوانات الله يعزج، "جربي خبز الرقاق مع الجبن والبيض وكوب شاي كرك "حاجه ما تتفوت")
* لوتلاحظين أنا معظم الاماكن الي ذكرتها لج نصحتج بزيارتها في المساء لانه الجو يكون هادىء وحلو ومافي شمس لان شمسنا بصراحه ما عليها كلااام تعطيك في الباطن الايمن للمخيخ الايسر"شدخل مادري ههه"
الحين بذكر لج المجمعات:
1- مجمع الستي سنتر (يفتح الصباح من الساعة 10 وحتى المساء الساعة 11، يتميز بوجود جميع المحلات ذات الماركات المختلفة "تحصلون خصومات حلوه واسعار حلوه" وجود سوبرماركت كبير وهو كارفور، ركن المطاعم في المطاعم المختلفة من وجبات سريعة وغيرها، السينما ومنطقة الالعاب " ما أنصحكم بسينما الستي واايد لانه صار قديم".
2- مجمع فيلاجيو (يستحق الزيارة حيث يتميز بتصميمه المميز والجذاب، فيه المطاعم المختلفة والسينما "أنصحكم بهل السينما حيث أنها جديدة وحلوه وكراسيها مريحه، لكن عيبها انه مافيها مكان مخصص للعائلات او النساء لحالهم عكس سينما الستي فيها اماكن للعائلات والنساء بروحهم" فيها منطقة العاب واايد حلوه.
3- عندنا مجمعات ثانية مثل اللاندمارك مجمع المول مجمع رويال بلازا مجمع حياة بلازا وغيرها الكثير لكن هل الاثنين يستحقون الزيارة والباقي ماأنصحج فيهم لانه لا جديد فيهم ولكن فيهم سينمات صغيرة.
* أنصحج بزيارة المجمعات في وقت الظهيرة يكون أحسن الزحمة أخف وتحصلون موقف للسيارة بسهولة.
ألحين خليني أقولج عن بعض الاماكن العامة الممكن زيارتها:
1- متحف الفن الاسلامي (يتميز بوجود الاثار والقطع الفنية المميزة والتي تعود الى الاف السنين، "يستحق الزيارة بصراحة" انصح بزيارته في الصباح حيث يقفل الساعة 5 مساءً)
2- حديقة اسباير (هي بجنب مجمع فيلاجيو وعبارة عن ممشى وحديقة ويتميز بأشجاره ذات الطابع المختلف والبحيرة الصناعية الموجودة بالحديقة "يستحق الزيارة")
3- عندكم حدائق وايده عندنا مثل حديقة دحل الحمام وحديقة الحيوانات وعندكم بعد كورنيش الدوحه المميز والحلو ممكن تتمشون العصر وتسمتعون بمناظر حلوه "هههه" مثل الشباب وهم يستعرضون بالاسكوترات.
* في شيء ثاني ممكن تسووونه بعد الي هي رحلة السفاري حيث في شركات تقوم برحلة سفاري لمنطقة سيلين جنوب قطر حيث تحتاج الى قلب قووي "ههههه" حيث ياخذونك الى المخيم الخاص بالشركة لكن قبلها تخوضون تجربة التطعيس حيث تقوم السيارة وانتم فيها بالقيام بحركات استعراضية خطرة على الطعوس، وعقبها على المخيم على حسب فترة غداء او عشاء والاسترخاء على البحر بعدها ترجعون للدوحه "هي فكرة حلوه ترى"

* أنا أسف جداً على الاطالة وأتمنى أني أكون أفدتج بشيء ياأختي العزيز،،
وأتمنى لكم رحلة وحياة موفقة،، وأي خدمة ثانية أنا وباقي الاخوان تحت أمركم طال عمرج،،

المشاركة الأصلية كتبت بواسطة عبدالله منصوري
http://www.arabtravelersforum.com/tr...8/#post5152878

