المشاركة الأصلية كتبت بواسطة ام عبود 2003
http://www.arabtravelersforum.com/tr...6/#post4828946

ماشاءالله عليج عادي تصورين كل شي انا ودي اصور بس استحي وريلي بعد مول مايداني اصور كل شي يقول لي عييييب وفشيله شو بيقولون عنا الناس ماشايفين خير نصور كل شي نشوفه هههههه

ههههههههههههههه...حبيبتي والله أم عبودي...ما تتصورين أشلون افرح يوم أشوف ردج واسمج يلمع من بعيد ومنور التقرير..

كلامج عسل على قلبي..وبالنسبة للصور والتصوير والله حبيبتي عمري ما مسكت كاميرا ولا صورت إلاهالمرة عشان أنزل لكم التقرير ..وزوجي بعد يحن ويقول فشلتينا ما يسوون علينا ربعج بالمنتدى بس انا استحمل كل شئ عشان بس أسعدكم بصور حلوة وتقرير يرقى لذوقكم الراقي..وفي أحيان كثيرة كان ممنوع التصوير بس كنت اخفي الكاميرا أو أنخش بمكان وآخذ زاوية للتصوير مو حلوة أومو ذاك الزود بس عشان ألتقط لكم كم صورة ومنها صور الملابس الماركات بسيلفردجز بالحلقة الأخيرة يلاحقوني الموظفين ويغتاظون ممنوع التصوير ممنوع وانا اتخشش وأصورلكم..

كله يهون لجل عيونكم يا منتداي الغالي..



ذكرتيني بطعم الكب كب من لولاز كافيه طعمه رهييييييييب صج روووعه بس مااعرف ليش مول ما احب الأكل الصيني عليكم بالعافيه وااااايد استغليت السعر ويمكن لأني ما احب الشاينيزفود

آه على لولازكافيه فعلا لذيذوما ينفوت..والكل الصيني موذاك الزود بس بعض الأطباق الحلوة عندهم بس أحلف واجزم لج إنج لوذقتي أكل هالمطعم بتغيريين رايج وأزيدكمن الشعر بيت بالنسبة للسعر أنا حطيت سعر أقلمن السعر الصلي كانه يتراوح من 200 إلى 300 باوند بس حطيت ادنى سعر عشان ما تتخرعون..

حتى زوجي دفع وهو زعلان قال السعر غالي إلا تشاينيزفود مو فندق7 نجوم ليش الأكل جذي غالي اكيد مزوريين في الفاتورة وبالنسبة لي أنا ما همني ما دمت استانست والأكل لذيذ فكنت فرحانة لأن تجربة الأكل فيه متعة لا تعوض..


تعودنا على تقريرج وحاسه بوناسه ماتتخيلينها لاتخلصينه كل يوم حطي لنا صورتين بس هههههههه

حبيبتي والله أنتي أنا بعد تعودت عليكم وما ودي أفارقكم بس هذا حال الدنيا عاشر من تعاشر فلا بد من الفراق..

وياريت عندي صور جديدة كان نزلت

ربي يوفقج حبيبة قلبي والله يحفظ لج عيالج من كل شر




مشكورة حبيبتي والله يخلي لج عبودي الحلو..








المشاركة الأصلية كتبت بواسطة غردينيا
http://www.arabtravelersforum.com/tr...2/#post4829162

يا زين تقريرك حلووو وكل يوم أطل على التقرير أشوف هل في جديد

أذا خلص التقرير

يا ريت تحطين لنا صور من لندن

ما ودنا يخلص التقرير

والله يخليلج اعيالج ويحفظهم




حبيبتي والله أنتي مشكورة الغالية على طيب شعورج وسمو أحاسيسج..

ويسعدني ويشرفني دايما طلتج الغالية وتعليقج الحلو على تقريري..

والله يحفظ لح حبايبج وكل من يعز عليج..









المشاركة الأصلية كتبت بواسطة الــمزعـج
http://www.arabtravelersforum.com/tr...0/#post4830270

هلا بآختي الفاضله وخبيرتنا قطريه كول بصراحه وبدون مجامله آفضل تقرير بحياتي شفته مبدعه وآسلوب راقي وجمهور مميز

يعني ما شاءالله من تاريخ البدايه 21ـــ11ـ2010الي اليوم تاريخ 4ــ2ــ2011 آشكرج جدا جدا ياخبيرت بريطانيا






ما أعرف أيش قول ؟ وما أعرف أيش أرد مع هالكلام الحلو !!

أخجلتم تواضعنا مشرفنا الغالي بوعبدالله..ويشرفني ان يكون هذا رأيك بتقريري والفضل يعود لله اولا ولتشجيعك الدائم لي ومتابعتك المستمرة لتقريري انت ومشرفنا القطري وبقية أخواني وأخواتي متابعي التقرير بانتظام من ايامه الأولى..

الشكر لله أولا ولمتابعتك الراقية مشرفنا ومجاملتك الكريمة لإسلوبي وتقريري..

لاحرمنا الله منك بوعبدالله وادام على بوابتنا العزيزة مشرفيها المميزين وخبرائها العزيزيين..

مواضيع عشوائيه ممكن تكون تعجبك اخترناها لك: