1- روما ماتحتاج اكثر من 4 ايام او 5 بالكثير
اصلا جوها حار ومعاملتهم مب حلوة
2- بالنسبة للفاتيكان للاسف رحنا لكن ماقدرنا ندخل لان زوجي كان لابس شورت فمنعونا من الدخول
3- بالنسبة للمعالم انا رحت اماكن كثيرة بس للاسف مااذكر الاسامي لاني رحت من سنتين بس ممكن تسال الفندق وهم يطونك معلومات
على فكرة لو ناوي تروح ايطاليا احلى منطقة هي فينيسيا والباقي مو لين هناك..
وبصراحة لما تروح روما كانك رايح مصر..
روما من احسن مدن العالم و ما تتقارن ب مصر و بعدين جوها حار بس في جون و جولاي و حرها ولا شيء بلنسبه لحرنا و انا انصح فيها و حتى ميلان مدينه الفاشن تستاهل احد يروح لها و فنيسيا ما بعد رحت لها !! .
شوف عزيزي...مدينة روما تشتهر بالاثار والمباني التاريخيه...وهي فريدة من نوعها...
يمكن من ردود الاعضاء راح تشوف الاختلاف في الرأي..وهذا شي طبيعي ...فيه من يحب الطبيعه وفيه من يحب التاريخ والاثار...ولكن في النهايه انت وماتحبه...
انا عن نفسي العام الماضي زرت مدن كثيره في عدة بلدان اوروبيه وكل مدينه لها ميزاتها وحلاوتها ومن ضمنها روما...
عموما ابرز الاماكن السياحيه فيها الكولسيوم (( المدرج الروماني)).. وفيه نافورة تريفي اللي مثل جنبها عادل امام فيلم من افلامه...وفيه عندك ساحة اسبانيا والمدرج الاسباني المشهور فيها... وفيه دولة الفاتيكان.. وفيه العديد من المباني التاريخيه..
رد مع اقتباس
المشاركة الأصلية كتبت بواسطة مغرم ايطاليا
المفضلات