السلام عليكم ورحمة الله وبركاته,بعد التحية والأحترام /
راح أطرح في هالموضوع مايحتاجه المسافر العربي إلى الصين من تنبيهات وكلمات صينية وبعض الأرقام المهمة .. اللي ممكن تفيدك في الصين /
- شيء مهم لا بد إن يكون كل أهتمامك قبل خروك من إي مكان وهو إن تتوكل على الله .
- كلنا نعرف إن "المال السايب يعلم السرقة" لذلك أحذر على أمورك المهمة .. خصوصاً في المناطق المزدحمة زي المتور .. ألخ,لإن تكثر فيها عمليات السرقة.
- جوانزوا,ولأن أكثر المسافرين العرب يروحون لهالديرة .. أنتبهوا من بعض الصينين هناك
وبالنسبة لي أعتبرهم من أسوء الصينين تعامل هم أهل جوانزوا ,
وفي جوانزوا كذلك .. أحذر بعض الأفارقة وبعض العرب ... عموماً في هالديرة خلك حذر بزيادة ما أبّي أخوفكم بس هالديرة مقارنة بباقي مناطق الصين,تُعتبر سيئة بالنسبة لي ع الاقل.
- أحذر تبديل العملة,بحيث يكون معك .. 100 كواي ع سبيل المثال .. وتعطيها راعي البقالة وتأخذ منه غرض .. وفي سهوة منك ممكن يحول الـ 100 كواي حقتك .. إلى 100 كواي مزورة عنده ويقول لك فلوسك مزورة .. لذلك خلك ع بينه من إن يصير لك هالشيء .. وإذا صار لك هالموقف أطلب الشرطة ولا عليك فيهم خصوصاً إذا كنت واثق من فلوسك ,لإن الشرطة الصينية متعاونة مع الأجانب ورقم الشرطة /110
ولا تتوقع إن الصينين المتواجديين حول المكان راح يفزعون لك .. لإن الشعب الصيني بطبعه شعب مايحب يقروش نفسه .. لذلك إذا حصلت لك مشكلة ولا شيء وطلب الشرطي عنوانك .. أبحث عن إي شخص لا يعلم عن المشكلة وعطه الجوال وخله يوصف لهم .. وممكن تحصل رفض لكن حاول في كذا واحد .
- بالنسبة لتحويل الفلوس .. إذا بتحول دولار أنصحك بالتحويل من أحد بنوك الصين مثل بنك أو تشاينا ألخ ... لإنها أضمن وأفضل لك .
- في التاكسي .. كن حريص ع أخذ الأيصال بعد الخروج من التاكسي .. لإن الأيصال مهم لك ويفيدك خصوصاً إذا نسيت شيء في التاكسي .. لا تكون مستعجل وأحرص ع الأيصال,وحتى تكون على بينه بالمبلغ المطلوب منك .. لإن بعضهم وقليل هم يحاول يستغفلك كسائح وينتف ريشك .. وحسابك يكون 50 كواي يقولك 100 .. لذلك أحرص ع الأيصال .
- الصينيين بشكل عام شعب محترم,وبحكم معاشرتي لهم شفت هالشيء .. بس أحرص ع الابتسامة معهم,خصوصاً من يستحقها .
وحاب أعرفكم ع التحية الصينية وهي / ني هاو .. وردها يكون ني هاو كذلك
وإذا عملك حاجة حلوة الصيني .. حاول تشكره .. وشكراً باللغة الصينية تكون / شيشيا ني xiexie ni
... إذا فيه إي أضافة تطري علي راح أضيفها,وأتمنى من بقية الأعضاء الخبراء في الصين مساعدتي في هالجانب
وتحيتي للجميع .مواضيع عشوائيه ممكن تكون تعجبك اخترناها لك:
- من سكن في فندق فونكس في قوانزو
- عاجل ساعدوني ارجوكم
- يا شباب ارجوو المساعده انا قد كتبت موضوع عن مدينة لانشى او لانشي ولكن محد افادني
- كوانزو و هونق كونق يونيو
- الى الاخوة الموجودين فى كوانزوا
- بالامس زرت سوق الشنط المقلده واليكم توصياتي
- استفسار عاجل عن الباصات الصغيره المتوجه الى جبل بايين
- والله زعـــلت وصار الهوى ضدي
- بالنسبة لموضوع خطاب تعريف للمرأة
- طلب من خبراء الصين
- نانجنق الصين أفيدوني
- الي جالكسي وباقي الاخوان
- استخرجت تاشيرة سياحية بقصد التجارة هل في اشكالية
- الى خبراء الصين وبالتحديد هانجزو وشنغهاي
- الى خبراء كوانزو مع التحيه
- السفر الليله شوفوا لي فندق بشزن لو مؤقت
- للضروره القصوى الى ابوضرار سفري قرب ولم يتم الرد
- ممكن مكتب لخليجي في كوانزو
- اول سفريه لكوانزو
- هام لشخص اول مره يذهب الى الصين
رد مع اقتباس
المفضلات