الموضوع: المواصلات من والى المطار لندن جاتويك

مراحب

طالعين باذن الله لندن وهذي اول مره
قريت وايد عن التذاكر والدسكاونت والفاميلي اند فريندز وال7 دي ترافل
ووايد تخربطت مو فاهمه شي

وصولنا رايح يكون لمطار جاتويك دخلت عل مواقع الميني كاب
اسعارها كله فوق ال 90
فقررت نستخدم جاتويك اكسبريس
هل اهو مريح ؟ فيه توقف ؟
هل هو امن خصوصا ان رحلتنا مسائيه

نويت استخدم ال 7 دي ترافل كارد
هل ممكن قبل اشتري الاكسبريس اشتريها وعقب اقص للاكسبريس
حتي استفيد من عرض البطاقه ؟؟

عندي رحله لمانشستير ايضا

ياريت تعطوني موقع القطارات لان احاول احجز من موقع يعطيني سعر روحه ورده !!

شنو رايكم حدي مو فاهمه شي ؟؟

مواضيع عشوائيه ممكن تكون تعجبك اخترناها لك:

• مساعدتكم في التنقل بين برايتون ولندن
• اين اذهب في الويكند ؟
• المدن والقرى القريبة من لندن
• استفسار عن فندق ‬‬
• فندق حياة رجنسي
• رحلة عزوز سمث الى بريطانيا
• خبراء لندن مساعدتكم بخصوص بعض التفاصيل
• الفيزا تعبتني كيف تعبئتها يا اخوان؟
• السفر الى لندن مدينة شيلسي
• رتبو لي رحلتي لو سمحتوا ؟؟؟؟
• قصر هنري الثامن
• فزعتكم
• استفسار عن من يرغب البقاء في لندن فتره طويله
• جاوبوا على سؤال اخوي الله يجزاكم خير
• بخصوص الفيزا وتعريف العمل
• رحلتي إلى لندن بعنوان لندن بلا ليل من إلى يوليو
• تأخرت في سداد التأشيره البريطانيه
• استفسار عن اسواق شركة اتصال وعن المواصلات ب لندن ؟
• تقرير محتار في لندن كامل
• صووور روووووعة للنــــــــــــــــــدن الجميلة

اختي اذا كنتم عائلة انصحك حجز سيارة من موقع alpha airport cars اسعاره جدامناسبة تتراوح ما بين 30-70 بوند على حسب عدد الاشخاص والشناط وشركة مضمونة خصوصا مطار جيتويك نوعا ما بعيد ..

الاخت ساره كفت ووفت
جزاها الله الف خير


وانصحك بالتأكد من شنطكم كم عددها

وهذا موقع الشركه
الدفع عند الوصول
يعطونكم التأكيد بدوم اي رسوم ومضمونين

http://www.alphaminicab.com/


اما موقع القطارات
http://www.nationalrail.co.uk/

بالتوفيق

ماقصرتو عساكم ع القوه
اكو مشاركه كانو كاتبين عن منطقه اسمها peak district دخلت على موقع كان كاتبه الشخص نسيت منو
راااائع جدا
بودي اسالكم شرايكم في هالمنطقه وايد اعجبتني
حلو اقعد فيها اسبوعين ولا ماتسوا

وانصحوني في منطقه باره قريبه من مانشستر اقعد فيها باقي رحلتي
وويلز وين صايره عن مانشستر ؟

الف شكر مقدما

جاتويك لكسبريس ممتاز ومريح وامان طبعا ..

بخصوص ويلز ومانشستر تقريبا 4 ساعات بسياره وويلز مافيها شي اصلا ..

اسبوعيين اشوفها واجد اجدا جدا خاصه ان الريف الانجليزي ممل جدا .. لو سويسرا او فرنسا بنقول ممكن ويعتم على حجم العائله بعد ..كل مايزيد العدد ايكون افضل ..
تحياتي

ماقصر الخبراء

ويوجد باص من هيثرو الى جاتويك ب 20 باوند تقريبا ياخذ ساعة

واي خدمة

كتبت رد طويل وطااار


ماعليه بعيده من اول
مشكورين كلكم ماقصرتو وهذا العشم

قررت اتعامل مع السايت اللى كتبتوه فوق
بس ماجاوبتوني بالنسبه حق بطاقة 7 داي ترافل اقدر اشتريها من محطة القطار وعقب
اقص لقطار جاتويك اكسبريس مو اوفر ؟؟

شلون استفيد منها بالقطارات لان عندي انتقال لمانشستر بالقطار ايضا وودي بقيمه معقوله
والسايت اللى فوق للقطارات اقدر اقص تذاكر قطار مانشستر اونلاين ولا ع المحطه افضل
وشو اسم المحطه اللى اطلع منها لمانشستر علما بان اقرب محطه لي بادنقتون ؟

