الموضوع: بالنسبه لقراند حياه

السلام عليكم

الله يجزاكم خير ابي اسال عن قراند حياه

انا حجزت 3 غرف من بوكينق

بس مادري عن الاطلاله كيف !!

الشي الثاني احتمال اكنسل لان عددنا بيقل و اخذ غرفتين

هل الاطلاله تفرق !!

او كلها مطله ع البحر

انا قريت في تقارير الاخوان ان بس الاربع غرف مطله ع البحر

الشي الاخير
من بوكينق كيف افرق بين الشاليه او الغرف العاديه في الفندق


وشكرا*

مواضيع عشوائيه ممكن تكون تعجبك اخترناها لك:

• مساعده ياأعضاء
• هل توجد صور لشقق جراند الدوحه؟؟
• مفاجأه غير ساره لرحلتي الترانزيت مع القطريه
• رحلتي لسوق واقف
• اغث اهلنا في غزه بإرسال رساله
• مهرجان الصيف يبدأ فعالياته اليوم
• عاجل شقق ريتاج أو لي ميراج سويتس؟
• بسافر قطر ايام ، كم اخذ معاي؟
• ما هو افخم فندق في قطر۔ لا يهم السعر
• جدول سياحي لقطر جاهز للتحميل
• القيروان للشقق الفندقية
• سوال لاهل قطرعاجل
• خطط طموحة للطيران القطرية في أوربا
• وقع لي حادث مروري البارحة في قطر أثناء رجوعي للسعودية ماذا أفعل؟؟
• فودافون تبدأ إجراءات التأسيس
• القطرية تكشف عن حملتها الإعلانية الجديدة للترويج لوجهتها الجديدة هيوستن
• سؤال عن معرض الدوحة للكتاب فندق للسكن
• نويت السكن في رايكم عندي سؤال بعد لوسمحتوا
• مطار حمد الدولي يبدأ العمل مطلع ابريل
• الفنادق المجرّبة في قطر

حياك الله في بلادك قطر


اخوي بنسبه للطلاله الغرف ماتقدر تحددها من موقع بوكنج ايذا رحت الفندق وشفت الغرفه ماعجبتك ممكن تطلب


من الرسبشن با تغير الغرفه وتقولهم اريدها مطله على البحر راح يغيرولك الغرفه على طول على حسب طلبك


انا دايم احجز من بوكنج بس يذا ماعجبتني اطلي تغيرها يغيرونها لي على طول


وبخصوص كيف تفرق بين الشاليه والغرفه خوي دايم بتلاقي صوره شخصين في الحجوزات في بوكنج


بس ايذا القيت اكثر من شخصين اقصد الشخشيص با صورة الشخصين ايذا اكثر من صورة شخصين


مثل اربع اشخاص هاذا يعني شاليه وياريت تكون المعلومه وصلت


واي خدمه احنا حاضرين

ايه وصلت الله يجزاك خير
و يسعدك

اخوي المطله على البحر الي هي اكبر غرف عندهم
وبعدين الي يفرق الشاليه نظام فلل اما الي نظام مبنى كامل هاي الفندق والاسعار تختلف بين الفندق والشاليه
والاطلاله اذا اقل من ثلاث غرف الاطلاله راح تطون على برك سباحه مو على البحر بس ما انصحك تكنسل لانه جد جد جد روووععععععه

يعني الثلاث غرف مطله ع البحر

و الغرفتين ابدا ابدا موب حول البحر !!

انت شوف فوق التقارير وبتفهم لان الغرفين داخل مو خارج بس مسافة مشي الى البحر دقيقه او دقيقتين مو اكثر يعني لاتخاف بس البرك الي تطل عليها كفايه جدا روعه

والله مستحيه فيكم احس اني ثقلت عليكم

/
انا لما سالت الاهل الغي الحجز ولا لا !!
قالوا اسمها شاليهات يعني كلها ع البحر


الشي الثاني وصلني ايميل من الشقق اللي اخذت فيها
يقول ان بطاقتي الائتمانيه غير صالحه
و في حال اني ماعدلت راح يلغي الحجز

وانا قلت في نفسي جت منهم
مارتحت لها مره
بس خايفه ياخذون الضريبه

المهم اخذت في هوليدي ان فيلا
3 غرف مع فطور صحيح اعلي سعر بس بفرق مايسوي مرره

وش رايكم !!

