نويت للشارقه وقطر

**ahmedgaper** · 01-22-2015, 05:28 PM

نويت بعد التوكل على الله السفر الى الشارقه وبالرده بشوف قطر الجميله اللي صارلي مده مو قادر اروحلها المهم العيال يبيون يخلصون الدراسه يوم 18 من هذا الشهر والاجازه طويله فحبيت اسوي رحله لهم عن طريق البر وخصوصا الجو راح يكون جميل في الطريق
بصراحه ما احتجت الي سؤال او عنوان كل شي موجود والاعضاء كفوا ووفوا عناوين وارقام تلفونات وهذا زين وهذاك احلى يعني كأني اشوف كل شي بعيني
ما اطول عليكم بس حبيت اشيد بالموقع هذا وبصراحه قاعد يخدم شريحه كبيرة
ومزيدا من التقدم والازدهار
جزاكم الله خير وجعله في ميزان اعمالكم

مواضيع عشوائيه ممكن تكون تعجبك اخترناها لك:

**alifun** · 01-22-2015, 05:28 PM

اخوي ناصر حياكم بين اهلك يالغالي

ولو ان عندي لك رااي وانته وكيفك

اول شي قطر الحين في حالة تأهب للاسياد يعني تحويلات وتصليحات اكثر من شعر راسي وزحمه ولا الخط اللي يوصلك من الحدود لين الدوحه هذا لازم تحاسب عليه عدل لان فيه تحويلات ومكسر

ومره ثانيه وثالثه والف مره نقولك حياااك بين اهلك وربعك واخوانك يالغالي

واحنا حاضرين لك في اي شي تامر به

ولك مني خالص التحية

اخوك
قـــطــــــري

**alifun** · 01-22-2015, 05:28 PM

انا اسبوع الماضى فى دوحة العز وزى ما قال اخوى القطرى الله يعينك على التحويلااااااات

وانصحك اذا كنت راعى كبسات بمطعم اسمه الديوانية فيه له فرع فى الستى سنتر

**ahmedali** · 01-22-2015, 05:28 PM

بل
بل
بل

عند انت مابغيت الا مطعم شجاع

من هاللي مايحبك وقالك عنه

انا الحمدلله اني مادله ولا اعرفه

لن هالمطعم لو مب الواسطه جان من زمان مسكر

كل مرره يسكرونه لن وصخ وقذر ومايلتزم بالشروط الصحيه وحالات تسمم عنده ويفتحونه مره ثانيه

الله يعينا على هالمطعم بس

ونصيحتي انك ماتروحله الا اذا انت ناوي تيلس فتره طويله في قطر في المستشفى الله لايقول

وحيااااااااااااااك الله مره ثانيه وحيااك الله من عندنا لي عندكم

واي شي انا حاضر يالغالي

:9
اخوك
قـــطــــــري

**ahmedgaper** · 01-22-2015, 05:29 PM

حياك الله اخوي بين اهلك واحبابك ..

واذا بغيت حجز او استفسار عن فنادق في قطر معينة او شقق معينه او نخدمك فيها وايش ننصحك ...

ترا احنا حا ضرين ..

ومرحبا بك في قطر ..

بس الله يعينك ترا الشارع من ابوسمره ( الحدود) الى الدوحه كله تصليحات وتحويلات .. لانهم يسوون شارع جديد .. ، وكذلك الدوحة هالايام اغلبها زحمة بسبب اغلاق الشوارع لرصفها من جديد استعداد للاسياد 2006 .

على العموم يا مرحبا بك في قطر ..

وان بغيت مطعم مشور خل عنك مطعم شجاع للكباب ... عليك بمطعم بيروت حق الحمص في شارع الكهرباء ... عجيب ، واذا جيته دايما راح تتذكره ,, هو من اقدم المطاعم في قطر .

رجل شرقي
الدوحة

**ahmed1** · 01-22-2015, 05:29 PM

على راسي والله اهل قطر انا قلت مطعم شجاع اتغشمر وياكم اعرف اهل قطر يكرهونه

بعد كل هذا وماتبوني اجي قطر لو امشي والله امشي لكم تستاهلون من يتعنى لكم

ومشكورين بصراحه خجلتوني

**alifun** · 01-22-2015, 05:29 PM

حبيب والله

حياااااااااااك الله من عندنا لي عندكم

اخوك

القـــطــــــري

**ahmedgaper** · 01-22-2015, 05:29 PM

حياك الله اخوي

ماشاالله الأخوان ماقصرو معاك عطوك نبذه عن الأحوال في قطر وخصوصاً الزحمه بسبب التصليحات

بالنسبه لمطعم الكباب أحلا كباب اكلته من كافتيريا ومطعم الجزيره اللي عند فندق السفير والشارع قريب من المتحف مو عارفه اسمه بالضبط

انشاالله الأخوان مايقصرون معاك ويدلونك

وانشااالله سفره موفقه