الموضوع: ابحث عن خياطة الثوب القطري افصل ثوب قطري

وعليكم السلام ورحمة الله وبركاته


سؤال صعب , اللي اعرفه ان الثوب القطري يتكون من ثلاث كسرات , وحده في الأمام (منتصف الثوب) وثنتين بالخلف
, وخياطة الثوب من الجنبين وبخط واحد مستقيم , والكلر على شكل سبعتين وأزرار واحد بينهم , وهذا اللي عندي
و ان شاء الله حد يفيدك أكثر

ليش انت وين موجود بالضبط يعني موقعك في أي بلد ؟؟.. يعني لو كنت في قطر نقول لك روح على أقرب خياط في السوق ولو تبي تفاصيل بتكون صعبة مميزاتها عموماً الثوب القطري يميزه الكلر عبارة عن مثلثين يتجهان للأسف منهم نوعين نوع متقارب من الآخر ونوع متباعد عن الآخر وكله راجع لذوقك والخيوط في الغالب تكون بارزة للخارج ومخبى الصدر به مكان للقلم (اختياري) وجزء من قماش مقوى أعلى المخبى .. وعلى اليدين قماش مقوى مع مكان لوضع (الزرار) .. ومخابي اللي على جنب تكون داخلة .. يعني خيوطها مخفية من الداخل عكس الثوب الكويتي مثلاً تكون المخابي على الجنبين بارزة .

المشاركة الأصلية كتبت بواسطة تعبت ما لقيت اسم
http://www.arabtravelersforum.com/tr...0/#post4562980

مشكورين اخوي عيد واخوي نورس الدوحه

انا في السعوديه وابي اخيط هنا

بقى كم استفسار ياليت تتحملوني

بالنسبه للكلر هول بس زرار واحد ؟

ج: نعم في الغالب هو زر واحد ..


ويكون المقوي خفيف ولا قاسي ؟

ج: يعني معقول ..

وبالنسبه لمن تقول اخوي نورس ان خياطة الكلر تكون بارزه للخارج ما فهمتك ؟

ج: نلا.. يمكن فهمتني غلط لأني تكلمت باللهجة القطرية أقصد (الجيب) أو بمعنى آخر (الجيوب التي على الجانبين) تكون بارزه للخارج بفعل الخياطة وهذا غير وارد في الثوب القطري إنما يفعله بعض الأشقاء من دول الخليج المجاورة .. أما الكلر كنت أقصد بأنه عبارة عن مثلثين متجهين للأسفل ولكن كان في ردي خطأ إملائي أو سقط حرف سهواً وكتبت "للأسف" بدل "للأسفل!" ..

والاقمشه المناسبه ؟

ج: هناك عدة أقمشة على ذوقك ولكن أشهرها عندنا هي (لكزس) والألوان أما أبيض أو بيج فاتح والبعض يفضله سكري!..

واتمنى اذا كان فيه اي ضافه ثانيه تفيدوني او اي احد من الاخوان
لعلى وعسى يفهم الخياط ويخيطه ههههههه

ج: إذا كان الخياط في قطر بيفهمها وهي طايرة إن شاء الله ..

شاكر لكم مقدما




وحاضرين للطيبين

على فكرة , نوعية الأقمشة عندنا في قطر مختلفة عن اللي في السعودية , عندنا يتم أستعمال اقمشة ثقيلة نوعاً ما ( نوعيتها ) ومن أنواعها ( شاكيبو ) وهو مشهور في قطر ومتوفر في اغلب محلات الخياطة وبيع الأقمشة في قطر .

كل هالتفاصيل في الثوب خخخخخخخخخخخخ


ههههههه يحليلكم يا الشباب عندكم موديلات بعد مب هينين

فين أحسن محل خياطة بالدوحة انا باجي عندكم الاسبوع الجاي وابي اجرب افصل كم ثووووب

المشاركة الأصلية كتبت بواسطة السماك
http://www.arabtravelersforum.com/tr...0/#post4580480

مشكووور أخووي نورس

طيب ممكن تقوولي أفضل قماااش للتفصيل بالنسبة للثياب القطرية

وكم المدة لاني ما بطووول بالدووحة

وكم متوسط سعر التفصيل (للمعلوومية)..

وبالتوووفيق،،،

أفضل قماش أنا ذكرت (لكزس) بالإضافة إلى رد الأخ (عيد) في نفس الموضوع بخصوص نوعية القماش .. راجع الرد .. بخصوص السعر ما أذكر بالضبط!.. ولكن في حدود 120 ريال للثوب أو أكثر .. أو أقل!!..في هذه الفترة الأسعار غير مستقرة الكل يتلاعب بالأسعار !!.

صباحكم خير . .

ما شاء الله اشوف الموضوع صار مرجع هههههه

كل الشكر للاخوان نورس وعيد ع سعة صدرهم وردهم ع الاستفسارات

وبقي عندي اخر استفسار ويولد الثوب من رحم المعاناه ههههههه

اليوم بس اتصل فيني الخياط يسأل الكسرات اللي ورى هي كامله الى اخر الثوب نفس الكسره اللي قدام ؟

ولا بس كسرات صغيره عند الكتف نفس الكويتي ؟

قلت والله خلني اشوف الاخوان واقولك هههههه

وشكرا لكم مره اخرى

هلا والله اخوي ,

الكسرات الخلفية الى اخر الثوب ونفس الكسرة الأمامية , ولازم تقول لنا وش صار معاك , وبشرنا بالنتيجة .

تحياتي لك اخوي .

مشكور اخوي عيد ماقصرت يعطيك العافيه

انا معزوم ع مناسبه بالدوحه بعد اسبوع وضيف الاجواد يعزم شرايك تجي تشوف النتيجه بعينك ههههههههه

المشاركة الأصلية كتبت بواسطة تعبت ما لقيت اسم
http://www.arabtravelersforum.com/tr...2/#post4599662

مشكور اخوي عيد ماقصرت يعطيك العافيه

انا معزوم ع مناسبه بالدوحه بعد اسبوع وضيف الاجواد يعزم شرايك تجي تشوف النتيجه بعينك ههههههههه

الله يحييك , ونتشرف بوجودك , وانا موجود بللي تامر فيه

الله يسلمك واكرر شكري وتقديري لك ولباقي الاخوان