الموضوع: السفر لـ بريطانيا في الشتاء

السلام عليكم ورحمة الله وبركاته . . .
تحياتي لـ أعضاء المنتدى والمشرفين المتميزين والقائمين على هذه البوابة . . .
مسافرة لـ بريطانيا في يناير 2013 إن شاء الله والمدة راح تكون 15 يوم تقريبا . .
والهدف من الزيارة هو السياحة والتسوق ، لكن مب عارفة اذا هالوقت مناسب للسياحة في بريطانيا أو لا !!
حابه مساعدتكم لي في إعداد جدولي السياحي ومشاركتكم لي بـ ارائكم واقتراحاتكم
شلون اوزع المدة على الاماكن والمدن الي تستاهل زيارتها في فترة الشتاء !! خصوصا ان هذي هي الزيارة الاولى لي لـ بريطانيا !!
وحابه اعرف عن افضل الفنادق في لندن وقربها من الاماكن السياحية . .
وبكون شاكرة لكم . . وأي استفسار آخر اكيد راح ارجع لكم . . يعطيكم الف عافية

مواضيع عشوائيه ممكن تكون تعجبك اخترناها لك:

• قادمون يا لندن
• افيدوني الله يعطيكم العافيه بليييييييييييييييييييييييييييييييييز
• استفسار بخصصوص تذاكر الاماكن السياحه وطريقة الوصل لها
• ممكن استفسارات عن جنوب غرب بريطانيا
• الجواز الأمريكي فزعتكم ضروووري
• افضل خطوط من السعوديه للندن
• ثيسل ولا الكمبرلاند؟؟؟
• كيف الحجز في قطار يوروستار ؟
• احتاج شقة في لندن ضروووووري
• تقرير محتار في لندن كامل
• شقق في لندن
• محل الجزم الطبيه في اكسفورد انا في لندن محتاجه الرد بسرعه
• عاجل جدااااا رايكم في فندق في وندرمير
• مسااااعده تكفوووون يااهل الخيرررررر
• الانتقال من لندن إلى دبلن بالقطار والعبارة
• مين يساعدني واكون له من الشاكرين
• استفسار عن لندن
• السكن عند العوائل والحيوانات
• افيدوني ارجوكم بخصوص سفاري بارك
• استفسار بسيط

No one can help me !!!

وعليكم السلام ورحمة الله وبركاته

هلا وغلا السفيره

وااااااااااااسفين على التأخير

اول مره وفي الشتا !

ماراح تكتشفين بريطانيا بسبب البرد ..الحلو في الشتا الليل ..وخصوصا ان الشوارع امزينه بالليتات ..

تقدرون اتمشون ولكن خلو لبسكم امسكر عدل ولا اتخلون اي فتحه في الجاكيت او القفازات يدخل منها البرد ..

اذا في الشتا خلوكم في لندن افضل ..لأنها هي الوحيده الي ليلها طويل ..

واي خدمه احنا في الخدمه

وانكرر اعتذارنا على التأخير

ماقصر السمي اختي الفاضله عن تجربتي مافي سياحه مثال الحدايق والملاهي بس تقدرين تروحين حق سفاري بارك والجواء احتمال كبير ثلوووج

وهذا تقريري سنه٢٠١٠ بشهر يناير

http://www.arabtravelersforum.com/travel345404/

مشكور أخوي "القطري" على اقتراحك
يعطيك الف عافيه

ماقصرت اخوي "أبوعبدالله"
وراح اشوف تقريرك وإن شاء الله استفيد منه

انا حالياً بلندن
ونصيحة اخ الجو بارد جداً جداً جداً واحتمال كبير انا راح اطلع للمغرب بصراحة مو متعود ع هالبرد...!
لكن مايمنع من الخروج والتسوق بس اهم شيء الملابس الشتويه الثقيله
والفنادق انصحك بالفنادق اللي عند محطة بانديغتون من المطار بالقطار الئ المحطة تطلعون منها ع الفندق ابحثي بموقع بوكينق عن الفنادق القريبه من بانديغتون
وشوفي شروحات الانداقراوند تراه سهل بالمره ينفعك تروحي للاماكن السياحيه

وهاذي اهم المحطات
1- marble arch --- بداية شارع اكسفورد للتسوق ومقابل حديقة الهايد بارك وبالقرب من شارع ادجورود

2 - Bond street --- بداية شارع الماركات ووسط شارع الاكسفورد

3- ََََََQueensway -- بداية شارع الكونزوي للتسوق من جهة الهايد بارك

4- Oxford Circus -- بداية شارع اكسفورد الجديد للتسوق ---

5- Shepherd's -- محطة مجمع الويست فيلد وبداية شارع شبربوش للتسوق

6- Baker street -- محطة متحف الشمع مدام تسو

7- Paddington -- بالقرب من محطة القطارات للنقل الى المطار

8 - Knightsbridge -- محطة مجمع الهارودز وشوارع التشوق

9 - ًWaterloo -- محطة عين لندن -- والاكواريوم -- وبيج بن

10 - London Bridge -- المحطه الخاصه ببيت الرعب - ومستشفى لندن بريدج ومكان جميل ومناظر رائعه على نهر التايمز مع تسوق

11- Charing croos -- محطة ساحة الطرف الاغر والمكان الرائع بمحيط الساحه

12- Piccadilly Circus -- محطة البيكادلي

13- Tower Hill -- محطة ابراج لندن وبالقرب من نهر التايميزمكان رائع

ولاتنسو تحجزو مسبق لمتحف الشمع ولندن اي واكواريوم تجي بكج كامل من النت...

واي استفسار حاظرين من الموبايل

ماقصرو الخبراء

بارك الله فيكم

والله حلاه لندن بالصيف صراحه ويناير برد وسنوووو
ماراح تستانسي بالهايد بارك ولا بالطبيعه
بس الشوبينج جميل جدا بلندن بكل الفصول

مشكور أخي الفاضل "هاجس السفر" أفدتني وايد
يعطيك الف عافيه ، بس استفسار آخر ممكن لنك الموقع عشان احجز البكج الكامل حق المتحف . . . الخ وبكون شاكره لك

"موادع1" مشكور أخي الفاضل على مرورك

"لندنية 2011" مشكوره أختي على مرورج ، وهو في الحقيقه والواقع الشوبنغ الي بياخذ كل وقتنا =))

لندن حلوة صيف وشتا ^^

15 يوم انصكم تظلون داخل لندن وما راح تملون

ممكن تطلعوا وترجعوا بنفس اليوم لمدن قريبة خاصة معكم اطفال

وبما أن برد ما ينفع تطلعوا السواحل

ممكن تروحوا مثلا chessignton حق الالعاب الي فيها لو اطفال صغار

ولو اطفال كبار ممكن thrope park وكلهم قراب

بالتوفيق