الموضوع: ابي مساعدتكم يالغالين

السلام عليكم ورحمه الله وبركاته
كيفكم ان شاء الله طيبين
ابي ازعجكم معي بس تحملوني الشكوى لله
انا بالسعوديه ومن القصيم وش افضل طيران اخذه في تاريخ 22 سبتمبر العودة بعدها بـ 12 يوم من ناحيه السعر والراحة هل اخذ السعودية والا الاتحاد والا القطرية والا فلاي دبي ابي مشورتكم واللي يعرف يطلع لي السعر في هالتاريخ والله ما انسى معروفه .. واللي عنده اي ملاحظه والا نصيحه اكون له شاكر ..

ولكم جزيل الشكر بانتظاركم

مواضيع عشوائيه ممكن تكون تعجبك اخترناها لك:

• و اخيرا اخترنا الفنادق باقي مساعدتكم بالجدول
• ممكن مساعدة بخصوص شهر عسل في ماليزيا لمدة يوم إذا تكرمتوا
• طلب : ماهو أفضل مكان إقامة في لنكاوي .. أرجو الرد يا أهل الخبرة
• مساعدتكم في الفنادق
• ليلة السفر لماليزيا
• الي خبراء ماليزيا
• ساعدوني بليززز فندق في لنكاوي بسافر هالاسبوع
• بيرجايا لنكاوي
• ابيكم تفيدوني لاني اول مره بطلع ماليزيا
• جدولي النهائي ورائيكم يهمني واستفسار ضروري جزاكم الله خير
• الجدول النــــــــهائــي تم الحجز
• استفسار عن البراشوت والجيتي سكي في لانكاوي
• بكج سياحي 16 يوم لزوجين وطفل 4 نجوم 2018 بماليزيا
• السلام عليكم ممكن خدمة منكم الله يجزاكم خير
• هل من جديد
• أرجو المساعده اول مره اسافر خارج السعوديه
• فنادق كوالالمبور ؟
• عااااجل جدآ جدآ للطيبين
• صرت متخوف أشيروا علي أيها الناس؟
• بالنسبة لشراء التذاكر بالفيزا ؟؟

حيى الله أهل القصيم
حياك الله ياغالي
بحثت لك في عدة شركات طيران
الذهاب : 22 سبتمبر
العودة : 5 أكتوبر

سعر التذكرة الواحد
السعودية = 3590 ريال
ترانزيت عن طريق جدة في الذهاب والإياب
السيرلانكية = 2359 ريال
ترانزيت لكن في تواريخ مختلفة فيه 24 والعودة 8 أكتوبر
وأخيرا وهو الإختيار الأنسب
القطرية = 2491 ريال
ترانزيت في الدوحة في الذهاب 50 دقيقة فقط
وفي العودة ساعة ونصف

السعر رائع جداً وأنصحك تحجز بأسرع مايمكن قبل ماتطير الفرصة
وهذا موقعهم على الإنترنت
http://www.qatarairways.com/index.html

ـتمنياتي لكم بالتوفيق ولا تنسانا من الدعاء

عليكم السلام
مرحبا فيك بوسلوووومى
اقترح عليك هذا الجدول لبرامج رحلتك 12 يوم
2 يوم سيلانجور فندق الصنواى لاقون
3 يوم لنكاوى فندق بلانجى بيتش
3 يوم بينانج فندق بارك رويال
4 يوم كوالالمبور فندق قراند مالينيوم
الذهاب الى مرتفعات جنتق صباحا و العودة مساء

رحلة موفقة

أستاذنا الكبير أبو أنس
ومعلمنا أبو عبد الله

ما قصرتوا مع الرجال ... أشهد أنكم نشامى ..

تلميذكم
alabraj

المشاركة الأصلية كتبت بواسطة alabraj
http://www.arabtravelersforum.com/tr...1/#post7056501

أستاذنا الكبير أبو أنس
ومعلمنا أبو عبد الله

ما قصرتوا مع الرجال ... أشهد أنكم نشامى ..

