بسم الله الرحمن الرحيم

اختي ترى لنكاوي صغيرة يعني يقولون بالعامي مسبطة يعني هادئة مافيها ترا تسوق ولا روحات وجيات, حقت استخاء واستجمام وقعاد يا فالفندق او المنتجع او عند البحر فقط.
اما بيننج حلوة بلد ساحلي بديع جوها مثل جو الشرقية في الربيع فيها تسوق رائع و مطاعم وشحليلها وفنادق روعة انا سكنت في فندق شنقريللا(قولدن ساندز) و هارد روك و لون باين. وبيننج تراها مفضلة عند الخليجيين والعرب بشكل عام وفيها مطعم تحفة اسمه الطربوش.
اما سؤالك عن الكاميرون هايلاند فتراها مكونه من تقريبا اربع مدن المشهورة هي ثنتين والصراحة انا قعدت فيها اربعة ايام تحسفت وماتستاهل الا يومين فقط لاغير لان فنادقها سياحية وصغيرة بس فيها جو خيالي براد وسحاب ومطر وخضرة ومزرعة فراولة وجبل الشاهي.
سلانجور الصراحة مازرتها ولاافتيك لكن يقولون مثل كوالا
بس نصيحة وناخوك لاتفوتك جنتينق هايلاند خرافية انا نفسيا ارتحت فيها جو حلو مطر وخير وسحا وضباب وفنادق محترمة (انا سكنت في اوانا) وتنقلات سهلة عن طريق الشتل وفيها تسوق رهييييييييب ومطاعم وكوفي شوبز وملاهي للاطفال وفيها ميزة انها قريبة من العاصمة لاتعب ولاهم يحزنون.
الجو بشكل عام واحد طول السنة تعرفين جو استوائي لكن اللي يختلف ان فيه بعض المدن تكون جبلية رفيعة يكون جوها بريد اما سؤالك الاول ليس عندي اجابة ولاافتيك

مواضيع عشوائيه ممكن تكون تعجبك اخترناها لك: