الموضوع: أول مرة أزور قطر

سلاك عليكم ورحمة الله

وشلونكم إخواني عساكم تكونو بخير

راح أكون إن شاء الله في قطر الساعة الرابعة عصرا يوم الأربعاء

وناوي احضر مبااراة المنتخب السعودي مع المنتخب الأردني يوم الخميس


وصراحة لو تدرون كيف متحمس بشكل غير طبيعي للروحة هاذي

خصوصا أول مرة إني راح أحضر مرة اون لايف
لكن المشكلة إني جاي لحالي كان أخوي يبي يجي معاه لكن الزمه دوامه على القعدة وانا محضر من شهر للروحة ذي فقلت اروح لحالي

ماعلينا أنا حاب إخواني أسألكم


عن

1- فندق للإقامة مدة 3 أيام يكون قريب من مجمعات أو كورنيش أو سوق

2-طريقة المواصلات وكم تكلفني من المطار للفندف والعكس ومن الفندق للملعب والعكس علما إن المباراة في ملعب الريان

3-كيف هي الأسعار سواء ماكولات ومواصلات واسواق

4-كم تقدرون لي ميزانية سفر مدة 3 ايام انا محوش معي 5000 ريال سعودي تمام وكمال بدون التذكرة هل ذي تكفي ؟


5- من وين اجيب تذاكر المباراة

وانا بانتظاركم

مواضيع عشوائيه ممكن تكون تعجبك اخترناها لك:

• بنزين في السعودية كم يعادله في قطر ؟
• مجمع فيلاجيو هل يوجد فيه عدة مطاعم
• استفسار عن فنادق مميزة
• عواصم العالم نجوم و إنتي يالدوحه قمر
• أستكشف قطر خريطة تفصيلية
• معقول هذه اسعار الفنادق في قطر؟؟
• المستندات المطلوبة لسفر الخادمة المنزلية لقطر
• تاجير قوارب
• شريحة نقال وإنترنت في قطر؟؟
• استفسار من ليبيا
• بوتيك دادوز علامة تجارية مميزة في قطر
• مهرجانات قطر
• أرق التهاني والتبريكات لأهل قطر الحبيبة بمناسبة اليوم الوطني
• شنو الارخص ؟؟؟
• أمطـــار تمبــك الخـــور بعدســة أوتـالحزنـار الخـيــال
• افتتاح فندق جراند حياة الدوحة
• ஜ¦‗ـ−Ξ فـعـالـيـات رمـضـانـيـة Ξ−ـ‗¦ஜ
• اي فندق
• قطر الوطنية للفنادق تخصص ملايين دولار لتحديث القطاع
• مساعدة عاجلة بليز محلات فساتين زفاف ناعمة بالدوحة؟

أعتقد ان التذاكر خلصت

يعني لازم أول شي تتأكد من التذاكر قبل لاتجي قطر

وعقب تقدر تسأل عن الامور الثانيه

إلا إذا كنت ناوي تحضر مسرحية دريد لحام !

ههههههههه

لا ابشرك يابوي توني حجزت من موقع الرسمي لكأس ىسيا 40 ريال قطري

لكن ابي اعرف وش الفرق بين ام 100 وام 40 ؟؟

يعني المحل ضيق ولا هم عندهم مكيفات وحنا لا ؟؟ههههه

اللي بـ 100 كراسيهم جدام ويعيشون في قلب الحدث

بس انت بتكون معلق فوق ماتشوف الا روسهم من فوق

على العموم ميزانيتك بتكفي ان شاء الله على اساس انك ياي ثلاثة أيام

وبالنسبة للمواصلات عندك سيارة كروة اللي هو التاكسي الرسمي في قطر

وأسعارهم معقولة

وبالنسبة لأسعار المجمعات راح تكون قريبه من أسعار البلدان الثانيه

والمطاعم تعتبر غاليه شوي

الي بــ ١٠٠

هي vip ومو موجودة خلصت

وانا بروح ويا ربعي بنكون ٦

نشوفك هنا

السلام عليكم أخووي سعوودي،،
أول شيء ربي يعطيك العااافيه والله يعينك على الجيه برووحك،،
1- عندك فندق سيف الدوحه (الجديد)، فندق موفنبك (القديم)، فندق مروب (الجديد الي عند السوق)
هل الفنادق كلها (3 - 4 نجووم) جيدة قريبة من الكورنيش مشي 4-5 دقايق وقريبة من المتحف الاسلامي وسوق واقف مشي 4-5 دقايق، المجمعاات بعيده عنهااا، وأنصحك تقعد فيها لانها خذمتها جيده ورخيصة.
2- الموااصلات غاااليه عندنا ورااح تلعوزك يعني صعب تلااقي لك تاكسي كرووه، نصيحة لك (أجر لك سيارة ماتكلفك في اليوم أكثر من 80 ريال) التكاسي بتكلفك فووق الــ120 ريال وصعب تلاقيها طبعاً هذا السعر لتحركاتك الكثيرة،، بعدين الامور طيبة اللوحااات الارشادية موجودة في كل مكااان في الدوحه ماراح يعيقك أي شيء
3- المأكولات في مطاااعم رخيصة وفي غاااليه مثلا في سوق وااقف والحي الثقافي الاسعاار غاالية والمطاعم الي برع عندك المطاعم الايرانية مثل (شاطر عباس، شبستان) هذوله جيدين عندك البوفيهات الهندية وغيرها(أشيانا، كارافان، باندروزا) عندك المطاعم السريعة بجميع أشكاااالها.
4- ميزانيتك لو حسبنا الفندق الليلة 500 ريال و السيارة ايجارها 80 ولااكل 120 ريال فارح تكوون بين 650 و 700 ريال
5- تذاااكر المبااااراة على ما أعتقد أنت شرتها وخللاص
ربي يوفقك أخووي وإنشاءالله راااح تنووور بلدك الثاني قطر

الله يجزاك خير أخوي

لكن صراحة بالنسبة لإيجار السيارة ودي أؤجر لكن هاذي أول جية لي و أخاف أضيع وبعدين بيني وبينك ماني متعود على الزحمة كثير و لا أنت وش رايك ؟

فكرةالتأجير جيدة إذا كان عندك جهاز جارمن أو في الجوال وأفضل من استخدام سيارات الأجرة لأنها مكلفة والملعب بيكون بعيد نسبياً.. ولك الخيار .. بخصوص الميزانية اللي وضعتها فهي جيدة جداً وسوف تفي بالغرض إن شاء الله .

والله أخووي أجر لك سيااارة أحسن شيء،،
وترى الزحمه كل مكااان بس أنت حاسب في السواااقه (وحاسب من ربعنا الهنوود في سواقتهم ههههها)،،
أموورك راااح تكوون طيبه بس خلك في حدود السرعه الرادارات عندنا كل مكاااان ولا تقطع اشارة حمرا حاسب في كاميرات،،
بعدين بتووفر على رووحك وااايد وما راح تضيع إنشاءالله ربعنا موجودين كل مكاان وأي دورية شرطة راح تفزع لك،،
ويامرحبااا فيك وننتظر تقريرك عقب الرجعه أوووكي ترى بنعصب عليك (ههههههه)،،

السلام عليكم
اضافة بسيطة ومهمة ..في حال تأجير سيارة يرجى الانتباه لحدود السرعة والاشارات لان المخالفات كبيرة جدا شوارعنا كلها رادارات.. مثلا قطع اشارة الحمراء 6 الاف ريال او اكثر..السرعة 500 ريال وتزيد مئة ريال على كل 10 كيلو فوق السرعة المحددة.. حزام الامان 500 ريال.. الوقوف الخاطئ 500

هذا فقط للتنبيه ..خصوصا ان السيارة مؤجرة وقد يحدث ان يتأخر ارجاع مبلغ التامين للتأكد من عدم وجود مخالفات او يحدث تلاعب او استغلال من مكتب التأجير ,,الحرص واجب

سلام

ولات تنسى الانفاق 60 لاتكثر بالسرعه
الجسور 80
والله يعينك على شوارع الدوحه كل متر رادار وحزامك هذا اهم اهم شي