السلام عليكم
احتاج المساعدة من أهل الخبرة
أنا و زوجي راح نروح هونغ كونغ ، طبعاً التخطيط صار متأخر بحكم عملنا و أخذ إجازة من العمل
مدة السفر راح تكون اسبوعين ١٤ يوم / ١٣ ليلة
و هونغ كونغ ما تحتاج هالايام كلها فقررنا ٥ ليالي فيها و ٣ ليالي شنزن و ٥ ليالي كوانزو
احنا جهزنا كل التخطيط للرحلة من فنادق و أماكن سياحية
و قررنا راح نمشي تاريخ 10 نوفمبر
بس المشكلة أن زوجي راح مكتب الفيفا هذا الاسبوع لفيز دخول الصين بس قالوا ماراح نبدي فيها إلا بعد الإجازة ، مع أن اليوم آخر يوم دوام عندهم يعني رحنا قبل الإجازة بس قالوا مارح نبتدي فيهم إلا تاريخ 12 نوفمبر و راح ياخذون اسبوع كامل
و احنا حتى لو قدرنا نأجل مانقدر نأجل أكثر من يومين يعني بالكثير لازم نمشي ١٢ نوفمبر ، الحين الحل الوحيد أننا نروح هونغ كونغ و نطلع فيزا للصين من هناك
بس هل في أحد منكم جرب هالطريقة و هل هي أكيده ، أو في حل ثاني ؟؟
المشكلة وقتنا ماصار إلا يصادف إجازة و عيد
بإنتظار مساعدتك و آسفه على الإطاله
رد مع اقتباس
المفضلات