الموضوع: خمسة أيام عسل في شرم الشيخ موثقة ومصورة ولعيونكم التفاصيل

الحلقة الخامسة

جت الساعة 4 عصراً ميعاد ذهابنا للقرية السياحية "التايم شير" وجه الأتوبيس أخدنا من أمام الفندق

إسم الفرية "شورز أمفوراس"

تقع على هضبة أم السيد . . وبجوار ألف ليلة وليلة . . وبجوار فندق الريتز كارلتون

وصلنا القرية

وإصطحبنا المندوب إلى الداخل لمكتب الإدارة . . سلمناهم الدعوة وردوا لنا مبلغ 20 جنيه "المدفوعة مسبقاً"

وإصطحبنا مندوب آخر لداخل القرية لمعاينتها على الطبيعة . . والحق يقال إن القرية من الداخل رائعة . . واللاندسكيب "التنسيق الداخلي" مصمم بعناية

تحتوي القرية على 8 حمامات سباحة منها 2 مغطاة و2 يتم تدفئتها . . وللعلم فإن الأربع حمامات سباحة الباقية . . أرضيتها رملية وليست سيراميك . . ولكنه رمل مثبت بالأرضية حتى يعطيك إحساس الشاطئ

وهذه الصورة يظهر فيها البحر التي تقع عليه القرية "وهو ده عيبها الوحيد"

لا يوجد بها شاطئ يمكن النزول به للاستحمام

الشاطئ صخري من أول متر به ولا يستطيع الأطفال النزول فيه "خطر جداً" . . حتى الكبار نزولهم فيه خطر شديد

والمسافة الآمنة "كعمق" لا تتعدى 3 أمتار إلى داخل البحر . . وبعدها مباشرة وبدون أى تدرج في العمق يتحول العمق من متر إلى أكثر من 30 متر . . لأن الشاطئ عبارة عن صخرة داخل البحر العميق وعند إنتهائها يبدأ البحر العميق

لكن الميزة الوحيدة في هذا الشاطئ هي لعشاق الغوص . . فهم غير مضطرين للذهاب لأماكن أخرى مخصصة للغوص . . فالعمق المتوفر في شاطئ القرية يتيح لهم الغوص والاستمتاع برؤية الشعاب المرجانية الكبيرة الملونة الموجودة عند هذه الصخرة الضخمة والتي تلتف حولها الأسماك بمختلف أنواعها

وهذا مسرح للعروض بداخل القرية

وهذا هو حمام السباحة الساخن الخارجي . . يقع بين الشاليهات

ودي جلسة شاعرية أرضية كمقهى

يوجد بالقرية 2 ريسيبشن "استقبال"

ويوجد ممر طويل بعد الاستقبال تنتشر على جانبيه محلات مختلفة (بقالة - صيدليات - بازار واكسسوارات - أدوات سباحة وألبسة بحر وغوص - مأكولات خفيفة . . ) . . المقصود أنك لن تحتاج للذهاب خارج القرية وبأسعار مناسبة

بعدها وبعد ساعة ونصف من غسيل المخ . . إكتشفنا إنه تايم شير لتأجير وحدات لأربع أفراد وأخرى لستة أفراد لمدة 30 سنة تقريباً وعلى ما أذكر


مش زي ما قالوا الأول إنها دعاية للقرية وأيام هدية وخلاص


المهم إتفرجنا على الشاليه الستة أفراد . . غرفتين فقط . . واحدة فيها عدد 2 سرير صغير . . والأخرى بها سرير واحد كبير . . والصالة فيها كنبة وطاولة طعام ومطبخ مفتوح عليهم


طيب إزاى يا أخينا الشالية يكفي 6 أفراد ؟!!

قال: 4 أفراد في الغرفتين . . و فردين يناموا على الكنبة اللي في الصالة لأنها بتتفتح سرير


"يا سلااااااااااااام"


أما الشاليه الأربع أفراد . . ففيه غرفة واحدة فقط . . وعلى نفس المنوال


المهم وبعد أن شاهدنا كل حاجة في القرية ودماغنا وجعتنا . . ذهب بينا إلي قاعة كبيرة "اجتماعات" بها طاولات . . وكانت كلها فاضية ما عدا طاولة واحدة عليها زوجين زغاليل . . لسة متجوزين وبيقضوا شهر العسل . . وسنهم صغير


المهم كله ده مش راضي يقولنا السعر وإحنا عايزين نمشي . . وبعد ربع ساعة كمان على الطاولة "بيلخص ما تم ذكره طول الجولة في ورقة

يا عم بكام الشاليه ؟

ثواني يا فندم "ويكمل تاني"

يا عم بكام الشاليه ؟



قالنا وبعد محاولات مستميتة لمعرفة السعر . . "دلوقتي يا فندم جه وقت معرفة الأسعار . . ثانية واحدة"


وقام من على الطاولة وراح دقيقتين ورجع جايب معاه واحد تاني أو ثالث "مستر مش عرف مين مدير المبيعات بالشركة" هو حيعرفكم تفاصيل الأسعار




قام سيادته قعد معانا . . وبدأ في مراجعة المميزات لخامس مرة


"اللهم طولك يا روح"



الخلاصة إن الشاليه الـ 4 أفراد بـ 50 ألف بدل 70 ألف
والشاليه الـ 6 أفراد بـ 68 ألف بدل 90 ألف


لكن لازم نقرر دلوقتي حالاً . . ولو ما قررناش ورجعنا تاني يوم حناخد بالأسعار العادية


وده سعر خاص لهذا اليوم فقط "كذب"



المهم رفضنا العرض عشان نخلص من الموال ده . . وبعدها محاولات مستميتة أخرى لإقناعنا بتقسيط السعر . . وبعدين بتخفيض المقدم الـ 50% إلى 15% . . وبعدين تخفيض السعر الإجمالي



