السلام عليكم ورحمة الله وبركاته
طبعا سافرت ورجعت واعتمدت على معلوماتي بعد الله من تقارير الاخوه هنا
الرحله كانت بداية نوفمبر 8 لمدة اسبوع
الاشخاص عددنا 6 كبار وطفله صغيره
والناقل الخطوط السعودية
والسكن
كان في فندق لاند مارك هوتيل
وكان جدا جدا روووعه وهادي ومافيه عرب ولا متسولين ولاحراميه وخدمتهم اكثر من روووعه وتعاملهم روووعه والنظافه عندهم وتبديل المفارش المتسخه من 3 واحيانا يصل الى 4 مرات باليوم
وكان 2 سويت وغرفة ولم يكلفنا اسبوع كامل بالميني بار بالمكالمات الدوليه بالضريبه بالخدمه سوى عشرة الاف ريال سعودي لا غير يابلاااش
الفندق موقعه على النهر يعني الهوى بالمنطقه نظيف جدا بعيد عن الازعاج والقلق وبجانبه قريب جدا 5 دقايق بالتاكسي ياخذ 10 ريمبي عشان يوصلك سوق الليل بشارع بكين بيجين لو و15 دقيقه مشي برجليك
وجنبه سوق اكسسوارات بس مارحت له
وقريب منه سوق الهدايا بالتاكسي برضو خمس الى سبع دقايق
وتحته لما تنزل من الاوتيل وتلف يسار مشي خطوتين وتلاقي مطعم بحريات فيه جميع انواع السمك والاستكوزا حتى الثعابين والتمساح واشكال مقرفه واشكال معروفه ياخذونها حيه ويطبخونها لك والمطعم على النهر جلسه في الطراوه وحلوه لكن اكلهم ماااااااااافيه طعم ابدننننن
بالاوتيل فيه مطعم صيني بالدور الثاني تطلع له بسلم كهربائي الاكل عنده يعني يعني لكن تقدر تقول يسد الجوع شوي
الشعب الصيني
بداية اول لقاء معهم على ارض كوانزو حسيت بنفور منهم لأن اصواتهم كثييييييير عاليه واحنا ماتعودنا ع الصوت العالي ونحسه نوع من انواع البلطجه وهذا الشي لمسته هناك كثيييييييير بس شوي شوي بديت اتعود وحسيت مع تعاملهم ان قلوبهم جدا طيبه بس الصوت العالي عادي عندهم
المواصلات
افضل شيء عندهم التاكسي وطبعا العداد قدامك ولما تخلص من مشوارك يعطيك الفاتوره وانت تحاسبه
وفيه نقطه لاحظتها هناك ان السواق باله طويل اذا جا وقت الحساب ينتظر لما نطلع الفلوس من الشنطه حتى لو استغرقت العمليه خمس دقايق عادي مايعصب
وبالنسبة للفاتوره الافضل ان تحتفظ فيها عشان لونسيت شي بالتاكسي تقدر ترجعه فيه
بالنسبه للتعامل مع التاكسي الافضل يكون بالشنطه او في البوك عشره كروت للاوتيل تطلبها من الرسيبشن تحت ويكون معك عناوين الاسواق والاماكن اللي بتروح لها سواء طباعه من النت او كتيب اللي تاخذه من مطعم سبأ مرره روعه او مطعم السده برضو حلو واذا ركبت التاكسي بالاشاره على السوق واذا خلصت ورجعت برضو بالاشاره على الكرت تبع الفندق وهكذا
الاسواق
الاسواق بكوانزو لاتعد ولاتحصى كل سوق اروح له اشوف بطريقي عشره اسواق بالنسبه للاسعار عاديه مثل اسعارنا ماتفرق والملابس ماعجبتني ابدن والسوق اللي تحت الارض اللي طايرين فيه كله خمام وماشفت فيه زود ابد
واللي عجبه سوق الجلديات والشنط وسوق الهدايا وجنب منه سوق الربيان شي شي شيييييييي اخذت كرتون كبيييييير ربيان احمر طازج منشف يهبببببل سوا لي 66 كيس بالفريزر بيكفيني للسنه الجايه وسكرت عليه بكرتون غلفته ولزقته وصلت هنا ماتغير وطبخنا منه يومين رووووووعه ولو تتكرر لي الروحه مره ثانيه اشتري كرتون ثاني
كلفني الكرتون 1400 عمله عندهم يعني اتوقع بسبعميه وخمسين عندنا او 800
بالنسبه لاغراض الهدايا
تطلب من الاوتيل كراتين يجيبون كراتين جديده وقويه والتيب ويسوون اغراضك فيها ويلزقونها بسعر رمزي جدا
ياربي وش نسيت
بالنسبة للمترجمة حليمه سوت فيني مقلب وانا مكلمتها وانا بالرياض ووافقت وعطتني الاوكي ويوم وصلت وكلمتها سئلتني وين بروح قلت شوبنق وهدايا وسألتني مابي اثاث قلت لا قالت انا مشغوله مع زباين !!!
