الموضوع: يايج يا قطر أبي نصايحكم

السلام عليكم يا أهل ديرتي الثانيه قطر
أنا إنشاء الله راح أكون في قطر عن قريب وعندي كذا سؤال

أنا حجزت في فندق الدبليو وعلى حسب إلي سمعته إنه جدا قريب من السيتي سنتر مول هذا صحيح ؟
هل تنصحون بتأجير سيارة ولا التكاسي بتكون متوفرة بكل مكان وكل وقت ؟
جزيرة اللؤلؤة شنو إهيا شنو فيها ؟ محلات ؟ كوفي شوبس ولا شنو بالضبط ؟ هل تستحق الزيارة ؟ وأوقات عملها لو سمحتوا ؟ يعني الكوفي شوبس
وسؤال للشباب ..

***********
ومشكوووووريييييييين

مواضيع عشوائيه ممكن تكون تعجبك اخترناها لك:

• فزعتكم يا خبراء قطر ، أسعار سيارات الأجرة ؟
• استفسار بسيط عن المحلات
• ممكن احد يدلني على طريق الحسا قطر؟
• سؤال محلات بيع الحلوى القطرية ؟
• الله لايهينكم المساعده
• متجدد استراحات وشاليهات قطر بالصور والاسعار
• جاي لقطر بعد عيد الأضحى اتمنى تفيدوني
• الخطوط القطرية تتسلم أول نموذج بالعالم لطائرة في
• ابحث عن استديو للايجار بالدوحه
• الزيارة الأولى لقطر الحبيبة
• ممكن مساعده منتجع شاطى سلطان
• شاليهات قطر
• عساكم على القوة شباب ، بعض الاستفسارات لو سمحتم
• لي ملحوظه
• ابي فندق نظيف وجيد في الدوحة
• قطر
• كم احتاج شهريا لتوفير حياة مناسبة لاسرتي عندما اقرر الانتقال الى قطر
• إحداثيات الاماكن في قطر؟؟؟
• طلب بسيط لأهل قطر الطيبين
• إفتتاح مطار الدوحة الجديد في أبريل

الله يعينك اخوي لان فندق دبليو يلوع الجبد وكئيب ومافيه شي ومكانه وسط خرابه لان حذاه أبراج توها تنبني

يعني موقعه تعبان ع الاخر

وهو قريب من السيتي سنتر يعني تقدرون تروحون له مشي

وبالنسبه للمواصلات يستحسن تأجر سياره او تطلب تكسي من الفندق قبل لاتطلع

والمفروض التكاسي تكون متوفره في الفندق للنزلاء

لكن دبليو مب ذاك الزود ومايندرى شلون بيكون الوضع هناك

على العموم انتوا لاتركزون وايد على الفندق واقعدوا برا في الاماكن السياحيه لان القعده في دبليو تضيق الصدر وتجيب الهم والغم

خلاص عاد انتوا الحين حجزتوا واستحملوا وتصبروا كلها الا كم يوم

بالنسبه لجزيرة اللؤلؤه هي جزيرة صناعيه في وسط البحر بس توها للحين مااكتملت

فيها عمارات وفلل ومحلات ومطاعم وقهاوي تطل على البحر

هذا اللي موجود حالياً

عقب بيفتحون اشياء وايد وبتصير الجزيره رووووعه أحلى من جزيرة النخله اللي في دبي

أخوي ممكن تقول لي على أي أساس انت اخترت الفندق ؟

انا مااتكلم بس عن موقعه

أنا اتكلم عن المكان من داخل شلون كئيب وضيق وألوانه قاتمه ويجيب الهم وآثاثه تعبان والمكان أصلاً شكله مشبوه

والغرف من داخل عاديه والاكل مب حلوه

مافيه ولا ميزه

لو سكنت بالريتز أحسن لك

اخت النوووووري حطمتيه مره وحده
هههههههههههههههه
لو حاجز الملينيوووووووم او جراند ريجنسي احلا بوايد

بالعكس
فخم فخم فخم فخم حدددددددددددددده
وراح ترتاح اذا تحب الاثاث المودرن انا اشوفه افخم واحد في قطر وبعدين الابراج الي جمبه خلصت اللهم باقي تركيب الجزاز مو نفس اول وهل شي مايمنع لانه الريدس في السابق كان مكانه روعه بس من الداخل يلوع الجبد انا اشوفه روعه

وبعدين ميس دوحه تقارنين الملينيوم مع الريدس مافي مقارنه الدبليو بواايد احلى


والؤؤلؤه لازم تزورها لانه احلى مكان في قطر اذا زرتها بتعرف وش هي

اما على التكاسي بتحصلهم في المجمعات بكثره انت الستي جمبك روح اركب لك اي تكسي اهناك وروح المكان الي تبيه

