الموضوع: بغيت سائق في كوانزو لو سمحتوا

السلام عليكم


اخواني واخواتي .. الله يجزيكم الخير


من يدلني على سائق امين ويعتمد عليه.. سيارته فان مع رقم تلفونه في كوانزو .. ضروري


وشكرا مقدما

مواضيع عشوائيه ممكن تكون تعجبك اخترناها لك:

• هنا الله يخليكم ادخلو ابي اسئل عن موقع فندق
• استفسار لو سمحتوا يا خبراء الصين
• قريباً سأسافر لكوانزو انتظر منكم النصيحة
• نصيحة و مشورة ،، ،،،
• استفسار عن الشحن الجوي
• ابي وسيله نقل من هونج كونج اى كوانزو؟
• بوعمر في قلب شينزن للإجابة على الإستفسارات
• بالصين ومتورط افيدوني
• هونج كونج استفسار بحالة الطقسسس
• مساعدة في هونج كونج جزاكم الله خير
• الفزعة
• كيف اخلص بضاعتي من هونج كونج الى جدة ارجوووكم دلوني
• السفر من الصين لكوريا الجنوبيه
• ابغى اسافر الى هونق كونق احتاج تخطيط
• مدينتي شيشي ولانشي
• طريقة استخراج الفيزا الصينيه
• اريد برنامج سياحي هونج كونج
• أماكن بيع ملابس السهره
• مساعده الله يجزيكم الخير اختكم طالبتكم
• الاعشاب والادوية الصينية

السلام عليكم

اللة يكون في عونك اخوي

لو كنت رايح للتسوق واستكشاف جوانزو ما انصحك بسائق اعتمد على التاكسي الرسمي او الميترو

اما لو كنت رايح للتجاره او شراء اثاث ف عندي رقم شخص ولكن للامانه لم اتعامل معه

ولكن اثناء عودتي من من الفندق إلى المطار يوم الاربعاء الماضي كنت ادردش مع السائق عبدالله

وقالي انهم يخلصون مواضيع الشحن وغيره وعنده سياره فان جديده

ادخل هنا في تقريري وراح تشوف رقمه

ارجع واعيد اخوي انا ما تعاملت معه

الرابط : http://www.arabtravelersforum.com/post6416832-4/

وايضا وانا ادردش معه قلت له طيب لو انا اجرت سيارتك في اليوم كم تاخذ علي ؟
قالي لو زبون قديم 200 رمبي في اليوم داخل جوانزو من الساعه 9 صباحا إلى 6 مساءا .
لو زبون جديد 350 رمبي في اليوم .
يعني حاول تكاسره قدر المستطاع
ولو عنده مكتب روح له المكتب افضل واضمن لك

شكرا اخوي على ردك واهتمامك

بس انا رايح للتسوق ومعاي عائلتي ..ومنهم اطفال الله يحفظهم فما ابغي ابهدلهم بالتكاسي

لهذا السبب بغيت سائق يكون معاي اليوم بطوله

المشاركة الأصلية كتبت بواسطة qanaas
http://www.arabtravelersforum.com/tr...6/#post6432636

شكرا اخوي على ردك واهتمامك

بس انا رايح للتسوق ومعاي عائلتي ..ومنهم اطفال الله يحفظهم فما ابغي ابهدلهم بالتكاسي

لهذا السبب بغيت سائق يكون معاي اليوم بطوله



من خلال تجربتي الاولى في جوانزو

انا اشوف بما انك رايح للتسوق وليس للتجاره او شراء الاثاث ف ما انصحك انك تأجر سياره !!

لان في الغالب يأجرون سياره للمدن البعيده بقصد شراء الاثاث او التجاره وغيرها

ولان اسواق جوانزو كلها قريبه من بعض ف راح تدفع اضعاف مضاعفه للباص على الفاضي

يعني مثلا لو دفعت في اليوم 300 للباص ، راح تدفع للتاكسي ما بين 10 إلى 25 رمبي تقريبا للمشوار الواحد

وحط في بالك ان التاكسي يشل 4 ركاب فقط وبالضرابه يشل 5 اشخاص
وايضا اوقات الذروة من بداية ساعه 4 مساءا حتى الساعه 6 مساءا تحديدا التكاسي ما توقف وراح تلاقيها فوول هالوقت

طبعا في النهاية كل شخص و رغبته والله يوفقك في اختيارك إن شاء الله سواءا كان تاكسي او سائق

انا عن نفسي كنت استخدم الميترو كثير وارتحت فيه وكنا عائله مكونه من 9 اشخاص .

تسلم اخوي على ردك .. نحن 6 اشخاص 3 كبار و3 صغار والصغار بالمترو يتبهدلون اكثر من الكبار

ولو علي انا بروحي جان رحت بالمترو

السلام عليكم ..۔

انا اشوف سائق الميني باص ..۔

افضل لمثل حالتك ..۔

وهو الانسب لك ..۔

طبعا لو كنتوا داخل كوانزو ... احتمال السعر يكون اعلى من خارجها .۔

والسبب هو المواقف ..۔ بفلووس مش ببلاش .۔


بالتوفيق اخوي ..

شكرا اخوي اسير الدوحه بس للحين مب محصل سائق

الموضوع سهل اختي ...مثل ماقلتلك بتلقين السواقيين عند مطعم سبا والسده بعد
تقدرين تختارين الي يعجبك ..

او انك تطلبين من الفندق نفسه يوفر لك سياره مع سايق ... اغلب الفنادق توفرها .
بالتوفيق ..

تسلمين اختي .. على فكره زوجي اللي كاتب الموضوع واليوم انا رديت عنه عشان اكلمج

بس نحن حاليا بهونج كونج .. ونبغي انرتب الموضوع من اهني قبل لا انسافر واتصلنا على اثنين وقالو لنا مشغولين.. ومعنا اطفال الله يحفظهم فما نبغي انبهدلهم بالتكاسي وريلي مايثق بان نروح وناخذ اي حد من الشارع

تدرين عاد خوف الرياييل اذا مع اسرهم

وانا قلت مادام لج خبره هناك ماشاء الله ممكن اتفيديني بأحد تعاملتي معاه ..فالسموحه منج عزيزتي