وعندها بدأت زوجتي الحبيبة وبعد أن نفذ صبرها في هز رجلها بعنف أسفل الطاولة


ولخوفي على الراجل إنه يضرب علقة . . رحت قولتله بنبرة حادة "لو سمحت إنت عطلتنا بما فيه الكفاية ولازم تقدر ده وما اتغديناش لغاية دلوقتي وورانا برامج تانية . . وزي ما أنا إحترمتكم وجيت في الميعاد . . لازم إنتم كمان تحترموا مواعيدكم مع الناس زي ما قولتوا حناخد من وقتكم ساعتين ودلوقتي فات 3 ساعات"



ساعتها بس أفرج عننا ومد المهلة بتاعة العرض الحصري . . على أمل الرد عليه قبل مساء اليوم التالي



المهم طلبنا منهم الهدية الأربع ليالي في شاليه لأربع أفراد اللي وعدونا وأكدوا عليها إنها مجانية . . ومش حندفع غير ثمن الإفطار فقط بـ 70 جنيه للشاليه في الليلة الواحدة



أعطونا الفاوتشر وتبن لنا أن الليلة للشاليه سوف تتكلف 500 جنيه :112: . . "مقاربة لسعر الليلة في المااااااريوت وفي خليج نعمة بالإفطار"



أخدنا الفاوتشر ومشينا مباشرة . . وطبعاً بدل ما كنا حنتغدى فى المطعم الإيطالي بتاع القرية بتخفيض 40% . . قالنا لأ ممكن أديكم خصم 20% فقط

وبدل ما كنا حنتوجه مباشرةً على ألف ليلة وليلة . . طلبنا من سواق الأتوبيس ينزلنا في أقرب مكان للسوق القديم


ليه يا تري السوق القديم




أكيد عشان أحسن مزاجنا اللي إتعكر بأكلة سي فووووود قوية من عند المعلم "فارس"







إنتظروني . . حان ميعاد ذهابي للعمل حالاً . . وأوعدكم لما أرجع حكملكم علطول إن شاء الله





يتبع . . .

عصام روعة وانا متابع معاك بس حقك كان اديتهم الطرشة لبتوع التايم شير واية اخبار الشاي معاك طمني تسلم ايديك الصور حلوة
متابببببببببع
دمت بود
:24::24::24:
:surf:surf

هذا ما حصلي بعد لي حيث عرض عليه عن طريق شركة سياحه بالقاهره تسمى وورلد جيت
ان اقوم بشرى اسهم في فندق معين من فيئة الخمسه نجوم بمبلغ وقدره 18000 ريال دفعه 10000 والباقي اقساط ميسره وبموجب العقد يمكنني كل سنه ان اقيم في افخم الفنادق العالميه في كثير من البلدان ولمدة اسبوعين متصله او منفصله على ان لا تقل الاقامه عن اسبوع كامل في كل مره ويشترط فقط الحجز المسبق اذا كان الفندق داخل مصر بمده بسيطه اما اذا كنت اود الحجز في اي فندق خارج مصر فلا بد ان احجز قبل اكثر من 45 يوم وادفع مبلغ 400 ريال تقريبا كون الحجز خارج مصر وهناك ايضا امور وتفاصيل اخرى ما اوده في الحقيقه ان يساعدني الاخوه هل هذه الشركه امينه وهل احد سبق وتعامل معاها وهل عروضهم حقيقيه ام وهميه وهل النصب والاحتيال بعيد عن هذه الشركه وكل من لديه معلومه ممكن تفيد فارجوا ان لا يبخل علينا علما ان هذا العرض طول الحياه كل سنه لك اسبوعين وممكن تاجرها او تدخرها وتجمعها على حد اعلى ثلاث سنوات ويتوارثها ورثتك بعد موتك
وهل تنصحوني اطالب بفسخ العقد واذا فيه شرط جزائي اتحمله

التقرير اكثر من رائع وتحفة
من الواضح انك انسان منظم جدا ومرتب هذا واضح من طريقة كتابتك للتقرير
على فكرة انا قريت 14 صفحة كلهم مرة واحدة مقدرتش اقوم من امام الكمبيوتر الا لما اخلصه
مبروك للمدام على الماجستير المفروض تعملها رحلة تانية زى دى هدية النجاح
التقرير يستحق امتياز مع مرتبة الشرف

تقرررررررررررررررريرر

رووووووووووووووووووووووووووووووووووووووووووووووووو ووووووووووووووووووووووووووووووووعه


تسلم يدك على التقرير الحلو

تقرير اكثر من رائع

لك الشكر أخي عصــام

بسم الله ما شاء الله
التقرير حلو اوى او وكمان قريه الف ليله وليله دى لاائعه
بس هى القريه دى فيها طبعا غرف فندقيه ولا هى ترفيهيه كده بس

ويا ترى بكام الليله فيها

وعلى فكره القريه بتاعه التايم شير تعتبر عاديه اوى وكمان اياك واياكم من التايم شير اعرف ناس كتير اوى اتنصب عليهم

وربنا يحللى ايامكم يا رب
شكرا على المجهود الرائع ده

يعطيك الف عافية اخي العزيز وحلقة جدا رائعة ومفصلة بالفعل تقريرك راح يفيد أعضاء منتدانا الغالي الي مخططين ينزلوا شرم الشيخ في الفترة القادمة . متابعة معاك للنهاية باذنه تعالى.


حياتي للجميع
ندى

مرحباااااااااااااا والحمدلله على السلامه .... انزين ماخبريتنا شو اسعار الف ليله وليله الدخول يعني ... اول ماقلت في الحلقه انك بتحجز الرجوع للاسكندريه قلت حراااااااام بنفتقد الحلقات..... اقووول بسألك وانته في شرم شفت فندق جولي فيل الي في خليج نعمه شو رايك فيه عن مستوى الخدمه والرقي ........

