الموضوع: مطعم شبستان الايراني الله لا يهينكم

السلام عليكم و رحمة الله و بركاته

باذن الله بعد كم يوم رايح لدولة قطر الشقيقة و هذي ان شاء الله زيارتي الثانية لهذا البلد الشقيق و الصراحة ما ادل فيها اماكن كثيرة اللي ادله تقريبا الاسباير زون و مجمع التنس و المتحف الاسلامي و الكورنيش و انا ابغى اوصل لمطعم شبستان الايراني في منطقة السد و قالوا لي قريب من الرويال بلازا و في شارع السد التجاري لكن مثل ما شرحت لكم مادل الا الاماكن اللي ذكرتها .

فلو تكرمتوا ممكن توصفون لي الطريق من اي من الاماكن اللي ذكرتها لكم ؟

و الله يعطيكم العافية و شكرا على المساعدة مقدما

مواضيع عشوائيه ممكن تكون تعجبك اخترناها لك:

• عملة الفندق والاسواق
• القطرية تدرس جدياً شراء شركة طيران أولمبيك اليونانية
• استفسار
• تأجير السيارات في قطر ؟؟
• سؤالي عن الخطوط القطريه
• وصلنا دوحة العز
• افيدوني بمطعم عنده بوفيه اليوم على الغدا
• تعرفون شقق فندقيه نظيفه وسعرها حلو
• استفسار عن اماكن تاجير السيارات خارج مطار الدوحه
• فودافون تبدأ إجراءات التأسيس في قطر
• فندق قريب من ملعب الغرافه ؟؟
• ابحث عن شقق مفروشة
• غداي بالموفمبيك
• بخصوص شريحه الجوال في قطر و التجوال
• ســـــــــــــــاعدوني يا اهل قطر
• كيف اسعار السمك في قطر
• عاجل اكوا بارك قطر
• شوقنآ لكم يا قطر
• الرجاء من الكل الدخول لضرورة الرأي الخبراء والاعضاء محتار
• يوم ترانزيت

مطعم شبسان الله يسلمك في شارع السد اسئل عن محل العاب تويز ار اس هو يكون تقريبا مجابل تويز ار اس اسئل عنه وانشالله راح تحصله

يا مرحبا بك ياخوي وتنور الدوحة بكبرها

شوف الخريطة على الرابط:

http://www.4shared.com/photo/Eeqxv9yq/shabestan.html


بابدأ معاك من اسباير زون... امش بالسيارة على طريق الوعب جهة الشرق

كأنك رايح السد (أسباير زون صاير على يدك اليسار)

بتواجه 4 إشارات ضوئية (استاد خليفة + ما أذكر اسمها + الوعب + السد)

عند الإشارة الرابعة (إشارات السد) خذ يمين

بتواجه إشارة صغيرة كمل طريقك سيدة

بعد تقريباً 500 متر بتحصل مطعم شبستان على يدك اليمين.. بس انتبه حتى تدخل شارع الخدمات الموصل له

(للتأكيد، المطعم يقابله في الجهة الأخرى رويال بلازا والسد بلازا)


والله الموفق

مشكورين اخواني و ما قصرتوا

اخوي بو فهد الله يعطيك الغافية و رحم الله والديك

اللي فهمت منك اني و انا جاي من السعودية للدوحة بيكون الاسباير زون على يساري اكمل سيده عند الاشارة الرابعة الف يمين و اطلع سيده 500 متر ؟

مشكور و ما قصرت اخوي

والدينا ووالديك ويعافيك.. تامر طال عمرك..
للعلم.. وانت جاي من السعودية مابتوصل إلى اسباير زون مباشرةً مثل ما نت ذكرت

في هالحالة اتبع الآتي:

(1)
وانت جاي من السعودية أول دوار بتواجهه في الدوحة اسمه (دوار عين خالد) كمل سيدة

(2)
بعد ذلك بتواجه دوار ثاني مادري ايش مسماه الرسمي بس أحياناً
نسميه (دوار العزيزية أو دوار محطة بترول الجزيرة) خذه يسار

(3)
بتوصل بإذن الله إشارات استاد خليفة وتاخذ يمين عشان تكمل باقي طريقك إلى شبستان كما في الخريطة

والله يحييك

بوفهد80







المشاركة الأصلية كتبت بواسطة loyal to you
http://www.arabtravelersforum.com/tr...8/#post4089449

مشكورين اخواني و ما قصرتوا
اخوي بو فهد الله يعطيك الغافية و رحم الله والديك
اللي فهمت منك اني و انا جاي من السعودية للدوحة بيكون الاسباير زون على يساري اكمل سيده عند الاشارة الرابعة الف يمين و اطلع سيده 500 متر ؟

مشكور و ما قصرت اخوي

يعافيك ويجزيك خير

وتنور الدوحة بإطلالتك الحلوة

بوفهد80