هلا بك أختي
س: هل المعروضات من الاثاث والاكسسوارات المنزلية هناك متمشية على ماهو دارج الان من المودرن او النيو كلاسيك استايل ..
ج: نعم , شندا فيها سوق كبيييييير وتناسب جميع الاذواق ... واسعارها مختلفة بس لازم تكالحي بالأسعار
س: هل تكلفة السفرة مع الاثاث ومن ثم العودة والتركيب وتكلفة ذلك ايضا سهلة ..يعني تسوى ولا ماتجيب هم السفرة ..
ج: على حسب الاذواق , لكن بطبعاً حيكون مخلف وجديد عن ماهو موجود بالسوق السعودي خاصةً اللي عنده ذوق يعرف يختار ويحب يتميز.
س:هل اذا شريت غرف نوم مثلا من هناك ورجعت الى بلدي كيف اركبها وكم تكلفة تركيبها وهل سيعرفون يركبونها ..
ج: التركيب من اسهل ما يكون والعمالة عندنا يا مكثرهم في البلد وخاصةً عند الاسواق الشعبية اللي يبيعون الاثاث وإذا انتي من جدة ممكن اشوفلك واحد يركب.
س: تنصحوني اسافر للتاثيث علما ان ذوقي جدا صعب .. مع العلم الميزانية عاامرة ولله الحمد يعني الى 150الف ريال سعودي ..
ج: ميزانية جيده , لكن على حسب نوع واشكال وحجم الاثاث .... وكل شئ وله سعره
س:انا بالمرة راح اخذ اولادي معي هل الصين ممتعة لهم وهم شباب يعني ..
ج: نعم الصين ممتعه وفيها سفاري والعاب مائية واسواق مختلفة ومتنوعة تزيد من ثقافتهم ومن خبرتهم في مجالات كثيرة. ( الله يحفظهم لكي , ويجعلهم قرة عينك )
س:هل الصين ارخص من كذه ووين اقدر اشتري بضاعتي علما اني راح اشيلها معي بالشنطة يعني قطع مميزة فقط ..
ج: نعم الصين ارخص وعلى حسب الكمية تحصلي سعر افضل , وطالما حتشيليها معاكي بالشنطة ما فيها اي مشكلة مع الجمارك ... إذا قال شئ قولي لهم هدايا.
س: ابي ارخص التكاليف للسكن والاكل والتنقل لان ميزانيتي راح اخليها للتاثيث ..
ج: تكاليف السكن على عددكم فخلي في بالك سعر الليله خارج الموسم ما بين 150-200 ريال. اما التنقل فلازم يكون معاكي خريطة المترو عشان تقدري تتنقلي بأرخص, وبنفس الوقت لازم تخططي صح لكل يوم اش حتسوين فيه.
وحنا حاضرين عن اي استفسار ثاني
اتمنى لك التوفيق
رد مع اقتباس
المفضلات