الله يعطيك الف عافيه
بصراحه تقرير متعوب عليه وكل شي كاتبه
الله يعطيك الف صحه وعافيه
بس اخوي هل شارع الي فيه المقاهي والمطاعم قريب جدا من الفندق حقكم ؟؟
يعني تمشيه برجلينك ولا لابد من سياره ؟

:surfعصام سلم ايديك روعة فعلآ الحلقة جملة جدآ بس ياريت كنت صورت لنا طبق المكس بتاع فارس متابع معاك
دمت بود
:24::24::24:
:surf:surf

صراحه تقرير ممتاز جدا لمدينه رائعه

المشاركة الأصلية كتبت بواسطة jam3an502
http://www.arabtravelersforum.com/tr...3/#post2751153

موضووووع مميز Assoma
ورحلة ولا اروع
مشربتش من نيلها!!!!!!!!!!!
عظيمة يا مصر








أشكرك على الإطراء


تحياتي لك

المشاركة الأصلية كتبت بواسطة الشايب العاشق
http://www.arabtravelersforum.com/tr...4/#post2751424

تحية طيبة :
و الله تقرير رائع ، و صور اروع ، والف الف شكر على هذا المجهود الكبير .
تحياتي ،،،







أشكرك أخي "الشايب العاشق" على هذا الإطراء الرائع


أتمنى أن تعم الفائدة

المشاركة الأصلية كتبت بواسطة رحال عاشق
http://www.arabtravelersforum.com/tr...0/#post2751560

تقرير راااائع يا عصام

يعطيك العافية

يا ترى كم سعر الغرفة في ماريوت البحر و ماريوت الجبل ؟







تختلف سعر الغرفة من وقت لآخر . . لكن يمكنك أن تقرأ التقرير من أوله . . وتطلع على مواقع الإنترنت المذكورة . . حتلاقي كل حاجة بالتفصيل الممل



وأشكرك على مرورك

المشاركة الأصلية كتبت بواسطة ((ابوحسن))
http://www.arabtravelersforum.com/tr...8/#post2751568

أه شربت من نيلها وقلبي حنلها
حلووووووو يا عم عصام







ربنا يحلي أيامك يا أبو حسن

المشاركة الأصلية كتبت بواسطة السفيره
http://www.arabtravelersforum.com/tr...8/#post2752798

تقرير اكثر من رائع اخوي
بس حبيت استفسر الجو في شهر 5 كيف بيكون
هل راح يكون الجو حر لدرجه ماينفع السفر لشرم

وايش الاشياء الشخصيه الي ممكن الواحد ياخذها احتياط
مثلا كميرا...كريم او اي حاجه تبعد الناموس..سن بلوك... ياليت تفيدني


ومشكور مره ثانيه







أختي "السفيرة" أشكرك على ردك الجميل


وبالنسبة لشهر 5 حيكون الجو حر نوعاً ما ويفضل شهر 4 . . لكن في جميع الأحوال حتستمعي جداً



والحاجات الشخصية اللي ذكرتيها هي كل ما يمكن أخذه . . لكن الناموس مش موجود تقريباً . . ده بالإضافة إلى كل الأغراض اللي ذكرتها في أول التقرير وخصوصاً الشاي والنسكافيه وخلافه


الغلاية ممكن تطلبيها منهم مجاناً . . المكواة موجودة أيضاً ومفيش لازمة تاخديها معاكي


والمياه المعدنية ممكن تشتريها من السوق القديم بالكمية اللي تكفيكم . . عشان سعرها غالي في الفندق




تحياتي لك

المشاركة الأصلية كتبت بواسطة nada
http://www.arabtravelersforum.com/tr...7/#post2753837

يعطيك الف عافية على هالحلقة المميزة والمقطع على اليوتيوب كان حلو ومخيف بالنسبة لي لاني اخاف من البحر جدا والاغنية وجعت قلبي وذكرتني بمصر وايامها الي اتمنى ان الله يعودها باسرع مايمكن. واصل وانا متابعة معاك.


تحياتي للجميع
ندى







أختي "ندا" . . صدقيني الباراشوت مش مخيف أبداً وممتع . . خاصةً لو كان في حد معاكي فوق



ربنا يجيبك بالسلامة تاني لشرم الشيخ . . وتستمتعي بكل حاجة هناك



وأشكرك على ردك الجميل



تحياتي لك

المشاركة الأصلية كتبت بواسطة كابتن هيما
http://www.arabtravelersforum.com/tr...0/#post2754080

تسلم على المجهود العظيم المبذول في الموضوع







تسلم يا كابتن هيما على ردك . . أتمني أن يكلل هذا المجود بالفائدة للجميع



تحياتي لك

المشاركة الأصلية كتبت بواسطة judo
http://www.arabtravelersforum.com/tr...2/#post2754142

دايما مبدع ... واسلوبك جميل جدا
وفكرة الفيديو ممتازه
بأنتظار باقي التقرير





أشكرك على ردك الجميل جداً


ويا ريت فعلاً الفيديو يكون عجب الأعضاء كلهم




تحياتي لك

المشاركة الأصلية كتبت بواسطة غرورانثى
http://www.arabtravelersforum.com/tr...2/#post2754292

واااااااااااااااااااااو يامان
ابداع التقرير بجد روعه
والله صار لي من الساعة 1 بالليل لغاية هلا الساعه 5 الفجر وانا بقرا الموضوع
استفدت منه كثير كثير
وقررت احجز فندق الماريوت لرحلتي بتاريخ 1 ابريل
وبصراااحه تحمست كثير لركوب البارشوت عجبني كير مغامرة حلوة كثيــــــــــــــــــر
بس مش عارفه اذا كنت اقدر اتغلب على خوفي واركبها ولا لاا
وبالنسبة للمقطع جدا رائع والاغنية عيشتنا الجو
باذن الله ماراح افوت الباراشوت على الاقل اخلي زوجي يركبه ههههههههه






المفروض إنك هناك دلوقتي . . وإنشاء الله تستمتعي مع زوجك


وما تخافيش الباراشوت مش مخيف خالص بل هو ممتع . . بس حاولوا تطلعوا مع بعض



وأشكرك على الإطراء الرائع ده . . ولما ترجعي بالسلامة لازم تكملي التقرير



تحياتي لك ولزوجك الكريم

المشاركة الأصلية كتبت بواسطة مجموعة كاترينا
http://www.arabtravelersforum.com/tr...5/#post2755855

الله يعطيك الصحة
انا تركت الشغل و بتصفح تقريرك من الاول
بصراحة ولا ارووووووووووووووووووووووووووع
تسلم يا عصومة
الله يخلليك و ينعم عليك بالصحة






الله يبارك فينا وفيك . . ردك أكثر من رائع


تحياتي لك

المشاركة الأصلية كتبت بواسطة الأنبار
http://www.arabtravelersforum.com/tr...3/#post2756013

رائع ياعصام مغامرة البراشوت اظهرت لناجرأتك وشجاعتك....واصل ومتابع معاك للآخر بأذن الله...


تقبل تحياتي.......اخوك(الأنبار)






أخي الأنبار . . أشكرك جزيل الشكر على ردك الجميل



أتمنى أن يحوز باقي التقرير على إعجابك



تحياتي لك

المشاركة الأصلية كتبت بواسطة بنت_ أبوها
http://www.arabtravelersforum.com/tr...9/#post2757809

مــــــــــرحبا .... اكيد الحين انته عرفيتني .... صراحه احلى دعااايه حق الباروشوت ... شفت الفيديو يجنن ولون البحر عجيب بس انته كيف عرفت تصور ... بس انا وااايد تشجعت اركبه بس سؤال ؟؟؟ مراتك لما ركبت ما خافت.... لأني انا اخاااف بس هو شكله ما يخوف ......

انشاءالله انا شهر سبعه بروح ومصر وسيـــــــــــــــده شرم ... طبعت كل الحلقااات علشان استفيد ....

يالله متابعين ويــــــــــــاك






مرحبا بك "بنت أبوها" . . بس أنا مش فاهم "إنت أكيد عرفيتني"


عالعموم الباراشوت مش مخيف أبداً وممتع خاصةً لو معاكي حد فوق . . ومراتي كانت خايفة في الأول بس لما طلعت فوق زال الخوف . . وقعدت تدعي ربنا بكل اللي نفسها فيه


وخلي بالك شهر 7 حيكون الجو نار هناك . . والرمل اللي على الشاطئ حيكون مولع نار . . فخدي بالك من الموضوع ده



وفي جميع الأحوال حتستمتعي إن شاء الله



تحياتي لك

المشاركة الأصلية كتبت بواسطة كابتن هيما
http://www.arabtravelersforum.com/tr...7/#post2760307

الحمد لله على السلامه
والف مبروووك

وبنتظارك

سي يو






الله يبارك فيك يارب يا كابتن هيما

المشاركة الأصلية كتبت بواسطة بنت_ أبوها
http://www.arabtravelersforum.com/tr...4/#post2760474

مبـــــــــــــروك وتســـــــتاهل زوجتك .... على الماجستــــير ....

وعقبالك ..... وعقبــــــــــــــــالي






الله يبارك فيكي يا "بنت أبوها"


عقبالك وعقبالي يا رب . . أنا إمتحاناتي في آخر شهر إبريل . . إدعولي




تحياتي لك

المشاركة الأصلية كتبت بواسطة الأنبار
http://www.arabtravelersforum.com/tr...8/#post2760488

الحمدلله انك بخير يالغالي عصام.....


انا فكرت ان سبب انقطاعك انه الشاي الأخضر خلص من الأسواق:109:

الف الف مبروك لزوجتك...



:x1::x1::x1::x1::x1::x1::x1::x1:





:50055:






الله يبارك فيك أخي الأنيار ويخليك يا رب



والشاي الأخضر لسة ما خلص . . ما تخافش . . تعالى نشرب كبايتين مع بعض




تحياتي لك

المشاركة الأصلية كتبت بواسطة abukareem
http://www.arabtravelersforum.com/tr...5/#post2761925

عصام تسلم ايديك صور رائعة بس لحد دلوقت ما شفتش الفيديو بس ان شاء الله النهاردة ادخل و اشوفة و الف الف مبروك رسالة الماجستير للمدام :smartass:و عقبالك ان شاء الله معاك متابع
دمت بود
:24::24::24:
:rose13:







الله يبارك فيك يا أبو كريم . . وعقبالك


يارب تكون شوفت الفيديو وعجبك . . وأن شاء الله باقي التقرير يعجبك




تحياتي لك

المشاركة الأصلية كتبت بواسطة اسكندرانيه انا
http://www.arabtravelersforum.com/tr...7/#post2762067

ماشربتش من نيلها طب جربت تغنيلها جربت في عز ماتحزن تمشي في شوارعها وتشكيلها مامشتش في ضواحيها طيب ماكبرتش فيها ولا ليك صوره ع الرمله كانت ع الشط في موانيها دور جواك تلقاها هي الصحبه وهي الاهل عشرة بلدي بتبقى ونسيانها ع البال مش سهل

