علوان باشا$
ربنا يخليك ياباشا قرأت ردك لزوجي وانبسطنا وحسينا إننا حنجرب حاجة جديدة في الصيفية دي بإذن الله بسبب ردك

وفعلاً نحن بنحاول نتعرف على أماكن جديدة من باب التغيير والحمد لله بعد فضل الله المنتدى هنا خلى زيارتنا السنوية لمصر متعة بعد ماعرفنا على أماكن جديدة
رحنا شرم الشيخ والغردقة والجونة ومرسى مطروح والساحل الشمالي والعين السخنة وصرنا نستنى الإجازة علشان نروح مكان جديد

والمرة دي أنت اعطيتنا مكان جديد وحمستنا له

بس مش عايزين نخاطر ومعانا حماتي واخت زوجي وأخوه واولادهم حنستنى لما يرجعوا ونحن حنطول بإذن الله ونروح زيارة لكفر الشيخ

بس عايزة اسألك اسئلة لو سمحت:

سعر القطر التذكرة بتقول 7 جنيه.....ليه كده السعر رخيص لايكون تقصد القطر الشعبي؟ أتمنى توضح أكثر لو تكرمت وإذا ممكن نستعمل القطر الحديث

وكمان فندق النرجس عايزاك لو تكرمت توضح لي عنه وتعطيني فكرة
وفين ممكن نقضي اليومين في كفر الشيخ يعني المزارع وسط الفندق والا إزاي مش فاهمة



ومنتجع بلطيم كيف الشقق إللى على البحر ؟ يعني زي مرسى مطروح كده وإلا إيه بالضبط
يعني غرف نظيفة وفرش نظيف وفيها مطاعم وخدمة فندقية وكذا والا إزاي

معلش استحمل اسئلتي لأني عايزة أخذ فكرة كاملة لأنك دخلتها في مخي وعايزة بإذن الله أروح لها وأعمل لكم أحلى تقرير

بس كل سنة يكون التخطيط للتماشي مسئوليتي وأخاف ان المكان مايعجب زوجي علشان كده عايزة أخذ فكرة كاملة علشان أقرر
لاني بحب الخضرة والطبيعة

ألف ألف شكر وربنا يرزقك الجنة بغير حساب ويحقق أمانيك بالخير ياااارب على ردك الواضح والجميل واللي اسعدني جدا لأني عرفت مكان جديد في أرض الكنانة.[/color]




-------------------


مساء الفل


بصوا ياحبايب الباشا

القطر الي ب7 جنيه

مافيش فرق بينه وبين الفرنسي والانجليزي

فعلا مافيش فرق

بالعكس العادي لما طلعنا فيه كان شبه فاضي+الباب مفتوح فكنت باصور الرحلة وانا واقف عالباب والهوا يرد الروح

الفرق بس التلبيسة بتاعت الراس دول مش حاطين تلبيسة

ومش حانسى الهوا الي يسوا مية جنيه

من المزارع طبيعي

وعلى فكرة القطر بيوصل لغاية كفر الشيخ والفرنسي كمان

لوعاوزين مباشر

فاطلعوا لحتة جميلة اسمها الدراسة في القاهرة موقف الباصات الي تطلع كفر الشيخ وبلطيم


قريب على وكالة البلح

وبالباص سوبر جت مباشرة لغاية بلطيم ب17 جنية بس مكيف مش حتستطربوا بالجو

وعلى فكرة حينزلّك في بلطيم بجانب الفندق الي مش عارف اسمه

---

اما مستوى الفنادق

فهي مش فنادق فنادق لا دا النضام هناك نضام شقق مفروشة


فيه النظيف وفيه القديم

بس النضيف نضام شقق مفروشة

يعني زي فندق 3 نجوم


لان الشبابيك كلها مفتوحة عالبحر الي يرد الروح واول مرة افهم كلمة يرد الروح في بلطيم

وفي الليل فيه عريشة امام الغرفة (بلكونة) بس كبيرة مطلة عالبحر

وعشان القعدة دي

انا بقيت اسبوع كامل بين الجلسة الحلوة دي والبحر سحر سحر


اتعب وانا باؤول سحر


بس هاه

خلي بالك ان انتي مش في فندق شيراتون ولا هيلتون

انتي جايه تاخدي اسبوع طبيعي في الطبيعة


اما فندق النرجس فهو تحفة زي ايام البشوات

دا وسط كفر الشيخ

وهو فندق تبع المدينة الرياضية لكفر الشيخ

يعني محترم

لو حتروحوا للمزارع لازم تكس لان الفندق مش وسط الريف

بالتكس تاخدوا لفة وتقعدوا في المزارع وييجي ياخدكم لو خلصتو


ولا سيبوه قريب منكم




اما تروحوا فين فهية ريف مافيش مكان سياحي مخصص

ودي حاجة جميلة فعلا لو انتي فاهمة الروقان في الغيط صباحا والعصافير والشجر القديم الكبير

حاقة حاقة ماتتوصفش

للي عاوز الطبيعة

والجمال
-----------------

اما موضوع مرسي مطروح فأكيد لا ايوه لا

نضام بلطيم مافيش فنادق هيلتون ولا اي فندق شقق مفروشة فقط

ولافيش مطاعم اجنبية كلوا بلدي الكباب والمشاوي والبيتزا والرز والسندوشتات

دا حتى المسجد جوا السينما

هاه

مش عاوزك تفتكريها

زي الفنادق الفخمة وخدمة توصيل

لا لالا
دي كانك مصرية وراقعة بلدك الساحر ببحره بنسمته بطبيعته بدون نصب على السياح

كلو طبيعي في طبيعي

الحاجة الي انا متأكد منها



انك مش حتنسيها لما تروحوا

لو لو

مستوى السكن لا يمكن يكون اقل من فندق خمس نجوم

فالباشا يأسف ان المكان مش حيناسب

مع انه نضيف بس حركات الخمس نجوم انتم عارفينها

فمافيش هناك






الباشا يتمنى يكون خدم حبايبه

مواضيع عشوائيه ممكن تكون تعجبك اخترناها لك: