الموضوع: ترانزيت لمدة ساعات في دوحة الخيراقتراحاتكم

السلالم عليكم

حيا الله أهل قطر

اخواني انا عندي رحلة عالخطوط القطرية الى هونق كونق

وعندي ترانزيت 8 ساعات في مطار الدوحة والخطوط القطرية رفضت تعطينا فندق


راح اوصل الدوحة الساعه 5 واربعين دقيقة


ايش اقتراحاتكم ودي اطلع من المطار لأن 8 ساعات كثيرة


فأتمنى منكم برنامج مقترح يناسب وقت الترانزيت

علما بأني لم ازر قطر مطلقا . وربما تكون فرصة اتشرف فيها لزيارة دوحة الخير


سؤالي اولا عن التنقل كيف طريقة التكاسي عند المطار

وثانيا وشو الاماكن القريبة من المطار اللي ممكن اقضي فيها 8 ساعات خفيفه وغير متعبه

بحكم اني راح ارجع المطار استعدادا للسفر


وشاكر لكم ومقدر

مواضيع عشوائيه ممكن تكون تعجبك اخترناها لك:

• مسافرين لقطر هل من مساعدة ؟؟
• اريد فندق 5 نجوم في قطر
• القطرية تصدر إرشادات صارمة للمسافرين
• برج الصفا للشقق الفندقية يستعد لدخول السوق القطري
• أي أستفسار عن دولة قطر أنا حاضـــر
• رخصه القياده
• تذاكر للبيع
• ألـف مبروك لمشرفة بوابة قطر الحبيبة
• كرسبي كريم فبراير في الدوحة
• كيف الحصول على مراجع علمية من جامعة قطر
• اذا احد يقدر يدلني على شقق فندقية
• تدشين فندق يو لو ميراج الدوحة في أغسطس المقبل
• استفسار عن فندق قراند هيرتج الدوحه
• تقرير عن جراند حياة الدوحة والفيلا الأربع غرف
• المشرفة قطر
• لأول مره سأزور قطر الشقيقة و لدي استفسارات اتمنى السرعه في إجابتها
• أريد معلومات عـن كيفية الوصول إلى الأردن بالسيارة ،، من قطــر ؟؟
• استفسار ياليت تساعدوني بليز
• قطر جميلة بمتاحفها ومعالم الترفيه
• معرض الدوحة الثامن للمجوهرات والساعات مركز الدوحة للمعارض

رحلة موفقة ان شاء الله

طبعا ان كان قصدك الصبح او المساء

ماهي مشكلة في الوقتين ممكن تروح بتاكسي من المطار والتكاسي ياماكثرها ربي في المطار

روح سوق واقف ممتع جدا ...في مطاعم ومقاهي مفتوحة 24 ساعة وفي من يفتح من الفجر

وفي من يفتح من 7 يعني شيء ممتع جدا ...

وممكن من 9 صباحا تمر اما المتحف الاسلامي تتفرج علية لانه مقابل سوق واقف

او تروح الستي سنتر لانه يبدأ يفتح من العشر بس المقاهي وكارفور يفتحون قبل

وان كان بالليل ...ممكن تروح المول هو قريب كذلك من المطار

هذي بعض المقترحات واي استفسار ابشر به

حياك الله

اقترح عليك نفس الاقتراح روح سوق واقف لين الساعه تسع ونص وبعدين على الستي تمشى فيه شوي لين ما ايي وقت طيارتك

واتنمى انك تعيد زيارتك للدوحه بس لمده اطول من 8 ساعات

تحياتي واي استفسار حاضرين

مرحبا اخوي الموضوع يفرق اذا زيارتكبتكون الصبح او المساء

لو قلنا المساء فاطلع من المطار وروح لستي سنتر ممكن تحظرلك فلم لو تبي واقضي فيه وقتك لين الليل وبعدها روح سوق واقف بليل يعين على الساعه 10 او 11 ممكن اتمشى فيه وتقعد بلمطاعم والكوفيات الي هناك الين قبل طيارتك

ممكن ماتحصل تكاسي بسوق واقف فلاتنسى تاخذ كرت التاكسي الي بتاخذه سوان تكسي عادي ا لومزين علشان تتصلهم انت رايح المطار ولا تنسى ماتتاخر للمطار

وممكن اتزور فيلاجيو من الساعه 6 الين الساعه 8 وبعدها اتروح لستي سنتر الين الساعه 11 بعدها اترح سوق واقف

واذا كانت زيارتك الدوحه الصباح فهيبتكون اشويصعبه لان لحين المحلات مافتحو

بسممكن اتروح لسوق واقف لان فيه مطاعم مفتوحه 24 ساعه او ممكن اتروح لجراند جد كافي وهو مقهى لبناني حلو ممكن تتريق فيه وتقعد فيه الين الساعه 9 عشان تفتح المحلات وهو في السد وممكن بعد اتروح لمطعم البيت الشامي تقدر تاكل فيه وتقعد فيه وهو يقدم الشيشة لو انت ادخن وتقدر تقعد الين الساعه 9 وتفتح المحلات لان هم يفتحون 24 ساعه ويعدها اتروح الستي وتقضي وقتك فيه لين موعد طيارتك

اي استفسار انا بلخدمة

حياك الله

ابعد مكان من المطار اهو فيلاجيو بس مب واايد بعيد اما الستي وسوق واقف فاهم قراب من المطار يعني لا تحاتي

ان شاء الله اخوآني افادوك
ورحله ممتعه

ترتيبك اوكي الغالي بس حط في بالك الغالي لازم اتكون في المطار قبل الاقلاع بـ ساعتين


لاتنساها وبتوفيق أن شاء الله

طيب لو سمحتو واقف اوفيلاجيو فيهم سينما ؟

جدولك حلو واخوي بس لاتنسى اتظبط قتك ولاتتاخر وترا ساعات الشوارع اتكون زحمه

واتمنالك اقامة سعيده

واقول لخوي قطر ان هوو اترانزيت يعني مايحتاج يرجع للمطار قبلها بساعتين خلك قبلها بساعه بس لان البوردنق بكون معك والشنط بتكون في الدولة الي بتروح لها



وبنسبة لختي نجد سوق واقف هو سوق شعبي بس على طراز حديث يعني جديد بس الديكورات على استايل قديم ان شاءالله اتكونين فهمتي علي فاكيد مافي

بنسبة لفيلاجيو لا مافي بسمومتاكد لاني ارلي فترة من الدوحه ومادري اذا افتحوها ولا لحين

بس عندج الستي سنتر فيهسينما وبعد عندج الانمارك والرويال بلازا والمول كلهم فيهم سينما وانا ارشح الستي لكثرت شاشاتها ولتوفر الاوقات ولكثرت الافلام

وتحياتي للجميع