ياسلام عليك ياعصام اغنيه جميله ومقطع الفيديو أجمل تسلم ايدك بجد الف مبروك للمدام ومزيد من النجاح والتقدم يارب بس انا زعلاااااااااااااااانه جدا كده تبقو في اسكندريه وماتقولوش وانا اقول اسكندريه كانت منوره ليه .؟:114:







يا اسكندرانية . . اسكندرية منورة دايماً بالناس اللي فيها . . وفعلاً كانت روعة الكام يوم اللي كنت هناك فيها . . والشتا زادها جمال



الله يبارك فيكي يارب على التهنئة . . وعقبالك



والحمد لله إن الفيديو عجبك . . وإن شاء الله باقي التقرير يعجبك كمان




تحياتي لك

المشاركة الأصلية كتبت بواسطة مسافره وتحب سفر
http://www.arabtravelersforum.com/tr...8/#post2763318

الله يعطيك العافيه على تقرير الجااااااااااااااااااااااااااااااااااااااااااااااا اااااااااااااااامد






الله يعطينا ويعطيكي العافية يا رب



أشكرك على مرورك

المشاركة الأصلية كتبت بواسطة مجموعة كاترينا
http://www.arabtravelersforum.com/tr...3/#post2763773

الف مبروك للمدام و دايما بالافراح ان شاء الله





الله يبارك فيك . . ويجعل أيامك كلها أفراح يا رب



تحياتي لك

المشاركة الأصلية كتبت بواسطة DBS
http://www.arabtravelersforum.com/tr...5/#post2770325

مشكور يا عصام على الموضوع الجميل والشيق و ناطرين تكملتك





أشكرك على إطراءك








المشاركة الأصلية كتبت بواسطة DBS
http://www.arabtravelersforum.com/tr...5/#post2770325

و عندي سؤال يا عصام انا ناوي اروح شرم الشيخ مرة ثانيةتنصحني اروح لها كم يوم و من الأفضل ماريوت ولا موفنبيك؟؟؟ لان في المرة الأولى رحتلها 5 أيام و ما كفت





أنا في رأيي إن الماريوت رومانسي أكثر . . وشايف كمان إن 5 أيام كافيين لقضاء وقت ممتع

لكن ممكن تزود طبقاً لطبيعة الفسحة . . لو شهر عسل ممكن تزود

المشاركة الأصلية كتبت بواسطة النجـــديـــه
http://www.arabtravelersforum.com/tr...7/#post2770457

راااااااااااااااائع تقريرك اخي الكريم

تفصيل ممتع

يعطيك الف الف عافيه ويارب تتهنوا على طول وايامكم كلها شهر عسل

تحيتي وتقديري







أشكرك أختي نجدية على إطرائك ومدحك للتقرير



وأتمنى أن يجعل الله أيامك كلها عسل يارب


تحياتي لك

المشاركة الأصلية كتبت بواسطة المرام
http://www.arabtravelersforum.com/tr...7/#post2772217

عصومه
ما شاء الله عليك
مواصل الابداع
يا ليت تجي تفيدنا على الرابط :
http://www.arabtravelersforum.com/tr...8/#post2772189
بعد اذنك انا اقتبست من كلامك ...و بانتظار ابداعاتك
و جزاك الله خير






الله يكرمك ويبارك فيكي يا أختي مرام



وإذنك معاكي . . التقرير كله تحت أمرك . . أنا غرضي الوحيد أن تعم الفائدة لكل أعضاء المنتدى



أشكرك على مرورك . . وتحياتي لك

المشاركة الأصلية كتبت بواسطة ابن العراق الحر
http://www.arabtravelersforum.com/tr...9/#post2776129

[QUOTE][/B]







ولو إني مش فاهم حاجة . . بس أشكرك على مرورك يا ابن العراق الحر

المشاركة الأصلية كتبت بواسطة ((ابوحسن))
http://www.arabtravelersforum.com/tr...4/#post2777244

منتظرينك يا عم عصام
وأستغرب منك أنك صدقت موظفين التايم شير أن عندهم هدايا مجانية
وتضيع وقتك وأجازتك معاهم
تحياتي لك






والله أنا كنت مش مصدقهم . . بس لقيت الراجل حلف إن في 4 أيام هدية بأجر رمزي . . فصدقته



بس حسايه عند الله

المشاركة الأصلية كتبت بواسطة abukareem
http://www.arabtravelersforum.com/tr...6/#post2778686

عصام روعة وانا متابع معاك بس حقك كان اديتهم الطرشة لبتوع التايم شير واية اخبار الشاي معاك طمني تسلم ايديك الصور حلوة
متابببببببببع
دمت بود
:24::24::24:
:surf:surf






تسلم يا أبو كريم على ردك



وبتوع التايم شير دول عليهم رخامة . . أجارك الله



والشاي مش وقته خالص دلوقتي لإني داخل أنام . . الشمس طلعت :101:




تحياتي لك

المشاركة الأصلية كتبت بواسطة المسافر حديثا
http://www.arabtravelersforum.com/tr...5/#post2778715

