الموضوع: أول سفرة لندن۔ رأيكم في رحلتي

كل عام و أنتم بخير .۔ و عيدكم مبارك

من فترة و أنا اخطط للسفرة و كل يوم قاعد بالقسم أشوف الجديد و ردودكم الطيبة على أستفسارات الأخوة

و لكونها السفرة الأولى للندن .۔ و السفرة راح تكون للوقت الحالي مقتصرة علي فقط

حبيت أعرض لكم الرحلة و انتظر ردكم بالافضلية في الاختيار

الفيزا: مفكر اقدم لها بداية شهر ديسمبر .۔ او اعملها قبل السفر باسبوع؟؟

وقت الرحلة :30-12-2011 الى 06-01-2012

اختياري لهذا الوقت لانه رحلتي راح تكون 50% تسوق و 50% سياحة
و هذا الوقت اعرف انه فيه عروض حلوه .۔ بخصوص ميزانية التسوق 20000 رايك يهمني بها؟؟

الناقل: طبعاً طيران الامارات وايد بكون مريح بس حبيت اعرف بخصوص البريطانية و الفيرجن اتلانتك .۔
التحارب فيهم مختلفه و عني شخصيا ما جربتهم .۔ رايكم يهمني؟؟

المواصلات من المطار: شركة الفا طبعاً .۔ او استخدم القطار رايكم يهمني؟؟

الفندق: طبعاً ما خليت موقع للفنادق ما عملت فيه بحث و استقريت على Corus Hotel Hyde بارك
لانه مقابل للهايد بارك يعني مكان حلو و شرح بصراحه .۔ بس اتوقع بعيد عن مناطق التسوق .۔ رايكم يهمني؟؟

و عندي كم فندق في قائمة الاختيار:
https://www.booking.com/hotel/gb/lon...10&aid=1329869
https://www.booking.com/hotel/gb/cum...37&aid=1329869
https://www.booking.com/hotel/gb/thi...39&aid=1329869
https://www.booking.com/hotel/gb/rad...59&aid=1329869
رايك يهمني بها؟؟

طبعاً هذي الاساسيات للرحلة ..۔ في انتظار رأيكم و في نواقص للرحلة

مواضيع عشوائيه ممكن تكون تعجبك اخترناها لك:

• رحلتي إلى لندن
• استفسار عن كاردف
• استفسار عن فنادق ليك ديستريكت
• فنادق لندن
• رأيكم في شقق Presidential Marylebone Mayfair
• كم يساوي الباوند حاليا
• بليز ابغى خبراء لندن
• مطلوب شقق فندقيه في
• حجزنا وتوهقنا
• خبراء السكن في لندن ايش رايكم في
• استفسار عن الشقق في لندن
• إلى لندن
• لمن يريد ان يعرف طريقه استخراج فيزا لندن من الكويت
• ابي رايكم بهالفندقين ؟
• السفر لوحدك هل انت ضده؟؟؟
• بالصورشرح مبسط عن لندن
• طفشـان ببريطـانيـا ألحقـونـي
• محل بري مارك
• اي محطة قطار توصلني لمانشستر
• رحلة أيام الى بريطانيا غير لندن وش نجرب ؟

اول شي 20 الف درهم تسوق او 40 الف او 100 الف بلندن بتصرف كل ميزانيتك و بتشخط الفيزا بعد ميزانيه التسوق تختلف من شخص الي اخر .. مستحيل شخصين بيصرفون نفس الشي .. بس انا اشوفها معقوله خاصه انك ريال و المده قصيره جدا

ثاني شي الفندق ما سكنت فيه .. بين الفنادق اللي حطيتها افضلهم موقعا اهوه الكمبرلاند .. بجانبه علي طول فندق the montcalm لو ميزانيتك تسمح افضل بمراحل .. لكن اذا بروحك و تبي الفندق للنوم فقد فالكمبرلاند اختيار ممتاز

ثالث شي التوصيل .. بما انك خفيف و بروحك فالهيثرو اكسبرس ممتاز .. لكن اذا ما تبي العباله و تبي تريح راسك الفا و خلاص

رابع شي الاماراتيه افضل من البريتش .. و خصوصا انك اماراتي فبيكون الاختياريين دايركت .. الاماراتيه افضل .. بس ان شاء الله الرحله ما تكون كلها اسيويين ينقصون عليك راحتك

رحله موفقه

خبيرتنا كل الشكر على ردك الطيب

المشاركة الأصلية كتبت بواسطة alkuwaitia
http://www.arabtravelersforum.com/tr...0/#post6376284

اول شي 20 الف درهم تسوق او 40 الف او 100 الف بلندن بتصرف كل ميزانيتك و بتشخط الفيزا بعد ميزانيه التسوق تختلف من شخص الي اخر .. مستحيل شخصين بيصرفون نفس الشي .. بس انا اشوفها معقوله خاصه انك ريال و المده قصيره جدا









المشاركة الأصلية كتبت بواسطة alkuwaitia
http://www.arabtravelersforum.com/tr...0/#post6376284

كلامج صح الصرف يختلف.۔ بس تنصيحيني يكون عندي مبلغ كاش؟؟ و لا اعتمد اعتماد كلي على بطاقات الفيزا؟؟

ثاني شي الفندق ما سكنت فيه .. بين الفنادق اللي حطيتها افضلهم موقعا اهوه الكمبرلاند .. بجانبه علي طول فندق the montcalm لو ميزانيتك تسمح افضل بمراحل .. لكن اذا بروحك و تبي الفندق للنوم فقد فالكمبرلاند اختيار ممتاز