بس في الرجعه اذا مالقيت تقدر تتطلب واقل من 10 دقايق ويكون عندك وهذا رقمهم 44588888 فتح الخط 00974


اتمنى لك اقامه سعيده والنوري لاتققعدين تشوهين صورة الفندق انتي قصب تسكنين العال في الريدس ؟

ذا روووووووووك
وانت غصب تسكنهم بدبليووو
اللولوة اللي ذبحتنا فيها ليما الحين ما خلصت...
ومافيها شي زوووووووووود
قعدة بلهمبار اللي على الكورنيش احسن منها وايد
فاضيه مافيها حد حتى بالويك اند

واظن المطعم اسمه المرجان مطعم لبنانى

ذا روووك اسفه اخوى والله اتغشمر معاك
انت على طول تزعل احنا اخوان بهالمنتدى...والله رحت لها بويك اند وكانت فاضيه
مع ان الاسبوع اللي زرت الدوحه فيه كان الجووو روووعه

تحياتى لك لا تزعل

فندق w من احلى الفنادق بالدوحه وموقعه ممتاز واحلى مطاعم فيه وقريب من كل شي
الستي سنتر
الحي الثقافي((ضروري زيارته))
الكورنيش

بالتوفيق

عزيز وغالي واخووو
وشاكرتلك والله

المشاركة الأصلية كتبت بواسطة hamad-1
http://www.arabtravelersforum.com/tr...0/#post4459320

فندق w من احلى الفنادق بالدوحه وموقعه ممتاز واحلى مطاعم فيه وقريب من كل شي
الستي سنتر
الحي الثقافي((ضروري زيارته))
الكورنيش

بالتوفيق



هذا و الفندق عاجبك وزعلان

عيل لو مب عاجبك شبتسوي ؟!

المشاركة الأصلية كتبت بواسطة النوريq
http://www.arabtravelersforum.com/tr...2/#post4462412

هذا و الفندق عاجبك وزعلان

عيل لو مب عاجبك شبتسوي ؟!





بينتحر من الطابق الاخير

مرحبا اخي الكريم .. لا يصيدك احباط من اللي قريته عن فندق w الدوحة .. فهو من أفضل فنادق قطر على الإطلاق!.. للأمانة أنا لم أزوره ولكن غيري من الأصدقاء الثقة زاروه ويمدحون ضيافتهم وجمال الفندق بشكل عام ولكن يعيبه شيء واحد وهذا ما سمعته من أكثر من شخص وهو (الطعام) لا تاكل عندهم ليس لسوء الطعم ولكن لغلاء الأسعار حيث لا يستحق كل هذا الغلاء!!........ 3 أشخاص رايحيين يتعشون طلع عليهم العشا بـ 2000 أو أكثر !!.. تروح مطعم عادي تتعشى فيه لمدة أسبوع بهالمبلغ !!.

-----

بالنسبة لقرب الفندق من السيتي سنتر فهو في الشارع الثاني على طول .. يعني مجرد عبور شارع .. وفي الستي إن شاء الله ستجد راحتك .. كل شي متوفر وأنصحك بأن تتعشى وتتغدا هناك حتى الريوق (وجبة الإفطار).... أهم شي تتخلص من جشع الفنادق لا تاكل شي عندهم ولا تاخذ شي من ثلاجتهم !!.

المشاركة الأصلية كتبت بواسطة dr_ydentist
http://www.arabtravelersforum.com/tr...6/#post4453964

السلام عليكم يا أهل ديرتي الثانيه قطر
أنا إنشاء الله راح أكون في قطر عن قريب وعندي كذا سؤال

أنا حجزت في فندق الدبليو وعلى حسب إلي سمعته إنه جدا قريب من السيتي سنتر مول هذا صحيح ؟
هل تنصحون بتأجير سيارة ولا التكاسي بتكون متوفرة بكل مكان وكل وقت ؟
جزيرة اللؤلؤة شنو إهيا شنو فيها ؟ محلات ؟ كوفي شوبس ولا شنو بالضبط ؟ هل تستحق الزيارة ؟ وأوقات عملها لو سمحتوا ؟ يعني الكوفي شوبس
وسؤال للشباب ..

***********
ومشكوووووريييييييين



الفندق مقابل الستي مباشرة
بخصوص التكاسي اطلب من الفندق رقم سيارات كروه بيعطكونك الرقم
جزيرة اللؤلؤة فيها محلات راقية وفيها كوفيهات كثيرة واحلى وقت فيها المساء