هذا ما حصلي بعد لي حيث عرض عليه عن طريق شركة سياحه بالقاهره تسمى وورلد جيت
ان اقوم بشرى اسهم في فندق معين من فيئة الخمسه نجوم بمبلغ وقدره 18000 ريال دفعه 10000 والباقي اقساط ميسره وبموجب العقد يمكنني كل سنه ان اقيم في افخم الفنادق العالميه في كثير من البلدان ولمدة اسبوعين متصله او منفصله على ان لا تقل الاقامه عن اسبوع كامل في كل مره ويشترط فقط الحجز المسبق اذا كان الفندق داخل مصر بمده بسيطه اما اذا كنت اود الحجز في اي فندق خارج مصر فلا بد ان احجز قبل اكثر من 45 يوم وادفع مبلغ 400 ريال تقريبا كون الحجز خارج مصر وهناك ايضا امور وتفاصيل اخرى ما اوده في الحقيقه ان يساعدني الاخوه هل هذه الشركه امينه وهل احد سبق وتعامل معاها وهل عروضهم حقيقيه ام وهميه وهل النصب والاحتيال بعيد عن هذه الشركه وكل من لديه معلومه ممكن تفيد فارجوا ان لا يبخل علينا علما ان هذا العرض طول الحياه كل سنه لك اسبوعين وممكن تاجرها او تدخرها وتجمعها على حد اعلى ثلاث سنوات ويتوارثها ورثتك بعد موتك
وهل تنصحوني اطالب بفسخ العقد واذا فيه شرط جزائي اتحمله







اللي أعرفه إن فنادق الخمس نجوم عروضهم للتايم شير ممتازة وذات ثقة . . حتى إن الماريوت عامل تايم شير اسمه "Vacation Club " وعرضه ممتاز جداً . . لكن غالي شويتين

وأعتقد والله أعلم إن العرض بتاعك كويس . . بس حاول تتأكد برضه من ناس يكونوا جربوا الموضوع ده



تحياتي لك

المشاركة الأصلية كتبت بواسطة daliaonline
http://www.arabtravelersforum.com/tr...8/#post2779188

التقرير اكثر من رائع وتحفة
من الواضح انك انسان منظم جدا ومرتب هذا واضح من طريقة كتابتك للتقرير
على فكرة انا قريت 14 صفحة كلهم مرة واحدة مقدرتش اقوم من امام الكمبيوتر الا لما اخلصه
مبروك للمدام على الماجستير المفروض تعملها رحلة تانية زى دى هدية النجاح
التقرير يستحق امتياز مع مرتبة الشرف







أشكرك أختي داليا جزيل الشكر على ردك الأكثر من رائع . . وردك هو اللي يستحق الإمتياز



والله يبارك فيكي يا رب على تهنئتك . . وعقبالك إنشاء الله . . وإن شاء الله حعملها هدية حلوة بس حتكون مفاجأة إن شاء الله




ربنا يسعد أيامك . . وتحياتي لك

المشاركة الأصلية كتبت بواسطة حلو ومدلع
http://www.arabtravelersforum.com/tr...6/#post2779486

تقرررررررررررررررريرر

رووووووووووووووووووووووووووووووووووووووووووووووووو ووووووووووووووووووووووووووووووووعه


تسلم يدك على التقرير الحلو






تسلمي يا "حلو ومدلع" . . وأشكرك على مرورك مرة أخرى



تحياتي لك

المشاركة الأصلية كتبت بواسطة fahd33
http://www.arabtravelersforum.com/tr...4/#post2779614

تقرير اكثر من رائع

لك الشكر أخي عصــام






أشكرك أخي فهد علي إطرائك ومرورك



تحياتي لك

المشاركة الأصلية كتبت بواسطة roqo
http://www.arabtravelersforum.com/tr...4/#post2781014

بسم الله ما شاء الله
التقرير حلو اوى او وكمان قريه الف ليله وليله دى لاائعه
بس هى القريه دى فيها طبعا غرف فندقيه ولا هى ترفيهيه كده بس

ويا ترى بكام الليله فيها

وعلى فكره القريه بتاعه التايم شير تعتبر عاديه اوى وكمان اياك واياكم من التايم شير اعرف ناس كتير اوى اتنصب عليهم

وربنا يحللى ايامكم يا رب
شكرا على المجهود الرائع ده






أشكرك على ردك الجميل ده


وبالنسبة لألف ليلة وليلة . . فهي على حد علمي قرية ترفيهية فقط ولا يوجد بها غرف فندقية




ربنا يسعدك ويسعد أيامك يارب العالمين



تحياتي لك

المشاركة الأصلية كتبت بواسطة nada
http://www.arabtravelersforum.com/tr...5/#post2781095

يعطيك الف عافية اخي العزيز وحلقة جدا رائعة ومفصلة بالفعل تقريرك راح يفيد أعضاء منتدانا الغالي الي مخططين ينزلوا شرم الشيخ في الفترة القادمة . متابعة معاك للنهاية باذنه تعالى.


حياتي للجميع
ندى






أشكرك جزيل الشكر أختي ندا على متابعتك للتقرير


أتمنى من الله أن يستفيد الأعضاء بالفعل من تفاصيل التقرير . . وأن يحوز باقي التقرير على إعجابك



تحياتي لك

المشاركة الأصلية كتبت بواسطة بنت_ أبوها
http://www.arabtravelersforum.com/tr...9/#post2781289

مرحباااااااااااااا والحمدلله على السلامه .... انزين ماخبريتنا شو اسعار الف ليله وليله الدخول يعني ... اول ماقلت في الحلقه انك بتحجز الرجوع للاسكندريه قلت حراااااااام بنفتقد الحلقات..... اقووول بسألك وانته في شرم شفت فندق جولي فيل الي في خليج نعمه شو رايك فيه عن مستوى الخدمه والرقي ........





