بالبداية بخصوص البرنامج عندك عدة اماكن اهمها الشام القديمة تروح الجامع الاموي وقصر العظم والمتحف وهنيك في بالاسواق في مطاعم كتير متل الخوالي والبيت الشامي وبيت جبري
عندك كمان بلودان والزبداني وهي منطقة جبلية بس جوها كتير حلو وكلها مطاعم ممكن تروح منهم على جديدونا او مانويلا وعندك وانت راجع البيت السويسري
ان بدك مشوار حلو وخاصة انك جاية هالايام اطلع الغوطة المناظر رااائعة هنيك الاشجار كلها زهر وكمل مشوارك ان عائلي لالعاب الارض السعيدة وهنيك في مطاعم كتير كمان متل القرية وبوابة دمشق بس السيران اكله مو طيب ابدا
الاسواق عندك متل الحمرا والصالحية وباب توما والقصاع
المولات الشام سنتر والتاون سنتر
وان بدك رقم سائق بيريحك وبياخذك كل هالمشاوير شوف موضوع مشاري الشملان فيه رقم سائق اسمه ابو محمد ماشاء الله كل العائلات يلي عمتطلع معه بترجع مرتاحة ومطمئنة له
وبالتوفيق يارب
رد مع اقتباس
المفضلات