الموضوع: ابي الحل الله يخليكم

اخواني انا ما اعرف شي عن الطيران وركوب الطائرة بالعربي اول مرة اسافر عليها وانا مسافر على طيران الامارات الي كوالمبور وفي توقف في دبي ارجو منكم ارشادي وتوجيهي من خلال بعض النقاط وابي احد يشرحلي من يوم ادخل من الطائرة حتى انزل واستلم العفش
ابي تعلموني عن كيفية قص البوردنق
و حجز المقاعد
والعفش تسليمه واستلامه
والجوازات وتختيمها
والصعود للطائرة وكيفية التوجه للبوابة واهم شي حجز المقعد لاني معي زوجتي وتونا عرسان واخاف انه مايكون مقعدها بجنبي .
علما اني حجزت على طيران الامارات وفيه توقف من دبي الى كوالمبور هل اقص البوردنق في دبي ايضا او يكفي في مطار الملك خالد هل العفش يكون تسليمه في مطار كوالمبور وبالنسبة لتذكرة دخول ماليزيا هل صحيح اولغيت وكيف اعبيه

مواضيع عشوائيه ممكن تكون تعجبك اخترناها لك:

• ارجو مساعدتي في برنامج عائلي لمدة يوم
• حجز الفنادق عن طريق البوكينج وسحبها بالفيزا
• استفسارعن افضل فندق في لنكاوي
• لا تحرمونا ارائكم اساتذتي الكرام في سفرتي الشبابية القادمة الى ماليزيا
• أحتاج مساعدتكم في حجوزات السكن الرحلة قريبة
• استفسار بخصوص تأخير الترانزيت أيام
• السلام عليكم
• أفضل منتجعات ماليزيا الساحرة
• سوال بخصوص التذاكر الى ماليزيا
• أيهما أفضل لكوالالامبور أو
• ممكن مساعده لرحله لماليزيا جزاكم الله الفردوس
• استفسارات بسيطه عن البوكينق ارجو افادتي
• رحلتي على ماليزيا قريباً
• باقي على سفرتي اسبوع واحتاج مساعدتكم
• ممكن تساعدوني كيف اوصل الى لنكاوي
• استشاره بخصوص ليال
• شهر العسل بـ زيزا وما نستغني عن أقتراحاتكم
• رحلتي الى ماليزا بعد شهرين؟
• مسافر جديد يبي وقفتكم
• باقي اسبوعين عن رحلتي لماليزيا ان شاءا لله ابي مساعدتكم وفزعتكم شهر عسل

حقيقة نفس مشكلتك

ياليت القائمين ع المنتدى عمل جدول لكيفية وصول المطار وكيفية استلام العفش وكيفية خيم الجوازات في مطار كوالا

نبي تفصيل ع المطار وكيفية التعامل معها

(1) اجراءات مطار الرياض او اي مطار داخلي(2) اجراءات مطار دبي او مطار به ترانزيت
(3) اجراءات مطار ماليزيا




بسم الله نبدأ


(1) اجراءات مطار الرياض او اي مطار داخلي
1- توصل للمطار الدولي
2- تتجه الى كاونتر الخطوط اللي انت مسافر عليها ( مكتوب فوق الكاونتر او مكتوبه بلوحه جنب الكاونتر ... او اسئل اي احد يدلك )
3- تصف بالطابور الين يجي دورك .. وتكون شناطك معك عشان تسلمها للكاونتر .... اذا وصلت تعطي الموظف الجوازات والتذاكر .. وتقول للموظف انك تبغى مقاعد جنب بعض ( جنب الطاقه ) اعتقد برضه تقدر تحجز المقاعد من النت او من مكتب الخطوط ... ( ان شاء الله الاخوان يفيدونك فيها )
المهم الموظف يقص لك البوردنق الرياض - دبي ... ( ما ادري عن دبي - كوالا .. هل يقصها لك او لا ... اذا قصها خير وبركه ... واذا ما قصها يصير تقصها من مطار دبي ... من كاونتر الخطوط ) .. برضه ان شاء الله الاخوان يفيدونك فيها
وبعدين تسلم الموظف الشنط .. ويعطيك اوراق الشنط ( هذه ما تحتاجها الا اذا ضاعت عليك الشنط ... وان شاء الله ما يضيع شي )
3- بعدين تروح للصاله الثانيه ( طبعا بتمر على كاونتر الجوازات عشان يختم على الجواز ) توصل للصاله وتنتظر ... ينادون على الرحله ..تركب الطياره ..


هذه الخطوات مثل خطوات السفر الداخلي




(2) اجراءت مطار دبي
1- توصل الطياره .. تنزل منها على الصاله ( خلك مع الناس )
2- تروح لكاونتر الخطوط عشان تسئلهم عن بوابه المغادره او تقص البوردنق او تسئلهم عن اي شي تبغاه
3- تنتظر عند البوابه الصحيحه .. ينادون على الرحله .. تطلع الطياره


هنا ما يحتاج لا تختيم جوازات ولا شي طالما انت جالس في صاله المطار ولا طلعت برى ..




(3) اجراءات مطار ماليزيا
1- توصل الطياره ... تنزل منها ... خلك مع الناس
2- امش معهم الين تشوف قطارين جنب بعض ... اركب اي واحد فيهم ... عشان توصل للصاله الثانيه
3- وصلت للصاله الثانيه عن طريق القطار ... امش مع الناس .. الين تشوف درج كهربائي انزل معه ...
4- تحصل كاونترات الجوازات ... صف طابور ... اذا وصلت تعطيهم الجوازات
ملاحظه : كان اول تسلمهم كرت دخول ماليزيا ( اللي تعبيه وانت بالطياره ) الحين يقولون انه الغي .. وصار بداله البصمه ..
5- اذا خلصت من الجوازات ... تمشي الين مكان استلام العفش .. تستلم عفشك ..
6- بعدها تمشي طبعا مع الناس خخخخخ .. باتجاه الخروج من المطار ... بتحصل ناس كثيرين واقفين .. مثل عندنا ... اللي ينتظر خويه واللي يدور على زبون .. المهم تحصل بنفس المكان هذا كاونتر تكاسي على اليمين ... روح له واطلب تكسي قوله على اسم الفندق واطلب من التاكسي الرخيص بدجت ... واذا تبغى شريحه جوال ... برضه بنفس المكان تحصل كاونتر لونه ازرق على ما اعتقد اسمه سليكوم ... خذ منه شريحه وقوله يفعلها لك .. اعتقد يطلب منك صوره من الجواز ... سعر الشريحه حوالي 8 ريجنت فيها رصيد قليل ... عطه زياده مبلغ علشان يزيد الرصيد .. عطه 50 ريجنت مثلا .. واذا مكالماتك واجد عطه 100 ريجنت


ايه نسيت اقولك .. مكتب التكاسي بيعطيك ورقه ... يصير تطلع برى وتعطي الموظف الورقه ويوجهك للتاكسي حقك ..


وخلاص






هذا شرح على عجاله
وان شاء الله الاخوان ما يقصرون معك


ربي يوفقك ويسهل امرك

بارك الله فيك اخي الكريم النهر الجاري

ربي يجعله في ميزان اعمالك ما قصرت



وموفقين يارب في رحلتكم
ترا سهااااااااااااااالات لا تحاتون

رحلة موفقة وشهر عسل سعيد يارب
كل شيئ يتيسر بإذن الله وما تشيل هم
اهم شي تكون مرتب امورك زين
جوازاتك + تذاكرك + حجوزات الفنادق
لازم يكون معك حقيبة يد خفيفة تحط فيها كل اوراقك