ايه يا بنت أبوها . . إنتي مخدتيش بالك من أسعار ألف ليلة وليلة اللي كتبتها في الحلقة اللي فاتت ولا إيه

حتلاقي تفاصيل أسعار الدخول مكتوب بين صور ألف ليلة وليلة



الفندق بقع على المشاية شأنه شأن ماريوت بالضبط وبينهم حوالي 6 دقايق مشي . . لو معاكي أطفال يبقى موفينبيك أفضل لأنه واسع جداً

لكن إطلالة الغرف والرومانسية في ماريوت البحر أفضل بكثير من إطلالة غرف موفينبيك



وأنا تحت أمرك في أي استفسار




تحياتي لك

المشاركة الأصلية كتبت بواسطة تشتاق
http://www.arabtravelersforum.com/tr...2/#post2781712

الله يعطيك الف عافيه
بصراحه تقرير متعوب عليه وكل شي كاتبه
الله يعطيك الف صحه وعافيه
بس اخوي هل شارع الي فيه المقاهي والمطاعم قريب جدا من الفندق حقكم ؟؟
يعني تمشيه برجلينك ولا لابد من سياره ؟





أختي "تشتاق" . . بين شارع المقاهي والمطاعم "الشانزيليزيه" وبين فندق ماريوت حوالي 6 دقايق مشي . . قريب خالص . . بالإضافة إن المشاية اللي بتمشي فيها والتي يقع عليها ماريوت البحر مباشرةً ممتعة جداً في مشيتها . . ولا تشعري بأي ملل

وطبعاً من غير سيارة خالص توصلي هناك بسرعة




وأشكرك على ردك الرائع ومدحك للتقرير




تحياتي لك

المشاركة الأصلية كتبت بواسطة abukareem
http://www.arabtravelersforum.com/tr...1/#post2783291

:surfعصام سلم ايديك روعة فعلآ الحلقة جملة جدآ بس ياريت كنت صورت لنا طبق المكس بتاع فارس متابع معاك
دمت بود
:24::24::24:
:surf:surf






تسلم يا أبو كريم يا جميل على ردك



وكنت متأكد إن في حد حيسألني على صورة طبق المكس بتاع فارس . . وكنت خايف من السؤال


بس في الحقيقة والواقع والـ . . إن زوجتي المصونة خبت الكاميرا عشان ما أصور الأكل المرة دي :112: . . عشان ما يحصلش زي ما حصل أول مرة أكلنا فيها هناك "راجع الحلقات"


فآثرت عدم عكننة الجو عليها . . وأخليها مبسوطة :106:


بس إن شاء الله لو رحت تاني ححاول أصوره :24:





تحياتي لك

المشاركة الأصلية كتبت بواسطة DR.Daloo3a
http://www.arabtravelersforum.com/tr...6/#post2783536

صراحه تقرير ممتاز جدا لمدينه رائعه






تسلمي يا دكتور على تقديرك للتقرير . . وشرم الشيخ فعلاً مدينة رائعة




أشكر لك مرورك . . وتحياتي لك

الأخ الكريم عصام
ألف شكر على تقريرك الأكثر من رائع
وأنا عندي استفسار عن عرض التايم شير الخاص بالماريوت لو عندك التفاصيل والأسعار ياريت تذكرها
وبالتوفيق والنجاح إن شاء الله

مرحبااااااااا اخويه بغيت أسألك عن الغلايه مال الماي والكوايه ... يكون متوفر في الغرفه ولا نطلبهم في الماريوت .. وعن شهر سبعه يعني الواحد مايقدر يستمتع في شرم انا خاطري اروح شرم وماعندي وقت الا هذا الشهر ...

تقرير في غاية الروعه
يسلموو

سي يو

قاعديت ننتضر التقرير

وينك ....................يا ابو العواصم طولت علينا نبي الحلقة الجديده .....................ياجامعه يمكن حر(دبي) كسل عصام

والله ان التقرير رائع وشوقتنا لشرم الشيخ تانى وبالنسبة للطائر اللى فى الاول ده يمامة بس حجمها كبير شوية . ومبروك على الماجستير لزوجتك وعقبال الدكتوراة . الباراشوت كان مميز وخاصة انة مع اغنية شيرين الرائعه. بس بجد موضوع القروش ده بجد مش هزار . على فترات متباعدة كنت اقرأ عن حوادث قروش فى شرم الشيخ . ولما رحنا ركبنا البنانا بوت فى خليج القرش الراجل خلف بوعده معانا ورمانا فى المية وساعتها اصبت بذعر وخوف شديد جدا لان المياة اسفلك لونها كحلى داكن وافتكرت كل الحوادث اللى قريتها . حتى حدث مؤخرا حادثة عن شاهد عيان يعرف زوجى وتوفى لهم طفل عمرة 10 سنوات فى شرم الشيخ بعد هجوم سمكه قرش على الولد وهو يلهو فى الماء مش هحكى التفاصيل لانها مؤلمة جدا ووجعت قلبى لكن من ساعتها وانا اكره اى بحر وتوبة انزل شط فى شرم الشيخ :108: . ومبروك شهر العسل

المشاركة الأصلية كتبت بواسطة moab
http://www.arabtravelersforum.com/tr...9/#post2787199

الأخ الكريم عصام
ألف شكر على تقريرك الأكثر من رائع
وأنا عندي استفسار عن عرض التايم شير الخاص بالماريوت لو عندك التفاصيل والأسعار ياريت تذكرها
وبالتوفيق والنجاح إن شاء الله







أشكرك على الإطراء وعلى مرورك




وبالنسبة لبرنامج التايم شير بتاع ماريوت يسمى "Marriott Vacation Cliub" . . وكانوا كلموني من حوالي 3 شهور لحضور عرض عن البرنامج

بس لازم أحضر أنا وزوجتي . . وهي مش موجودة معايا هنا


وهما مش بيرضوا يقولو على أي تفاصيل في التليفون . . بس عرفت منهم إن مدته محددة بعدد سنوات معين . . وثمنه حوالي على ما أتذكر 30 ألف دولار لتقريباً 15 سنة . . وهناك ثمن آغلى لعدد سنين أكثر



لكن لما زوجتي تيجي هنا حاخدها إن شاء الله ونروح عندهم لرؤية تفاصيل البرنامج . . وحقولكم التفاصيل بإذن الله





تحياتي لك

المشاركة الأصلية كتبت بواسطة بنت_ أبوها
http://www.arabtravelersforum.com/tr...0/#post2788400

مرحبااااااااا اخويه بغيت أسألك عن الغلايه مال الماي والكوايه ... يكون متوفر في الغرفه ولا نطلبهم في الماريوت .. وعن شهر سبعه يعني الواحد مايقدر يستمتع في شرم انا خاطري اروح شرم وماعندي وقت الا هذا الشهر ...







