الموضوع: مساعدة مرة اخرى واسف على الأزعاج

ياخوان طبعا انا كتبت قبل شهر عن موضوع سفري بشهر رمضان والكل غير مؤيد سفري بشهر رمضان ولكن الظروف جبرتني على كده وحجز التذاكر الرخيص جدا غير مسترد .
وسفري بيكون 20 رمضان الى 10 شوال
يعني الوصول الى ماليزيا 8 اغسطس والمغادرة 28 اغسطس
بصراحة انا شوي ممكن اتجنن من التفكير والى الأن لم احجز اي فندق وجالس افكر انو حفضل جالس بكوالا لمدة 10 ايام على الأقل لغاية مايجي العيد واروح لنكاوي وجتنغ فقط لأنه السنة الي فاتت روحت سلانجور وبينغ وبتروجايا والكاميون ماقدر اروح لها لأني عندي طفلان معي حيتعبوا كثير جدا فلو سمحتوا ابغا الميزانية المحتملة مع فنادق رخصية فقط للنوم وتكون بشارع العرب لأنه طول الوقت حنكون بره في التمشية وليس كل الوقت للنوم انا دورت في موقع بوكينج ولقيت بس ماني عارف احجز 10 ايام في كوالا ويطلع الفندق خايس مادري والله هتجنن من كثر مافكر وفيه مكتوب الغاء مجاني هل يعني لو بطلت مابغا الفندق مايخصم شيء من الحساب . معليش استحملوني شوي واي اسالة حتدور في راسي ساضعها هنا

مواضيع عشوائيه ممكن تكون تعجبك اخترناها لك:

• خريطة رحلتي المتواضعة في ماليزيا
• حجزنا التذاكر ل اشخاص ابي مشورتكم بتالي
• المشاركة الاولى ومسافر شهر عسل الى ماليزيا
• برنامج رحلة الى ماليزيا
• بكج سياحي 13 يوم لعائلة 5 افراد فنادق 4 نجوم
• الفرزعة
• انهيت معظم الحجوزات أريد جدول سياحي يومي
• باقي سبعه ايام علئ رحلتنا لماليزيا وابي مساعدتكم اخواني
• سفرى الاربعاءاريد المشوره في جدولى النهائي
• مشورتكم ورايكم بالجدول قبل الاعتماد شهر عسل
• فزعتكم الله يوفقكم جاوبوني وابي جدول
• رأيكم بتقريري لماليزيا شهر العسل وشكر خآص للمميز وافي بزمن جافي
• هل من جديد
• اتمنى مساعدتكم
• مطلووب فندق في كوالالمبوور
• طلب استشارة وتوجيه
• استفسار ضروري ارجوكم اول مره
• شي خطافي
• السكن في الفندق الاقتصادي سنترال بودو
• محتاررر

لا داعي لكل هذا القلق والتفكير يارجل
وكوالا مليانة فنادق كلها مجربة ومعروفة أنت بس قول كم ميزانيتك في حدود كم تبغى ونحن ندلك
بالنسبة للحجز نعم إذا مكتوب الإلغاء مجاني تقدر تلغي حجزك قبل السفر بثلاثة أيام من غير ماينخصم عليك ولا هللة
لكن عندي إعتراض على أنك بتقضى 10 أيام الأولى في كوالا .. كثيرررررة جداً جداً على كوالا
وأصلا 20 يوم كثيرة على ماليزيا
لو تبغى رأيي والله أقترح عليك تخلي منها 7 أيام في أندونيسيا في الجبل
جوووو ررااائع جداً براد وخضرة وأيضا تناسب رمضان أحسن من كوالا

طول الله في عمرك حبيبي والله قيدي عارف ماليزيا اخاف اروح اندونسيا وماعرف شي عنها وكده كده متورط ومخبوصة الهرجة كلها

انا حاط 15000 ريال طبعا ماحشتري ولا هدية تمشية وبس كفاية السنة اللي فاتت صرف 25000 ريال في 30 يوم ورطة ولا احلى بس رجاء خاص ابغاكم تكونوا معي في محنتي هذه لغاية مااتمم الأمور . شفت قبل كده جوروج الرومانسية يتكلم عن فندق The Malysia وفندق my@hotel هل هي قريبة من شارع العرب او حوليه .