حياج الله أختي ببلدكم الثاني قطر،، (تنورونا بزيارتكم إنشاء الله، ومبروكين على ذكرى زواجكم وعقبال المئة سنة)،
أختي العزيز خلينا نبدأ بالفنادق ( الاخوان ما قصروا عطوج الاقتراحات المختلفة، مثلاً عندج فندق شرق وشيراتون والريتزكارلتون حلوين ماعليهم كلام ومن أفخم الفنادق عندنا لكن أسعارهم غالية حيث تبدأ من 1000 ريال وفوق ونفس الحاجة بالنسبة لفندق جراند حياة، لكن ثقي كل الثقة ان الخدمة الي تقدمها هل الفنادق توازي خدمة السبع نجوم خاصة الريتزكارلتون) بالنسبة لو ميزانيتكم محدودة وتقدرون تدفعون من 500-800ريال فعندكم ( فندق موفنبيك القديم، فندق مروب الموجود في منطقة الاسواق "هذا فندق جديد وخدمة ما عليها كلام وخدمة ولا أحلى وقريبه من الاسواق فقط مشي دقايق وقريبة من متحف الفن الاسلامي"، فندق سيف الدوحة الجديد وقريب ايضاً من الكورنيش والاسواق، فندق موفنبيك تاور هذا لو قدرتي تحصلين في غرف بسعر 700 و 800 فبيكون جيد لانه موقع وايد حلو فهو يقع في المنطقة الدبلوماسية وهي منطقة هادئة وقدام البحر وفندق فورسيزون، وعندكم فندق ملينيوم في السد بس ممكن سعره قريب الـ900 ريال وفندق هوليدي بعد حلو) "أعتقد اي فندق تحجزونه وتوضحون في انكم بحاجة لترتيب خاص بالغرفة لمناسبة معينة فبيقوم به الفندق بكل تأكيد"
شوفي أختي الغالية أنا راح بذكر لج الاماكن الي تستحق الزيارة والوقت الي تستحق فيه الزيارة وعقبها انتم الي تحددون وقت الزيارة لها:
1- الحي الثقافي "كتارا" (الحي الثقافي يتميز بالكورنيش الرائع وبعض المقاهي والمطاعم "غالية ما أنصحج فيها" هني أنتم تقدرون تروحون العصر مثلاً حيث انكم تدخلون الشاطىء حيث رسوم دخول الشاطىء مئة ريال ويتسبح زوجج وتجربون بعض الالعاب البحرية مثل ركوب الاسكوتر وغيره، عقبها تتمشون على الكورنيش "لا تنسون تجربون شاي الكرك من كرك وجباتي")
2- جزيرة اللولوة (هي عبارة عن منطقة داخله البحر وتتميز بعماراتها ذات الطابع المميز وفيها ممشى بحري وفيها المقاهي المختلفة وبعد فيها المارينا حيث تشوفون أفخم أنواع اليخوت الموجودة "طبعاً من بعيد ماتقدرون تدشون اليخت هههه")
3- سوق واقف (أنصحكم بزيارته في الليل بعد لانه هو سوق مفتوح في كل حاجه تخطر على بالكم من أكلات شعبية وعالمية بخور وعود وعطورات ثياب وفي قسم خاص لبيع الطيور والحيوانات الله يعزج، "جربي خبز الرقاق مع الجبن والبيض وكوب شاي كرك "حاجه ما تتفوت")
* لوتلاحظين أنا معظم الاماكن الي ذكرتها لج نصحتج بزيارتها في المساء لانه الجو يكون هادىء وحلو ومافي شمس لان شمسنا بصراحه ما عليها كلااام تعطيك في الباطن الايمن للمخيخ الايسر"شدخل مادري ههه"
الحين بذكر لج المجمعات:
1- مجمع الستي سنتر (يفتح الصباح من الساعة 10 وحتى المساء الساعة 11، يتميز بوجود جميع المحلات ذات الماركات المختلفة "تحصلون خصومات حلوه واسعار حلوه" وجود سوبرماركت كبير وهو كارفور، ركن المطاعم في المطاعم المختلفة من وجبات سريعة وغيرها، السينما ومنطقة الالعاب " ما أنصحكم بسينما الستي واايد لانه صار قديم".
2- مجمع فيلاجيو (يستحق الزيارة حيث يتميز بتصميمه المميز والجذاب، فيه المطاعم المختلفة والسينما "أنصحكم بهل السينما حيث أنها جديدة وحلوه وكراسيها مريحه، لكن عيبها انه مافيها مكان مخصص للعائلات او النساء لحالهم عكس سينما الستي فيها اماكن للعائلات والنساء بروحهم" فيها منطقة العاب واايد حلوه.
3- عندنا مجمعات ثانية مثل اللاندمارك مجمع المول مجمع رويال بلازا مجمع حياة بلازا وغيرها الكثير لكن هل الاثنين يستحقون الزيارة والباقي ماأنصحج فيهم لانه لا جديد فيهم ولكن فيهم سينمات صغيرة.
* أنصحج بزيارة المجمعات في وقت الظهيرة يكون أحسن الزحمة أخف وتحصلون موقف للسيارة بسهولة.
ألحين خليني أقولج عن بعض الاماكن العامة الممكن زيارتها:
1- متحف الفن الاسلامي (يتميز بوجود الاثار والقطع الفنية المميزة والتي تعود الى الاف السنين، "يستحق الزيارة بصراحة" انصح بزيارته في الصباح حيث يقفل الساعة 5 مساءً)
2- حديقة اسباير (هي بجنب مجمع فيلاجيو وعبارة عن ممشى وحديقة ويتميز بأشجاره ذات الطابع المختلف والبحيرة الصناعية الموجودة بالحديقة "يستحق الزيارة")
3- عندكم حدائق وايده عندنا مثل حديقة دحل الحمام وحديقة الحيوانات وعندكم بعد كورنيش الدوحه المميز والحلو ممكن تتمشون العصر وتسمتعون بمناظر حلوه "هههه" مثل الشباب وهم يستعرضون بالاسكوترات.
* في شيء ثاني ممكن تسووونه بعد الي هي رحلة السفاري حيث في شركات تقوم برحلة سفاري لمنطقة سيلين جنوب قطر حيث تحتاج الى قلب قووي "ههههه" حيث ياخذونك الى المخيم الخاص بالشركة لكن قبلها تخوضون تجربة التطعيس حيث تقوم السيارة وانتم فيها بالقيام بحركات استعراضية خطرة على الطعوس، وعقبها على المخيم على حسب فترة غداء او عشاء والاسترخاء على البحر بعدها ترجعون للدوحه "هي فكرة حلوه ترى"

