الموضوع: مساعدة لزيارة قطر

السلام عليكم ......... قررت ازور قطر ان شاء الله

وهذه اول مره

احنا شخصين - انا و المدام لمدة ثلاث ايام على الاقل

مو عارف من وين ابدا

الفنادق

و المطاعم

و الاماكن السياحية التي تسنحق الزياره و الاوقات المناسبه لزيارتها

فياريت تساعدوني
لاني احب ارروح و عندي كل شئ جاهز و عارف و ابغي اروح



و شكرا

مواضيع عشوائيه ممكن تكون تعجبك اخترناها لك:

• بخصوص انتهاء استمارة السيارة
• سؤال لو سمحتم ولاتبخلو بالاجابه؟؟؟؟؟؟؟؟؟؟؟؟
• تكريم الخطوط الجوية القطرية في آسيا
• ساااااعدوني باختيار الفنادق سفرتي قريبه جدددا
• طلب لاهل قطر الحبيبة
• الي قطر بإذن الله
• نويت اسافر قطر ن شالله مساعدتكم ياأعضاء المنتدي الكرام
• عروض العطلات خلال أيام عيد الفطر على القطرية
• ورشة الانصاري
• بخصوص الدراسه ارجو المساعده
• افكر بزيارة قطر بعد عيد الفطر ومحتاج فزعتكم
• قطر تستضيف اليوم العالمي للسياحة
• القمة للشقق الفندقية منطقة نجمة
• نيويورك تايمز قطر في قائمة أفضل وجهات سياحية العام المقبل
• مساعده بخصوص الطيران القطري
• هل توجد صور لشقق جراند الدوحه؟؟
• تامين المركبات بالحدود
• شقة مفروشة تاجير سيارة
• اهل قطر؟
• حديقة الحيوان في الدوحة

اهلا اخوي وحياك الله

بالنسبة للفنادق عندك فندق الريتز وهو أفخم فندق في قطر لانه سبع نجوم

ولو تبي نظام الشاليهات عندك فندق جراند حياة وهو قريب من الريتز

لكن ماادري كم أسعارهم هالايام

وعندك أيضاً فندق الشيراتون وايد حلو وشرح ويطل على الكورنيش وقريب من مجمع السيتي سنتر ( أكبر مجمع تجاري في قطر )

عموماً هالثلاث فنادق كلها قريبه من بعض وتطل على البحر

بالنسبه للمجمعات التجاريه عندك أفضل مجمع حالياً اسمه فيلاجيو وعقبه سيتي سنتر اللي هو اكبر مجمع في قطر

وعندك ايضاً مجمع اللاند مارك

ويستحسن ان المجمعات تروحون لها الفترة الصباحيه او الظهر

وفي الليل تخلونها للأماكن المفتوحه عقب مايعتدل الجو

بالنسبه للاماكن اللي أنصحكم بزيارتها بالليل هي سوق واقف اللي عباره عن سوق تراثي أعادت الدوله ترميمه وصار رووووعه والقعده فيه في الليل ماتنمل

ثانياً عندكم حديقة اسباير وهي حديقة كبيره جمب فيلاجيو بالضبط

تقدرون تزورونها عقب ماتخلصون فيلاجيو

ويفضل تكون الزياره فترة العصر

ثالثاً عندك الكورنيش وهو كورنيش طويـــــــل تقدر تمر عليه بالسياره او تتمشى فيه

والجو الحين حلو يعني يساعد على المشي هناك

والكورنيش مثل ماذكرت قريب من فندق الشيراتون وقريب ايضاً من سوق واقف

رابعاً : عندكم جزيرة اللؤلؤه لازم تزورونها

صحيح هي مااكتملت بس تستحق الزياره

وعلى فكرة جزيرة اللؤلؤة قريبه جداً من فندق الريتز وجراند حياة اللي قلت لك عنهم في بداية المشاركه

خامساً تقدرون تزورون المتحف الاسلامي وهو جمب الكورنيش بالضبط وموجود على جزيرة خاصه وفيه تحف أثريه تنعرض لأول مره

أتمنى لكم رحلة موفقه وأي سؤال أنا حاضره

شكرا روكك و النور على المعلومات


و ما قصرتو

بس با تعبكم شوي بعد لان اسعار الفنادق الثلاثه ما تنسبني - فيا ريت تعطوني فنادق غيرها و مو لازم تتطل على البحر
يعني ما تكون بعيده عن الاماكن الي ذكرتوها للسياحه


و احتمال يروح الوالد مع الاخوان فاذا تعرفو وين احصل شقه غرفتين


وشكرا