ضروري ابغي اعرف عدد الساعات ردوا بليز

**ahmed1** · 01-22-2015, 05:52 PM

السلام عليكم
عندي استفسار بسيط ..

حبيت اسأل شو احسن طريقة لو ابغي اسافر من لندن الى فرنسا ؟
بالقطار أو الطيارن الاوروبي ..

نحن شخصين كبار و طفل و احد

و لو حبيت مثلا اسافر بالقطار
كم ساعه من لندن لين باريس بالقطار ؟
كم ساعه بالطيارة ؟

ولو حد يقدر يشوفلي سعر التذاكر
من لندن لباريس بالقطار ذهاب و اياب
؟

و شكرا مقدما ..

مواضيع عشوائيه ممكن تكون تعجبك اخترناها لك:

**ahmed2** · 01-22-2015, 05:52 PM

صباحك خير
من تجربتي الشخصية جربت القطار من لندن - باريس
سهولة في الاجراءات و الوصول الي وسط باريس
الاسعار جدا مناسبة كل ما كنت ساعات الصباح يعني من 5 الصباح
المحطة في لندن اسمها
St Pancras International
to
Gare du Nord International
المسافة بينهما
ساعتين و16 دقيقة تقريبا
جربت احجز لك بكره والسعر طلع 199 باوند كذا غالي
لكن لو يكون بعد فترة اكيد ارخص من كذا
طبعا السعر للي فوق لشخص واحد ذهاب اياب

انا افضل القطار .. المطار قلق و عفش وجوازات وشغله
القطار ابد بسرعه و انتي في وسط البلد

وتجربة حلوه كذلك

رحلة موفقة اي سوال تفضلي

**ahmed2** · 01-22-2015, 05:52 PM

شكرا على سرعة الرد
حلو .. تحمست لفكرة القطار ..
من اي موقع اقدر اشوف سعر تذاكر القطار .. ؟
و المحطه هاي اللي ف لندن ويم مكانها بالضبط .. ؟.

**ahmedgaper** · 01-22-2015, 05:52 PM

اهلين فيك ونحن هنا في خدمتكم
هذا الموقع ما عليك الا تحديد الوجهه وتاريخ المغادرة والعودة والاشخاص المسافرين
http://www.eurostar.com/dynamic/_SvB...&_AGENCY=ESTAR

ابد المحطة ما تضيع قريبه من متحف مدام توسو او بس قولي للتاكسي اسم المحطة
كذلك هي قريبه من محطة كينج كروس

بالتوفيق لك