ومعليش اذا حجزت الفندق اكتب عدد الأطفال ولا بلاشي

محبكم ابو فرح

الالغاء المجاني راح يكتب لك متى اخر يوم حق الالغاء المجاني في حجزك

وماراح يخصم شيء اذا ألغيت قبل موعد الحجز بيومين

شوف ياغالي بعيد عن المجاملة
15000 ريال ماحتسوي لك ولا شيء !!!! أنت عندك 20 يوم ماهي هينة
يبغالك مصروف 500 ريال في اليوم * 20 يوم = 10000 ريال هذي بس أكل وشرب وتكاسي وتذاكر دخول حدايق ومنتزهات
يبقى 5000 ريال إش بتسوي لك وين بتلقى فنادق 20 يوم بـ 5000 ريال ؟! مسسسسسستحيل
أندونيسيا ما أحد يضيع فيها ياولدي

أندونيسيا أسهل من ماليزيا ونصيحة أخوية إذا تبغى تلقى مسلمين وصلوات تراويح وستر وأجواء رمضانية وجو بارد روح الجبل في أندونيسيا
والأسعار هناك بتراب الفلوس تأخذ لك فيلا كاملة بمرافقها تتفسح فيها بـ 300 ريال في الليلة يابلاش
أما إذا إنك ناوي على الحر والرطوبة والزحمة والقرف خلك في كوالالمبور أقض فيها العشر الأواخر الفضيلة
والله يعينك على العري والمناظر الخادشة لروحانية الصيام

بصراحة اخي المغادرون اشوف جدا كلامك قاسي علي اذا ببطل السفر والله ثم والله بسببك ياخي صديت نفسي بالسفر خلاص شكرا لكم يامنتدى العظيم على هذه المساعدة واذا كنت مراة اهلا وسهلا بك واسال لما تتعبي وستجدي الحل الوافي .

حبيبنا ( dodiz )

ليه الزعل

وليه هالكلام

عمرنا ماقصرنا مع أحد ولله الحمد ... سواء أخ أو أخت !!!!

عدد مشاركاتنا أنا والمغادرون تجاوزت ( 13000 مشاركة ) ... وتجي تقول هالكلام

وبعدين ياغالي ... أستاذنا المغادرون ينصحك بدون مجاملة كما ذكر ... ليه الزعل !!!

عموما ... الله يحييك أول وتالي ... ونخدمك بعيوننا يالغالي ...

لكن كلمتك الأخيرة ( ظالمة ) بحق أخوانك بالمنتدى ...

وأنا أتحدى أي أنسان ( يجيب ) أستفسار فاضي ... ماردينا عليه ؟؟؟

عمرنا مافرقنا بين أحد وأحد ... نجاوب على الجميع بكل حب وصدق ...

وعليكم السلام ورحمت الله اول شي الاخ المغادرون رجل معروف ويساعد الكل نحن نتابع المنتدى يوميا ونشاهد والرجل نصحك بضمير وبدون مجاملة أجل تريد منه ان يقول 10000 الاف تكفيك علشان تكون راضي عنه ,,, انا الحمد لله ماعمري سكنت بشارع العرب ولا انصحك فيه ((وجهة نظر))من ناحية الفنادق عندك تريدرز بقلب العاصمة النابض دائما اسكن فيه للاسف لم اجرب غيره لذالك ليس لدي ملومات عن الفنادق الاخرى من ناحية سياسة الحجز المجاني تجده بشروط الحجز وممكن تكلمهم شخصيا انا كنت حاجز في تريدرز 6ايام قبل الدخول للغرفة عند الريسبشن كلمتهم قلت ممكن اخذ 4 ايام فقط قالو مافيه مشكلة وفعلا بعد اربع ايام خرجت وماخصمو ولا هللة ,,, أخيرا انصحك لا تاخذ أكثر من ثلاث ليالي بفندق واحد خصوصا اذا ماسكنت فيه من قبل ولا تعرفه.