و هل بيسحبون الضريبه او لا !!
مع اني اقول ماعندهم الرقم الصحيح من وين يسحبون !!

ابي اقرب مصلي عيد من الهوليدي ان
و متي توقيت الصلاه !!


و كل عام وانتم بخير

هوليييييديييييييييييي ؟؟؟

من قراند حياة الى هوليدي اسمحلي اخوي اقولك انت ارتكبت اكبر غلط

وعلى طاري المصلى ماعندي خبر

ماكنسلنا الحجز في قراند حياه

بس ماراح نقضي كل الايام فيه

اختي انتي بتقعدين يوم واحد في جراند حياة

وطول اليوم بتكونون برا يعني بتوصلون الشاليه في الليل ومابتشوفون لا سما ولا بحر

عموما تقدرين اذا رحتي الفندق تلحين عليهم بالطلب وتكلمين المدير لو تطلب الأمر لين مايعطونج فيلا على البحر

ترى هالشي يصير عادي مب تسكتين وتقولين خلاص قالوا مايصير يعني مايصير

كل شي الحين يصير

ودوري لج واحد عربي في الرسبشن علشان يضبطكم ويسوي لكم اللي تبونه

يعني الغرفتين ممكن تكون مطله ع البحر !!

الله يسعدك يالنووري

والله حبيبتي أنا ماأعرف

بس الفلوس الحين تمشي كل شي

عطي اللي في الاستقبال بقشيش وبيعطونج ثلاث غرف بسعر غرفتين

طبعا هذا آخر حل

أول شي حاولي تلحين وتحنين عليهم علشان يعطونج

ممكن يصير هذا الشي ؟؟؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة ابوو
http://www.arabtravelersforum.com/tr...8/#post4210008

ممكن يصير هذا الشي ؟؟؟؟؟؟؟؟؟؟؟؟؟؟؟؟؟؟؟؟



طبعا يصير هالشي

يكون في علمج حتى في لندن الحازمين المنضبطين يسوون جذي لانهم يدرون بالعرب انهم بيبخونهم بالفلوس

مره في لندن عطونا غرفه ثالثه ببلاش في فندق الماريوت

الدنيا مصالح ياحبيبتي

بس لاتلجئين لهالحل الا اخر شي اذا صكت الحلقه البطان

ههههههههه حلو ه حلوه امور البخشيش


حده ضايع بأمور الفنادق لكن مثل ماقالت أختى النورى بلندن وفيها بخشيش وياكثر مابخششت بلندن وسويسرا

لندن انا مارحتها ولاطبيتها ولا ابي اطبها

فديت سويسرا شعب + مناظر + اخلاق وكل شي

الله يسهل ^_^

المشاركة الأصلية كتبت بواسطة ابوو
http://www.arabtravelersforum.com/tr...8/#post4209048

ابي اقرب مصلي عيد من الهوليدي ان
و متي توقيت الصلاه !!


و كل عام وانتم بخير

والله ماعندي فكره عن أقرب مصلى لهوليدي ان بس حوالي 219 مصلى وجامع لصلاة عيد الفطر منتشرين في دولة قطر وان شاء الله يكون شي قريب منكم , و وقت صلاة العيد هو 5,35 صباحاً , والله يتقبل منا ومنكم صالح الأعمال ويجعل خير أعمالنا خواتيمها .

وعيد عليكم مبارك .

طيب في ابي مساجد منطقه المنتزه اللي تقام فيها صلاه العيد ؟