* أنا أسف جداً على الاطالة وأتمنى أني أكون أفدتج بشيء ياأختي العزيز،،
وأتمنى لكم رحلة وحياة موفقة،، وأي خدمة ثانية أنا وباقي الاخوان تحت أمركم طال عمرج،،



ويبارك بعمرك ويخليك لعين ترجيك

ياسلام عليكم يااهل قطر فديتكم والله لبى قلووبكم هذا بس مجرد اسئله وماقصرتوا
كيف اجل لما نزوركم الله يعطيكم العافيه ويزيد في خيركم وخير بلدكم امييييييييين

عجبتني رحلة السفاري

المشاركة الأصلية كتبت بواسطة حلوه وحامضه
http://www.arabtravelersforum.com/tr...4/#post5152774

يعطيك العافيه اخوي تعبتك معي ... بس انت وشو ترشح الافضل من هذهالفنادق
الاخ بوسعد يقول فندق شرق حلو وانا احس اقتنعت فيه وهل هو نفسه فريج شرق؟
ودي بأمكان رومانسيه وبعد سياحيه



" منتجع وسبا فريج شرق" أكثر من رائع وانا متاكد راح يعجبج وتوكيل على الله واجازة سعيده

مادلتوني على المطاعم والاماكن الرومانسيه
وعن شركات سفاري

السلام عليكم،،
بالنسبة لشركات السياحة عندج شركة قطر للمغامرات (qia) ممكن تدخلين النت وتحصلين لهم موقع وفعالياتهم وعندهم فعاليات وايده مثل رحلة بحرية ورحلة السفاري، وشركة اللولوة السوداء فممكن تتصلين فيهم وتحجزين، وبعد اذا ما خاب ظني في الرسبشن مال الفندق تحصلون عندهم عروضات هل الشركات وطريقة الاتصال معهم،،
خلينا نروح على المطاعم الحين،
المطاعم عندنا بجميع أنواعها مالذ وطاب من الاكل الهندي الايراني الخليجي الامريكي الاوروبي والصيني .....
لو بغيتي حاجه رومنسية وحلوه ومرتبه عندج فندق شرق ممكن ترتبين معاهم يرتبون لكم طاولة على البحر مع شموع وحركات وأكل بحري أحلى منه مافي، "غالي شووي تقريبا من بين 500 الى 1000 ريال"
فندق الشيراتون بوفيهم يجنن حلو " الشخص من 200 الى 270" مش متاكد
فندق الانتر والريتز بوفيهم حلوو بعد عندهم حلويات تجنن "الشخص من 150 الى 200" بعد مش متأكد
فندق ملينيوم بمنطقة السد بوفيهم حلو "الشخص من 95 الى 100ريال" بعد مش متاكد بس مب أكثر
" كل مب متأكد عيل شلي تعرفه هههههههه"
الفطور عندج الريتز وفندق موفنبيك تاور أحلى فطور بصراحة "الشخص من 150 الى 180 ريال" مش أكثر،
بالنسبة للمطاعم الي برع وااايد:
1- مطعم أصفهان " الموقع سوق واقف، يقدم أكل ايراني" سعره حلو وأكله حلو.
2- مطعم شاطر عباس "الموقع اشارات رمادا منطقة السد فرع الستي سنتر بعد، يقدم أكل ايراني" اسعارهم حلوه
3- مطعم أشيانا "الموقع جنب البريد الممتاز بالمطار القديم" عندهم بوفيه ما عليه كلام يجنن وسعر الشخص 48 ريال
4- مطعم بندروزا " الموقع اشارات رمادا مجمع المطاعم وفي فرع في طريق سلوى عند العزيزية وهل الفرع احسن من فرع اشارات رمادا لانه هادىء وانظف يقدمون بوفيه سلطات الشخص على 48 ريال.
5- مطعم ابل بيز، فرايديز وشيليز موقعهم في المجمعات وفي السد ومجمع اللاندمارك، متخصصين في الستيك والاكلات الغربية مثل الهمبرجر والباستا.
6- مطعم البيت الشامي موقعهم طريق سلوى والسد متخصصين في الاكل الشامي بوفيهم يجنن الشخص بـ 85 ريال.
7- مطعم بخاره جنب نادي قطر عند نادي الدانه وهم يقدمون الاكل الهندي.
8- مطعم علي شان في منطقة المنتزة يقدمون اكل هندي لكن مطعم حلو واثاثه مرتب.

