الموضوع: تم رفض تأشيرة صديقي للاسباب التالية وعندي استفسار

السلام عليكم

كيف الحال


انا من قطر ورفيجي جنسيته يمني بس مقيم في قطر




قررنا نروح لندن سياحة بس تأشيرته انرفضت


اوراقه كانت كامله : كتاب من العمل + كشف حساب + حجوزات فندق وطيران .. الخ


الحركة اللي سواها انه كلم احد من اصدقائه يحول له 60 الف ريال قطري عشان يحطهم في الحساب
ويطبع الكشف ..


هو ماكان يدري .. من خلال البحث في النت فهم انه لازم يكون مبلغ كافي في الحساب وانه كل مازاد المبلغ كان احسن...




تم رفض تأشيرته واكتبوا له كتاب مبين اسباب الرفض وكانت كالاتي:




لماذا تم ايداع المبلغ قبل تقديم طلب التأشيره بيومين


وما علاقه الشخص الذي حول المبلغ اليك : صديقه حول الفلوس عن طريق البنك واسمه موجود في الكشف


هذا المبلغ كبير بالنسبه للاقامة في لندن لمدة اسبوع وكاتبين انه السفارة مش متطمنة من سفرته.. شكلها اقامة مو زيارة..


وفي اخر صفحة من جوازه في ختم صغير بالاسود مكتوب doha و uk بخط اليد


وتاريخ اللي استلم فيه الجواز ..
مش مكتوب انه تم الرفض .. بس ختم




السؤال الان:
هل هذا ختم رفض ؟


هل يقدر يقدم مرة ثانية ؟وايش الاجراء ؟

مواضيع عشوائيه ممكن تكون تعجبك اخترناها لك:

• استفسار هاااام جدا الله يرضى عليكم
• مامعنى هذه الرساله من السفاره البريطانيه
• استفسار عن شركات الطيران
• بالي او لندن في شهر اكتوبرنوفمبر ؟؟
• ابي رايكم ياخبراء
• رايق مروّق بلندن
• استفسار بخصوص أرياف لندن
• استفسار عاجل
• أهم الاماكن السياحيه في لندن ( ج1 )
• جدول لجميع مناطق لندن بالترتيب
• ذاهب للعلاج مطلوب مترجم في لندن لمده يوم او يومين
• استفسار بالنسبة للفلوس
• ساعدوني ياجماعة الخير
• استفسار عن موقع ماركه معينه ؟؟ اتمنى الافاده
• ماهو افضل وقت لشراء تذاكر صيف ؟
• معاق مسافر لندن يحتاج مساعدتكم
• استفسارات لآهنتم
• ساعدووووني الله يخليكم ۔
• سؤال عن بيق باص
• ماذا ازور مع لندن في بريطانيا

وعليكم السلام اخوي
بصراحه الي كاتبين بالنت سالفة انو لازم المبلغ الي يكون برصيدك مبلغ كبير غلط

احنا المكتب الي طلع لنا الفيز سالناه قال لا الافضل يكون حسب الدخل اليومي ومايكون مبلغ جدا كبير او محول من شخص اخر قبل ايام من الفيزه يعني حسب دخلك

هذا الي اعرفه وراح يفيدونك الخبراء اكثر من الموبايل

وعليكم السلام ورحمة الله وبركاته

هلا وغلا ولد ديرتي

اعتقد الحين حط نفسه في موضع شبهه للأسف ..

رفيقي يمني وتوه امقدم وعطوه للمره الثانيه ..وكانت اجراءاته عاديه ورصيده اقل من 15 الف ..

المره الأولى جاني زياره سنة 2008 ..والحين المره الثانيه الي ايقدم ..

الأفضل لوا يطلب مقابلة المسئولين في السفاره ويشرح لهم الأسباب ..واذا كان مكتوب انه ايسافر راح ايسافر ان شاءالله

واي خدمه احنا تحت امرك الغالي

المشاركة الأصلية كتبت بواسطة danadony53
http://www.arabtravelersforum.com/tr...3/#post7492343

وعليكم السلام اخوي
بصراحه الي كاتبين بالنت سالفة انو لازم المبلغ الي يكون برصيدك مبلغ كبير غلط

احنا المكتب الي طلع لنا الفيز سالناه قال لا الافضل يكون حسب الدخل اليومي ومايكون مبلغ جدا كبير او محول من شخص اخر قبل ايام من الفيزه يعني حسب دخلك

هذا الي اعرفه وراح يفيدونك الخبراء اكثر من الموبايل



هو المفروض هالشكل وهو سمع هالكلام عقب ماصار الرفض للأسف .. ماكان يدري

شاكر لج مداخلتج

عسى ان تكرهوا شي وهو خيرا لكم

للـــــرفع