المهم اني الحمدلله ماحسيت اني محتاجتها
بالنسبة للبنك والصرف
تحط بالفندق باللوبي فيه مكينة صراف كان اقصى شي تسحب منها 2500 ريمبي بس
لكن يمديك تكرر العمليه مرتين اوثلاث بنفس الوقت
وبما ان البنك يرسل لي مسج على طول كم انسحب من رصيدي فــ الـ 2500 ريمبي ينخصم من الرصيد 1500 ريال وعليكم الحساب
بالنسبه للجوال والاتصالات السعودية المصونه
قبل اطلع الطياره سددت جوالي بالمبالغ الغير مفوتره عشان مايسوي فيني مقلب كالعاده بعد اربعه ايام بالضبط فصل وكان حدي الائتماني 1000 ريال وطبعا بعد مارجعت وصل المبلغ 2800 ريال وقدمت شكوى عليهم وجاني الرد فورا بعد 24 ساعه يقولون انتي استخدمتي البيبي ماسنجر بالبلاكبيري وارسلت صور وكل هذا مدري كم كيلو بايت يعني البيبي يعتبر نت والشبكه الصينيه اللي انا عليها غاليه جدا مدري كم يقول بالدقيقه صار يشرح لي اني لازم اغير اختيار الشبكه اول مااوصل واسويها يدوي واقلبها على شبكه مدري وش سماها
لكن اللي يبي يسافر انصحه يتصل ع الاتصالات السعوديه ويسألها وش اسم الشركه اللي تمت معها اتفاقيه وبكم الدقيقه عشان يكون على بينه ويختارها اول مايوصل
واللي عندهم بلاكبيري لاياخذون راحتهم تراه مقلب ومطب يعني انتبهوووووووو
اتمنى اكون افدتكم اخواني
واحاول انزل صور الاوتيل بس اعذروني من الجوال صورتهامواضيع عشوائيه ممكن تكون تعجبك اخترناها لك:
- فيزة دخول مكاو لاصحاب الخبره
- انا في جوانزو اليوم نوفمبر
- مساعده الله يجزيكم الخير اختكم طالبتكم
- هونج كونج الساحرة بعدستي الخاصة
- فنادق رخيصة في كوانزو حد جربها ؟
- وقعت في مشكلة كبيرة ساعدوني
- خطوات الاستيراد من الصين
- في الصين هل يوجد شخص شركة موقع لتخليص أي شغله وارسالها
- قريباً سأسافر لكوانزو انتظر منكم النصيحة
- سؤال عن هونج كونج محتاج للاجابه
- السياحة في الصين بعد القرقر تقرير
- سفرتي العملية الى هونج كونج والصين
- فزعتكم يا رواد الصين
- هل من سوبر ماركت عربى فى شنغهاى او على الانترنت
- استفسارات بسيطه بليزززززز
- ياجماعة ممكن احد يدخل ويفيدنا
- اهل الخبره بالصين
- ممكن مساعدة الله لا يهينكم
- فندق دونق فانق
- اسير الدوحة
رد مع اقتباس
المفضلات