* بصراحه هااااي كل الي عندي في طبعاً مطاعم ثانية مثل "الزرقاء ههههههههههههههه" خوش شاي كرك وشيلي شيكن عندهم، بس ما ينفع لكم مطعم هنووود ههههه أكيد ربعنا عرفوووه.
أتمنى أني أكون افدج بشيء واعتقد باقي الاخوان ما راح يقصرون معاااااكم في المعلومات،،

وأي خدمة ثانية نحنا تحت الخدمة طاااال عمرج،،

عز الله انكم كفيتوا وفيتوا طال عمركم جميع
ماقصرتوا والله يعطيكم العافيه جميع
اخوي بوسعد واخوي fahad-qtr واخوي عبدالله المنصوري وعساي مانسيت احد بس
وان شاءلله نخدمكم بزيارتكم للسعوديه والله يحفظكم

المشاركة الأصلية كتبت بواسطة حلوه وحامضه
http://www.arabtravelersforum.com/tr...0/#post5165570

عز الله انكم كفيتوا وفيتوا طال عمركم جميع
ماقصرتوا والله يعطيكم العافيه جميع
اخوي بوسعد واخوي fahad-qtr واخوي عبدالله المنصوري وعساي مانسيت احد بس
وان شاءلله نخدمكم بزيارتكم للسعوديه والله يحفظكم

ولو اخت عزيزة وغالية واحنا بالبوابة قطر لخدمتكم

بس حبيت ازيد انصحج بأرقى وافخم المطاعم بقطر وانا مجربها شخصيا وفيها بعض الاكلات الحلوه التالية :

- مطعم الساحة اللبناني : غني عن التعريف " تبولته عجيبة وفتوش بدبس الرمان "

- مطعم تشاو الايطالي : فرع طريق سلوى " أحلى بني اربياتا بالبنك صوص "

- مطعم البيت الشامي : فرع طريق سلوى " عندهم بوفية مالذ وطاب من الاكل 80 للشخص"

- مطعم بخاره الهندي : فرع الدفنة عند نادي قطر " أحلى دجاج بزبده "

- مطعم يندروزا : فرع طريق سلوى " بوفية 50 للشخص "

-مطعم سراي : فرع فيلاجيو.

- مطعم الطواش : سوق واقف

- مطعم طاجن المغربي : سوق واقف

- مطعم المجلس : في فرعين بالسد وفرع لاند مارك " أحلى شيء مسخن دجاج "

- مطعم اوتار اللبناني : فرع السد عند اشارت رمادا وفرع مجمع ستي سنتر

- مطعم نجمة الهند : فرع المرخية :"يقدم بوفيه 48 للشخص"





الكوفي شوبات ومقاهي :


- كوفي ومقهى البيوتي كافية : السد قبل اشارة رمادة " يسكر 2ونص الى 3 الفجر"

- كوفي شوب فوشون : طريق سلوى "محل عالمي ويقدم سويتات خاصة "

- كوفي شوب لونيتر : فرع فيلاجيو.

- كوفي شوب ومقهى جراند جود : اشارة رماده بجانب دوار السنتر. " كبدة دجاج بدبس الرمان " يسكر 2ونص الفجر

- مطعم وكوفي شوب الفيروزي : بجانب الدوحة رجنسي عند دوار السنتر.


تقريبا هذا الي قدرت اذكر او حاضرني

اتمنى لج اقامة سعيده.

الله يعطيك العافيه اخووووي من جد استفدت منكم
وماقصرتوا وعساكم ع القوه

المشاركة الأصلية كتبت بواسطة حلوه وحامضه
http://www.arabtravelersforum.com/tr...2/#post5171742

الله يعطيك العافيه اخووووي من جد استفدت منكم
وماقصرتوا وعساكم ع القوه



الله يقوج اختي وتنورون قطر

بس نصيحة لكل من ناوي يزور قطر لحقوا على هالايام الجو بليل اوكي لان بداء الحر

والمتوقع يبداء دخول الحر وراتفع دراجات الحرارة ورطوبه على شهر نهاية مايو