الموضوع: استفسار عن فندق W Doha Hotel & Residences في الدوحة

السلام عليكم ورحمة الله وبركاته
حياك الله في الدوحة وكل حبايبنا اهل الكويت والخليج اما بالنسبه للفنادق فانا اشوف افظلهم
فندق ملينيوم وهو ملاصق للاصمخ مول وهو مول صغير ( سنتر بوينت ) وهو في منطقة السد وشارع السد يبعد عنك 3دقايق مشي
فندق رتاج الريان وهو في منطقة الابراج ومقابل لفندق فورسيزن وهو 5 نجوم وسعره ارخيص حوالي 500 ريال
واذا تبي ارقى فندق في قطر فهو فندق شرق في بداية الكورنيش وهو رااااائع بكل معنى الكلمه وبعده فندق الرتز كارلتون جنب اللؤلؤه

أرشح دبليو من غير منازع وهل يخفى القمر

روتانا عند المطار ومب حلو وسعره غالي على الفاضي

جراند ريجنسي وملينيوم جمب بعض في منطقة السد

وانت تقول تبي في منطقة الابراج

يعني عندك رتاج ودبليو

رتاج ماينفع أبداً

مافي الا تسكن في دبليو

ودبليو على فكرة مب حلو ومافيه فخامة الخمس النجوم بس أنا رشحته لك لأنه يعتبر أفضل الفنادق من حيث الموقع

ولو تغيّر رايك وتدور على فنادق ثانيه مثل الريتز او الشيراتون يكون أفضل

والجو الحين عادي ماعندنا كلش برد

شكرا اخوي سلف الامة.
اخوي the roook شكرا عالترشيح..
اخت النوريq يامعوده انا حاولت بالريتز لكن مافي غرف فاضية حزتي.. عندي خيار الماريوت ماحطيتا اهني لأن مكانة مو عاجبني كلش. اما الباقي انا مادلهم بأستثاء الدبليو وموفنبيك ورتاج بس الدبليو غريبة كلامج عنه و رفيجي يمدح فيه!!! اصلا رشحه لي والشيراتون قدييييييييييييم ولا شرايج؟. بس صراحة كلامج عن الدبليو صدمني .. صح عندي شغل هالصوب لكن السيارة ماتقول لا .. ومشكورة على افادتج وياليت تفيديني عن الشيراتون.

^
^
اخوي لاتاخذ كلام النوري وكل من في المنتدى يعرف هل شي كله تشوه سمعت الفنادق وترشح الريتز توكل على الله على دبليو وانا رشح

من الحين أقول لك ترى

دبليو مظلم وكئيب

وأول ماتنزل من السيارة تدخل على طول الفندق يعني مافي برا حديقة والا بركة سباحه والا اي شي يحسسك ان الفندق خمس نجوم

طبعا اول ماتدخل بتلقى المكان مظلم والريسبشن جدامك والمصاعد حذاك

يعني الفندق صغير من الباب لين المحراب

مافيه مساحه

كلها الا كم طاولة وكرسي على طراز أثاث قصر هارون الرشيد

يعني اذا بتقعد عليها لازم تنبطح

والغرف محد يمدحها وضيقه ونظامها مودرن وتطل على خرابه

وأنا طبعا مالي أي مصلحة لما أقول لك هالكلام

لكن لازم ابصرك علشان ماتتفاجأ اذا رحت هناك

وعلشان ماتقيس فنادق قطر الراقيه بهالفندق الفاشل

ولو سكنت فيه ابيك تزور الريتز أو الشيراتون أو حتى الفورسيزون وتشوف شلون اللوبي كبير وواسع ( ماعدا لوبي الفورسيزون )

وصحيح الشيراتون قديم وايد بس مسويين له تجديدات وصيانة وكل آثاثه جديد يعني تحس كأنك قاعد في فندق جديد توه فاتح

وعلى الاقل اذا فتحت الدريشه تلقى المنظر يطل على البحر ، حتى في الحمام الله يعزك فيه دريشه كبيره من الحائط لين الحائط وتطل على البحر

ونفس هالكلام ينطبق على الريتز

ولو تمشيت برا الشيراتون أو الريتز بتحس نفسك فعلاً في منتجع والبحر جدامك وبرك السباحه من كل صوب

وحتى الفورسيزون يطل على البحر وحلوه القعده فيه من برا وهو على العموم جمب الشيراتون

وأنا من الحين أقول لك انا مالي أي دخل لو سكنت في الشيراتون أو دبليو

يعني أنا أخلي مسؤوليتي من أي مشكلة ممكن تصير

علشان لو سكنت في الشيراتون او الريتز ماتقول عقب الفندق ماعجبني

انا مهمتي مثل ماقلت إني أبصرك وأحط كل الخيارات جدامك

وانت في النهاية صاحب القرار

النوري كيف الحال ...