الفندق الي اخترته corus hotel hyde عجبني لانه احس فيه هادي .۔ بس حتى كمبرلاند حلح بس خوفي يكون زحمة او صعب القاء حجز فيه .۔

ثالث شي التوصيل .. بما انك خفيف و بروحك فالهيثرو اكسبرس ممتاز .. لكن اذا ما تبي العباله و تبي تريح راسك الفا و خلاص

القطار حطيته ببالي بس لاني اول مره انزل لندن
و المسافة بتكون حول 7 ساعات بالطياره قلت الفا افضل .۔
او اشرايج اني استخدم خدمة التوصيل الي بالفندق

رابع شي الاماراتيه افضل من البريتش .. و خصوصا انك اماراتي فبيكون الاختياريين دايركت .. الاماراتيه افضل .. بس ان شاء الله الرحله ما تكون كلها اسيويين ينقصون عليك راحتك

الحلو انه لو غاليه أثق في الاماراتيه و توقيتها حلو بس عن الآسيويين
بعدما ارجع باذن الله اقولج عنهم للحين ما حربتهم.۔
و قبل اشوي كنت اسوي بحث لقيت حتى طيران ابروناي
يروح بشكل دايركت من دبي .۔ بس الاماراتية الافضل

رحله موفقه

مشكورة و ما قصرتي

بالنسبه للمبلغ خل جزء كاش و جزء بالبطاقات .. افضل شي

شيك علي كمبرلاند ان ما لقيت حجز فكر بفندق ثاني .. فندق كورس حط ببالك انك بتمشي او باص عشان توصل .. اعتقد شفت تقرير للاخت اغلي من العقد كانت ساكنه بالفندق كورس و كاتبه عنه و حاطه صور للغرفه .. ابحث عن تقريرها و شوف اللي كاتبته عن الفندق بالتفصيل

لا خلك علي الفا افضل بتلقاها نص سعر التوصيل اللي بالفندق .. الفا 38 باوندز اعتقد للسياره الصغيره

الاماراتيه زينه .. بس ترا اذا لقيت البريتش ارخص عادي مو ذاك الفرق يعني . اذا ارخص بوايد اقصد و حاب توفر هم البريتيش زينه و مواعيدها مضبوطه

المشاركة الأصلية كتبت بواسطة alkuwaitia
http://www.arabtravelersforum.com/tr...0/#post6377150

بالنسبه للمبلغ خل جزء كاش و جزء بالبطاقات .. افضل شي









المشاركة الأصلية كتبت بواسطة alkuwaitia
http://www.arabtravelersforum.com/tr...0/#post6377150

هذا الي فكرت اني اسويه .۔ عشان لزوم التكسي .۔ و الشوبنق و المحلات احس انه افضل الفيزا

شيك علي كمبرلاند ان ما لقيت حجز فكر بفندق ثاني .. فندق كورس حط ببالك انك بتمشي او باص عشان توصل .. اعتقد شفت تقرير للاخت اغلي من العقد كانت ساكنه بالفندق كورس و كاتبه عنه و حاطه صور للغرفه .. ابحث عن تقريرها و شوف اللي كاتبته عن الفندق بالتفصيل

ما قصرتي .۔ تقرير الكاتبه القديرة "احلى من العقد " وفى و كفى و يمر عليه باص رقم 94

لا خلك علي الفا افضل بتلقاها نص سعر التوصيل اللي بالفندق .. الفا 38 باوندز اعتقد للسياره الصغيره

و انا اشوف الفا أفضل من تجارب الاعضاء.۔

الاماراتيه زينه .. بس ترا اذا لقيت البريتش ارخص عادي مو ذاك الفرق يعني . اذا ارخص بوايد اقصد و حاب توفر هم البريتيش زينه و مواعيدها مضبوطه

حاليا في عرض على الاماراتية ووايد حلو .۔ بس لاخر شهر نوفمبر اذا مددوا الفترة بحجز عليها

مشكورة مره ثانيه و ماقصرتي

بالنسبه للفنادق انا اشوف ثيستل ماربل ارش بصراحه مرره رايق وموقعه حلوو وقريب من كل شي اما النسبه للتنقل من المطار ادا انت تعرف تستخدم القطار اشوف انه احسن وادا ماتعرف تقدر تتصل بشركات الميني كاب وطبعا انت اخترت افضل وقت لندن غيير بالكرسمس ونااسه هدا رايي واتمنى اكون افدتك ولو شوي

المشاركة الأصلية كتبت بواسطة metibalali
http://www.arabtravelersforum.com/tr...0/#post6382752

بالنسبه للفنادق انا اشوف ثيستل ماربل ارش بصراحه مرره رايق وموقعه حلوو وقريب من كل شي

الماربل محطنه ثاني اخيتار ..۔ بس خوفي ما القى حجز بنفس الوقت

اما النسبه للتنقل من المطار ادا انت تعرف تستخدم القطار اشوف انه احسن وادا ماتعرف تقدر تتصل بشركات الميني كاب

القطار ممتع ..۔ ولكن افكر بكون تعبان من ساعات الرحلة ..۔ و ميني كاب حطتيها باللسته كبديل

وطبعا انت اخترت افضل وقت لندن غيير بالكرسمس ونااسه هدا

الخوق يكون عندهم ثلج و تسكر المطارات !! ما عندهم ثلج بهالوقت صح ؟؟

رايي واتمنى اكون افدتك ولو شوي

كل الشكر على الرد الطيب .۔ ما قصرت:14