الموضوع: من روما إلى فلورنسا و فينيسيا و ميلان بالقطار؟

السلام عليكم


يا جماعة أنا بروح شهر 9 حق روما (ان شاء الله) أنا و أبوي بس!!

ابوي حجز فندق و خلص الفندق موجود في شارع Via Veneto و اسمه Ambasciatori Palace hotel


الفكرة الحين اني انا ابي اروح فينيسا!! بأي طريقة قطار أو طيارة و أبي مساعدة منكم .. جم ساعة الطريج من روما لي فينيسا بالقطار و جم ساعة بالطيارة و جم تكلف؟؟
أنا بروح و أرجع بنفس اليوم فبغيت أعرف هل القطار في رحلات بالليل؟؟
و نفس السؤال بالنسبة لميلان و فلورنسا ... بالنسبة لفورنسا انا ابي اروح في نفس اليوم لبيزا .. يا ريت تساعدوني يا جماعة ايطاليا و لكم كل الشكر

أي بعد إذا في مكان برة روما يستاهل اني اروحله و ارجع بنفس اليوم يا ريت تعلموني


بالنسبة للتسوق و الاماكن اللي تستحق الواحد يشوفها .. ما قصروا الاعضاء حاطين كل التفاصيل و حيل استفدت منها جزاهم الله خير ...

مشكورين و ما قصرتوا

مواضيع عشوائيه ممكن تكون تعجبك اخترناها لك:

• قريبا تقرير مبسط ومفيدلرحلةأوروبية روماـ باغي ـ بروسيل
• الرحلة الاوروبيه
• عــــــــــــــــــــــــاجل بخصوص الفيزا الله يجزاه خير الي يساعدني
• متحف الفاتيكان
• سكن في فلورنسا تعبت وانا ادور ممكن تنصحوني
• رحلة العمر ننوي السفر الى ايطاليا
• زيارة نادي كيف؟
• لانستغني عن مساعدة الجميع
• بعض الاستفسارات لزيارتي الاولى لروما
• ميلان والمدن الاخرى
• مستشفى الليبى الايطالى
• بالنسبة للفيزة الايطالية
• ارجوا المساعده يا أهل الخبره الطيبين
• مشرفنا ايطليانو استفسار مع التحيه
• هل من معلومات عن منطقة في ميلان
• مساعدة في أختيار السكن
• استفسار عن المواصلات والتنقلات بالقطار بين روما وبيزا وفينيسيا في شهر اغسطس
• عاجل اللي ما بعد قدم على الفيزا يا تلحق يا ماتلحق
• سؤال عن التخفيضات في روما وأهم مراكز التسوق في روما
• فنادق في روما وميلان

بالنسبة لفنيسيا .. صعبة جدا الروحه والرجعه بنفس اليوم من روما

بالطيارة ساعة وربع على ما اذكر وبالقطار في حدود 5 ساعات .... تخيلي روحه ورجعه صعبه جداً

ممكن فلورانس بالقطار ساعتين ونص


بالتوفيق

لا بالقطار صعبة حيل معاك حق بس بالطيارة تسوى!! ساعة و ربع حلو اروح و ارد (قول 3 ساعات سفر راحت من اليوم)

انا مو من ربع الاماكن التاريخية و الفرارة انا ابي اروح سان ماركو و جسر ريالتو و السوق البسيط اللي فيها!
فيوم واحد يكفيني و الا شرايك؟


و مشكور يالهلالي .. على ردك و على تقاريرك حيل استفدت منهم

العفو ..

لكن الطيارة صعبه كذلك ... بسبب الحضور للمطار قبل ساعتين ... ومطار روما بعيد عن وسط المدينة

بالتوفيق

المسافه بين روما وفينيسيا 4 ساعات و 27 دقيقه
-----------------------------
أول قطار ينطلق في تمام الساعه 6 و 50 دقيقه

ويوصل في تمام الساعه 11 و 17 دقيقه
سعر التذكرة : 61.80 يورو
------------------------------
آخر قطار يعود في تمام الساعه 6 و 36 مساء
ويوصل في تمام الساعه 11 و 10 مساء
سعر التذكرة 61.80 يورو
-------------------------------

أعتقد ان الفكره بالقطار منطقية لكن متعبه جدا جدا جدا

=-=-=-=-=-=-=-=-=-=-=-=-=-=-=-=-=

يوجد حل آخر

عبر alitalia شركة الطيران

أول رحله من روما صباح الساعه 8.30 وتوصل 9.35

وآخر رحله من فينيسيا تعود 7.05 وتوصل 8.10 مساء

سعر التذكره ذهاب وعودة 190.15 يورو
--------------------------------------------------


مع التحيه

يعني ما تنصحني يالهلالي؟ انت لو مكاني تروح؟ مع العلم اني ما راح اخذ معاي حتى جنطة ايد و انا و ابوي بس يعني خفاف .. ترى بموت اروحها لوول

المشكلة ان ابوي عنده دورة في روما 6 أيام و انا لزقت فيه الا أروح .. و وافق الحمدالله و بس حجز الرجال عن طريق الدوام و خلص يعني ما راح يغير عشان سواد عيوني


و الله يا بندر انك عجيــب !! و الفكرة في بالي حيل و انا عاد خلاص لا أحط شي في بالي
بس كنه سعر الطيارة غالي؟ في easyjet.com ب 44 يورو؟

مشكورين لاهنتو يا الهلالي و بندر و الله يجزاكم خير

طيب اقنع الوالد تجلسون ليلتين زيادة وتروحون لفنيسيا

أو

اقنع الوالد انك تروح وتنام ليلة في فينيسيا وترجع من بكره

المشاركة الأصلية كتبت بواسطة Ghaddour
http://www.arabtravelersforum.com/tr...8/#post2966835

يعني ما تنصحني يالهلالي؟ انت لو مكاني تروح؟ مع العلم اني ما راح اخذ معاي حتى جنطة ايد و انا و ابوي بس يعني خفاف .. ترى بموت اروحها لوول

المشكلة ان ابوي عنده دورة في روما 6 أيام و انا لزقت فيه الا أروح .. و وافق الحمدالله و بس حجز الرجال عن طريق الدوام و خلص يعني ما راح يغير عشان سواد عيوني


و الله يا بندر انك عجيــب !! و الفكرة في بالي حيل و انا عاد خلاص لا أحط شي في بالي
بس كنه سعر الطيارة غالي؟ في easyjet.com ب 44 يورو؟

مشكورين لاهنتو يا الهلالي و بندر و الله يجزاكم خير



الموقع فعلا مذهل السعر ممكن ينزل أقل من السعر اللي ذكرتيه

بس المطلوب أنك تشيلين خيار شنطة العفش و تأمين السفر ويصير السعر مذهل

اعتقد ان الموضوع بالطيارة منطقي وخاصة أنكم تقدرون تطلعون من روما الفجر ولما تنزلون بـ فينيس تقصون البوردنق وتتجولون ولا ترجعون الا قبل الرحله بساعه

أنا لو مكانك والله أروح بالطيارة لان الموضوع مررررررررره منطقي

طبعا فينيسيا أنا تجولت فيها ومليت منها في 4 ساعات وزيدي عليها ساعه مطعم 5 ساعات لو وصلتوا الساعه 9 معاكم للساعه 3 وبعدها ترجعون

بس طبعا على حسب الموقع معكم 11 ساعه في فينيس

القطار مستحيل . . طبعا

يالهلالي أنا بنت يعني اقتراحك الثاني مستحيـــــــل
اما اقتراحك الاول فهم بعد مستحيل .. ابوي رايح مع الدوام .. اصلا انا بالموت أقنعته انه نطلع بروحنالما نكون هناك .. اهو في باله انه بنروح قروب لوول

بندر شورك و هداية الله (ابي الشارة عاد أنا)

شكرا يا جماعة و الله يعطيكم العافية

اختي شوفي الطيران هذا ما يكلفك 10 يورو خصوصا انك بدون شنط http://www.ryanair.com فية رحتلين الاولى الساعة 6:30 صباحا وتوصل فينيسيا الساعة 7:35 وهي المناسبه لك والعوده الساعه 18:55 وتوصل روما الساعه 19:55 طبعا مطارهم يبعد 40 كم عن فينيسيا يعني لو حسبناها من روما الين المطار يبي لك ساعه وقبل الرحله لازم تكونين على الاقل هناك قبل بساعه ومده الطيران ساعه وشوي وحتى توصلين فينيسيا يبي لك ساعه المجموع اكثر من 4 ساعات انا انصحك خذيها بالقطار وتمشية في نفس الوقت طبعا اذا انتي مصره على فينيسيا تحياااااااااااااااااااتي