الموضوع: مساعدة عن مدينة

السلام عليكم ورحمة الله وبركاتة ،،


حبايب قلبي انا مسافر الى مدينة هانجزهو على اخر شهر 11 لمدة 40 يوم .۔ عندي مادة صيفية ولازم اخذها في جامعة zhejiang university الي عرفتة انة اقرب منطقة الها شنغهاي ،،

وعندي مجموعة استفسارت؟

1) كيف راح يكون الجو في نوفمبر وديسمبر وبالنسبة للملابس الي تنصحوني بها
2) هل يوجد مطعم عربي او حلال في هالمنطقة
3) فندق نظيف وحلو وموقعة يكون ممتاز للاقامة في شنغهاي قبل الانتقال الى المنطقة الثانية حق ليلة فقط
4)انسب وسيلة مواصلات من شنغهاي الى هانجزهو وكم تكلفتها
5)اي نصيحة الله لايهينكم

والسموووحة

مواضيع عشوائيه ممكن تكون تعجبك اخترناها لك:

• حجم وطول ووزن الحاويات
• استفسار بخصوص هونق كونق ترتيب رحلة والطقس
• اى حد عنده مواقع فيديو حلوة او قنوات تلفزيون يحطها ارجوكم
• استفسار بخصوص معرض كانتون
• تفاصيل الرحله الى هونج كونج مصوره
• ابي فندق في هونج كونج
• استفسار عن فنادق في كوانزو فندق Parkview Square Hotel
• محطات المترو
• استفسار
• الصيف القادم إلى الصين هونج كونج و و نصائحكم
• شهر عسل في هونج كونج مارس
• استفسار لا هنتو عن كيفية الشحن
• رحلتي الى كوانزوا
• الفزعة ياشباب ابغى مترجمة في الصين وخصوصا ابو ضرار
• استفسار بخصوص تذاكر الصين
• كيف يمكنني الوصول الى ايوو من كوانزووو ؟؟؟؟؟؟؟ هام جدا
• أول مرة أروح هونغ كونغ وعندي بعض الاستفسارات
• محتارين هونج كونج ولا سيرلانكا
• اريد ان اشتري ارضيات حمام وارضيات منزل اطقم حمامات كاملة
• ماهو الحل مع الفلوس المزوره في الصين ؟

هلا اخوي ماعندي معلومات كافية عنها
بس انصحك بحاجتين مهمه
ان تجيب ملابسك معك جاكيتات ملابس داخلية للبرد
وتحرص انك تجيب معك اكل قدر المستطاع جبن نواشف
اي شي تقدر تاخذه بالنسبة لسكن لو سكنت في شقة
انتبه تستخدم الدفاية راح يكون عليك فاتورة اقل تقدير 1200كواي
اذا تستاجر شقه لايتعدى دورها عن 5
احرص ملابسك وانا اخوك ۔
هذا موقع دليل المسلمين في الصين ان شاءالله يفيدك
باوقات الصلاة ومطاعم الحلال في كل مدن الصين
http://www.islamichina.com/index.html

اذا انت من حقين اليويتوب والفيس بوك وتويتر لازم تحط في
جهازك بروكسي كلها المواقع مقفلة
انصحك لاتستاجر شقة شف سكن الطلاب الي في الجامعه
هل هو نظيف اسكن فيه بيكون احسن لك واوفر وادفى۔
تحياتي

تسلم ياخوي على النصايح الطيبة ،،، السكن راح يكون في سكن الجامعة مع احد اصدقاء الدراسة .۔

عاد اهم شي الفيس بوك واليوتيوب الواحد يرفهه عن نفسة شوي ،,بس ياليت لو تعطيني طريقة البروكسي انا استخدم الايباد 2 ،،

سوال اخر بالنسبة لشريحة الجوال أفضل شركة موابيل عندهم ،,معي ايفون واستخدم بيانات 3جي وخدمة البلاك بيري ،،

وسلامتكم ،،

هلا اخوي الله يسلمك
اذا معك ايباد وايفون نزل البرنامج هذا بفلوس اذا عندك جلبريك نزلة
بروكسي ماعليك الا تفتح البرنامج وتكتب اي موقع ويفتح لك
هذا البرنامج puffin عليه صورة ببغااا
بالنسبة لشركة الاتصالات انا استخدم شاينا ينلوكوم طلعت شريحة وعطيتهم جوازي
وفتحو النت لي 10 كواي بعدين اذا طلعت واحتجت النت افتح من الشريحة برسوم منخفضة مره مره
عندهم اشتراك شهري بس مااحتاجة انا . بالنسبة للبلاك بيري الان انا بالصين سنتين ماعمري شفت احد يستخدمه
ابد مدري هل عندهم الخدمة او لا ...
تحياتي لك

هلا اخوي جريح القلب وإنشاء الله ماتكون جريح
ماازيد على إخواني الأفاضل كفو ووفو
بس حبيت أضيف افضل وسيلة القطار السريع وأبغى اصحح لاخوي مدة الرحلة 50 دقيقه مع الوقفات وسعر التذكرة 200 رمبي درجة اولى وسياحي اعتقد 100 رمبي تجربه جداً مميزه أنا شخصيا جربته
اما السكن حاول يكون سكنك قريب من البحيرة الغربيه أنا سكنت فندق اسمهZhejiang Xizi Hotel
المطاعم الحلال موجود بس قليل وفيه عندهم سلسلة مطاعم بيتزهت ممتازه وماهي مثل الي عندنا وكذلك ماكدونلدز سمك طبعا
الأجواء بتكون بارده واذا مكوثك مده مثل ماقلت اربعين يوم خذ مؤنت الاكل معاك افضل
تحياتي لك وبالتوفيق

عساكم على القوة ،، ماقصرتوا ياخواني كفيتوا ووفيتوا

انا سكنت فيها 3 ايام......والصراحة مدينة باااااردة جدا....في الصيف درجة الحرارة 10....۔

الشيراتون او الانتركونتينانتل من افضل الفنادق.....بس غالية.....۔

الاكل مصيبة: 3 ايام وانا كله اكل بيض في بيض....۔

الشعب ،ايد طيب وخدوم.....۔

بالنسبة لآكل لا تهتم
هانغ جو تبعد عن ايوو حوالي ساعة بالباص و يمكنك أن تنزل على إيوو متى شاءت
ومدينة أيوو يتواجد فيها أكبر جاليه عربية بعد كوانزو و حتى يمكنك أن تقيم فيها في حال ما مطلوب منك الحضور بشكل يومي في جامعتك
بالتوفيق

تسلمون ياخواني ماقصرتوا كفتيوا ووفيتوا ،، لا الاكل خلاص ماحاتية التونة و الاجبان والمعلبات ماخذها معاي ،، ان شالله بس تكون رحلة ممتعة ومفيدة ،، تسلمون جميعا ،,