تلميذكم
alabraj




ارى نجما صاعدا فى سماء منتدى العرب المسافرون
بواحمد ( الابراج ) ما عليك زود
دمت فى حفظ الرحمن

اخواني
ابو انس _ ابو عبدالله
بيض الله وجيهكم وما قصرتو والله انه طاح عني شي كبير كنت شايل همه
كفيتو ووفيتوو الله يعطيكم الف عافيه يارب
والله لا يحرمكم ما ندعي لكم يارب
ويجمعنا وياكم بالجنه
راح احجز الييوم والا بكرا بالقطرية باذن الله
عندي استفسار بسيط ابي رايكم فيه لو خليتها 10 ايام مو ازين .. وكيف راح يكون جدولي من ناحية الايام كم اجلس في كل مدينة ؟

يامرحبا والله بأخوي وحبيبي ( أبو سلومي )

طبعا ياغالي ... الأفضل تخلي المدة ( 12 يوم ) ...

وإذا بغيتها ( 10 أيام ) ... أنصحك بهذا التقسيم :

يومين سلانجور ...

ثلاثة أيام لنكاوي ...

يومين بينانغ ...

ثلاثة أيام كوالا ...

12 يوم أحلى وأجمل
10 أبام بتكون فيها زنقة عليك شوي
وإذ كان على الميزانية بنشوف لك فنادق إقتصادية أسعارها حلوة
لا تشيل هم

اذا كان و لابد 10 ايام راح تكون صافيه من غير يوم السفر و يوم العودة
اقترح عليك هذا البرامج
2 سيلانجور
3 بينانج
2 مرتفعات جنتق
3 كوالالمبور
\
رحلة موفقة

الغالين

وافي بزمن جافي

المغادرون 2007


الأسفار متعتى

والله ما قصرتو والف نعم فيكم والله لا يحرمكم الاجر

.. الحمدلله حجزت انا والمدام من 22 سبتمبر والعودة 4 اكتوبر هذا المتاح بالقطرية بسعر 2491 ريال زي ما قال اخوي ابو انس الله يعطيه الف عافيه ..

وش رايكم كيف اقسمها على المدن اللي بزورها ؟ كم يفرق توقيتهم عن السعوديه ؟

صرف العمله وش تنصحوني فيه من السعوديه والا من ماليزيا ؟؟

بالنسبه للتاكسي في ماليزيا هل يتواجدون بكثره ؟؟ والا افضل لي اتفق مع احد السواقين يكون دايمن معي ؟؟

والله لا يهينكم ولا يصغركم ابغى فنادق تكون مو توب مره ابغى شي حلو ويكون قريب للاماكن السياحيه والاسواق والمطاعم

واخر شي وادري اني كثرت عليكم وتعبتكم معي بالمره .. ابغى جدول للرحلة لاني والله ما قد سافرت له ابد يكون فيه التوقيت المناسب اللي ازور الاماكن السياحيه من الصبح لليل ..

ولكم جزيل الشكر والله يرزقكم رزق ما فيه شر يارب

رائع ... مبروك الحجز على القطرية
فارق التوقيت ما بين السعودية و ماليزيا + 5 ساعات
مثال : الساعة فى الرياض 12 ظهرا - فى ماليزيا 5 مساء ...
عندك 12 يوم ( 11 ليلة )
اقترح عليك هذا البرامج الخفيف لزيارة و التعرف على اغلب مناطق ماليزيا السياحية
2 ليلة سيلانجور فندق الصنواى لاقون براميد
3 ليلة لنكاوى منتجع متيارا
3 ليلة بينانج فندق فلامنجو
3 ليلة كوالالمبور فندق دورست ريجنسى القريب من شارع العرب ( بوكيت بنتانغ )
* من الافضل الصرف و تحويل العملة من بلدك ( السعودية )
* التاكسى متوفرة و بكثرة عند الفنادق و المجمعات التجارية , اتفاق مسبق للجولات السياحية والسعر يتراوح ما بين 20 - 25 ريجنت للساعة
* للترتيب جدول و معرفة الاماكن السياحية و مواقع الاسواق عليك بهذا الرابط
http://www.arabtravelersforum.com/travel620514/
لمعرفة رسوم دخول منتزهات وحدائق ماليزيا
http://www.arabtravelersforum.com/travel490928/
اتمنى لك رحلة موفقة

مبروك عليك
ونحن في الخدمة دائماً
فقط نريد منك الدعاء

ما قصرتو والله


الله يعطيكم الف عافيه يارب

مشكورين والله يقبل دعائي لكم

جزاك الله خير وهذا اللي نبغاه منك
دمت بخير وصحة وعافية

الأفضل 12 يوم وترشيحي للفنادق للنصيحة
ليلتين سيلانقور فندق البيراميد 4 نجوم
ثلاث ليالي لنكاوي فندق فوربوينت شيراتون 4 نجوم
ثلاث ليالي بينانغ فندق هوليدي إن 4 نجوم
أربع ليالي كوالا فندق البرنس 5 نجوم

فنادق رائعة جداً أخ زامل
وتوزيع أروع
بورك فيك

الله يبارك فيك أبو أنس

الله يعطيكم الف عافيه ويسعدكم

انا احترت والله في حجز الفنادق انا راح امشي من السعودية في 22 سبتمبر الساعه 5 مساء وراح يكون وصولي ان شاء الله الساعه 8 صباحا بتوقيت ماليزيا يعني وصولي لسيلانجورفي تاريخ 23 سنتمبر الساعه 8صباحا هل احجز من تاريخ 22 سبتمبر والا من 23 سبتمبر ولا ادري كم الساعه يطلعون النزيل من الفندق ؟
مثلا اذا فنادقهم مثل اللي بالسعودية ما راح يسلموني الغرفه الا الساعه 3 الظهر لان النزيل ما يطلع الا 3 الظهر

وانا راح اجلس في سيلانجور 2 ليله
وبعدها لنكاوي 3 ليالي
وبعدها بينانج 3 ليالي
وبععدها كوالا 3 ليالي
والعودة للسعودية 4 اكتوبر يوم الخميس الساعه 10 صباحا

كيف احجز كذا

ابي مساعدتكم يالطيبين

تفضل تواريخ الحجز
سيلانجور 2 ليله
تاريخ الدخول : 23 سبتمبر
تاريخ الخروج : 25 سبتمبر

وبعدها لنكاوي 3 ليالي
تاريخ الدخول : 25 سبتمبر
تاريخ الخروج : 28 سبتمبر

وبعدها بينانج 3 ليالي
تاريخ الدخول : 28 سبتمبر
تاريخ الخروج : 1 أكتوبر

وبعدها كوالا 3 ليالي
تاريخ الدخول : 1 أكتوبر
تاريخ الخروج : 4 أكتوبر

بالنسبة ليوم الوصول
نعم توقيت الدخول الرسمي هو الساعة 2 بعد الظهر
أنت راح توصل المطار الساعة 8 صباحاً
على بال ماتخلص من اجراءات المطار وتستلم العفش
وتركب تاكسي إلى سلانقور
توصل الفندق حوالي الساعة 11 صباحاً

الحل كالتالي
قبل السفر بأسبوع أرسل إيميل للفندق قل لهم أنك تبغى تسوي تشك إن مبكر
لأن رحلتك تصل إلساعة 8 صباحا للمطار وتريد التشك إن الساعة 11 صباحاً
وغالبا يتجاوبون معك خاصة أنت رايح في شهر سبتمبر مافيه زحمة

وفي أسوأ الإحتمالات لو ماقبلوا مع أن هذا احتمال ضئيل
بس لو على إفتراض ماقبلوا عادي خل العفش عندهم وروح على مجمع البيرميد الملاصق للفندق
أدخلوا كافيه وأشربوا لكم قهوة وتمشوا شوي في السوق وعلى الساعة 1 ارجعوا له وحديخلوكم
مع أنه ماحتحتاجوا لهذا كله

رحلة سعيدة إن شاء الله

كلامك أبو أنس عين الصواب كفيت ووفيت

الله يعطيكم الف الف الف عافيه يارب

والله العظيم انكم كفو وبيض الله وجيهكم والله يرفع من مقداركم

بجد اهني المنتدى بوجودكم .. جعلها الله في موازين حسناتكم

والله لا يحرمكم الاجر يارب

المغادرون 2007 لن انسى معروفك وتعبك معي كفيت ووفيت

والاخوه والله ما انسى معروفكم ما قصرتو

ودي وتقديري واحترامي لذاتكم

شكر لكم

لا شكر على واجب ياغالي
وأن تستاهل كل خير
نريد منك الدعاء بظهر الغيب فقط
وربنا ييسر أمورك ويسهل طريقك ويوفقك لكل خير