استفسار عن الحي الثقافي

**ahmed3** · 01-22-2015, 11:49 AM

السلام عليكم ورحمة الله وبركاته

عندي استفسار عن الحي الثقافي، مما يتكون؟ وهل يستحق الزيارة؟ وما أوقات الدوام؟

سؤال آخر جزيرة الؤلؤة ما الذي يوجد بداخلها وهل يستحق الزيارة

مواضيع عشوائيه ممكن تكون تعجبك اخترناها لك:

**ahmed2** · 01-22-2015, 11:49 AM

كل الاماكن اللي ذكرتها تستحق الزيارة

الحي الثقافي فيه مطاعم ويطل على البحر ، والحين فتحوا فيه شاطئ للي يبون يتسبحون في البحر

طبعا هالشي بيكون بفلوس

لكن تقدر تتمشى بالمكان وتشوفه ولو تبي تتعشى هناك عندك كذا مطعم وأكلهم حلو

وجزيرة اللؤلؤة عبارة عن جزيرة في وسط البحر وفيها مطاعم وقهاوي ومحلات وتطل على البحر من جميع الجهات

طبعا كلامي ووصفي غير ، ولما تروح المكان وتشوفه غير

**ahmed2** · 01-22-2015, 11:49 AM

ألحي الثقافي لما تدخله كانك في اوربا وخصوصا الحين مع الجو في مطاعم حلوه وتمشي وفوق هذا في المناظر حلوه للي يبي يصور

جزيرة الؤلؤه : جزيرة اصطناعيه على شكل لؤلؤه وفيها ابراج وشقق ومارينا ومطاعم والجزيرة صممت على تصاميم ايطاليا بلمسات اسلاميه

**ahmedgaper** · 01-22-2015, 11:49 AM

وعليكم السلام ورحمة الله وبركاته
ياهلا فيك اخوي بونعوم .
الله يجزيهم خير مميزينا , الله يعطيهم العافية , وعن الأماكن اللي ذكرتها , فأنا انصحك لزيارتهم وخصوصاً في هذه الفترة من السنه وان شاء الله راح تستمتع .

نتشرف بوجودك وحياك الله في بلادك الثانية قطر .

**ahmedgaper** · 01-22-2015, 11:49 AM

الله يجزاكم خيرا على هذا التوضيح

أسأل الله أن يجعل ذلك في ميزان حسناتكم

سؤال آخر لا هنتو هل الحي والجزيرة مفتوحة 24 ساعة أو هناك وقت معين

وما هي المطاعم التي ترشحونها للذهاب إليها في الحي والجزيرة

**ahmed2** · 01-22-2015, 11:50 AM

الحي مادري اذا 24 ساعه ماعتقد اما الجزيرة مفتوحه اعتقد الين 12 بعد 12 يطلعون الناس اعتقد مو اكيد بس الاكيد من 9 الصبح لين 11 اهناك مانصحك في شي لانه محلاتها نار مثل ماركة ديور واخواتها يعني كل شي 5000 وفوق بس فيها مطاعم كثير واحلى مطعم عندي ذا نودلز هاوس رووعه

**alifun** · 01-22-2015, 11:50 AM

السلام عليكم

الاماكن التي اخترت حلوة و هذه صور لجزيرة للؤلؤة

**ahmed2** · 01-22-2015, 11:50 AM

ياجماعة.. سؤال الحي الثقافي وين صاير؟ واللؤلؤة صوب فندق الريتز ولا انا غلطان؟ دلونا اماكنهم. ومشكورين.

**alifun** · 01-22-2015, 11:50 AM

المشاركة الأصلية كتبت بواسطة الكاتب المسافر
http://www.arabtravelersforum.com/tr...6/#post4629316

ياجماعة.. سؤال الحي الثقافي وين صاير؟ واللؤلؤة صوب فندق الريتز ولا انا غلطان؟ دلونا اماكنهم. ومشكورين.

اللؤلؤة بتلقاها حذا فندق جراند حياة واللي هو أصلا قريب من الريتز

يعني وانت في اللؤلؤة تقدر تشوف الريتز

والحي الثقافي قريب من فندق الانتر كونتننتال

**ahmed1** · 01-22-2015, 11:50 AM

المشاركة الأصلية كتبت بواسطة النوريq
http://www.arabtravelersforum.com/tr...6/#post4629346

اللؤلؤة بتلقاها حذا فندق جراند حياة واللي هو أصلا قريب من الريتز

يعني وانت في اللؤلؤة تقدر تشوف الريتز

والحي الثقافي قريب من فندق الانتر كونتننتال

.
مشكورة النوري.. مشاءالله عليج.. مامداني اكتب الا ورديتي. طلعوا قريبيين عند بعض نتقهوا بهذا ونتعشى بهذا.

**ahmed1** · 01-22-2015, 11:50 AM

أخوووي الكاتب حياك الله في بلدك الثاني قطر،،
الحي الثقافي يقع قرب فندق الانتركونتنتال
واللؤلؤة تقع قرب فندق الريتز

**ahmed3** · 01-22-2015, 11:50 AM

السلام عليكم
في مطعم جديد بحري اكله عجججججججججججججججججججيب تختار من الحوض السمكه الي تبيها او اي نوع من انواع البحري والمطعم يستحق الزياره
*مجرد اضافه على الاخوان

**alifun** · 01-22-2015, 11:51 AM

اخوي الحي الثقافي مكان رايق رايق جدا بس ؟؟؟
المكان يصلح لك وام العيال يعني مايصلح للاطفال لانه مافيه شي لهم .طبعا المكان يتكون من مباني علي شكل قديم

حلوه مثل جمعيةالرسامين والمسرح وووو كثير من النشاطات الثقافية في خلف المباني هذي ومقابل البحر توجد

المقاهي والمطاعم المطله علي البحر مع امكانيه نزولك الي الي شاطي البحر واستئجار مظلة المطاعم جلسات رايقه مع شموع يعني تنسي نفسك.

ملاحـــــــــــــــــــــــــــظة..
1-المكان ماله لوحة عند المدخل انتبه لاتضيع انا جلست يومين ادور علية موقعه قبل ماتلف يمين لفندق الانتر شوفه علي يسارك علي طول

2-فيه اول ماتدخل المكان فيه مطعم جباتي وكرك(شاهي بالحليب)روعة وفيه جلسات جنبه

رحلةسعيدةلك وللعائلة