الموضوع: شو رايكم في سعر التذكرة

السلام عليكم ورحمة الله وبركاته

ان شاء الله ناويين نسافر الصين كوانزو بعد العيد بتاريخ 4-9
انا وزوجي والبيبي ..

حصلت سعر تذكرة طيران الامارات بـ 3600 للشخص والبيبي 390
شو رايكم .. احجز من الحين ولا اصبر شوي ..

والجو شو بيكون في شهر 9....???
في اي مشكله لو شليت البيبي ويانا ???
وهل الاماراتيين يحتاجون فيزا ???

وشكرا

مواضيع عشوائيه ممكن تكون تعجبك اخترناها لك:

• استفسار ياأخوان من أهل الخبره ابي فزعتكم
• مسافر قريب الى الصين لا تبخوا على بالاجابه
• الله لا يهينكم
• عندي كم استفسار عن هونج كونج
• رأيكم في هذا الفندق
• ممكن ؟؟ تكفى ؟؟ الله يسعدك
• يا اهل الخبره في هونج كونج ساعدوني
• فندق شيفو هوليدي ان
• ما رأيكم بطيران يونايتد؟
• استفسار مكتب وسيط للبضائع من الصين
• تكفون يا هل الخبرة ؟؟
• أم عساف واسواق بكين وجوانزوا
• لكل من يرد ان يستورد حدد هدفك
• رحلة جوانزو نوفمبر استفسار
• اوله سفره وابي مشورتكم يالغاليين
• هل تنصحوني بالذهاب للصين
• من يعرف طريقه اعداد الكباب الصيني
• الى كل من سافر الى الصين استغاثة افيدونى
• خبراء وخبيرات هونج كونج تعالوااا هينا بسررعه ارجووكم
• مـــحــــمـــــد الـــعــــســــيـــــري

مرحبا بولد بلادي ,,

انا حجزت على الكاثي باسفيك ب 2500 للنفر بس تمر هونج كونج ترانزيت ,’, في شركات صينية ارخص بعد ممكن تلقاها ب 2000 ,,

بالنسبة للفيزة نعم حق الاماراتيين يحتايون فيزة ,, روح للقنصلية في دبي .. على شارع الشيخ زايد بدبي ,, بس تعبي الابلكيشن ,, وتاخذ 4 ايام لين ماتطلع ب 150 ,, طلبوا مني حجز الفنادق والتذاكر ,, بس قلتلهم بيبها عقب يوم بستلم الفيزة ,,


بالنسبة للجوو السموحة ماعرف ,,

الجو يكون أفظل من الآن ليس برد ولا حر جو معتدل مع نسبة امطار وجو مناسب فعلآ !!

وبالنسبه للخطوط نصيحة القطريه افظل بمراحل ومن خلال تجربة انقل هذا الكلام ... لكن بما انك بالإمارات ممكن تكون اريح مباشره !! والسعر تقريبآ ثابت وممكن إذا قربت الرحله ينزل انا اطلع من السعوديه بسعر 3350 وتقريبآ ثابت السعر ينزل 100 او يزود 100 !!

هذا حسب علمي ولك الخيار ورحلة سعيدة بإذن الله .

احتمال يزيد وارد لأنه فترة ما قبل المعارض وهي الاقرب إلى الناس الي بيسيرون سياحه ..
يعني في شهر 10 بتغلى أكيد ..

مشكووورين وما قصرتوا

سوري بس الكاثي باسفيك طيران اي دوله ???

طيران الصين ويطلع هونغ كونغ مباشره .

وانا بعد ودي اعرف الارخص
لاني افكر اروح شهر11 اول نص شهر1
ادي المده بعيده -- بس لظروف خااااااصه جدا أجلت كل شي
وانا اصلا كنت فيها شهر10

الخطوط السعوديه من الرياض مباشره الى جوانزوا 2400 ريال بس لازم الحجز مبكر وعليها شروط بالنسبه للتغير او الإلغاء يعني تصلح للي عارف او متأكد من جدوله ..... بالنسبه للطفل أنا عندي قاعده الاطفال الاقل من 4 سنوات مايصلحوا بالسفر

مرحبااااااا اخوي
سعر التذكره بصراحه خيااااالي -- بس ما اتوقع بهذي الفتره ؟؟؟
لكن لوباخذها من الكويت طبعا غير
راح تكون -- كويت الرياض جوانزو

خذي هالرابط وادخلي اي دوله تروحين لها والتاريخ ويطلع جميع الخطوط وارخصها
نصيحه هالسعر اللي خذتوه والله غالي مره خاصة ان الحجز بعيد شوي
ومن الامارات يفترض ارخص بحكم مطار دبي الرحلات كثيره
http://www.cheapoair.com/

المشاركة الأصلية كتبت بواسطة دجى الليـل
http://www.arabtravelersforum.com/tr...8/#post5649288

مشكووورين وما قصرتوا

سوري بس الكاثي باسفيك طيران اي دوله ???



طيران هونغ كونغ الرسمي