تذاكر التخفيض متعددة الاسماء بصراحه ماعرفت شالمناسب لنا ياريت حد يفهمني

وبعد لو ابي ازور منطقة البحيرات من مانشستر بالقطار بعيده ولا قريبه ؟
ولو حبيت اجلس فيها اسبوع استجمام اقدر ولا ماتسوا ؟ خصوصا ان مامعي سياره
وين تنصحوني اسكن فيها ابي شاليهات راهيه وفخمه

وشنو الفرق بين منطقة البحيرات ومنطقة peak district ?
ذكرها الاخ بومانع باحد تقاريره اذا ماني غلطانه

ياريت الاقي اجابات وافيه لكل الاسئله الى تدور في راسي وكتبتها
واكيد ماراح تقصرون

ناطرتكم

اسمها lake district

وهي البحيرات

وموجود في توقيعي صفحه رقم 7 عن المنطقه

وموجود عدة تقارير عنها في البوابه

اهلين اختي منوره وانا اقرى اسئلتك حسيتك انا ههههه لانه انا مثل حالتك جالسه ابحث واقرى واجمع معلومات والله يجزاهم خير الي بالمنتدى ماقصروا بفتره قصيره جمعت معلومات كثيره
من خلال قراءتي واستفساراتي لقيت موقعين للقطارات

مو راضي ابدا اكتبهم يقول مشاركاتك قليله
ولا اعرف ايش الفرق بينهم وهل كلهم بلندن او لا ياليت المشرفين يساعدوننا
وبالنسبه للحجز من المطار انا برضوا قالولي عن الشركه بس سؤال للاخ بيبسي كيف يكون الدفع بعدين يعني مايسحبون من الفيزا او كيف لاني انا بس جربت الخطوات ولا وصلت للاخير
وشكرا

اخوي الف شكر

هذا الموقع اش رايك فيه وهو اللي اقصده لانهم كاتبين
peak district

http://www.pinelodgeholidays.co.uk

شكرررررا

ماعندي اي معلومه عن peak district

ان شاء الله يفيدونك الخبراء

بالتوفيق

بانتظار مساعدتكم لان الرحله مابقا عليها شي
وابي احجز ووارتاح

مرحبا اختي
بحاول اجاوبك على كل شي سئلتيه







المشاركة الأصلية كتبت بواسطة nadia40
http://www.arabtravelersforum.com/tr...7/#post7123723

مراحب

طالعين باذن الله لندن وهذي اول مره
قريت وايد عن التذاكر والدسكاونت والفاميلي اند فريندز وال7 دي ترافل
ووايد تخربطت مو فاهمه شي

وصولنا رايح يكون لمطار جاتويك دخلت عل مواقع الميني كاب
اسعارها كله فوق ال 90
فقررت نستخدم جاتويك اكسبريس
هل اهو مريح ؟ فيه توقف ؟
هل هو امن خصوصا ان رحلتنا مسائيه

من شان القطار فهوا امن ومريح اذا ما كان عندكم شنط وهو بالضبط بيوصل بعد نص ساعة بدون توقف بس بروح محطة فكتوريا وهنا المشكلة كيف بتروحي من هذي المحطة للمكان الي بتسكني فيه
نصيحة مني لو كنتم اكثر من 3 روحي بالتكسي وفي تكاسي بتاخذ 60 بوند
المهم خبرينا كم شخص انتي عشان الواحد يعرف ينصحك صح
ان كنتي لحالك اركبي القطار ارخصلك طبعا

نويت استخدم ال 7 دي ترافل كارد
هل ممكن قبل اشتري الاكسبريس اشتريها وعقب اقص للاكسبريس
حتي استفيد من عرض البطاقه ؟؟


كرت الاويستر ماله علاقة ابدا بتخفيض قطار الجاتويك
تحجزي اون لاين بيعطوكي 10 % تخفيض
ومن شان كرت الاويستر مو متاكد اذا تقدري تشتريه من المطار بس تقدري تشتريه من محطة فكتوريا لما توصلي
كرت الاويستر الي هوا سبع ايام قطار او شهر او شو ما تحبي بخلي فيه وتستخدميه


عندي رحله لمانشستير ايضا

ياريت تعطوني موقع القطارات لان احاول احجز من موقع يعطيني سعر روحه ورده !!


هذا موقع حجز القطار


nationalrail .co .uk



شنو رايكم حدي مو فاهمه شي ؟؟

الف شكر ماقصرت/ي

البطاقه اللي اقصدها تختلف عن الاويستر
لاني قريت انها تعمل خصم في الدخوليات والقطارات والباصات والاندرقراوند
اما الاويستر محدودة اظن

الاويستر تشتغل بس في لندن للا اندرغرواند والباصات اما الي تقولي عنها والله ما سامع عنها على اني مقيم هنا الي 12 سنة على العموم انا بسافر بسيارتي عشان هيك يمكن ما اعرفها
على العموم الله يوفقك ويسعدك بسفرتك وتسافري مرتاحت البال