-
شهر عسل
السلام عليكم و رحمة الله و بركاته
انا زواجي في سبتمبر
وعندي كم سؤال و ياليت تساعدوني
1كيف الاجواء في هذا التاريخ
2كيف الأسعار في هذا التاريخ
3عندي 25000شامل كل شي كم يوم راح يكفيني هذا المبلغ اذا كان الفنادق 4 نجوم
4 كم الصرف اليومي تفريبا
والف شكر لكم على مجهوداتكم
مواضيع عشوائيه ممكن تكون تعجبك اخترناها لك:
-
الجواء جميلة جدا ويتعبر بداية فصل الخريف في اروبا بشكل عام
الاسعار مافي فرق بعيد متقاربة بس ارخص شي بسيط من الصيف
بالنسبة للتكلفة
طريقة حسابها سهل جدا
السكن ( من 100 الى 120 يورو متوسط يومي غرفة لشخصين )
تذاكر الطيران ( يعتمد على شركة الطيران الي بتحجز عليها والاوقات ودرجات الخدمة ممكن تستغل عرض الخطوط السعوديا مثلا ب 1200 ريال للشخص وممكن تدفع 3000 فيعتمد على العرض )
الاكل ( المطاعم الامريكة بحدود 7 يورو للوجبة )
البيتزا والمكرونات حدود 9 الى 11 يورو للوجبة
الكفي شوب (الكفي حدود 3 يورو بالكثير )
المواصلات من مدينية الى مدينة حدود مثلا بتروح الى روما وفينيسيا وفلورنس وميلان (سعر القطار كامل التنقل حدود 80 الى 100 يورو تقريبا للشخص )
طبعا سعر اليورو = 5.6 ريال
فعشان تحدد عدد الايام والتكلفة
تقريبا 300 يورو باليوم شامل سكن و اكل وتنقل لشخصين
300 يورو في عدد الايام (14 ليلة ) =4200 يورو في سعر اليورو ( 5.6) = 23520 ريال ( السعر من غير تذاكر الطيران الدولية )
الطيران الدولي في عروض تبدا من 1000ريال سعودي الى اكثر وارخص خطوط عندك الخطوط السعودية وطيران الاتحاد وغيرها كثير
ارجوا اني اكون قد افدتك
تحياتي...............................
-
جد جد جد يعطيك العااااافية اخوووووي
والله ما قصرت
معليش تعبتك معاي
طيب ممكن تشوفلي جدول يناسب شهر العسلمن مناظر و ملاهي
وحبيت استفسر وش احسن لشهر العسل ايطاليا او النمسا من حيث المناظر و التكلفه
يعطيك العافية مرة ثانية
-
هلا
اخوي الليث الايطالي .....شرحها صح.....بس ازيد ان شهر العسل ممكن تزيد المزانية اكثر
لانه صعب توفر في شهر العسل.....من ناحية الاكل والتمشيات....والتسوق
طبعا النمسا.....تفوق بأشواط من ايطاليا بالنسبة لشهر العسل من ناحية الجو والمناظر الجميلة
يعطيه العافية خبيرنا الليث الايطالي
ومبروك مقدما اخي
-
الف شكر لك اختي الزعيمة
بس ياليت توضحيلي المبلغ اللي راح يكفيني لمدة 15 يوم
-
زيدي على الميزانية 5 الف ريال حقت المشتريات والهداية و الاشياء العامة
تحياتي.........................
-
ماكوووو هدايا
اهم شي انا و زوجتي ننبسط و نفلها هناك
-
ترى لازم تكشخ عند المدام في شهر العسل وتوريها انك كاش ( ههههه )
تحياتي...............................
-
اما كاش زين اني طلعت اوربا
ههههههههههههههههههههههههههههههه
اهم شي اني اسافر اوربا 15 يوم بمبلغ 25000ياليت تضبطلي جدول اخوي
الف شكر لك
-
طيب الحين ماعرفت لك انا
انت تبي تروح الى ايطاليا ولا اسبانيا ولا النمسا ولا وين .....................
انا عطيتك برنامج حلو في بوابة اسبانيا وانصحك فيه
اي استفسار ثاني انا حاضر بس حدد طلبك تراي معك اليوم , بكرة بكون مسافر لمدة اسبوعين
تحياتي.........................................
-
هلا
اخوي صعبة 25 الف ريال كل شي بشهر العسل......
حطها في بالك 1000 ريال سكن في الليلة يعني 15000 الف ريال
والمصروف اليومي.....حدود 7000 الالاف ريال للشخصين من اكل وتمشية
تجي لتذاكر الطيران تبدأ من 2000 ريال للشخص الواحد كا اقل تقدير.....يعني 4000 ريال....
الى هنا وصلنا الى حول 26 الف ريال من غير اي مشتريات.........
وتنقلات بين المدن......يبيلها حدود من 4 الى 5 الالاف ريال.....كا اقل تقدير
اخوي لازم تزيد الميزانية او انك تقلل عدد الايام......عشان تقدر تستمتع.....يعني مهب معقولة بتروح الى
اوروبا وتوفر على نفسك وبالاخص بشهر العسل
وبالتوفيق
-
الف الف شكر لك اخووووي ليث و اختي الزعيمة
يعني النمسا ارخص من ايطاليا؟
اذا ارخص بحول على النمسا
-
هلا
اخوي اي مدينة اوروبية مكلفة.....والنمسا تراها اغلى من ايطاليا
من قال انها ارخص......اوروبا كلها غالية.....
-
اي بس انا طلعتي في 13 سبتمبر يعني راح يكون ارخص من الصيف
و اتوقع 25000 كافية ل15 يوم شامله التذاكر
و الف الف شكر لك لاهتمامك اختي الزعيمة
ضوابط المشاركة
- تستطيع إضافة مواضيع جديدة
- تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس
المفضلات