ممكن ترتيب لندن امستردام باريس بروكسل

**ahmedgaper** · 01-22-2015, 11:49 AM

السلام عليكم

حاب ازور هالمدن لندن امستردام باريس بروكسل

بس محتاج مساعدتكم في ترتيبهم من وين ادخل ومن وين واطلع ؟
وما هي افضل شركه طيران من حيث السعر

المده من 15 الى 20 يوم

وكيفيه التنقل بينهم

واذا بتسوون لي جدول ما راح اقول لأ ههههه طمع

وجزاكم الله خير

مواضيع عشوائيه ممكن تكون تعجبك اخترناها لك:

**ahmed1** · 01-22-2015, 11:49 AM

حياكم الله

ممكن تروحون لندن ومن ثم باريس بالقطار

واي خدمة

**ahmed3** · 01-22-2015, 11:49 AM

مساء الخير
تخطيطك للرحله مثل ما قمت به بالعام الماضي

لكن بشرط لا تقل عن 20 يوم الرحله وسوف تكون مكلفه خصوصا التقل بالقطار الاوربي بينهم

انصحك الغي امستردام واطلع الى بروكسل ثم باريس ثم لندن

او باريس ثم بروكسل ثم لندن التنقل بينهم بالقطار رحلات دايركت ما بين ساعه ونصف الى ساعتيت تقريبا

**ahmed2** · 01-22-2015, 11:49 AM

جزاكم الله خيرا

انا حطيت امستردام لاني ناوي عال klm

واهي راح تنزل امستردام ترانزيت ف قلت اقعد فيها جم يوم دام اني واصل

**ahmedali** · 01-22-2015, 11:50 AM

ممكن بس لا تقل عن 20 يوم الرحله لانك سوف تجمع 4 دول

هولندا 4 ايام بروكسل 4 ايام باريس 5 ايام والباقي بلندن

تحياتي

**ahmed3** · 01-22-2015, 11:50 AM

اخي الفاضل رحله موفقه ان شاء الله اذا حاب تنزل في امستردام براي اخذ فندق في روتردام (وسط البلد) لان روتردام انظف واجمل واحدث من امستردام وممكن اخذ القطار من المطار (مطار اسخيبول) ومن روتردام تستطيع زياره مدينه دن هاغ ( الى تسمى لاهاي) زياره وسط البلد وكذالك الساحل اذا كانت رحلتك بالصيف و حديقه الزهور المشهوره والتي تفتتحها الملكه كل سنه من شهر 3 ولغايه الشهر5 ومن روتردام قطار الى بروكسل (يوجد 3 محطات قطار في بروكسل تعتمد على حجزك للفندق) في بروكسل ممكن زياره وسط المدينه (كنائس قديمه ومطاعم سمك شيك في ازقه ضيقه ) وشارع المغاربه منطقه شعبيه قريبه من وسط البلد وكذلك زياره اهم معلم في بروكسل وهو الانتميوم ومن بروكسل قطار الى باريس ومن باريس الى لندن ومن ثم ترجع بخير وسلامه ...