الموضوع: ابغى نصيحتكم السكن في الليوان للاجنحة الفندقية في الدوحة

سوق واقف والمجمعات بي سكرون الساعه 10 بس انصحك تقعد في سوق واقف في


القهاوي قعدات حلوه ومميزه وبتضيع الوقت عيك والقهاوي يمكن تسكر الساعه 1 او 2 فليل


ايذا تقدر اول ماتوصل الدوحه ان شاءالله تروح المول تاخذ لفه فيه وتغدا وبعدن تطلع تروح الاند مارك تاخذ لفه


وتطلع تروح فيلاجيو تاخذ لفه وختام السهره خلها في سوق واقف ومن بعدها الي المطار ورحله سعيده ان شاءالله

يعطيك الله العافية ، ان اول مره اجرب الطيران القطري ، وفرصة الواحد ياخذ يوم في الدوحة ، واول مره ازور قطر من حوالي اربع سنوات او خمس ، وتبي الصراحة احب التمشي في الاسواق القديمة اذا فيه اسواق بالدوحة .

سوري اخوي

ممكن اتوضح اشوي يعني انت جاي اترانزيت ولا بتسكن والليوان هل انت الي حجزته ولا القطرية

ودام في سكن انا اقول انك تطلع واتروح للشقق اتريح اشوي وبعدها تطلع اتروح مجمع فيلاجيو تتمشى وملاصقة مجمع الحياة بالزا وحديقة اسباير تتمشى فيها ويكون على العصر والجو حلو وبعدها تطلع على الستي سنتر تتمشى وتحظرلك فلم سينما اذا في خاطرك واذا لا بس تتمشى

وبعدها تطلع على سوق واقف تتمشى فيه والمقاهي فاتحين لين الليل وفي مطعم مغربي اسمه طاجين هاي مفتوح 24 ساعه تحت وفو الين الساعه 3 الفجر يعني مناسب

واتغير جو ولمى يقرب موعد الطياره اتروح الشقة تاخذ اغراضك اذا كان لك اغراض واذا مالك تطلع على المطار بي حط في بالك تجي قبل بساعتين يعني اذا المغادرة الساعه 12 اتكون في المطار الساعه 10

واتمنى لك اقامه سعيدة

وممكن بعد اذا عندك شقة انك توصل واتريح في الشقة لين المغرب وبعدها اتروح الستي سنتر ومن بعده الى سوق واقف واتعشون اهناك وبعدها الى المطار وانا هاي رايي علشان ماترهق روحك وان شاءالله الجايات وايد واكيد مردك بتجي الدوحه وبتستمتع فيها

تحياتي لك

يعطيكم العافية

ترانزيت من الرياض الى الدوحة الوصول على الساعة 12 ظهراً يعني والترانزيت بالدوحة حدود 13 ساعة والسكن في الليون من قبل الخطوط القطرية وعلى الساعة 1 ونصف بالليل المغادرة من الدوحة .