ارجو المساعدة ،،، ضروري يااخوان

**ahmed2** · 01-22-2015, 04:30 PM

ألتمست الكرم والطيب من منتداكم والأعضاء المتواجدين ، مواضيع رووووعة والأعضاء أروع .

إن شاء الله بتكون لي زيارة لدوحة قطر الأسبوع القادم لمدة يومين ، علما أنها الزيارة الأولى لي لقطر الحبيبة ، طبعا مع زوجتي وراح يكون عيد زواجنا .

ارجو من أحد الأخوان ترتيب جدول لمدة يومين يشمل ( فلاجيو ، اللؤلؤة ، السيتي ، اللاند مارك ، سوق واقف ، الحي الثقافي ) طبعا حسب ترتيب الأماكن وقربها من بعض ، وإذا ماعليه أمر ( اللي راح يرتب لنا ) يكتب التوقيت للزيارات .

شباب هذا أول موضوع لي ولاتخيبوني .

مواضيع عشوائيه ممكن تكون تعجبك اخترناها لك:

**ahmedali** · 01-22-2015, 04:30 PM

جدول اخوي عبدالله الصراحه وااايد مبهر ومرتب وانا اشوفه حلو للعرسان وخصوصا الحي الثقافي والؤلؤه احسن مكانين رومنسيين مع الاجواء الرائعه

طبعا انصحكم بالعشى انتي وزوجك في الؤلؤه اختاروا المطعم الي يعجبكم

**ahmedgaper** · 01-22-2015, 04:30 PM

وعليكم السلام ورحمة الله ،
الله يعطيكم العافية إخواني وماراح أنسى خدمتكم .
طبعا بالنسبة للسكن راح يكون في فندق هوليدي فيلا ، اللي ماأدري وين يصير

، بس اللي فهمت من المنتدى أنه بعيد بالنسبة للأماكن السياحية ، الوصول راح يكون على الساعة 9:30 والمغادرة اليوم الثاني في العصر .
ماأدري في وقت نمر كل الأماكن المذكورة ، ونسيت بعد أضيف حديقة الحيوان

.

**ahmedali** · 01-22-2015, 04:30 PM

أنسى حديقة الحيوان

مافي وقت وأنا باسوي لك جدول يناسبكم

أول شي بتوصلون الصبح ولين ماتخلصون من المطار وتروحون الفندق بيكون الوقت ظهر

عقب ماتخلصون شغلكم في الفندق اطلعوا على فيلاجيو وتمشوا فيه وتغدوا وادخلوا السينما إذا تبون

وعقبها العصر روحوا جزيرة اللؤلؤة وحوسوا فيها

وعقب المغرب روحوا الحي الثقافي لانه قريب من اللؤلؤة ،، وتمشوا فيه وإذا يات حزة العشا تعشوا هناك

الحي فيه كذا مطعم بس أنا أرشح لك مطعم زعفران

اليوم الثاني روحوا سوق واقف تفطروا هناك وعقب ماتخلصون روحوا سيتي سنتر تمشوا وتغدوا

وتقدرون تعكسون المخطط وتروحون سيتي سنتر في البدايه وعقب تروحون سوق واقف وتتغدون

عقبها طبعاً على طول روحوا المطار

**ahmed1** · 01-22-2015, 04:30 PM

الله يعطيج العافية أختي ~ النوري p ~ خدمة ماراح ننساها .
طبعا جيتي ماراح تكون طيران ، بسيارتي الخاصة ، جاي من السعودية ( الأحساء ) .
تامرون على شي من عندنا؟؟ ترى حاضرين .

**ahmed2** · 01-22-2015, 04:31 PM

الله يسلمج ويعافيج .
طلع علي ب 780 ريال .

**ahmed1** · 01-22-2015, 04:31 PM

^
^
780 !!!!!!!!!!! too much

كم غرفه لانه اذكر ايام قبل غرفتين بـ 550 ايام قبل يعني يمكن شهرين او اكثر شوي

**ahmedgaper** · 01-22-2015, 04:31 PM

جناح ( غرفة وحدة وجلسة ودورة مياه وأنتو بكرامة )
جا ف بالي أغير الفندق ، بس المشكلة إني متفق معهم على ترتيبات معينة وهم جهزوا كل شي ، طبعا السبب في فكرة التغيير هو بعد الفندق عن الأماكن السياحية وأخوك أول مرة يزور قطر ( يعني مايدل شي )