شوف دبليو عيبه انه اللوبي صغير بس مو صغير مثل ماوصفته النوري يعتبر صغير بالنسبه للشيراتون لانه اللوبي بليييييه كبييير على شان جي بس دبليو غير شوف الاثاث شلون مودرن وحلو وبالعكس النوري انتي قلبتي قلتي محد يمدح الغرف تقصدين الغرف الي امدحوها وبعدين شنو مافيه برجه روحي اهناك وبطلي عينج عدل برجه كبيره وفخمه ودبليو مكانه وااايد احلى من الريدس خصوصا لعشاق الابراج كانك جالس في نيويورك تشوف يمين برج ورا برد وقدامك اكبر مول في قطر شتبي اكثر

مادري ان الشيراتون مجدد.. لكي متأكد انه صارلة اكثر من 20 سنة. احترنا ياهل قطر.. وانشالله بحجز هاليومين وبقولكم بتقريري وين سكنت. ومشكورين لتفاعلكم معاي.. ماتقصرون.

المشاركة الأصلية كتبت بواسطة الكاتب المسافر
http://www.arabtravelersforum.com/tr...0/#post4623540

مادري ان الشيراتون مجدد.. لكي متأكد انه صارلة اكثر من 20 سنة. احترنا ياهل قطر.. وانشالله بحجز هاليومين وبقولكم بتقريري وين سكنت. ومشكورين لتفاعلكم معاي.. ماتقصرون.



الشيراتون صار له 30 سنه مب عشرين

وأصلاً زين لو لقيت حجز الحين لان في العادة دايما فُل

النوري ***** مافي ريدس ولاهم يحزنون

أسمحلي أخووي رووك هل المره أنا ضدك في رأيك ولكن رأي مع النوري بصراحه فندق دبليوو مب لين هناااك لكن الشيراتون ماله حل الـــ(club room) عندهم وااايد حلو وفخم بصراااحه والريتز حدث ولا حرج ماشاءالله على غرفهم الكبيرة ولكن جراند ريجنسي بعد مانصحك فيه بصراحه الملينيوم اوكي ما عليه كلام غرفهم حلوه واكلهم حلوو بعد فانت شوف الي يناسبك وبصراحه مانصحك في الدبليو بعدين أخوووي الروك لا تنسى الدبليو فيه ديسكو العالم كلهم هناك ويصير الفندق مصخره اللوبي مصخره كل شيء مصخره عندهم بروحه لوبيهم كبر غرفتي (ههههههه) بصراحه اخوووي روح الشيراتون وعندك بعد جنب فندق الريتز فندق جديد اسمه ريجنسي وااايد حلووو وغرفه فخمه وعندهم بانيو الله يعزك ماله حل والغرف فيها بلكونه تطل على البحر البلكونه من كثر ماهي كبيرة تقدر تلعب فيها كوووره.
المهم هذا رأي وحياك الله في بلدك الثاني وإنشاءالله تنورنا.

^
^
فقط اللوبي صغير بس مو لهل درجه
بس الفندق بشكل عام انا اشوفه افم من الريدس خصوصا الاثاث الريدس انتو اتشوفونه لانه اولا يطل على بحر وفي جزيررة خاصة وكورنيش ولوبي وسيع دبليو لو بس يطل على البحر حطك فنادق قطر كلها

مادري ليش كل ما اشوف استفسار القى هوشة صايرة
الله يهديكم هدوا اعصابكم

عموما حياك الله في الدوحة ..الجو براد في الليل والنهار دافي غير عنكم ومازلنا مصيفين

الفنادق يمكن ميزة الدبليو انه مجابل السيتي سنتر ماتوجع راسك بالمواقف اللي دايما فل .
شوف هذا التقرير
#########
يوجد جنب الدبليو شقق كمبينسكي .. ممكن تسأل عنها
http://www.kempinski.com/en/doha/Pages/Welcome.aspx

وموفق برحلتك

مشكور اخوي المنصوري على اقتراحاتك.
والشكر للأخ باراشوت للأهتمام.

باراشوووت خخخخخخخخ محد يتهاوووش ياخي أخووووااان بس اقتراحات ومناقشات لا أكثر ولا أقل
ولا وش رايك أخوي الروووك

الروووك أختنا النوووري شكلها عضو مجلس إدارة في الفندق (هههههههه) بس بصراحة الروك الفندق ما عليه كلاام

المشاركة الأصلية كتبت بواسطة عبدالله منصوري
http://www.arabtravelersforum.com/tr...2/#post4633552

الروووك أختنا النوووري شكلها عضو مجلس إدارة في الفندق (هههههههه) بس بصراحة الروك الفندق ما عليه كلاام





قرصونه وايد عليها


شوف الحين بتقتبس ردودنا

اخي العزيز the ro0ok

اغلب مشاركاتك فى هذا الموضوع بدون فائدة

اتمنى البعد عن نظام الشات ..تحياتي لك

اولا انا من رايي تجرب جراند حياه فندق حلو واللوبي شرح بيعجبك اذا كنت تحب قعدة اللوبي
وهو قريب الرتز كارلتون والحي الثقافي او كتارا واللولوه
بخصوص البرد وهالله هالثلاثة ايام ماطلع الا بثوب صوف وغتره شال من البرد فالليل
نصيحتي لك جيب لك كم ثوب شتوي وجاكيت واحد والبس وانت بكرامه جوتي ابرك لك حق فالليل
والله ييسر ربك وتنور قطر واي خدمه حاضرين لك افا عليك سواء هنا او خارج المنتدى وبتنور قطر
ياحياك الله