مرحباً يا "بنت أبوها" . . الكواية وحامل الكواية موجودين قي دولاب الغرفة . . وغلاية المياه ممكن طلبها مجاناً من الفندق لو ما كانتش موجودة في الغرفة





أما بالنسبة لحر شهر 7 . . فشرم الشيخ تكون فعلاً حر . . بس في جميع الأحوال حتستمتعوا بإذن الله . .

بس ما تنسيش تاخدى معاكي "شبشب" "أكرمكي الله" خفيف ومريح للمشي . . لإنك تقريباً مش حتستعملي غيره في هذا الحر . . وخصوصاً على رمال الشاطئ الساخنة في هذا الوقت من السنة . . ويكون مقاوم للبلل عشان ما يمتصش الماء . . أو للتمشية ليلاً . . وللسفاري . . وكل البرامج تقريباً




وطبعاً ما تنسيش الصن بلوك أو الصن أويل . . كعازل للشمس . . وشوية كريمات . . ومرهم طبي اسمه "كينا كومب" وده ممتاز جداً للتسلخات الجلدية وقد يكون ضرورياً في هذا الحر





تحياتي لك

المشاركة الأصلية كتبت بواسطة razor
http://www.arabtravelersforum.com/tr...3/#post2789973

قاعديت ننتضر التقرير






عينيا يا باشا

المشاركة الأصلية كتبت بواسطة إشراقة مصرية
http://www.arabtravelersforum.com/tr...8/#post2791198

والله ان التقرير رائع وشوقتنا لشرم الشيخ تانى وبالنسبة للطائر اللى فى الاول ده يمامة بس حجمها كبير شوية . ومبروك على الماجستير لزوجتك وعقبال الدكتوراة . الباراشوت كان مميز وخاصة انة مع اغنية شيرين الرائعه. بس بجد موضوع القروش ده بجد مش هزار . على فترات متباعدة كنت اقرأ عن حوادث قروش فى شرم الشيخ . ولما رحنا ركبنا البنانا بوت فى خليج القرش الراجل خلف بوعده معانا ورمانا فى المية وساعتها اصبت بذعر وخوف شديد جدا لان المياة اسفلك لونها كحلى داكن وافتكرت كل الحوادث اللى قريتها . حتى حدث مؤخرا حادثة عن شاهد عيان يعرف زوجى وتوفى لهم طفل عمرة 10 سنوات فى شرم الشيخ بعد هجوم سمكه قرش على الولد وهو يلهو فى الماء مش هحكى التفاصيل لانها مؤلمة جدا ووجعت قلبى لكن من ساعتها وانا اكره اى بحر وتوبة انزل شط فى شرم الشيخ :108: . ومبروك شهر العسل

أشكرك أختي "إشراقة مصرية" على تهنئة الزوجة بالماجيستير . . وعقبال عندكم





يا خسارة طلعت يمامة :110:






أما بالنسبة لموضوع القروش . . .


ممكن الواحد يكون ماشي ويقع عليه حجر ويموته
أو يكون قي سيارته وتدخل عليه سيارة من الجهة المقابلة وتموته
أو يكون في بيته ويموت وهو نايم


"عندما يحين ساعة شخص ما . . لو كبير أو صغير . . ولو في بطن أمه . . فإنه لا مفر من قدر الله حينها



بالقرش أو بغيره . . تعددت الأسباب والموت واحد



وبناءً عليه . . إنتي مش بترمي نفسك في التهلكة لما بتنزلي مية شرم الشيخ تعومي في البحر . . وتستمتعي بنعمة الله في خلق هذا الجمال . . والقروش مش موجودة غير في مناطق معينة في عرض البحر الأحمر وعلى أعماق كبيرة


وإلا كانت الملايين اللى راحوا شرم قبل كدة . . إتاكلوا من القروش




وبعدين حد ينزل في مكان إسمه خليج القروش . . ده حتى اسمه يخوف






الأعمار بيد الله . . خليها على الله :24: . . وما تخافيش من نزول البحر لا في شرم ولا في غيرها







وأشكرك على ردك الرائع على التقرير وتعليقك على الفيديو




تحياتي لك

مرحبا شكرن على ردك الجميل وعن جوووووووو دبي ماشاءالله غاوي ويجنن ونحن متابعين وياك

المشاركة الأصلية كتبت بواسطة assoma75
http://www.arabtravelersforum.com/tr...9/#post2786799

أختي "تشتاق" . . بين شارع المقاهي والمطاعم "الشانزيليزيه" وبين فندق ماريوت حوالي 6 دقايق مشي . . قريب خالص . . بالإضافة إن المشاية اللي بتمشي فيها والتي يقع عليها ماريوت البحر مباشرةً ممتعة جداً في مشيتها . . ولا تشعري بأي ملل

وطبعاً من غير سيارة خالص توصلي هناك بسرعة




وأشكرك على ردك الرائع ومدحك للتقرير




تحياتي لك



لا هنت اخووووووي على المعلوماااااااات :24:
بس للمعلوميه انا رجال مو بنت

عصام احنا مستنين اللي في الفرن يستوي علي نار لسة ما شفتش الفيديو لظروف خارجة عن ارادتي بس قريبآ ان شاء الله وحبقي اقول لك شكرآ لك
دمت بود
:24::24::24:
:surf:surf